အမျိုးသားပြန်လည်သင့်မြတ်ရေးအစိုးရ (သို့မဟုတ်)

အမျိုးသားပြန်လည်သင့်မြတ်ရေးအစိုးအရ (သို့မဟုတ်)

ပြည်ထောင်စုအကျပ်အတည်းမှ ထွက်ရပ်လမ်း

:ကျော်ဝင်း

ထိလွယ်ရှလွယ်၊ အကဲဆတ်

''ထိလွယ်၊ရှလွယ်သော အကဲဆတ်လှသည့် အနေအထား''

(fragile state) ဆိုသည်ကို ကမ္ဘာ့ဘဏ် အဖွဲ့ကြီးက အချင်းအရာလေးရပ်ဖြင့် သတ်မှတ်အဓိပ္ပာယ်ဖွင့်ထားပါသည်။ ဖွံ့ဖြိုးမှုအတွက် ကြီးမားနက်ရှိုင်းသော စိန်ခေါ်ချက်များရှိနေခြင်း၊ အင်စတီကျူးရှင်းဆိုင်ရာစွမ်းဆောင်ရည် အားနည်းလှခြင်း၊ အုပ်ချုပ်ရေးစနစ် အားပျော့ချည့်နဲ့ခြင်းနှင့် နိုင်ငံရေးမတည်ငြိမ်မှုတို့ဖြစ်ပါသည်။ အဆိုပါ အချင်းအရာ၊ လက္ခဏာလေးရပ်ကို ပစ္စက္ခမြန်မာ့နိုင်ငံရေးအခြေအနေတွင် ပီပီသသတွေ့ နေရသည်။ အထူးသဖြင့် နိုင်ငံရေး တည်ငြိမ် မှုမှာ၊၂၀၁၃ခုနှစ် နောက်ပိုင်းလများမှစ၍ တစ်စစယိုယွင်းလာပြီး၊ ယခု ၂၀၁၄ နှစ်လည် တွင် အဆိုးဆုံးအခြေအနေသို့ပင် ဦးတည်လာသည်ကို တွေ့ရသည်။

မြန်မာနိုင်ငံရေးတွင် သော့ချက်အကျဆုံးဟုဆိုင်နိုင်လောက်သော အင်အားစု အသီးသီး၏ လိုလားချက်နှင့် သဘောဆန္ဒများကို ကြည့်လိုက်လျှင်ပင်၊ပို၍ပို၍ တင်းမာ လာသည့် အနေအထားကို အလွယ်နှင့် ဆ၀ါးနိုင်စရာရှိလာသည်။ လက်ရှိ အာဏာရ ပါတီ USDP က အချိုးကျကိုယ်စားပြုစနစ် (PR စနစ်)ကို ကျင့်သုံးဖို့ ကြိုးပမ်း နေသည်။ အဓိက အတိုက်အခံပါတီNLDက၊ ပုဒ်မ ၅၉(စ)နှင့် ၄၃၆ ပြင်ဆင်ရေးကို ရပ်ခံထား သည်။ တပ်မတော်က အမျိုးသားနိုင်ငံရေးဦးဆောင်မှုအခန်းတွင် ၄င်းတို့၏ ပါဝင်မှုကို အဆော တလျှင် မဖယ်ရှားစေလို။ ဤစိုးရိမ်စိတ်ဖြင့်ပင် ပုဒ်မ ၄၃၆ ကို တင်းခံထား လိုဟန်ရှိသည်။ လူမျိုးစုလက်နက်ကိုင်တပ်ဖွဲ့များအပါအ၀င်၊ တိုင်းရင်းသားပါတီ များ က တင်းပြည့် ကျပ်ပြည့်ဖက်ဒရယ်ကိုတောင်းဆိုလျက်ရှိသည်။ အချို့အဖွဲ့များ က ဆိုလျှင် ဖက်ဒရယ် တပ်မတော်ထူထောင်ရေးအထိ အရေးဆိုနေကြသည်။ ဤသို့ လိုလားချက်ကိုယ်စီ၊ ဆန္ဒကိုယ်စီဖြစ်နေကြရာ၊ တည်ငြိမ်သော အပြောင်းအလဲ တစ်ရပ် အတွက် မရှိမဖြစ် လိုအပ်သော 'နိုင်ငံရေးပဋိဥာဉ်' (Political Pact) တစ်ရပ်မှာ ဝေးသထက် ဝေးလာ ရတော့ သည်။

