ကာဂီးလ်စစ်ပွဲ (၁၉၉၉) အပိုင်း(၄)

၁၅။ ၁၉၉၉ ကာဂီးလ်စစ်ပွဲဖြစ်ပွားခြင်း။

၁၉၉၉ ခုနှစ် ဧပြီလလယ်ပိုင်းမှစ၍ အရှေ့မြောက် ဂူရက်ဇ် ဒေသမှ ပါကစ္စတန်ထောက်ခံအားပေးသည့် မွတ်စလင် ခွဲထွက်ရေး ပြောက်ကျားများသည် ကာဂီးလ်ဒေသတောင်ကုန်းများသို့ စတင်စိမ့်ဝင်လာခဲ့ကြပါသည်။ ၎င်းင်းပြောက်ကျားများ ထိုးဖောက်ရာဒေသသည် နှစ်နိုင်ငံထိန်းချုပ်ရေးမျဉ်းဖြတ်သန်းသွားရာ တောင်မြင့်ပိုင်းဒေသဖြစ်၍ လူသူမရှိခြင်း၊ အိန္ဒိယတပ်များလည်း တပ်စွဲထားခြင်းမရှိသော နယ်မြေဖြစ်ပါသည်။ ကက်ရ်ှမီးယားချိုင့်ဝှမ်းရှိ စစ်သွေးကြများကို ပြင်ပမှထောက်ပံ့ကူညီ ခြင်းဖြင့် အရေးအခင်းကို ပိုမိုဆိုးရွားစေခဲ့ပြီး လွတ်လပ်ရေးတိုက်ပွဲများအဖြစ် အိန္ဒိယပိုင်နက် ကက်ရ်ှမီးယား ပိုင်နက်နယ်မြေကဲ့သို့ ဖြတ်ကျော်ဝင်ရောက်ခြင်းဖြင့် အိန္ဒိယ၏ကက်ရ်ှမီးယားဒေသသို့ စစ်သွေးကြများ မ၀င်ရောက်ရေး တားဆီးဟန့်တားဆောင်ရွက်ရာတွင် ၁၉၉၉ ခုနှစ် မေလတွင် ကက်ရ်ှမီးယား တောင်ကြားဒေသသို့ ကာဂီးလ်တောင်ကုန်းမှတစ်ဆင့် ပါကစ္စတန်ထောက်ခံအားပေးသည့် မွတ်ဆလင်ခွဲထွက်ရေးပြောက်ကျားများ စိမ့်ဝင်ထိုးဖောက်မှုအပေါ် အိန္ဒိယတို့က စွပ်စွဲချက်များ ဖြစ်ပေါ်ခဲ့ရာမှ အိန္ဒိယတို့ကဗုံးကြဲတိုက်ခိုက်ခြင်းဖြင့် စတင်ပေါ်ပေါက်လာခဲ့သော စစ်ပွဲဖြစ်ပါသည်။

တိုက်ပွဲ/စစ်ပွဲအတွက်နှစ်ဘက်စစ်ပြင်ဆင်မှု

၁၆။ ပါကစ္စတန်ဘက်မှ စစ်ပြင်ဆင်မှုအခြေအနေ။ ၁၉၉၈-၁၉၉၉ ခုနှစ် ဆောင်းရာသီ အတွင်း ပါကစ္စတန်စစ်တပ်သည် ပါကစ္စတန်တပ်ဖွဲ့များနှင့် ပြည်သူ့စစ်တပ်ဖွဲ့များကို လျှို့ဝှက်စွာလေ့ကျင့် ပေးခဲ့ပြီး ထိန်းချုပ်ရေးမျဉ်း၏ အိန္ဒိဘက်ခြမ်းနယ်မြေအတွင်းသို့ စေလွှတ်ခဲ့သည်။ ၎င်းင်းစိမ့်ဝင်ထိုးဖောက် ၀င်ရောက်မှုကို ““စစ်ဆင်ရေးဘာဒါ ””ဟု လျှို့ဝှက်အမည်ပေးခဲ့ပြီး ၎င်း၏ရည်ရွယ်ချက်မှာ ကက်ရ်ှမီးယားနှင့်လာဒက်ကြား ဆက်သွယ်မှုကို ထိန်းချုပ်ရန်၊ အိန္ဒိယတပ်ဖွဲ့များ ကှိုငခေ့နည ရေခဲတောင်မှ ဆုတ်ခွာမှုဖြစ်စေရန်၊ ဤသို့အားဖြင့် အိန္ဒိယအား ကက်ရ်ှမီးယားအငြင်းပွားမှု နှင့် ပတ်သက်၍ ကျယ်ကျယ်ပြန့်ပြန့် စေ့စပ်ဆွေးနွေး လာစေရေးအတွက် ဖိအားပေးရန်တို့ ဖြစ်သည်။

