အတိတ်ကို ပြန်လည်တူးဆွခြင်း (၈)
၁၉၉၁ ခုနှစ်မှာ ကျွန်တော်ဗိုလ်ကြီး အဆင့် ရာထူးတိုးပြီး ဗန်းမော် ထောက် လှမ်းရေးတပ်ကို ပြောင်းရတယ်။ အဲဒီ တုန်းက ဗန်းမော်က စည်စည်ကားကား မရှိသေးဘူး။ ခြောက်တိခြောက်ကပ် နဲ့။ ကျွန်တော်တို့ တာဝန်ယူရတဲ့ မြို့နယ်တွေက ဗန်းမော်၊ မိုးမောက်၊ မံစီ၊ ရွှေကူနဲ့ မြို့သစ်မြို့နယ်တွေ။
မြို့နယ်အချင်းချင်း ထိစပ်နေသလို ခရီးကလဲ သိပ်မဝေးလှပေမဲ့ အလွယ် တကူတော့ သွားလို့ မရဘူး။ ဗန်းမော် ကနေ မိုးမောက် သွားမယ်ဆိုရင် ဗန်းမော်မြို့အထွက် ရောက်တာနဲ့ စိတ် မချရတော့ဘူး။ အဲဒီတုန်းက ကေအိုင် အေနဲ့ ငြိမ်းချမ်းရေး မယူရသေးဘူး။ ဆွေးနွေးပွဲတောင် မလုပ်ရသေးဘူး။ ဒါပေမဲ့ ဗကပ ပြိုကွဲသွားတဲ့ အရှိန်နဲ့ တိုင်းရင်းသားလက်နက်ကိုင်တွေနဲ့ ငြိမ်းချမ်းရေးအစ ပြိုးနေချိန်ဆိုတော့ တိုက်ပွဲတွေ ကြီးကြီးမားမား မရှိတဲ့ ကာလလို့လည်း ပြောလို့ ရပါတယ်။
ဗန်းမော်ထောက်လှမ်းရေးမှာ တာဝန်ထမ်းဆောင်နေစဉ် ကာလမှာ နိုင်ငံရေးနဲ့ ပတ်သက်ပြီး ပြဿနာ ကြီးကြီးမားမား ကိုင်တွယ်ခဲ့ရတာ မရှိ ခဲ့ပါဘူး။ နိုင်ငံရေး လှုပ်ရှားမှုတွေလဲ မရှိသလောက်ပါဘဲ။ မှတ်မှတ်ရရ ကဗျာဆရာကြီး ဗန်းမော်ညိုနွဲ့ကို တွေ့ဆုံမေးမြန်းမှု တစ်ခုလုပ်ခဲ့ရသေး တယ်။ သူက ၁၉၉ဝ ပြည့်နှစ် ရွေးကောက်ပွဲမှာ မဲနိုင်ထားတဲ့ လွှတ် တော် ကိုယ်စားလှယ်တစ်ဦးပါ။ နာမည် အရင်းက ဦးပုထွေး။ အဲဒီတုန်းက ရွေးကောက်ပွဲပြီး နောက်ပိုင်း လွှတ် တော် ခေါ်ယူရေးပြဿနာ ပြင်းထန်နေ ချိန်ဖြစ်ပါတယ်။ လွှတ်တော်ကိုယ်စား လှယ်တွေရဲ့ သဘောထားတွေကို သိလိုတဲ့အတွက် နဝတဥက္ကဋ္ဌ ကိုယ် တိုင် မေးခွန်းထုတ် မေးမြန်းစေခိုင်းခြင်း ဖြစ်ပါတယ်။ အဲဒီတုန်းက ဥက္ကဋ္ဌက ဗိုလ်ချုပ်မှူးကြီးစောမောင်ပါ။
ကျွန်တော်တို့တာဝန်က မေးထား တဲ့ မေးခွန်းကို ရေးထားတဲ့အတိုင်း ဖတ်ပြီးမေး။ သူဖြေရင် ဖြေတဲ့အတိုင်း ရေးရုံဘဲ။ အပိုတွေ၊ သုံးသပ်ချက်တွေ ဘာမှထည့်လို့ မရဘူး။ ပြီးရင် ဖြေတဲ့ သူကို လက်မှတ်ထိုးခိုင်းပြီး ပြန်ပို့ပေး ရတယ်။ အဲဒီမှာ ဘာကို သဘော ပေါက်လာသလဲ ဆိုတော့ ထောက် လှမ်းရေးဆိုတာ အစိုးရရဲ့ လိုလားချက် မှန်သမျှ အဆင်ပြေအောင် လုပ်ပေး ရတာဘဲ ဆိုတာကိုပါ။ ဟုတ်တယ် လေ။ လွှတ်တော်ကိုယ်စားလှယ် တစ် ယောက်ရဲ့ သဘောထားကို မေးမြန်းတဲ့ ကိစ္စမှာ ဒေသအာဏာပိုင်တွေ ဖြစ်တဲ့ ခဝတတို့၊ မဝတတို့ကိုဘဲ ခိုင်းခိုင်း၊ ရွေးကောက်ပွဲ ကော်မရှင်ကိုဘဲ ခိုင်း ခိုင်း၊ ခိုင်းလို့ ရတာဘဲဟာ။
