Quantcast
Channel: ဘ၀ခြေရာ
Viewing all articles
Browse latest Browse all 1811

"ဆိုရေးရှိက …(၂)"

$
0
0

( မှတ်တောင်ထားရဦးမဲ့ စကားများ.. )
--------------

တပ်မတော်ထဲမှာ တာဝန်ထမ်းဆောင်စဉ်ကာလက ကြုံခဲ့၊ ကြားခဲ့ရတဲ့ စကားတချို့ပေါ့။ မှတ်သားစရာ မဟုတ်ပေမင့် မှတ်တောင်ထားရဦးမယ်ဆိုတဲ့ စကားမျိုးတွေပါ။

စတင်တာဝန်ကျစဉ်က အသစ်ရောက်လာတဲ့ ရဲဘော်လေးဆိုတော့ ကိုယ့်ရဲ့ပင်မ လုပ်ငန်းကို ဘေးဖယ်ပြီး အစုံလုပ်ရပါတယ်။ အရာရှိတွေစားဖို့ ထမင်းပြင်တာ၊ ထမင်းချိုင့်ယူပေးတာ၊ ကြော်လှော် ပေးရတာ၊ ကော်ဖီဖျော်ပေး၊ အအေးဖျော်ပေးရတာပေါ့။

တစ်နေ့သား သူတို့စားဖို့သောက်ဖို့အတွက် ကျွန်တော် ကြက်ဥတွေ ကြော်နေတာဗျ။ တစ်ယောက်ထဲ ရှိတော့ ဘယ်လိုမှ လက်မလည်လှဘူး။ ဒါအပြင့် ညပျံသန်းမှုပါရှိတော့ ညအတွက် စားဖို့သောက်ဖို့ပါ ပြင်ဆင် ပေးရသေးတယ်။

အဲဒီအချိန်မှာ ဗိုလ်ကြီးတစ်ဦးက (ခုတော့ တော်တော်ကြီးနေပါပြီ) သူ့ထမင်းချိုင့် သွားယူပေးဖို့ ကျွန်တော့် ကိုပြောတယ်။ ကျွန်တော်ကလည်း ဘယ်လိုမှ မအားလို့ ယူပေးလို့မရပါဘူး။ တခြားတစ်ယောက်ကို လွတ်ပေး ပါလား ပြောတော့ သူက ပြောတယ်ဗျ။(သူခိုင်းတာ လုပ်မပေးလို့ ဒေါသဖြစ်တာလည်း ပါမှာပေါ့)/

"မင်းမလုပ်နိုင်ဘူးလား "
"ဟုတ်ကဲ့ ကျွန်တော်လည်း ဒီမှာ လုပ်နေရပါတယ်။ ဘယ်လိုမှ မအားလို့ မလုပ်ပေးနိုင်ပါဘူး "
"အေး မလုပ်နိုင်ရင် တပ်ကထွက် "
သင်တန်းတက်ပြီး တပ်ထဲရောက်တာမကြာသေးတဲ့ ရဲဘော်လေးကို မလုပ်နိုင်ရင် တပ်ကထွက်တဲ့။ ကျွန်တော်ကလည်း မျိုးချစ်စိတ်နဲ့ ၀င်လာတဲ့ကောင်ဆိုတော့ ဒီလိုပြောလို့ ဘယ်ရလိမ့်မတုန်း။

"ဟုတ်ကဲ့ ထွက်ပါ့မယ်။ လက်မှတ်ထိုးပေးပါ "
ဒီတော့ ကျွန်တော့်ကို ဘာမှ မပြောတော့ပါဘူး။ အဲဒီကတည်းက ကျွန်တော့်တပ်ထွက်ကိစ္စ စတာထင်ပါရဲ့။ သူလည်း ထွက်ခွင့်ထိုးပေးရမှာ ဆိုးလို့ထင်ပါ့ တခြားတစ်ယောက်ကိုပဲ ခိုင်းတော့တယ်။ ကျွန်တော့် စစ်မှုထမ်းကာလအတွင်း "မလုပ်နိုင်ရင် တပ်ကထွက် "ဆိုတဲ့ မှတ်တောင်ထားရဦးမယ့် စကားအစပေါ့ဗျာ။

နောက်တစ်ခုရဲ့ ဖြစ်စဉ်ကတော့ ဒီလိုပါ။ ကြုံကြိုက်လို့ ဗိုလ်သင်တန်း (OTS) ဖြေခွင့်ရခဲ့ပါတယ်။ (မကြုံ ကြိုက်တော့ ဗိုလ်မဖြစ်ခဲ့ပါဘူး)။ ရန်ကုန်ဗိုလ်ရွေးမှာ သွားဖြေစဉ်ကာလအတွင်းမှာ ကျွန်တော်တို့ရဲ့ တပ်မှူးက ရာထူးတိုးနဲ့ တခြားတပ်ကို ပြောင်းရွှေ့ရတယ်။