သို့တစေ၊ ဆယ်စုများစွာ ရင်စီးခံခဲ့ရသော ပြည်သူလူထု၏ေ မျှာ်မှန်းချက်များ မှာကား အမြင့်ဆုံးသို့ရောက်ရှိနေချေပြီ။ အဆိုပါ မျှော်မှန်းချက်များကို ဖြည့်ဆည်းပေးနိုင် လောက်သည့် အလားအလာမှာလည်း မရှိသလောက် ပင်ဖြစ်နေရာ၊ လူအများစုကြီး၏ ကျိတ်မှတ်သည်းခံနိုင်စွမ်းမှာ၊ ပေါက်ကွဲလုလု အနေအထားသို့ ရောက်ရှိလာတော့သည်။ ထို့ထက် ဗူးလေးရာဖရုံဆင့်၊ မီးလောင်ရာလေပင့်သလိုရှိနေသည့် လူမျိုးရေး၊ ဘာသာရေး သဘောဆောင် လာသော အဓိကရုဏ်းများကလည်း ခပ်စိတ်စိတ်ထွက်ပေါ်လာနေသည်။ ဤသို့သော အရပ်ရပ်အခြေအနေမှာပင်၊ ရွေးကောက်ပွဲနှစ်ခု (၂၀၁၄ ကြားဖြတ် ရွေး ကောက်ပွဲနှင့် ၂၀၁၅ အထွေထွေရွေးကောက်ပွဲ)က နီးသထက်နီးလာရာ၊ နိုင်ငံရေး ပလေယါများ ကြား ယှဉ်ပြိုင်မှုမှာ၊ ပို၍ ပို၍ သည်းသန်ပြင်ထန်လာဖို့ရှိနေသည်၊ ဆိုရလျှင် ၂၀၁၅ ကို အသာထား၊ ၂၀၁၅ ရွေးကောက်ပွဲမတိုင်မီ ဘာဖြစ်မည်ဆိုသည်ကိုပင် တိတိပပ မမှန်းဆနိုင်ဖြစ်နေရတော့သည်။

အပေးအယူနှင့် ကြားအဖြေ

ဤသို့တပြီကား၊ ဆိုခဲ့ပါထိလွယ်ရှလွယ် အကဲဆက်လှသော ပစ္စက္ခ အခြေ အနေတွင်၊ ကတိမ်းကပါးဖြစ်သွားနိုင်စရာ အပြည့်ရှိနေသော မြန်မာ့ဒီမိုကရေစီရေး၏ ကံကြမ္မာကို မည်သို့ကယ်တင်ကြမည်နည်း။ လွတ်လပ်ရေးရပြီးကတည်းက၊ ပဋိပက္ခ သံသရာတွင် ကူးရင်းနစ်နေရသောပြည်ထောင်စုကြီးကို၊ လက်ရှိအကျပ်အတည်းမှ မည်သို့ ဆယ်တင်ကြမည်နည်း။ မြန်မာနိုင်ငံအပေါ် သဘောထားမှန်လိမ့်မည်ဟု ယူဆ ရသော၊ နိုင်ငံတကာပညာရှင်များ၏ အကြံဥာဏ်အချို့ကို အခြေခံကာ၊စာရေးသူ စဉ်းစား မိသမျှ၊ အဆိုပြုချက်တစ်ရပ်ကို တင်ပြလိုက်ပါသည်။

ပထမဆုံးမဖြစ်မနေ ဆောင်ရွက်ကြဖို့လိုသည်မှာ၊

ယခုအခါ 'ထိပ်တိုက်ရင်ဆိုင် ယှဉ်ပြိုင်နေကြသော' (confrontational competition) နိုင်ငံရေးအင်အားစုအချင်းချင်း၊ အကြေအလည်ညှိနှိုင်းပြီး၊'အပြုသဘောဆောင်သော ပူးပေါင်းလုပ် ဆောင်ယှဉ်ပြိုင်မှု' (constructive, cooperative competition) မျိုးဖြင့် ၂၀၁၅ ရွေးကောက်ပွဲကို ရင်ဆိုင် ကြဖို့ဖြစ်ပါသည်။ ဤအတွက် ယခုလောလော ဆယ်၊ မတူခြားနားသော လိုလား ချက်များ ကို ''ဈေးဆစ်တိုကင်'' (bargaining chip) အဖြစ် သဘောယူကာ'အပေးအယူ လုပ်ပြီး ကြားအဖြေ (bargain and compromise) ရှာကြ ဖို့ ဖြစ်ပါသည်။ ဆိုကြပါစို့

ယခုလို …

- NLD က ၊ USDP လိုလားသော PR စနစ်ကိုလက်ခံပြီး၊ USDP ကလည်း NLD လိုလားသော ပုဒ်မ ၅၉(စ)ကို ပြင်ပေးရန်

