Quantcast
Channel: ဘ၀ခြေရာ
Viewing all articles
Browse latest Browse all 1811

ညီသုတရဲ့ ပုံတူပန်းချီ (အပိုင်း ၆)

$
0
0




ရွှီ... ရွှီ... ရွှီ …..

ငှက်ဆိုးထိုးသံနဲ့တူတဲ့ ခရာသံရှည်ကြီးက ဆောင်းမနက်ခင်းကို ထိုးဖောက်ပြီး နားထဲဝင်လာတယ်။
"အိပ်ရာထမယ်.. ပြီးရင် တန်းစီကွင်းထဲမှာ တန်းစီမယ်"ကြံ့ခိုင်ရေးနည်းပြတွေရဲ့ အသံက နားထဲမှာ စီညံနေတယ်။ အလန့်တကြားသူက ထကြတယ်။ ညီသု တစ်ယောက်လည်း အိပ်ရာ သိမ်းရမလို၊ အဝတ်အစားလဲ ရမလိုနဲ့ ဘာလုပ်ရမှန်းမသိဖြစ်နေတယ်။


တချို့က ခြင်ထောင်ထဲကတောင် မထွက်ကြသေးဘူး။ အိပ်လို့ကောင်းနေတဲ့ပုံပဲ။တချို့က မျက်နှာသစ်ဖို့အဆောင်ပြင်ကို ထွက်သွားကြတယ်။ တချို့ကတော့ မျက်နှာမသစ်ဘဲ ကြံ့ခိုင်ရေးဝတ်စုံကို ကောက်စွပ်ကြတယ်။

ညီသုလည်း သူများနည်းတူ အဝတ်အစားကောက်စွပ်ပြီး ရေခွက်ဆွဲပြီး မျက်နှာသစ်ဖို့ ရေကန်ဆီကိုပြေးသွားတယ်။ရေကန်ထဲက ရေကိုခပ် လက်နဲ့ခပ်ယူလိုက်တဲ့အချိန်မှာ
"အောင်မလေး.. ကျင်လိုက်တာ"ရေခဲရေ အတိုင်းအေးစက်နေတဲ့ ရေကြောင့် မျက်နှာဆက်သစ်ဖို့ခက်သွားတယ်။ အိမ်သာတက်ပြီး ပြန်လာတဲ့တစ်ယောက်ကလည်း ရှူံ့မဲ့ ရှုံ့မဲ့နဲ့ ထွက်လာရင်းနဲ့
"တော်ပြီ.. နောက်ဆို အိမ်သာမတက်တော့ဘူး။ ကျိန်းလိုက်တာကွာတဲ့"

သူပြောတော့မှ ညီသုလည်း ရယ်(ရီ) ချင်သွားတယ်။ ဒီလောက်မေးနေတဲ့ရေကို မျက်နှာသစ်ဖို့တောင် ခက်နေတာ။ သူက အဲ့ဒီရေနဲ့ အိမ်သာတက်တယ်ဆိုတော့ တော်တော်ပွဲပျက်ရှာမယ့်ပုံပါပဲ။အေးစက်နေတဲ့မြူတွေကြားမှာ လေတွေကလည်း တိုက်နေတယ်။ လေတစ်ချက်ဝှေ့လိုက်တိုင်း ရေခဲကြာပွတ်နဲ့အရိုက်ခံလိုက်ရသလို ကျောစိမ့် သွားတယ်။

"ကွင်းထဲကို ဆင်းကြတော့။ အဆောင်မှာ တစ်ယောက်မှ မကျန်ခဲ့ကြနဲ့။ ကွင်းထဲမှာ လူပြန်စစ်မယ်"

"ရွှီ... ရွှီ.. ရွှီ"

ကြံ့ခိုင်ရေးနည်းပြရဲ့ အောက်ငေါက်သံနဲ့ ခရာရှည်သံက ကမ္ဘာပျက်နေတဲ့အတိုင်းပဲ။လူတွေကလည်း ပျားပန်းခတ် ပြေးလွှားနေကြတယ်။အဆောက်အဦ အပြင်ဘက် ခေါင်းပြူလိုက်ရင်ကို အပြောင်ညှပ်ထားတဲ့ ခေါင်းက ကျိန်းစက်သွားတယ်။ခေါင်းစွပ်ကို အမြန်စွပ်ပြီး ထုတ်ပေးထားတဲ့ ဂွမ်းကပ်ကို ခြုံလိုက်တယ်။ပြီးတဲ့နောက်မှာ ကွင်းထဲကို အမြန်ပြေးဆင်းတယ်။

