Image may be NSFW.
Clik here to view.
Clik here to view.
လွန်ခဲ့တဲ့ တစ်ရက်နှစ်ရက်က ဦးသန်းရွှေရဲ့ တချို့အချက်တွေကို အားကျတဲ့ အကြောင်းလေးရေးမိ တော့ လူဆိုးတစ်ယောက်ကို ချီးမွမ်းရပါ့မလားဆိုပြီး ပြောသူကပြောကြတယ်။ ဒါကြောင့်လဲ ဒီစာရေးဖို့ အတွေး လေးပေါ်လာရတာပါ။
ကျွန်တော်တစ်ဦးတည်း အမြင်ကို ပြောရရင်တော့ လူတစ်ယောက်ဟာ အမြဲမဆိုးနိုင်ဘူးလို့ထင်တယ်။ အင်မတန်ဆိုးမိုက်တယ်ဆိုတဲ့ ဒေ၀ဒတ်ကြီးတောင် "ငါသည် မြတ်စွာဘုရားအား ပြစ်မှားခြင်းကြီးသောကြောင့် ဤမျှလောက်သော ဒုက္ခကိုခံရချေသည်၊ ကန်တော့မှသာလျှင် ထိုအပြစ်ကင်းတော့မည် "ဟု ကိုယ့်အမှား ကိုယ်သိလို့ ဆိုခဲ့သေးမဟုတ်ပါလား။
သာမန်ပုထုဇဉ်လူသားတွေအဖို့ အမြဲမဆိုးနိုင်ဘူးလို့ထင်ပါတယ်။ ဒါကြောင့်လဲ ဦးသန်းရွှေထဲက အားကျမိတဲ့ ရှေးအတိတ်ကံတွေ၊ လက်ရှိလုပ်ဆောင်မှုလေးတွေကို ရေးခဲ့တာပါ။ ပြီးတော့ ဦးသန်းရွှေဟာ လူတော်တစ်ယောက်လို့ ကျွန်တော်ဆိုချင်တယ်။
တကယ်တော်ခဲ့လို့လဲ ဒီနေရာရောက်ခဲ့တာပဲလေ။ သာမန်လူတစ်ဦးအနေနဲ့ ရောက်ဖို့မလွယ်ပါဘူး။ ဒါကြောင့်လဲ ခေါင်းဆောင်ဆိုတဲ့နေရာမှာ လူတိုင်းမဖြစ်နိုင်ကြတာပါ။
ဟုတ်ကဲ့ ကျွန်တော်က ဦးသန်းရွှေ တော်တယ်၊ ခေါင်းဆောင်လို့ ဆိုခဲ့ပါတယ်။ ဒီနေရာမှာ တစ်ခုလေး ချန်ထားပါတယ်။ အဲဒါက"ကောင်း "ဆိုတဲ့ စကားလုံးလေးပါ။ လူတော်တစ်ယောက်ပါ သို့သော် ကောင်းချင် မှကောင်းမယ်။ ထို့အတူ ခေါင်ဆောင်တစ်ယောက်ပါ ကောင်းချင်မှ ကောင်းပါ့လိမ့်မယ်။
တော်တဲ့သူတိုင်း မကောင်းနိုင်ပါဘူး။ ပညာတတ်၊ ထက်မြက်ပြီးတော်တဲ့သူများဟာ လူကောင်းမဟုတ် ရင်ပိုပြီး ကြောက်စရာကောင်းတတ်ကြပါတယ်။ ပညာမဲ့ လူမိုက်တစ်ယောက်အနေနဲ့ သူကြောင့် သူ့အိမ်၊ သူ့ရပ်ကွက်လောက်သာ ထိခိုက်နိုင်ပေမယ့် ပညာတတ်လူမိုက်တစ်ယောက်ကြောင့် တစ်တိုင်းပြည်လုံးမဟုတ် ဘူး တစ်ကမ္ဘာလုံးတောင်ပျက်စီးသွားနိုင်ပါတယ်။
ယနေ့ခေတ် လူငယ်လေးတွေဟာ အင်မတန်ထက်မြက်ပြီး တော်တဲ့သူတွေများကြပါတယ်။ ဒီလို တော်တဲ့ လူငယ်လေးတွေကို ကောင်းဖို့အတွက်လည်း လုပ်ဆောင်ကြရမှာပါ။ လူငယ်လေးတွေ ကောင်းဖို့ အတွက် လက်ဆင့်ကမ်းပေးမယ့် လူကြီးတွေရဲ့ စိတ်ထားများကလည်း မြင့်မြတ်နေဖို့၊ ဖြူစင်နေဖို့ လိုအပ်ပါ တယ်။ ညစ်ပေနေတဲ့ လက်နဲ့ ပေးကမ်းခဲ့ရင်တော့ လက်ခံမျိုးဆက်တွေဟာ ညစ်ပေနေတဲ့ အရာတွေပဲ သူတို့ ရရှိကြရမှာပါ။
