အပိုင်း(၄၄)၊အခန်း(ဃ)။
ပြည်တွင်းမှာကျန်ရှိခဲ့တဲ့နောက်ချန်ကူမင်တန်တပ်ဖွဲ့ကိုခေါင်းဆောင်ကွပ်ကဲဘို့အတွက် ထိုင်ဝမ်ထောက်လှမ်းရေးက ငှားရမ်းတာဝန်ပေးခဲ့သူကတော့ ထူးထူးခြားခြား ယူနန်ပြည် နယ်သား ဟွီးမူဆလင်( Hui Muslim) ဗိုလ်ချုပ် Maj General Ma Chun-kuo ဆိုသူပါတဲ့။ သူဟာ အီဂျစ်နိုင်ငံမှာကျင်းပတဲ့ မွတ်ဆလင်ညီလာခံမှာ ရုရှနဲ့တရုပ်ကွန်မြူ နစ်အစိုးရကိုဆန့်ကျင်တိုက်ခိုက်မယ်ဆိုတဲ့အကြောင်း အတိအ လင်းကြေငြာခဲ့တဲ့ တရုပ်ပြည်အနောက်မြောက်ဒေသက မူဆလင်သူပုန်ခေါင်းဆောင်တဦးပါ။
တခါ General Li Mi ရှိစဉ်ကထဲက သူ့ ကူမင်တန်တပ်ဖွဲ့တွေအတွက်ရိက္ခာစုဆောင်းကျွေးမွေးရေး တာဝန်ခံ လုပ်ခဲ့သူဟာလည်း Ma Shou-l ဆိုတဲ့ယူနန်နယ် သားမူဆလင်ဘာသာဝင် ပြည်သူ့စစ်ခေါင်းဆောင် တဦးဖြစ်ခဲ့ပြန်ပါတယ်။
တရုပ်ပြည်ထဲကနေ ကူမင်တန်တပ်ဖွဲ့တွေစစ်ရှုံးပြီးမထွက်ခွာခင်အချိန်ကထဲက အဲဒီ ဟွီးမွတ်ဆလင်(Hui Muslim) တပ်ဖွဲ့တွေဟာ ကွန်မြူနစ်ကိုတွန်းလှန်တိုက်ခိုက်နေတာမို့ ထိုင်ဝမ်ချန်ကေရှိတ်အစိုးရရော အမေရိကန် ထောက်လှမ်းရေးအဖွဲ့ CIA ကပါ မျက်စိကျပြီး သူတို့အတွက်လေယာဉ်နဲ့ အထောက်အပံ့ စစ်လက်နက်ပစ္စည်းတွေ တစ်ပါတ်ကို ၂ ကြိမ်ေ လာက်လျှို့ဝှက်ချပေးနေခဲ့တာပါ။ (သဘောကတော့ အနာဂတ်အတွက်မွေးထား၊ အောင်း ထားခဲ့တာပေါ့)
(ဒါကြောင့် ဟိုတလောက တရုပ်ပြည်အနောက်ပိုင်းမွတ်ဆလင်အကြမ်းဖက်လှုပ် ရှားမှုတွေဖြစ်ပေါ်ခဲ့တာဟာ ထိုင်ဝမ်နဲ့ CIA တို့ရဲ့စနက်/ပယောဂကင်းရော ကင်းရဲ့ လားဆိုတာသံသယဖြစ်ခဲ့မိပါတယ်)။
မြန်မာပြည်ထဲကတရုပ်ဖြူတပ်အကြွင်းအကျန်တွေကို အုပ်ချုပ်ရတဲ့တရုပ်မွတ်ဆလင် ဗိုလ်ချုပ် Maj General Ma Chun-kuo ဟာတြိဂံဒေသမှာ ဒေသခံရှမ်းနဲ့လားဟူ တိုင်းရင်းသားေ တွကို ချိန်းချောက်စုဆောင်းပြီး မူးရစ်ဆေးဝါးအကြီး အကျယ် ထုတ်လုပ်ကုန်ကူးခဲ့သမို့ သူဟာစစ်ရေးထက်မူးရစ်ရာဇာတဦးအဖြစ် နာမည်ကြီး အရေးပါလာခဲ့ပါတယ်။ သူဟာ သံလွင်မြစ်အရှေ့ခြမ်းသာမက မြန်မာပြည်မြောက် ပိုင်းကချင်ပြည်နယ်ထိသွား ပြီး ကျောက်စိမ်းမှောင်ခို လုပ်ငန်းကိုပါ အကြီးအကျယ်တွဲဖက်လုပ်ကိုင်ခဲ့ပါတယ်။
