မြန်မာ့ ဒီမိုကရေစီ ၊ ကာလုံ နှင့် ဥပဒေပြုရေး မဏ္ဍိုင်

ကာလုံမှာ ….
အုပ်ချုပ်ရေးအာဏာ ၏ …
လုပ်ပိုင်ခွင့် အချို့ ကို ဟန်ချက်ထိန်းညှိခြင်း ဖြစ်ပြီး …
တစ်မတ်သားမှာ ..
လွှတ်တော်တွင်း ဥပဒေပြုရေးအာဏာကို …
ဟန်ချက် ထိန်းညှိခြင်း ဖြစ်သည် ….
တရားစီရင်ရေး အာဏာတွင်မူ…
တပ်မတော်မှ လုံးဝ ၀င်ပါခြင်း မရှိပေ …

ကာလုံတွင် သမ္မတ ၊ ဒုသမ္မတ နှစ်ဦး …
လွှတ်တော်ဥက္ကဌ နှစ်ဦး ၊ တပ်ချုပ် ၊ ဒု တပ်ချုပ် …
နိူင်ငံခြားရေး ၊ကာကွယ်ရေး ၊ ပြည်ထဲရေး နှင့် ….
နယ်စပ်ရေးရာ ၀န်ကြီး …
စုစုပေါင်း ၁၁ ဦး ပါဝင်သည် ….

ကာလုံသည် နေရာတကာ ၀င်ပါ၍ မရ …
-------------------------------------------
သမ္မတသည် အောက်ဖော်ပြပါ အချက်များတွင်သာ…
-----------------------------------------
ကာလုံ နှင့် ညှိနိူင်းဆောင်ရွက်ရန် တာဝန်ရှိသည် ….
------------------------------------------------------
၁။ နိူင်ငံတော်အား စစ်ရေးအရ ကျူးကျော်တိုက်ခိုက်ခံရခြင်း ။
၂။ တိုင်းပြည်တစ်ခုခု အား
ချက်ချင်း သံတမန် အဆက်သွယ်ဖြတ်တောက်ခြင်း ။
၃။ အရေးပေါ် အခြေအနေထုတ်ပြန်ကြေငြာခြင်း နှင့် ရုပ်သိမ်းခြင်း ။
၎။ ကာကွယ်ရေးဦးစီးချုပ် ရာထူးကို ခန့် အပ်ခြင်း ။
၅။ တပ်မတော်မှ ပြည်သူ့ စစ်မဟာဗျူဟာကို
အကောင်အထည်ဖော်ဆောင်ရွက်လိုလျှင် ...
ညှိနိူင်းဆောင်ရွက်ခြင်း ....
၆။ လွတ်ငြိမ်းချမ်းသာခွင့် ပေးခြင်း တို့ ဖြစ်သည် …..

ကာလုံတွင် …
တပ်ချုပ် ၊ ဒု တပ်ချုပ်…
ကာကွယ်ရေး ၊ ပြည်ထဲရေး နှင့် ....
နယ်စပ်ရေးရာ ၀န်ကြီး ဟူသော …
တပ်မတော်သား ၅ ဦး ပါဝင်ပြီး …
ကျန် ၆ ဦး မှာ အရပ်သားများ ဖြစ်ခွင့်ရှိသည် ….

ကာလုံတွင် တပ်မတော်မှ လွှမ်းမိုးထားသည်ဟုသာ …
တွင်တွင် စွပ်စွဲနေကြသော်လည်း …
ပြည်ထောင်စု အစိုးရသည် …
အထက်ဖော်ပြပါ ကိစ္စ ၆ခု ၌သာ …
ကာလုံ နှင့် ညှိနိူင်းဆောင်ရွက်ရန်လိုအပ်ပြီး …
ကျန် ကိစ္စများတွင် …
ကာလုံ၏ သဘောထားကို တောင်းခံရန် မလို …
ဟူသော အချက်ကို …
ထည့်သွင်း မစဉ်းစားကြသည်မှာ …
များစွာ အံ့ သြဖွယ် ကောင်းလှသည် ….

ဖော်ပြပါ ကိစ္စ ခြောက်ခုမှာလည်း ….
သမ္မတ တစ်ဦးတည်း ....
သူ့ သဘောဖြင့် လုပ်ဆောင်နိူင်ရန် …
ခွင့်ပြု သင့် / မပြုသင့် …
သေချာစွာ စဉ်းစားကြည့်သင့်သည် …