ဒါကြောင့်လဲ တော်ရုံအပြင် ကောင်းဖို့၊ လူတော်လူကောင်းတွေဖြစ်ဖို့ အထူးဆောင်ရွက်ကြဖို့ လိုပါတယ်။ တန်ဖိုးရှိတဲ့ ဦးနှောက်တွေပိုင်ဆိုင်ရုံမျှမက ဖြူစင်တဲ့နှလုံးသားအလှတွေပါ သိမ်းပိုက်ထားဖို့လိုပါ တယ်။ ပြီးတော့ လူတော်လေးတွေ၊ လူကောင်းလေးတွေကို နေရာပေးကြဖို့လိုပါတယ်။
ကျွန်တော်တို့ နိုင်ငံရဲ့ သမိုင်းစဉ်မှာလည်း တော်တဲ့သူ ကောင်းတဲ့သူတွေဟာ နေရာသိပ်မရကြပါဘူး။ ကောသလမင်းကြီးအိပ်မက်အရဆိုရင်တော့ စာဗူးတောင်းတွေရေလယ်မှာ နစ်မြုပ်ပြီး ကျောက်ဖြာကြီး ရေပေါ် ပေါ်ကြတာပေါ့။ လူဆိုး၊ လူမိုက်ဟာ လူဆိုးလူမိုက်အသိဥာဏ်သာရှိတဲ့အတွက် သူတော်ကောင်းနဲ့ပေါင်းဖို့ ဆိုတာ ဖြစ်နိုင်ခဲပါတယ်။ ဒါကြောင့်လဲ ကိုယ့်ထက် တော်မယ် ထက်မယ်ဆိုရင် ရှင်းလင်းတတ်ကြတာပါ။
နောက်တစ်ချက်က ကျွန်တော်တို့နိုင်ငံက လူတချို့ဟာ အစွဲကြီးပါတယ်။ ဘာလို့လဲဆိုရင် တစ်ဦး တစ်ယောက်မကောင်းရင် တစ်သက်လုံးမကောင်းဘူး၊ ပြီးတော့ တစ်ဆွေမျိုးလုံး မကောင်းဘူးလို့ ထင်မြင်တတ် ကြပါတယ်။ ဒါကြောင့်လဲ နိုင်ငံဟာ တိုးတက်သင့်သလောက် မတိုးတက်တာလို့ မြင်ပါတယ်။
တစ်ယောက်ကြောင့် နောက်လူတွေ တော်တာ၊ ကောင်းတွေဟာ အလဟဿဖြစ်တတ်ကြတယ်။ စွန့်ပယ်ခံရကြပါတယ်။ ခြေမမကောင်းပေမယ့် ခြေထောက်တစ်ချောင်းလုံးကို ဖြတ်ထုတ်တတ်ကြပါတယ်။ ဒီတော့ တော်သင့်သူ ထက်သင့်သူတွေဟာ မှေးမှိန်သွားတော့တာပါပဲ။
လူတစ်ယောက် ဆိုးတဲ့ဘက်ကနေ ကောင်းတဲ့ဘက် ပြောင်းလဲလာသော်လည်း ပတ်ဝန်းကျင်က အမြဲလူဆိုးဆိုတဲ့အမြင်ပဲ မြင်နေကြတော့ အကောင်းဘက်ပြောင်းသူတွေတောင် ရပ်တန့်သွားတတ်ကြပါတယ်။
လူဆိုးကို လူကောင်းဖြစ်လာဖို့ ကျွန်တော်တို့ ဆောင်ရွက်ကြရမှာပါ။ ၀ိုင်းပယ်ထားကြရမှာ မဟုတ်ပါဘူး။ လူညံ့ကို လူတော်ဖြစ်အောင် စွမ်းဆောင်ကြရမှာပါ။ စွန့်ပစ်ထားကြရမှာ မဟုတ်ပါဘူး။
လူတော်တွေ လူကောင်းတွေနဲ့ တည်ဆောက်မှသာလျှင် အေးချမ်းသာယာတဲ့ လူ့ဘောင်တစ်ခု၊ နိုင်ငံ တစ်ခုအဖြစ် တည်ဆောက်နိုင်ကြမှာပါ။
လူကောင်းတွေကို တော်အောင်လုပ်ပါ။
လူတော်တွေကို ကောင်းအောင်လုပ်ပါ။
ပြီးတော့ လူတော်လူကောင်းတွေကို နေရာပေးပါ။ သူတို့အတွက် ပေးခဲ့မယ့်၊ ချန်ထားမယ့်၊ လွှဲပြောင်းမယ့် နေရာတွေ၊ စိတ်ထားတွေလည်း ကြည်လင်သန့်စင်နေပါစေ။
လူတော်လူကောင်းလေတွေ၊ လူတော်လူကောင်းကြီးတွေ များများပေါ်ထွက်ပါစေလို့သာ။
**********
မောင်ပိုင်
၁၃-၁-၂၀၁၅။
၁၃-၁-၂၀၁၅။