၁၇။ ဆောင်းရာသီကာလအတွင်း ဆီးနှင်းများဖုံးအုပ်နေသော တောင်ထူထပ်သည့် ကက်ရ်ှမီးယားဒေသ၏ အလွန်အေးခဲမှုကြောင့် ထိန်းချုပ်ရေးမျဉ်းမှ သက်ဆိုင်ရာဘက်များရှိ ရှေ့တန်း စခန်းအချို့မှ ခေတ္တစွန့်ခွာခြင်းနှင့် နယ်မြေကင်းလှည့်ခြင်းလျှော့ချမှုတို့မှာ အိန္ဒိယနှင့် ပါကစ္စတန်နှစ်ဘက် တပ်ဖွဲ့များ ပြုလုပ်လေ့ရှိသည့် အချက်တစ်ခု ဖြစ်သည်။ ၎င်းကို အခွင့်ကောင်းယူ၍ ပါကစ္စတန်ဘက်မှ စိမ့်ဝင်မှုပြုလုပ်ခြင်းဖြစ်နိုင်သည်။ ရာသီဥတုအခြေအနေဆိုးဝါးမှု လျော့သည့်အခါ ရှေ့တန်းစခန်းများပြန်လည်နေရာယူကာ ကင်းလှည့်ခြင်းပြန်လည်ဆောင်ရွက်ကြလေ့ရှိသည်။

၁၈။ ၁၉၉၉ ခုနှစ် ဖေဖော်ဝါရီလအတွင်း ပါကစ္စတန်တပ်ဖွဲ့များသည် ကာဂီးလ်ဒေသရှိ ထိန်းချုပ်ရေးမျဉ်း၏ ၎င်းင်းတို့စွန့်ခွာခဲ့သောစခန်းများသို့ ပြန်လည်နေရာယူမှုစတင်ခဲ့သည်။ ထို့ပြင် ထိန်းချုပ်ရေးမျဉ်းမှ အိန္ဒိယဘက်ရှိ စခန်းများသို့လည်း ၀င်ရောက်နေရာယူရန် တပ်ဖွဲ့များကိုလည်း စေလွှတ်ခဲ့သည်။ အထူးတာဝန်အုပ်စုများမှ တပ်ဖွဲ့များနှင့်မြောက်ပိုင်းခြေမြန်တပ်မ၏တပ်ရင်း ၇ ရင်းတို့ သည် အိန္ဒိယမှထိန်းချုပ်ထားသည့်ဒေသ တောင်ကြောပေါ် အချက်အချာနေရာများ၌ စခန်းများကို လျှို့ဝှက်စွာဖွဲ့စည်းခြေကုပ်ယူခဲ့ကြသည်။ ၎င်းင်းပါကစ္စတန်တပ်ဖွဲ့များကို ကက်ရ်ှမီးယားပြောက်ကျား များနှင့် အာဖဂန်ကြေးစားတပ်များက အထောက်အကူပြုခဲ့ကြသည်။

၁၉။ ပါကစ္စတန်တပ်ဖွဲ့သည် Muskosh တောင်ကြားDrass ရှိ Marpola တောင်ကြော တစ်လျှောက် ကာဂီးလ်အနီးရှိKaskar Indus မြစ်အရှေ့ဘက်ရှိBatalik အပိုင်း ထိန်းချုပ်ရေး မျဉ်းမြောက်ဘက်သို့ ဦးတည်သွားသည့် Chorbatala တောင်ကုန်းများSaichen ဧရိယာတောင်ဘက်ရွှိTurtuk အပိုင်းများသို့ ကျူးကျော်ခြေကုပ်ယူခဲ့ကြသည်။