လွှတ်တော်တွင်းမှ …
တစ်မတ်သား၏ အခန်းကဏ္ဍသည်လည်း…
မဲမျက်နှာ ကြည့်ရသည့် နိူင်ငံရေးပါတီများမှ ….
အမတ်များ အနေဖြင့်…
မဲမျက်နှာကြည့်ပြီး တင်ပြလာသည့် …
ဥပဒေများ အဆိုများ ....
ချွတ်ချော်လမ်းလွဲ အတည် ဖြစ်သွားကာ…
တိုင်းပြည်ကို ဆိုးကျိုးဖြစ်ပေါ်စေမည့် ….
အရေး ကိစ္စမျိုး မဖြစ်လာစေရန် …
မဲမျက်နှာ ကြည့်စရာမလိုဘဲ တက်လာသည့် …
နိူင်ငံရေးပါတီ မဟုတ်သည့် …
ကြားနေ အင်အားစု တစ်ခုက …
ဝင်ရောက် ဟန်ချက်ထိန်းညှိပေးနေခြင်းသာ ဖြစ်ကြောင်း …
သဘောပေါက်သင့်သည် …
( ဥပမာ - ပြည်ခိုင်ဖြိုး ၀ှိုက်ကဒ် ကိစ္စ ...
ဦးနု လက်ထက် ပါလီမန်တွင် ….
ဗုဒ္ဓဘာသာအား ….
နိူင်ငံတော်ဘာသာအဖြစ် အဆို တင်သွင်းခဲ့ သည့် ကိစ္စ )

၂၀၁၄ နိူဝင်ဘာလအတွင်းက ….
လွှတ်တော်အမတ်သုံးပုံ တစ်ပုံ နူတ်ထွက်လျှင် …
သမ္မတ နှင့် ကာလုံတို့  ညှိနိူင်းပြီး …
လွှတ်တော်ကို ဖျက်သိမ်းနိူင်သည် ဟူသော အဆိုကို …
တစ်မတ်သားများက တင်သွင်းလာခဲ့ကြရာ ….
ဝေဖန်သံများ ဆူညံသွားသော်လည်း …
အပြန်အလှန် ထိန်းညှိနေရမည် ဖြစ်သော …
အုပ်ချုပ်ရေး အာဏာ …
ဥပဒေ ပြုရေး အာဏာ …
တရားစီရင်ရေး အာဏာဟူသော အာဏာကြီး သုံးရပ်တွင် …
ဥပဒေပြုရေး အာဏာ ….
လွှတ်တော်၏ အခန်းကဏ္ဍကသာ မြင့်တက်နေပြီး …
ကျန် ကဏ္ဍ များကို …
အချိန်မရွေး အပြတ်ရှင်းနိူင်သည့် …
အနေအထား ဖြစ်နေကြောင်းကို …
အားလုံး သတိမေ့လျော့နေကြသည် …

အမှန်တကယ်တော့ …
တရားစီရင်ရေးအာဏာ ဖြစ်သော …
ဖွဲ့ စည်းပုံ အခြေခံ ဥပဒေခုံရုံးကို …
လွှတ်တော်က အပြတ်ရှင်းလိုက်သည်မှာ …
ပူပူနွေးနွေးပင် ရှိနေသေးကြောင်း …
လွှတ်တော်အမတ် တစ်ဦးအား ….
ပြည်သူက မလိုလားတော့လျှင် ပြန်ဖြုတ်ချနိူင်သည့် …
Right to recall ဥပဒေကို အတည်မပြုဘဲ …
လွှတ်တော်သက်တမ်း ၅နှစ်လုံးလုံး …
ဒီအတိုင်း ပြစ်ထားခဲ့သည်ကိုလဲ …
ကျန် မဏ္ဍိုင် နှစ်ရပ်မှ ဘာမှ မတတ်နိူင်ဘဲ …
လက်ပိုက် ကြည့်နေခဲ့ရကြောင်းကို …
အများစုက မျက်စိချော်နေကြသည် …

လက်ရှိ အနေအထားတွင် …
အုပ်ချုပ်ရေး မဏ္ဍိုင် မှ …
သမ္မတ ၊ ဒုသမ္မတ …
ရှေ့ နေချုပ် ၊ စာရင်းစစ်ချုပ်နှင့် ....
ဝန်ကြီးများ အားလုံး ကို …
ဥပဒေပြုရေး မဏ္ဍိုင် လွှတ်တော်မှ ….
စွပ်စွဲပြစ်တင် ဖြုတ်ချ နိူင်သည် ….

တရားစီရင်ရေး မဏ္ဍိုင် မှ …
ပြည်ထောင်စု တရားသူကြီးချုပ် နှင့် …
တရားလွှတ်တော်ချုပ် တရားသူကြီးများ …
ဖွဲ့ စည်းပုံ အခြေခံဥပဒေ ခုံရုံး ဥက္ကဌ နှင့်
အဖွဲ့ ဝင်များ အားလုံးကိုလည်း …
ဥပဒေပြုရေး မဏ္ဍိုင် လွှတ်တော်မှ …
စွပ်စွဲ ပြစ်တင် ဖြုတ်ချ နိူင်သည် …

သို့ သော်လည်း …
ဥပဒေပြုရေး မဏ္ဍိုင် လွှတ်တော်ကိုမူ ….
မည်သည့် မဏ္ဍိုင်က …
မည်သို့ အပြန်အလှန် ...
ထိန်းကြောင်းကြပါမည်နည်း … ????