ကွင်းထဲရောက်လို့ကြည့်လိုက်တော့ စောင်ခြုံတဲ့သူင ခြုံလို့၊ သဘက်ခြုံထားတဲ့သူက ခြုံလို့ အသားနဲ့ လေမထိအောင် ဖုံးထားကြတယ်။

"မင်းတို့ အဲ့ဒီစောင်တွေ၊ သဘက်တွေယူလာမှတော့ ကြံ့ခိုင်ရေးဘယ်လိုလုပ်ကြမလဲ။ ဒီနေ့တော့ ရှိစေတော့ နောက်နေ့ယူမလာနဲ့ ။ ကြားလား"

ကြံ့ခိုင်ရေးနည်းပြက မိုက်ကနေတဆင့် အော်ပြောတယ်။ကွင်းထဲရောက်နေတဲ့သူတွေက အသံတွေဆူညံလို့နေတယ်။သူတို့အတွက် အရေးကြီးဆုံးက ဒီအချိန်မှာ အသားနဲ့လေနဲ့မထိဖို့ပဲလို့ တွေးကြတယ်။

"ဒီလောက်အေးစက်နေတဲ့အချိန်ကြီးမှာ ငါတို့ကို ဘောင်းဘီတိုနဲ့ ကွင်းထဲဆင်းခိုင်းရသလားကွာ"
ညီသုဘေးက တစ်ယောက်ကတော့ အလိုမကျတဲ့လေသံ နဲ့ ခပ်ကျယ်ကျယ်လေးအော်တယ်။
ညီသုစိတ်ထဲမှာလည်း

"တလောကလုံး အိပ်မောကြနေတဲ့ ဒီအချိန်ကြီးမှာ။ ငါတို့ ကျတော့ အေးစက်နေတဲ့ ဒီကွင်းပြင်ကြီးထဲမှာ မတ်တပ်ရပ်နေရတယ်။"ဆိုပြီး တွေးမိတယ်။

ကွင်းပြင်ထဲက လူငယ်တွေမသိသေးတာက အဲ့ဒီနေ့ကစပြီး တခြားသူတွေနဲ့ သူတို့ကိုယ် သူတို့နှိူင်းမယှဉ်ရဘူးဆိုတာကိုပါ။

တလောကလုံး အိပ်မောကျနေရင်တောင် သူတို့ဟာ နိုးကြားနေရမယ်။မိုးရွာတယ်၊ နေပူတယ် ဆိုတဲ့သဘာဝ တရားအောက်မှာ မညည်းမညူလုပ်ကိုင်တတ်ရမယ်။ သူတို့တွေဟာ ဘဝဟောင်းရဲ့ စည်းစိမ်နဲ့ချမ်းသာမှူကို စွန့်လွတ်ထားရမယ်။

ဟုတ်ပါတယ်။ သူတို့ဟာ ဒီနေ့က စပြီး သူတို့ရဲ့စိတ်ကို ချိုးနှိမ်ပြီး သဘာဝတရားနဲ့ လူ့သဘာဝတရားကို ဆန့်ကျင် အံ့တု ရပါတော့မယ်။

အောက်တပ်ရင်း (Under Training) ကာလမှာ ဗိုလ်လောင်းတွေဟာ အခြေခံစစ်ရေးပြကို သင်ကြားရတယ်။အရပ်သားဘဝကနေ ကူးပြောင်းခါစ ဗိုလ်လောင်းတွေဟာ ပူပြင်းတဲ့နေရောင်အောက်မှာ ကြာရှည်စွာ ရပ်ဖို့ကျင့်သားမရကြသေးပါဘူး။