၂၀။ အိန္ဒိယတပ်များက စိမ့်ဝင်ကျူးကျော်မှုများကို ရှာဖွေတွေ့ရှိခြင်း။ အောက်ဖော်ပြပါ အတိုင်းဖြစ်ပါသည်-
(က) မူလအစပိုင်းတွင် ၎င်းင်းစိမ့်ဝင်ကျူးကျော်မှုများကို အောက်ပါအကြောင်း အချက်များကြောင့် ရှာဖွေ တွေ့ရှိခြင်းမရှိခဲ့ပါ-
(၁) အိန္ဒိယကင်းလှည့်တပ်ဖွဲ့များကို ပါကစ္စတန်တပ်ဖွဲ့များ ကျူးကျော် ၀င်ရောက်လာသည့် နေရာ အချို့သို့ စေလွှတ်မှုမရှိခဲ့ခြင်း။
(၂) ကျူးကျော်ဝင်ရောက်သူများအတွက် အကာအကွယ်ပေးရန် ပါကစ္စတန်ဘက်မှ အမြောက်များ ဖြင့် ပြင်းထန်စွာ ပစ်ခတ်ခဲ့ခြင်း။
(ခ) မေလဒုတိယပတ်အတွင်းတွင်Batalik အပိုင်း၌ သိုးကျောင်းသားတစ်ဦး၏လမ်းပြ သတင်းပေးမှုဖြင့် သွားရောက်ခဲ့သည့် Captain Surabuk Kachalia ခေါင်းဆောင်သည့် အိန္ဒိယကင်းလှည့် တပ်ဖွဲ့ကိုခြုံခိုတိုက်ခိုက်ခံရခြင်းက ကျူးကျော်ဝင်ရောက်မှုများကို ရှာဖွေတွေ့ရှိသွားစေပါသည်။
(ဂ) ပထမတွင် ကျူးကျော်မှုသဘာဝ၊ ပမာဏတို့နှင့်ပတ်သက်၍ အနည်းငယ်သာ သိရှိခဲ့ကြ သောကြောင့် ၎င်းင်းဧရိယာရှိ အိန္ဒိယတပ်ဖွဲ့များက ကျူးကျော်သူများ သည် ဘာသာရေးတိုက်ပွဲဝင်သူJihadများဟု ထင်မြင်ခဲ့ပြီး၎င်းတို့ကို ရက်အနည်းငယ်အတွင်း တိုက်ထုတ်နိုင်မည်ဟု ယူဆခဲ့ကြသည်။
(ဃ) ထိန်းချုပ်ရေးမျဉ်းတစ်လျှောက် အခြားနေရာတွင် ကျူးကျော်ဝင်ရောက်မှု ရှာဖွေတွေ့ရှိခြင်းနှင့် ကျူးကျော်သူများ စစ်နည်းဗျူဟာအသုံးပြုမှုတို့က တိုက်ခိုက်မှုစီမံချက်ကြီးမားကြောင်း အိန္ဒိယ စစ်တပ်ကို သိမြင်လာစေသည်။
(င) ကျူးကျော်သူတို့ ခြေကုပ်ယူခဲ့သော စုစုပေါင်းဧရိယာမှာ ယေဘုယျအားဖြင့် ၁၃၀ စတုရန်း ကီလိုမီတာ နှင့် ၂၀၀ စတုရန်းကီလိုမီတာအကြား ရှိခဲ့သည်။