- လွတ်တော်တွင် တပ်မတော်ကိုယ်စားလှယ် ၂၅%ပါဝင်မှု၊ ၀န်ကြီး ဌာနသုံးခု ကို တပ်မတော်မှ တာဝန်ယူမှုနှင့် ယခင်အစိုးရလက်ထက်မှ ကိစ္စများကို အရေးမယူရ ဆိုသော ပုဒ်မများကို၊ အစောတလျှင်မတို့ထိပါဟု NLD ဘက်မှ အာမခံချက်ပေးလျှင်၊ တပ်မတော်မှလည်း ပုဒ်မ ၄၃၆ ကိုလျော့ပေါ့ပြင်ဆင်ပေးရန်၊

- လူမျိုးစုပါတီများ လိုလားသော၊ ပုဒ်မ ၉၆(ဇယား-၁)၊ ပုဒ်မ ၁၈၈ (ဇယား-၂)၊ ပုဒ်မ ၂၅၄ (ဇယား-၅)၊ ပုဒ်မ ၂၆၁(ခ)နှင့် သယံဇာတခွဲပေးရေးတို့ကို ညှိနှိုင်းပြင်ဆင်နိုင်လျှင်၊ လက်နက်ကိုင်တပ်ဖွဲ့များဘက်မှ တစ်ပြည်လုံး အပစ်အခတ် ရပ်စဲပြီး ကျန်ကွဲလွဲချက်များကို ၂၀၁၅ ခုနှစ် ရွေးကောက်ပွဲအပြီး တက်လာမည့် အစိုးရသစ်လက်ထက်မှ ဆက်လက် ဆွေးနွေးရန်…

ဤအချက်သုံးချက်ကိုသာ အတိအကျမဟုတ်လျှင်သော်မှ၊ရေဘုယျသဘော တူညီမှုရလျှင် ၂၀၁၅ ရွေးကောက်ပွဲကို ဆိုခဲ့ပါအပြုသဘောဆောင်သော ပူးပေါင်း
လုပ်ဆောင်ယှဉ်ပြိုင်မှု မျိုးဖြင့် ရင်ဆိုင်နိုင်ကြပါလိမ့်မည်။ တစ်ဆက်တည်း စဉ်းစား ဆုံးဖြတ်ကြရမည်မှာ၂၀၁၅ ရွေးကောက်ပွဲကို သော့ချက်အင်အားစုအားလုံး မရှုံးစေဘဲ၊ အားလုံး သူ့အတိုင်းအတာနှင့်သူအနိုင်ရစေရန် နည်းလမ်းရှာ ဖွေ ညှိနှိုင်းကြဖို့ဖြစ်ပါသည်။

ရှုံးသူမရှိ၊ အားလုံးအနိုင်

လွတ်လပ်ရေးရပြီးနောက်ပိုင်း မြန်မာနိုင်ငံတွင် ကြုံခဲ့ရသော နိုင်ငံရေးပဋိပက္ခ များကို ကြည့်လိုက်လျှင်၊ အရှုံးအနိုင်သဘောဆောင်သည်ကများပါသည်။နိုင်သူက ရှုံးသူအပေါ် ရက်ရက်စက်စက် နှိပ်ကွပ်သည်ကလည်းများသည်။ တောတွင်းဗကပ က ဖြုတ်၊ထုတ်၊ သတ် သလို၊ မြေပေါ်တွင်လည်း ဖြုတ်ရုံထုတ်ရုံမျှမက၊ နိုင်ငံရေးအရ အသေသတ်ကြ သည်သာဖြစ်သည်။ သည်တွင် နိုင်ငံရေးအင်အားစုများမှာ၊ အရှုံးကိုအသေ ကြောက်လာ ကြသလို၊ အနိုင်ရအောင်လည်း အသေအလဲ ကြိုးပမ်းကြတော့သည်။ ဒီမိုကရေစီ နိုင်ငံရေး စနစ်နှင့် ဘယ်လိုမှ စရွေး မကိုက်သော
ဤဓလေ့ဆိုးကြီးကို၊ အမြန်ဆုံး အဆုံး သတ်ကြဖို့ လိုပြီထင်ပါသည်။ ဤအထင် ဤအမြင်နှင့်ပင် ၂၀၁၅ ရွေးကောက်ပွဲတွင် ရှုံးသူမရှိဘဲ အားလုံး(သူ့အတိုင်း အတာနှင့်သူ) အနိုင်ရစေမည့် နည်းလမ်းကို ရှာဖွေကြည့်ပါမည်။

ဆိုခဲ့ပြီးသော အပြုသဘောဆောင်၊ ပူးပေါင်းလုပ်ဆောင်ယှဉ်ပြိုင်မှုမျိုးဖြင့် ရင်ဆိုင် ကြလျှင် ၂၀၁၅ ရွေးကောက်ပွဲမှာ အသေအခြာပင်၊ လွပ်လပ်ပြီး၊ တရားမျှတမှု
ရှိပါလိမ့် မည်။ အနိုင်ရပါတီ(NLD ဖြစ်စေ၊ USDP ဖြစ်စေ) က သူတို့စိတ်ကြိုက် သမ္မတကို ရွေးချယ်ခွင့်ရှိရပါမည်။ အရေးနိမ့်သွားသော ပါတီ(သို့မဟုတ်) ဒုတိယ မဲအများဆုံးရသည့် ပါတီကို လည်းဒုတိယသမ္မတ တစ်ဦးရွေးခွင့်ပေးရပါမည်။ နောက်ထပ် ဒုတိယသမ္မတတစ်ဦးကိုမူ တပ်မတော်မှ ရွေးချယ်ဖို့ဖြစ်သည်။