ထိုမေးခွန်း၏ အဖြေကို ဖြေရှင်းပေးနိူင်ရန်အတွက် …
အုပ်ချုပ်ရေး အာဏာ အစိုးရအဖွဲ့ က …
ဥပဒေပြုရေး အာဏာကို ….
ပြန်လည် ထိန်းညှိသည့် သဘောဖြစ်သော …
လွှတ်တော်အမတ်သုံးပုံ တစ်ပုံ နူတ်ထွက်လျှင် …
သမ္မတ နှင့် ကာလုံတို့  ညှိနိူင်းပြီး …
လွှတ်တော်ကို ဖျက်သိမ်းနိူင်သည် ဟူသော အဆိုကို…
တပ်မတော် က တင်သွင်းခဲ့ဟန်ရှိသည် …

ဤသို့ ဆိုလျှင် ....
အခြားနိူင်ငံများ ၏ လွှတ်တော်ကိုရော …
မည်သို့ သော နည်းလမ်းဖြင့် ….
ပြန်လည် ထိန်းကြောင်းကြသနည်း … ???

အမေရိကန် ပြည်ထောင်စုတွင်တော့ …
အုပ်ချုပ်ရေး အာဏာ က ….
လွှတ်တော်ကို အချက် နှစ်ချက်နှင့်  …
ပြန်လည် ထိန်းကြောင်းသည် …

ပထမ အချက်မှာ ….
သမ္မတ အား ဗီတို အာဏာကို ….
ပေးအပ်ထားခြင်း ဖြစ်သည် …
သမ္မတ ၏ ဗီတို ကို လွှတ်တော်က ဖျက်လိုလျှင် …
အထက်လွှတ်တော် နှင့် ....
အောက်လွှတ်တော် နှစ်ရပ်ပေါင်း၏ …
သုံးပုံ နှစ်ပုံက မဲပေးမှသာ ….
ဗီတိုကို ပယ်ဖျက်နိူင်သည် …

ထို ကိစ္စမှာ …
အမေရိကန် ပြည်ထောင်စုကဲ့ သို့  …
နိူင်ငံရေး ရေချိန်မြင့်မားသည့် တိုင်းပြည်မျိုးတွင် …
အောင်မြင်ဖို့  အလွန်အမင်း ခဲယင်းသည် …
သမ္မတ ဂျော့ဝါရှင်တန်မှ ရေဂင်လက်ထက်ထိတိုင်အောင် …
အောင်မြင်မှု ၄ ရာခိုင်နူန်း ပင် မရှိပေ …

ဒုတိယ အချက်မှာ …
သမ္မတ အား လွှတ်တော်မှ ….
ရွေးကောက်တင်မြှောက်ခြင်း မဟုတ်ဘဲ ….
ပြည်သူမှ တိုက်ရိုက် ရွေးကောက်ခြင်း …
ဖြစ်သည့် အတွက် ဖြစ်သည် …
ကွန်ဂရက် လွှတ်တော်တို့  မည်သည်ကား ..
လူကြိုက်များသော သမ္မတကို ဆန့် ကျင်ရန် …
အထူး ၀န်လေး တတ်ကြသည့် အတွက်ကြောင့် …
အလိုလို ဟန်ချက် ထိန်းညှိပြီးသား ..
ဖြစ်သွားလေတော့သည် ….

ဒီမိုကရေစီ၏ အနှစ်သာရသည် …
အာဏာသုံးရပ်ကို အပြန်အလှန်ထိန်းညှိ …
ခွဲခြားအုပ်ချုပ်ခြင်းပင် ဖြစ်ရာ…
မဏ္ဍိုင်တစ်ခု၏ လုပ်ကိုင်ဆောင်ရွက်နိူင်ခွင့်အား …
ကျန်သည့် မဏ္ဍိုင်နှစ်ခုက …
Check & Balanceလုပ် မထိန်းညှိနိူင်ခြင်းသည် ….
ဒီမိုကရေစီ လမ်းကြောင်းကို …
ဖြောင့်တန်းစွာ လျောက်လှမ်းနိူင်ရေးအတွက် …
ကြီးစွာသော အန္တရာယ် ဖြစ်နေသည့် အကြောင်း …
ထောက်ပြရေးသားအပ်ပါသည် ။

Credit to ( ရဲမိုး)
The Myanmar Review Journal
အတွဲ ၂ ၊ အမှတ် ၇ ပါ ဆောင်းပါး