၂၁။ အိန္ဒိယဘက်မှ တုံ့ပြန်ဆောင်ရွက်မှု။ အိန္ဒိယအစိုးရသည် တပ်ဖွဲ့ဝင် ၂၀၀ယ၀၀၀ ပါဝင်သည့် စစ်ဆင်ရေး ဗီဂျေးဖြင့် တုံ့ပြန်ဆောင်ရွက်ခဲ့သည်။ သို့သော် သဘာဝမြေအခြေအနေကြောင့် တပ်မနှင့် တပ်မကြီးအဆင့် စစ်ဆင်ရေးများ ဆောင်ရွက်နိုင်ခြင်းမရှိဘဲ တပ်မဟာ (သို့မဟုတ်) တပ်ရင်းအဆင့် တိုက်ခိုက်မှုများသာ ပြုလုပ်နိုင်ခဲ့ကြသည်။ အမှန်စင်စစ် တပ်ဖွဲ့ဝင် ၂၀ယ၀၀၀ ပါရှိသည့် အိန္ဒိယ ကြည်းတပ်၏ တပ်မ ၂ ခု၊ အိန္ဒိယစစ်တပ်ကိုအထာက်အကူပြုသည့် ထောင်ပေါင်းများစွာသော လက်နက်ကိုင်တပ်ဖွဲ့ဝင်များနှင့် လေတပ်တို့ကို ပဋိပက္ခဇုန်၌ ဖြန့်ချထားခဲ့သည်။

၂၂။ အိန္ဒိယလေတပ်သည် ကြည်းတပ်ဖွဲ့များ၏ စစ်ဆင်ရေးကိုအထောက်အကူအဖြစ် စစ်ဆင်ရေှးေ်နှိေါမေ ကို ဆင်နွှဲခဲ့သည်။ သို့သော် စစ်ပွဲအတွင်း ၎င်းင်း၏ထိရောက်မှုကို မြင့်မားသော တောင်တန်းများနှင့် ရာသီဥတု အခြေအနေများက ကန့်သတ်မှုရှိခဲ့သည်။ တစ်နည်းအားဖြင့် ၎င်းင်းတို့ အသုံးပြုနိုင်သည့် လေယာဉ်ကွင်းအရေအတွက်နှင့် ဗုံးကြဲချနိုင်မှုတို့အပေါ် ကန့်သတ်ချက်ရှိခဲ့သည်။

၂၃။ အိန္ဒိယရေတပ်သည်လည်း ထောက်ပံ့ရေးလမ်းကြောင်းများကိုဖြတ်တောက်ရန် ပါကစ္စတန်ဆိပ်ကမ်းများ (အဓိကအားဖြင့် ကရာချိဆိပ်ကမ်း)ကို ပိတ်ဆို့ရန်ပြင်ဆင်ခဲ့သည်။ နောက်ပိုင်း တွင် ထိုအချိန်က ပါကစ္စတန်ဝန်ကြီးချုပ် နာဝပ်ဇ်ရှာရစ်ဖ်က စစ်ပွဲကြီးဖြစ်ပွားပါက ပါကစ္စတန် ၌ လောင်စာဆီ ၆ ရက်စာသာကျန်ရှိတော့ကြောင်း ပြောကြားခဲ့သည်။

နှစ်ဘက်စစ်အင်အားနှိုင်းယှဉ်ချက်

၂၄။ ပါကစ္စတန်ဘက်၏ စစ်အင်အား။ အောက်ဖော်ပြပါအတိုင်းဖြစ်ပါသည်-
(က) ကာကွယ်ရေးအသုံးစရိတ် (၁၉၉၆ ခုနှစ်)။ အမေရိကန်ဒေါ်လာ ၃.၇ ဘီလီယံ။
(ခ) ကြည်းတပ်
(၁) အင်အား။ ၅၂၀၀၀၀ ဦး။
(၂) တင့်ကား။ ၂၁၂၀ စီး။
(၃) ယာဉ်ဆွဲအမြောက်။ ၁၅၉၀ လက်။
(ဂ) ရေတပ်
(၁) အင်အား။ ၂၂၀၀၀ ဦး။
(၂) ရေငုပ်သင်္ဘော။ ၉ စီး။
(၃) ဖျက်သင်္ဘော။ ၃ စီး။
(၄) ဖရီးဂိတ်စစ်ရေယာဉ်။ ၈ စီး။
(ဃ) လေတပ်
(၁) အင်အား။ ၄၅၀၀၀ ဦး။
(၂) တိုက်လေယာဉ်။ ၄၂၉ စီး။(၃) ရဟတ်ယာဉ်။ ၂၀ စီး။