လက်ရှိဖွဲ့စည်းပုံ အခြေခံ ဥပဒေအရ၊ ဒုတိယသမ္မတ နှစ်ဦး သာရှိရာ နောက်ထပ် ဒုတိယသမ္မတတစ်နေရာ ဖန်တီး သင့်ပါသည်။ ဤနေရာကိုမူ လူမျိုးစုပါတီ များသို့ပေးရပါလိမ့်မည်။ လွှတ်တော်နှစ်ရပ်တွင်၊အောက်လွှတ်တော် (ပြည်သူ့ လွှတ်တော်)ဥက္ကဋ္ဌ တာဝန်ကို လူများစုဖြစ်သော 'ဗမာ'ကယူ၍၊ အထက် လွတ်တော် (အမျိုးသားလွှတ်တော်)ဥက္ကဋ္ဌ တာဝန်ကိုလူမျိုးစုတစ်ခုခုသို့ ပေးနိုင်လျှင် ပိုသင့်မြတ် ပါလိမ့်မည်။ အလားတူ၊ ၀န်ကြီး အဖွဲ့တွင်လည်း ပါတီ တော်တော် များများ ပါဝင်နိုင်အောင် တတ်နိုင်သမျှ စုစည်းပေးနိုင်ပါက၊ ပို၍ သဘောထားကြီးရာ ရောက်ပါလိမ့်မည်။ ဤသို့ဆိုလျှင် သော့ချက်ကျသော အင်အားစု အားလုံး
(USDP, NLD ၊ တပ်မတော်နှင့် လူမျိုးစုပါတီများ) ပါဝင်သည့်အစိုးရ၊ တစ်နည်း 'အမျိုးသားပြန်လည် သင့်မြတ်ရေးအစိုးရ' (National Reconciliation government) တွက်ပေါ် လာပါ လိမ့်မည်။

အဆိုပါ အမျိုးသားပြန်လည်သင့်မြတ်ရေးအစိုးရ၏ပထမဆုံးတာဝန်မှာ လူထု မျှော်လင့်ချက်များကို အတတ်နိုင်ဆုံးဖြည့်စွမ်းပေးဖို့ပင်ဖြစ်သည်။ဤသို့ ဖြည့်စွမ်း ပေးနိုင်သည်နှင့်အမျှ၊ လူထု၏ စိတ်ရှည်သည်းခံမှုမှာ ပိုမိုမြင့်မားလာပြီး၊တည်ငြိမ် အေးချမ်း သည့်နိုင်ငံရေးအခြေအနေတစ်ရပ်ကို တဖြည်းဖြည်းပုံဖော် လာနိုင်ပါ လိမ့်မည်။ ဤသို့သော တည်ငြိမ်အေးချမ်းသည့် နိုင်ငံရေး နောက်ခံထက်တွင်မှ၊ ကျန်ရှိနေသေးသော သဘောထားကွဲလွဲမှုများကို စိတ်ရှည်လက်ရှည်ညှိနှိုင်း အဖြေရှာကြဖို့ဖြစ်ပါသည်။ နောက်ဆုံး အများညီအဖြေမရမခြင်း၊ နောင်လာမည့် ရွေးကောက်ပွဲများအနေနှင့် ဤသို့သော အမျိုးသား ပြန်လည်သင့်မြတ်ရေး အစိုးရမျိုး ကိုသာ မွေးထုတ်ဖို့လိုပါလိမ့်မည်။ ဤနည်းဖြင့်သာလျှင် အများမျှော်လင့်တောင့်တ နေကြသောစစ်မှန်သည့် ဒီမိုကရေစီနိုင်ငံ တော်သစ်ကို ဦးတည်သွားနိုင်မည်ဖြစ်ပါ သတည်း။

ကျော်ဝင်း
၁၁ ဇူလိုင် ၂၀၁၄

စာညွန်း-

၁။ Few scenarios of Less and More Probable Developments in Burma.
(Igor Blazevic)

၂။ A Need for a Political Pact (L.Diamond)

၃။ Should I Worny about Fragility? (Markus Kostner)

၎။ Special Report (The Economist, 25th May, 2013)

Kyaw Win Facebook စာမျက်နှာမှ ကူးယူဖော်ပြသည်