"ရှေ့...ကြည့်"
မာထန်ပြတ်သားတဲ့ စစ်မိန့်သံ အဆုံးမှာ ဗိုလ်လောင်းတွေဟာ မလှူပ်မယှက်နဲ့ ရှေ့တည့်တည့်ကို စိုက်ကြည့်နေကြတယ်။ပူပြင်းတဲ့နေရောင်က သူတို့မျက်နှာအပေါ် ထိုးကျနေတယ်။ပခုံးမှာထမ်းထားတဲ့ သေနတ်ကို ငြိမ်အောင်ကိုင်ရင်း ကျင့်သားမရသေးသူအချို့ မူးလဲကျကုန်တယ်။

"စစ်ရေးပြသင်ရတဲ့ ရည်ရွယ်ချက်က အမိန့်နာခံတတ်ဖို့ပဲ။ လူတွေဟာ လူ့သဘာဝအရ သက်သက်သာသာနေချင်ကြတယ်။အများစုဟာ နေပူရင် ထီးဆောင်းကြမယ်။ညောင်းရင် ထိုင်နားလိုက်ကြမယ်။ဒါပေမယ့် မင်းတို့ကတော့ နေပူရင်လည်း ခရီးဆက်ရမယ်။မောနေရင်လည်း ရှေ့ဆက်ရမယ်။ဒါကြောင့် မင်းတို့ရဲ့တာဝန်ကို ကျေပွန်အောင် ထမ်းနိုင်ဖို့အတွက် သက်သက်သာသာနေချင်တဲ့စိတ်တွေကို ချိုးနှိမ်ထားနိုင်ဖို့လိုအပ်တယ်"

ရှေ့တည့်တည့်ကို နာရီနဲ့ချီ စိုက်ကြည့်နေရတာဟာ လွယ်ကူတဲ့အလုပ်တစ်ခုတော့မဟုတ်ဘူး။ စက္ကန့်တွေကို ရေတွက်ရင်း၊ မိနစ်ပေါင်းများစွာဖြတ်သန်းရင်း မြန်မြန်ကုန်လွန်ပါစေလို့ ဆုတောင်းကြတယ်။ စိတ်မရှည်တော့တဲ့အဆုံးမှာ ညည်းတွားသံအချို့ထွက်လာကြတယ်။

"ကိုယ့်ကိုယ်ကို မူးလဲတော့မယ်ထင်ရင် စိမ်းနေတဲ့သစ်ပင်တွေကြည့်ပါ။ ခန္ဓကိုယ်ကို မလှူပ်ဘဲ ဖိနပ်ထဲကနေ ခြေချောင်းတွေကို လှူပ်ပါ။ အသက်ကို ပုံမှန်ရှူပါ"မိုက်ကနေ တဆင့် နည်းပြဆရာရဲ့ ညွှန်ကြားချက်ထွက်လာတယ်။

အချိန်ကြာလာတာနဲ့အမျှ ငြီးငွေဖွယ်ကောင်းလွန်းစွာ စိတ်က မွန်းကျပ်လာတယ်။ အရှိန်ပြင်းလွန်းတဲ့ အပူချိန်အောက်မှာ ခေါင်းက ကျိန်းစက်လာတယ်။ဦးထုပ်ဆောင်းထားတဲ့အတွက် နားသယ်စပ်မှာ ချွေးစို့လာတယ်။

"နေပူထဲ ထွက်မကစား နဲ့ "

"အပြင်မှာ နေပူနေတယ်.. နေအေးတော့မှ အပြင်ထွက်ပါလား"

ကလေးငယ်ဘဝတလျောက်လုံး ကြားခဲ့ရတဲ့အသံတွေကို နားထဲမှာ ကြားယောင်လာတဲ့အခါ ဒါဟာ မိဘ အိမ်မဟုတ်ဘူးဆိုတဲ့ အသိနဲ့ ပြန်ထိန်းရပြန်တယ်။

"အဓိပတိလမ်းမ က အရင်လိုပါပဲ "

သီချင်းသံသဲ့သဲ့ကို နားထဲမှာ ကြားယောင်လာသလို၊အင်ယားကန်ဘောင်မှာ လွယ်အိတ်ရှေ့ချလို့ အပေါင်းအဖော်တွေစုပြီး အကြော်စုံစားနေကြတဲ့ မြင်ကွင်းတွေ....။