၂၅။ အိန္ဒိယဘက်၏ စစ်အင်အား။ အောက်ဖော်ပြပါအတိုင်းဖြစ်ပါသည်-

(က) ကာကွယ်ရေးအသုံးစရိတ် (၁၉၉၆ ခုနှစ်)။ အမေရိကန်ဒေါ်လာ ၁၀.၄ ဘီလီယံ။
(ခ) ကြည်းတပ်
(၁) အင်အား။ ၉၈၀၀၀၀ ဦး။
(၂) တင့်ကား။ ၃၃၁၄ စီး။
(၃) ယာဉ်ဆွဲအမြောက်။ ၄၁၇၅ လက်။
(ဂ ) ရေတပ်
(၁) အင်အား။ ၅၅၀၀၀ ဦး။
(၂) ရေငုပ်သင်္ဘော။ ၁၇ စီး။
(၃) ဖျက်သင်္ဘော။ ၆ စီး။
(၄) ဖရီးဂိတ်စစ်ရေယာဉ်။ ၁၈ စီး။
(ဃ) လေတပ်
(၁) အင်အား။ ၁၁၀၀၀၀ ဦး။
(၂) တိုက်လေယာဉ်။ ၇၇၇ စီး။
(၃) ရဟတ်ယာဉ်။ ၃၄ စီး။

၂၆။ နှစ်ဘက်တိုက်ပွဲဝင် စစ်အင်အားနှိုင်းယှဉ်ချက်။ အောက်ဖော်ပြပါအတိုင်းဖြစ်ပါသည်-

(က) ပါကစ္စတန်ဘက်မှ တိုက်ပွဲဝင်စစ်အင်အား။ ကျူးကျော်သူအင်အားမှာ အုပ်ချုပ်ထောက်ပံ့မှု ဆောင်ရွက်သည့် တပ်ဖွဲ့များအပါအ၀င် ၅၀၀၀ ခန့်ရှိခဲ့သည်။ ၎င်းင်းအရေအတွက်တွင် အမြောက်ပစ်ကူ ပေးခဲ့သည့် ပါကစ္စတန်ကထိန်းချုပ်သည့် ကက်ရ်ှမီးယားမှ တပ်ဖွဲ့များပါ ပါဝင်သည်။
(ခ) အိန္ဒိယဘက်မှ တိုက်ပွဲဝင်စစ်အင်အား။ တပ်ဖွဲ့ဝင် ၂၀၀၀၀ ပါရှိသည့် အိန္ဒိယကြည်းတပ်၏ တပ်မ ၂ ခု၊ အိန္ဒိယစစ်တပ်ကိုအထာက်အကူပြုသည့် ထောင်ပေါင်းများစွာသော လက်နက်ကိုင် တပ်ဖွဲ့ဝင်များ၊ စုစုပေါင်းတပ်ဖွဲ့ဝင် ၃၀၀၀၀ နှင့် လေတပ်တို့ကို ပဋိပက္ခဇုန်၌ ဖြန့်ချထားခဲ့သည်။

၂၇။ နှစ်ဘက်လက်နက် (စက်သေနတ်၊ စိန်ပြောင်း၊ ဒုံးပစ်လောင်ချာ၊ ဒုံးပျံ၊ အမြောက်၊ ရဟတ်ယာဉ်၊ တိုက်လေယာဉ်) အမျိုးအစားနှိုင်းယှဉ်ချက်

(က) ပါကစ္စတန်ကျူးကျော်သူများဘက် လက်နက်အမျိုးအစားများ
(၁) စက်သေနတ် ။
(၂) ဟောင်ဝစ်ဇာအမြောက်။
(၃) စိန်ပြောင်း ။
(၄) မြေပြင်မှ ဝေဟင်ပစ်ဒုံးပျံ ။
(ခ) အိန္ဒိယဘက်လက်နက်အမျိုးအစားများ
(၁) စိန်ပြောင်း ။
(၂) ဒုံးပစ်လောင်ချာ ။
(၃) ဟောင်ဝစ်ဇာအမြောuf။
(၄) ရဟတ်ယာဉ်များ
(၅) တိုက်လေယာဉ်များ