သူ့တပ်ဖွဲ့ဝင်မိသားစုတွေအတွက်နေထိုင်စားသောက်ဖို့လုပ်ရတာလို့ဆိုပေမဲ့ ထိုင်းမှာရှိတဲ့ ရဲချုပ်Phao ရယ်၊ CIA တို့နဲ့ရယ်ပေါင်းပြီး စီးပွားဖြစ်ဘိန်းကုန်ကူးနေ တာပါ။ တကယ်တော့ သူ့ တပ်ဖွဲ့ဟာ၁၉၆၃ ခုနှစ်ထဲမှာ ပထမဆုံးနဲ့နောက်ဆုံး ဖြစ်တဲ့စစ်ဆင်ရေးတရပ်ကိုသာ ယူနန်နယ်ထဲမှာဆင်နွှဲခဲ့ပြီး ကျန်တဲ့အချိန်မှာ မယ်မယ်ရရစစ်မတိုက်ဘဲ ကျောက်စိမ်းနဲ့မူးရစ် ကုန်ကူးမှုကိုသာ အလေးပေးအာရုံစိုက်လုပ်ကိုင်ခဲ့ ပါတယ်။
ဒါကြောင့်မြန်မာနိုင်ငံရဲ့ဘိန်းရာဇ၀င်ကိုပြောမယ်ဆိုရင် တရုပ်ဖြူအပြင်တရုပ်ပြည် အနောက်မြောက်ပိုင်းကHui Muslim ဘာသာဝင် Maj General Ma Chun-kuo ရဲ့အခန်းကဏ္ဍကိုချန်ထားရစ်လို့မဖြစ်နိုင်ပါဘူး။ ထို့အတူထိုင်း ရဲတပ်ဖွဲ့နဲ့ အမေရိကန်ေ ထာက်လှမ်းရေးအဖွဲ့ CIA တို့ဟာလည်းပူးပေါင်းခဲ့တယ်လို့ပြောရမှာပါ။
အမေရိကန် အစိုးရရဲ့ပါဝင်ပါတ်သက်မှုကို ၁၉၅၃ခုနှစ်မှာ မြန်မာ့တပ်မတော်ရဲ့ သံလွင် မြစ်အရှေ့ဖက်ကမ်း ၀မ်ဆလတိုက်ပွဲ အတွင်းမှာအသေဖမ်းဆီးရမိခဲ့တဲ့ အမေရိကန်စစ် အကြံပေး ၃ ဦးအလောင်းပေါ်ကနေရရှိခဲ့တဲ့ ၀ါရှင်တန်လိပ်စာကဒ်နဲ့ နယူယောက်လိပ်စာ ကဒ်တွေကတဆင့် ဖော်ထုတ်ပြသခဲ့တာပါ။
အဲသလိုပါဝင်ပါတ်သက်နေကြောင်း ရန်ကုန်ရှိအမေရိကန်သံရုံးကိုအသိမပေးခဲ့တာကြောင့် သူတို့ဂုဏ်သိက္ခာ ထိခိုက်တယ်ဆိုပြီး အမေရိကန်သံအမတ်ကြီး David Mck Key နဲ့ William J.Seybold တို့ နှစ်ဦးစလုံးရှေ့ဆင့်နောက်ဆင့် နှုတ်ထွက်သွားခဲ့ကြပါတယ်။
၁၉၅၄ခုနှစ်နောက်ပိုင်း ကူမင်တန်အရေးကိစ္စငြိမ်သက်သွားခဲ့သလိုရှိပေမဲ့ မြန်မာ့ ပြည် တွင်းနိုင်ငံရေးအခြေအနေ ကတော့တဖြည်းဖြည်းရှုပ်ထွေးလာနေပြန်ပါတယ်။ ဖဆပလ အစိုးရထဲမှာကို နု-တင်နဲ့ဆွေ-ငြိမ်းဆိုပြီးအုပ်စုတွေကွဲကာ အချင်းချင်းတိုက်ခိုက်နေကြပါ တယ်။