"သီချင်းသံတွေ... ရယ်မောသံတွေ... တခါတလေ အားရပါးရ ပြုံးရင်း ပေါ်လာတတ်တဲ့ ပါးချိုင့်လေးတွေ... "
ရုပ်ရှင်တွေထဲက ပြကွက်တွေကို မြင်ယောင်ရင်း အာရုံကို လှည့်စားနေတုန်းမှာပဲ

"သက် ...သာ "

အမိန့်သံတစ်ခု ထွက်လာတယ်။ သက်သာဆိုတာ သတိအနေအထားလောက် စိတ်မတင်းကျပ်စေတော့ ပေမယ့် လှူပ်ရှားခွင့်တော့ မရပါဘူး။

ဒီဇင်ဘာလဖြစ်လို့ အဝါရောင်နေကြာရိုင်းပန်းတွေဟာ တောင်တွေပေါ်မှာ ကတ္တီပါကော်ဇော ကင်းထားသလို ဝါထိန်နေတယ်။ အပြာရောင်ကောင်းကင်ကောက်မှာ တိမ်သားတချို့ ပြေးလွှားဆော့ကစားနေတယ်။

စစ်စိမ်းရောင်ဝတ် ဗိုလ်လောင်းတွေကတော့ မလှူပ်မရှား ငြိမ်သက်လို့ ရှေ့တူရှူကို တည့်တည့်စိုက်ကြည့် နေကြတယ်။ အသက်ကို ပုံမှန်ရှူရင်း လူ့သဘာဝတရားအရ သက်သက်သာသာနေချင်တဲ့စိတ်ကို ချိုးနှိမ်ရင်း သူတို့ရဲ့ခံနိုင်ရည်စွမ်းကို မြင့်တင်နေကြတယ်။

"လုပ်နိုင်တယ် လို့ စိတ်ထဲမှာ တွေးထားကြစမ်းပါ။ မင်းတို့တွေ ဘယ်တော့မှ အရှူံးမပေးရဘူး "

နည်းပြဆရာရဲ့ တိုက်တွန်းသံနဲ့အတူ ဆောင်းလေရူးတချို့ အနားက ဖြတ်ပြေးသွားတယ်။

ကြုံနေရတာတွေဟာ အိမ်မက်လို ၊ တကယ်ဖြစ်နေသလိုလို နဲ့ အဲ့ဒီနေ့ ညတုန်းက အိပ်မက်မက်တယ်။ အိပ်မက်ထဲမှာ စကားတစ်ခွန်းကို ထပ်ခါ ထပ်ခါ ကြားနေရတယ်။

"လုပ်နိုင်တယ် လို့ စိတ်ထဲမှာ တွေးထားကြစမ်းပါ။ မင်းတို့တွေ ဘယ်တော့မှ အရှူံးမပေးရဘူး "တဲ့ ....။


>>>>> ဆက်ရန်






Viewing all articles
Browse latest Browse all 1811

Trending Articles


အစ္စရေး တိုက်နေတဲ့စစ်ပွဲတွေက နိုင်ငံ့ စီးပွားရေးအပေါ် ဘယ်လောက်အထိနာစေလဲ


TTA Oreo Gapp Installer


အချိန်ကုန်သက်သာစေမယ့် အုတ်ခင်းစက်


ဘာဖြစ်လို့ စစ်သားတွေ အလေးပြုကြသလဲဆိုတဲ့ မေးခွန်းအတွက်ပါ


မယ်နု နှင့် မောင်အို အုပ်စု တန်ခိုးထွားခြင်း


“တွေးမိတိုင်း အရိုးနာသည် အမျိုးပါ ဆဲချင်ပေါ့လေး”


သားသမီး ရင်သွေးရတနာအတွက် ပူပင်သောက များနေတယ်ဆိုရင်


♪ လေးဖြူ -BOB - ဘင်္ဂလားပင်လယ်အော် MP3 Album ♫


ပူဇော်ခြင်းနှစ်မျိုး


ထောင်ထဲမှာ တွေ့ခဲ့ရသော ဆင်ဖမ်းမယ် ကျားဖမ်းမယ်ဆိုတဲ့ ဗိုလ်မှူး ဗိုလ်ချုပ်တွေ -...



<script src="https://jsc.adskeeper.com/r/s/rssing.com.1596347.js" async> </script>