အုပ်ချုပ်မှုနှင့်ထောက်ပံ့ပို့ဆောင်ရေးအခြေအနေ

၂၈။ ကက်ရ်ှမီးယားပဋိပက္ခတွင်အိန္ဒိယနှင့်ပါကစ္စတန်တို့သည် ငွေကြေး အလွန်အမင်း သုံးစွဲကာ စစ်မက်ယှဉ်ပြိုင်တိုက်ခိုက်ခဲ့ကြသည်။ နောက်ဆုံးတွင် ကက်ရ်ှမီးယား ပြဿနာပြေလည် သွားသည့်တိုင်အောင် နှစ်နိုင်ငံစလုံးသည် ၎င်းင်းတို့၏နယ်စပ်ဒေသကို ကင်းလှည့် စောင့်ကြပ်ရန်နှင့် ပိုင်နက်နယ်မြေအငြင်းပွားမှု မဖြစ်ပွားစေရေး ကာကွယ်ထိန်းသိမ်းရန်အတွက် နှစ်စဉ်အမေရိကန် ဒေါ်လာ ၁ ဘီလီယံခန့်စီကို သုံးစွဲကြရမည်ဖြစ်သည်။ စစ်ပွဲပြီးဆုံးသွားပြီးနောက် ပါကစ္စတန်နိုင်ငံသည် နိုင်ငံတကာငွေကြေးရံပုံငွေအဖွဲ့မှ ဒေါ်လာ သန်း ၁၀၀ ချေးငှါးခွင့်ရမည်ဖြစ်သည်။ ထို့အပြင်လေ့လာ သူများ၏ ခန့်မှန်းချက်အရ ၁၉၉၉ ခုသြဂုတ်လတွင် ဥရောပ ငွေချေးစာချုပ်တန်ဖိုး အမေရိကန်ဒေါ်လာ သန်း ၇၅၀ အပါအ၀င် ပြည်ပကြေးမြီဒေါ်လာဘီလီယံ ၄၀ ခန့် ရှိနေမည်ဟု ခန့်မှန်းခဲ့ကြပြီး နိုင်ငံတွင်အကြွေးပင်လယ်ဝေလျက်ရှိသည့် အခြေအနေဖြစ်သည်။ ထို့အတူ အိန္ဒိယနိုင်ငံသည်လည်း ကာကွယ်ရေးအတွက်နယ်စပ်ဒေသတွင် တပ်များအလွန်အမင်းဖြန့်ကျက်ချထားမှုကြောင့် နိုင်ငံ၏ ဘတ်ဂျက်လိုငွေပြမှု မြင့်တက်စေရန်တွန်းအားပေးသကဲ့သို့ ဖြစ်နေခဲ့သည်။ ထိုစဉ်က အိန္ဒိယ၏ ကာကွယ်ရေးအသုံးစရိတ်သည် ပြည်တွင်းအသားတင် ထုတ်လုပ်မှု၏ ၂.၃% ရှိပြီး၊ နိုင်ငံကာကွယ်ရေး အခြေအနေအရ ၃% အထိ သုံးစွဲရန်လိုအပ်ပြီး ၁၉၉၉ ခုနှစ် ကာကွယ်ရေး ဘတ်ဂျက်သည် ၁၁% ထိ မြင့်တက်ကာ ခန့်မှန်းခြေဒေါ်လာ ၁၀ ဘီလီယံခန့်ရှိပါသည်။ ထို့အပြင် ၁၉၉၈-၁၉၉၉ ဘဏ္ဍာရေးနှစ် ဘတ်ဂျက်လိုငွေပြမှုသည် ၇% ထိ မြင့်တက်လာကာ အစိုးရက ခန့်မှန်းထားခဲ့သည့် ၅.၆% ထက်ပိုမိုခဲ့ကြောင်း သိရသည်။

(ဆက်ရန်)