ဝန်ကြီးချုပ်ဦးနုအနေနဲ့ ၁၉၅၅ခုနှစ်ထဲမှာအမေရိကန်နိုင်ငံကိုချစ်ကြည်ရေးခရီး သွားရောက် ခဲ့သလိုစစ်ဦးစီးချုပ်ဖြစ်တဲ့ ဗိုလ်ချုပ်ကြီးနေ၀င်းကလည်း နောက်တနှစ် မှာသွားရောက် ခဲ့ကြပါတယ်။ ဒါပေမဲ့အမေရိကန်သမ္မတ ထရူးမင်းတို့ဘက်က စိတ်ဝင်တစားအလေး တယူမလုပ်ဘဲ အေးတိအေးစက်သာတုန့်ပြန် ဆက်ဆံခဲ့ပါတယ်။(သူ့ကိုတပည့်မခံဘဲ ဘက်မလိုက်နိုင်ငံဖြစ်နေလို့ပါ)။ အဲဒီခရီးစဉ်အတွင်း လက်ကျန်ကူမင်တန် တပ်ဖွဲ့တွေကိစ္စကို ရိပ်ဖမ်းသံဖမ်းတောင်မ ဟခဲ့ကြပါဘူး။
ဒီကြားထဲမှာတိုင်းရင်းသား လက်နက်ကိုင်အဖွဲ့ငယ်လှုပ်ရှားမှုတွေထပ်မံပေါ်ပေါက်လာသ လို ဗကပ၊ KNDO၊ ရှမ်းအဖွဲ့တွေရဲ့လှုပ်ရှားမှုတွေကလည်း ကူမင်တန်တွေ ရဲ့မြှေညက် ပင့်သွေးထိုးမှုတွေကြောင့်တိုးမြှင့်လာပါတယ်။ ၀န်ကြီးချုပ် ဦးနုအနေ နဲ့နိုင်ငံရေးကိုသာအာရုံ စိုက်နေပြီး ပြည်တွင်းသောင်းကျန်းမှုအပေါ်ပေါ့ပေါ့တန်တန် သာ သဘောထားနေတဲ့အ တွက်တပ်မတော်ခေါင်းဆောင်ဖြစ်တဲ့ ဗိုလ်ချုပ်ကြီးနေ၀င်းအနေနဲ့ တိုင်းရင်းသားတွေခွဲ ထွက်ရေးလှုပ်ရှားမှုတွေအပေါ်စိုးရိမ်ရင်း မကြည်မလင်ဖြစ်နေပါတယ်။
တိုတိုပြောရရင် ၁၉၅၈ခုနှစ်မှာနိုင်ငံရေးပြဿ နာ၊ တိုင်းရင်းသားရေးပြဿ နာတွေ အကြီးအ ကျယ်ရှုပ်ထွေးလာပြီးတဲ့နောက်ဖဆပလအစိုးရအနေနဲ့ ထိန်းမနိုင်၊ သိမ်းမရ အခြေအနေ ဖြစ်လာတဲ့အတွက် ၀န်ကြီးချုပ်ကိုယ်တိုင်တပ်မတော်လက်ထဲကိုနိုင် ငံတော်အာဏာ လွှဲပြောင်းပေးအပ်ခဲ့ရပါတယ်။
တပ်မတော်အစိုးရအနေနဲ့ကလည်း တက်လာလာချင်းတိုင်းပြည်အခြေအနေကို ထိန်းသိမ်း အုပ်ချုပ်ဖို့ကတဖက်၊ နောက်တခါ ကူမင်တန်လက်ကျန်နဲ့တကွ တိုင်းရင်း သားလက်နက်ကိုင် သူပုန်အဖွဲ့တွေကို အမြစ်လှန် ချေမှုန်းဘို့အစီအမံတွေ၊ တပ်အင် အားတိုးချဲ့/ရွှေ့ပြောင်း တာတွေနဲ့အလုပ်ရှုတ်ခဲ့ပါတယ်။
အဲသလိုစစ်ရေးလှုပ်ရှားမှုတွေလုပ်ခဲ့တာကြောင့် ထိုင်းနယ်စပ်မှာငြိမ်ပြီးဘိန်းကုန်ကူးနေတဲ့ ကူမင်တန်အုပ်စုအတွက် အကွက်ကောင်းဝင်သွားစေခဲ့ပါ တယ်။ တပ်မတော်နဲ့အစိုးရအပေါ် ယုံကြည်မှုပျက်ပြားနေတဲ့တိုင်းရင်းသားတွေကြား သွေးခွဲဘို့လွယ်ကူသွားစေခဲ့တာပေါ့။