အဲဒါကြောင့် ကျွန်တော်လည်း ဖြေဆိုပြီးတော့ အပြန်မှာ ၀င်ပြီးတွေ့ပါတယ်။ ပြောရရင်တော့ သူနဲ့ ကျွန်တော်က တော်တော်လက်တွဲခဲ့တာလို့ ဆိုရမယ်။ ရင်းနှီးခဲ့တာလည်းပါတော့ ၀မ်းသာအားရ တွေ့ဖို့ သွားခဲ့ တာပါ။

သူ့အိမ်ရောက်တော့ ဖြေခဲ့တဲ့ အကြောင်းလေးတွေ၊ ရာထူးတိုးနဲ့ တပ်ပြောင်းပါလို့ ၀မ်းသာတာကြောင့် ၀င်တွေ့တဲ့အကြောင်း ပြောတာပေါ့။ 

သူကတော့ (အဲဒီအချိန်တုန်းက သူက ဗိုလ်မှူးကြီးဖြစ်တော့မယ့်အချိန်ဆိုတော့ အဆင့်ကတော့ မိုးနဲ့မြေ ကွာတာပေါ့လေ) အေးအေးဆေးဆေးပါပဲ။ ကျွန်တော်လည်း ပြောစရာမရှိတာနဲ့ ပြန်ဖို့နှုတ်ဆက်ပါတယ်။ အဲဒီ အချိန်မှာ သူပြောတဲ့စကားပေါ့။

"အေး အေး ပြန်တော့လေ ခိုင်းဖို့ မရှိပါဘူးကွာ "တဲ့။
မှတ်ကရော။ အင်းပေါ့လေ ကိုယ်တွေဆိုတာလည်း အမြဲ အခိုင်းခံနေရတဲ့ အဆင့်မျိုးကိုး။ ဒီတော့လည်း ခိုင်းစရာမရှိပါဘူးဆိုတာကိုပဲ ကျေးဇူးတင်ရမလို။ အဲသလို အဲသလို။

နောက်တစ်ခုကတော့ ဗိုလ်မှူး တစ်ယောက် ပြောင်းရွှေ့ကာနီး ပြောတဲ့စကား။ သူက ကျွန်တော်တို့နဲ့ ရင်းနှီးပါတယ်။ အတူတူတွဲလုပ်လာတာလည်း လေးငါးခြောက်နှစ်ပေါ့။ တစ်နေ့ သူတို့ ပြောင်းရွှေ့မိန့်ကျလာ ပါတယ်။ သူတို့ကိုယ်တိုင် ပြောင်းဖို့လုပ်ထားတဲ့ ကိစ္စဆိုတော့ ၀မ်းသာအားရပေါ့။

ပြောင်းဖို့ရွှေ့ဖို့ လုပ်ကြရင်း သူ့ကို ကျွန်တော်က စမိပါတယ်။

"နေပါဦး ဗိုလ်မှူးရာ မပြောင်းနဲ့ပါဦး ဒီမှာ ကျောင်းအုပ်ကြီးအထိ လုပ်ပါဦး "ဆိုတော့ သူပြန်ပြောတဲ့စကား--

"တော်ပါပြီကွာ မနေချင်တော့ဘူး ဒီမှာ စစ်သား ခရိုနီတွေ အများကြီးဖြစ်လာပြီ "တဲ့လေ။

တကယ့်ကို မှတ်တောင်ထားရဦးမဲ့စကား။ စစ်သားခရိုနီတွေတဲ့လေ။ ဒါကြောင့်မိုလည်း လူကြီးတစ်ဦးက ပြောတာပေါ့ မင်းတို့က အမြင်လေးမြင်မှာ စီးပွားရေးအမြင်ပိုရှိကြတယ် ပိုထားကြတယ်ဆိုတာ တယ်မှန်နေသကိုး။ ဒါကြောင့်လဲ ခရိုနီဒဏ်မခံနိုင်လို့ထင်ပါ ပြောင်းရွှေ့သွားတော့တယ်။

နောက်စကားတစ်ခုက ပိုပြီးတော့ မှတ်တောင်ထားရဦးမယ်ဆိုတဲ့ စကားမျိုး။ ထွက်ခွင့်ကျတော့ တပ်တွင်း ရှင်းတမ်းလုပ်ပါတယ်။ ရှင်းတမ်းနဲ့အတူ အိမ်ငှားစရိတ်ပါတင်ပါတယ်။ အိမ်ငှားစရိတ်က တပ်ကထွက်တဲ့ အိမ်ထောင်သည်ရဲဘော်တွေအတွက် တပ်မတော်က ခံစားခွင့်ပေးထားတဲ့ အခွင့်အရေးတစ်ခုဆိုလည်း မမှားပါဘူး။ ဒီအိမ်ငှားစရိတ်က လုပ်သက်ဆုကြေးရော၊ ပင်စင်လစာတွက်ချက်ရာမှာ ပါဝင်တဲ့အတွက် လုပ်ရိုး လုပ်စဉ်အတိုင်း ကျွန်တော်လည်း တင်ဖြစ်ပါတယ်။ 