တကယ်တမ်းမှာ သူတို့ဟာ တရုပ်ပြည်ကွန်မြူနစ်အစိုးရကို တော်လှန်တိုက်ခိုက်ဘို့ အဓိက မထားတော့ဘဲ မြန်မာနယ်ထဲမှာဘဲနယ်မြေလွှမ်းမိုးချဲ့ထွင်ကာ တိုင်းရင်းသားတွေနဲ့အတူ ဘိန်းလုပ်ငန်းကို ဇောက်ချလုပ်ကိုင်ဘို့ ကြံစည်ထားခဲ့ကြတာပါ။ ကွန်မြူနစ်တရုပ်ပြည် ကိုစစ်ရေးအရမတိုက်တော့ဘဲ ဘိန်းစားတိုင်းပြည်ဖြစ်အောင် လုပ်ပြီးတိုက်ဖို့ပေါ့။
ဒါကြောင့်သူတို့လုပ်ငန်းကိုထိခိုက်မဲ့ မြန်မာ့တပ်မတော်ကို မတိုက်နိုင်အောင်၊အင်အား ချိနဲ့စေဘို့အတွက်တိုင်းရင်းသား လက်နက်ကိုင်အဖွဲ့တွေဖြစ်တဲ့ KNDO၊ ဗ က ပ၊ ရှမ်း၊ ကချင်၊ မွန်-စတဲ့သူပုန်အဖွဲ့အားလုံးကို အမေရိကန်လုပ် ခေတ်မှီလက်နက်တွေထောက်ပံ့ တပ်ဆင့်ပေးခဲ့သလို အခြားတဖက်ကလည်း သူတို့နဲ့ပူးပေါင်းပြီးတပ်မတော်အစိုးရ ပြုတ် ကျရေး၊ လွပ်လပ်သောသီးခြားနိုင်ငံထူထောင်ရေးစတဲ့နိုင်ငံရေးမက်လုံးတွေပြကာ စည်းရုံး သိမ်းသွင်းခဲ့ပါတော့တယ်။
ကိုရီးယားစစ်ပွဲကလည်းပြီးသွားပြီဆိုတော့ အမေရိကန်တို့ရဲ့ခေတ်မှီလက်နက်များ ပိုလျှံပေါများ နေတဲ့ကာလလည်း ဖြစ်တဲ့အတွက် တိုင်းရင်းသားသူပုန်အဖွဲ့တွေကို စည်းရုံးရတာသိပ်လွယ်ကူသွားခဲ့ပါတယ်။ နောက်ဆုံးရှမ်းနဲ့လားဟူ တိုင်းရင်းသား အမျိုးသမီးမြောက်များစွာနဲ့လက်ထပ်ပေါင်းသင်းကာသွေးနှောသည်ထိလုပ်ဆောင်ခဲ့ပါတယ်။
၁၉၅၅ ခုနှစ်ထဲမှာ ရှမ်းပြည်မှာကျန်ခဲ့တဲ့ကြွင်းကျန်ကူမင်တန်တပ်တွေကို ပြန်လည် အင်အားဖြည့်တင်းဘို့အတွက် ထိုင်ဝမ်ကနေနောက်ထပ်တပ်သား(၈၀၀)လောက်ကို CIA ထူထောင်ထားတဲ့ Civil Air Transport လေကြောင်းနဲ့ ချင်းမိုင်ကိုပို့ပေးခဲ့ပြီး အဲဒီကမှတဆင့် မြန်မာနိုင်ငံအရှေ့ပိုင်းမှာရှိတဲ့ မိုင်းပါလျှိုးမှာခြေကုပ်ယူစေခဲ့ပါတယ်။
တချိန် တည်းမှာ ထိုင်းမြောက်ပိုင်းမှာခိုအောင်းကျန်ရှိခဲ့တဲ့ ကူမင်တန်တွေကိုလည်း ထိုင်းအစိုးရကမောင်းထုတ်ပြီး မိုင်းပါလျှိုး ကိုသွားရောက်ပူးပေါင်းစေခဲ့ပြန်ပါတယ်။ ဒါကြောင့် ခဏကလေးအတွင်းမှာ ကူမင်တန်တပ်အင်အားဟာ (၈၀၀၀) လောက်အ ထိ အမြန်ပြန်ရောက်သွားခဲ့ပါတယ်။ လေယာဉ်ကွင်းတိုတခုကိုလည်းဖောက်ထား ခဲ့ပါတယ်။
လာအိုနိုင်ငံ ထဲက ပသက်လာအိုတပ်ဖွဲ့တွေကိုတိုက်ခိုက်ဖို့အကြောင်းပြခဲ့ပေမဲ့ တကယ်တမ်းမှာ ဘိန်းကုန်ကူးရင်း တရုပ်-မြန်မာနယ်စပ်မှာ လွပ်လပ်သောနယ်မြေ တည်ဆောက်ဘို့ဖြစ်ပါတယ်။ဒါကြောင့် ၁၉၅၉ခုနှစ်ကုန်ခါနီးမှာ တရုတ်ဖြူတို့ရဲ့ Wanton စခန်းကိုတိုက်ခိုက်သိမ်းပိုက်တဲ့အခါ ဘိန်းချက်စက်ရုံ ၃ ရုံနဲ့အတူ အမေရိ ကန်လုပ် ၇၅မမ နောက်ပွင့်ရိုင်ဖယ်တွေအပါအ၀င် လက်နက်အသစ်အဆန်းမြောက် များစွာသိမ်းဆည်းရမိခဲ့ပါတယ်။
အဲဒီကိစ္စကို သတင်းမှာအတိအလင်းကြေငြာဖော်ပြခဲ့တဲ့အတွက် မြန်မာပြည်သူတွေ က အချုပ်အချာအာဏာကို ထိပါးမှုအဖြစ် အမေရီကန်သံရုံးရှေ့မှာ ကျောင်းသားေ တွခေါင်းဆောင်ပြီးအင်အား ၂၀၀၀လောက်နဲ့ဆန္ဒပြခဲ့ကြပါတယ်။
၁၉၆၁ ခုနှစ်ဆန်းမှာမြန်မာဖက်ကအင်အား ၁၀၀၀၀၊ တရုပ်PLA တပ်ဖွဲ့ဝင် ၁၅၀၀၀ တို့ပူးပေါင်းပြီး မိုင်းပါလျှိုးခြေကုပ် စခန်းကိုအပြီးသတ်စစ်ဆင်တိုက်ခိုက်ချေမှုန်းခဲ့ပါ တယ်။ဖေဖော်ဝါရီလ ၁၅ရက်နေ့မှာ မြန်မာတိုက်လေယာဉ် ၃စင်းနဲ့ ကူမင်တန် တပ်ဖွဲ့တွေအတွက်လက်နက်ရိက္ခာလာပို့တဲ့ အမေရိကန်ရေတပ်သုံး PB4Y အမျိုးအစားလေယာဉ်တို့ဆုံမိ ပြီး ဝေဟင်တိုက်ပွဲဆင်နွှဲခဲ့ရာမှာ ရန်သူ့လေယာဉ်ရော မြန်မာတိုက်လေယာဉ်တစီးပါထိုင်းနိုင်ငံထဲထိုးကျပျက်စီးခဲ့ပြီး မြန်မာလေသူရဲ ဗိုလ်ပီတာအသက်ဆုံးရှုံးခဲ့ရပါတယ်။
မြန်မာလေယာဉ်ပျက်ကို ပထမပိုင်းမှာထိုင်းအစိုးရက ၀င်ရောက်ရှာဖွေကြည့်ရှုခွင့် မပေးခဲ့ပါဘူး။ ဘန်ကောက် အခြေစိုက်အမေရိကန်စစ်သံမှူးအဖွဲ့ဝင်တွေကိုအရင် ကြည့်ရှုစေခဲ့ပြီးမှသာ မြန်မာအဖွဲ့ကိုကြည့်ခွင့်ပေးခဲ့ပါတယ်။ PB4Y လေယာဉ်နဲ့ ပါတ်သက်လို့လည်း လေယာဉ်နံပါတ်တွေဖျောက်ဖျက်ထားပြီး လေယာဉ်သား ၅ ဦးကိုရှာမတွေ့ ဘူးလို့ဗြောင်လိမ်ခဲ့ပြန်ပါတယ်။
အပိုင်း(၄၄)၊အခန်း(င) သို့ဆက်ရန် -
(ဗဟုသုတအဖြစ်သာ)
(လေးလွင်)