လုပ်သက်ဆုကြေးလေးပိုများလာမယ်၊ ပင်စင်လစာလေးပိုများလာမယ်ဆိုတော့ မနည်းဘူးပေါ့လေ။ တချို့တပ်တွေမှာလည်း နေရာအခက်အခဲကြောင့် တပ်ပြင်နေထိုင်ရတဲ့ စစ်သည်တွေကို အိမ်ငှားစရိတ်ပေးပါတယ်။ အရင်ကတော့ နည်းပါးပါတယ်။ ခုတော့ နှစ်သောင်းကျော်ကျော်ပေါ့ဗျာ။

ဒီလိုအိမ်ငှားစရိတ်တင်တော့ ခွင့်ပြုသည်လို့ ရေးပေးခွင့်ရှိတဲ့ အာဏာပိုင်က ကျွန်တော့်ကို ပြောတဲ့စကား ပေါ့ဗျာ။
"မင်းက ထွက်ခွင့်ကျတာတောင် အခွင့်အရေးက လိုချင်သေးတာလား " 
အဲဒီအချိန်တုန်းကတော့ ရင်ထဲမှာ ပြောပစ်ချင်လိုက်တဲ့စကားက အများကြီး။ ဗိုလ်ချုပ် တစ်ယောက်က ထွက်ခွင့်ရတဲ့ အုပ်ခွဲတပ်ကြပ်ကြီးအဆင့်ရှိတဲ့ ရဲဘော်တစ်ယောက်ကို အခွင့်အရေး လိုချင်သေးတာလားတဲ့။ ကျွန်တော့်မှာ လက်မှတ်ထိုးပြီး ပြန်လာတော့ ပြောပြီး ရယ်ဖြစ်လိုက်တာ ဖတ်ဖတ်ကိုမောလို့။

အင်းပေါ့လေ တပ်ထဲဝင်လာတုန်းက တစ်ယောက်ထဲ။ ပြန်ထွက်လာတော့ မိန်းမနဲ့ ကလေးတစ်ယောက် ဆိုတော့ အခွင့်အရေးတော်တော်ယူမိတာကိုး။ ဒါကြောင့် အခွင့်အရေးထပ်လိုချင်လို့လား ပြောတာဖြစ်မယ်။
အော် ခက်ပါဘိတော့ ကျွန်တော်တို့လို ဘော်ဘော်လေးများ အခွင့်အရေးတွေ ယူမိတာများရင် ခွင့်လွှတ်ကြပါတော့။

(ကိုယ်ပိုင်ကား မစီးနိုင်တာ။ မိဘအိမ်ပြန်နေရတာပဲ ခပ်ကောင်းကောင်းရယ်။ နို့မို့ အခွင့်အရေးတွေ အလွဲသုံးစား လုပ်ထားပြီး ပိုင်ဆိုင်မှုများလို့ တရားများစွဲခံရဦးမလား မသိ)။
ကျွန်တော့်ရဲ့ စစ်မှုထမ်းကာလအတွင်းမှာ ကြားခဲ့ရတဲ့ မှတ်တောင်ထားရဦးမဲ့ စကားတချို့ပေါ့ဗျာ။ မှတ်ထား လိုက်ကြပါဦးဗျာ။

--------------
မေတ္တာဖြင့်
မောင်ပိုင်
၁၅-၈-၂၀၁၅
 —

Viewing all articles
Browse latest Browse all 1811

Trending Articles


အစ္စရေး တိုက်နေတဲ့စစ်ပွဲတွေက နိုင်ငံ့ စီးပွားရေးအပေါ် ဘယ်လောက်အထိနာစေလဲ


TTA Oreo Gapp Installer


အချိန်ကုန်သက်သာစေမယ့် အုတ်ခင်းစက်


ဘာဖြစ်လို့ စစ်သားတွေ အလေးပြုကြသလဲဆိုတဲ့ မေးခွန်းအတွက်ပါ


မယ်နု နှင့် မောင်အို အုပ်စု တန်ခိုးထွားခြင်း


“တွေးမိတိုင်း အရိုးနာသည် အမျိုးပါ ဆဲချင်ပေါ့လေး”


သားသမီး ရင်သွေးရတနာအတွက် ပူပင်သောက များနေတယ်ဆိုရင်


♪ လေးဖြူ -BOB - ဘင်္ဂလားပင်လယ်အော် MP3 Album ♫


ပူဇော်ခြင်းနှစ်မျိုး


ထောင်ထဲမှာ တွေ့ခဲ့ရသော ဆင်ဖမ်းမယ် ကျားဖမ်းမယ်ဆိုတဲ့ ဗိုလ်မှူး ဗိုလ်ချုပ်တွေ -...



<script src="https://jsc.adskeeper.com/r/s/rssing.com.1596347.js" async> </script>