ဗန်းမော်မှာ တာဝန်ထမ်းဆောင် နေတုန်း တော်တော် စိတ်မကောင်း စရာ အခြေအနေတစ်ခုကို ကြုံတွေ့ ခဲ့ရသေးတယ်။ နိုင်ငံရေးစနစ် မမှန်ရာ ကနေ ဖြစ်ပေါ်လာတဲ့ နိုင်ငံရေးတိုက်ပွဲ တွေကြားမှာ ဒုက္ခရောက်သွားကြတဲ့ လူငယ်လေးတွေရဲ့ တကယ့် ဖြစ်ရပ် မှန် ဇာတ်လမ်းလေးပါ။ အဲဒီတုန်းက ကေအိုင်အေရဲ့ဌာနချုပ်က လိုင်စင်မှာ ပါ။ ၈၈ အရေးအခင်းပြီး ကျောင်းသား တွေ တောခိုခဲ့ကြတာ အားလုံးသိကြ ပါတယ်။
အဲဒီမှာ ကျောင်းသားတပ်မတော် (ABSDF) ဆိုပြီး အစိုးရကို တော်လှန် မဲ့ လက်နက်ကိုင် တော်လှန်ရေးအဖွဲ့ သစ်တစ်ခု ပေါ်လာခဲ့ပါတယ်။ ကျွန် တော်ပြောလိုတာက ကချင်ပြည်နယ် မှာ ရှိတဲ့ ကျောင်းသားတပ်မတော် (ABSDF-NB) နဲ့ ပတ်သက်တဲ့ ကိစ္စ လေးတွေပါ။ ABSDF မြောက်ပိုင်း အဖွဲ့ဌာနချုပ်ဟာ ကေအိုင်အေဌာန ချုပ် လိုင်စင်စခန်းနဲ့ ကပ်ရက် ပါဂျောင် ဒေသမှာ အခြေပြုပါတယ်။
အဲဒီမှာ ကျောင်းသားအချင်းချင်း စွပ်စွဲပြီး ရက်ရက်စက်စက် သတ်ပစ်တဲ့ ကိစ္စတွေ ဖြစ်ပွားခဲ့ကြပါတယ်။ ၂ဝဝ၈ ဖွဲ့စည်းပုံအရ နိုင်ငံရေးစနစ်တစ်ခု အပြောင်းအလဲကာလမှာ ABSDF မြောက်ပိုင်းကိစ္စ ပြန်ဖော်လာကြတာ ကို တွေ့ရပါတယ်။ ဒါကလဲ ခံရတဲ့ သူတွေဘက်က ကြည့်ရင် မချိမဆန့် ခံခဲ့ရတော့ ပြန်တုံ့ပြန်ချင်မှာ အမှန် ဘဲ။ ကျွန်တော်တို့အနေနဲ့ကတော့ ကိုယ်တိုင် မမြင်ခဲ့ရပေမဲ့ ရရှိတဲ့သတင်း တွေနဲ့ နောက်ပိုင်းမှာ အဖမ်းခံရပြီး အစုလိုက် အပြုံလိုက် ထွက်ပြေးလာတဲ့ သူတွေကို မေးမြန်းခဲ့ရတဲ့ အခြေအနေ တွေအရသာ သိခဲ့ရတာပါ။
သူတို့အချင်းချင်းဖြစ်တဲ့ ကိစ္စမှာ ထောက်လှမ်းရေးတွေလို့ စွပ်စွဲ ခေါင်း စဉ်တတ်တာကို သွားတွေ့ရတယ်။ ဒါက လည်း ၁၉၈၈ အရေးအခင်းကာလမှာ ခေါင်းဖြတ်သတ်တုန်းက စွပ်စွဲသလို ထောက်လှမ်းရေးတွေ၊ ထောက်လှမ်း ရေးရဲ့ အမာခံတွေလို့ဆိုပြီး လုပ်တာနဲ့ ထူးမခြားနားပါဘဲ။ ထောက်လှမ်းရေး မှာ အသွင်ယူ စုံစမ်းရေးဆိုတာ ရှိပါ တယ်။ ဒါပေမဲ့ ကျွန်တော့် သက်တမ်း တစ်လျှောက်မှာ အဲဒီလိုမျိုး ကိုယ့်လူကို ထည့်ပြီး သတင်း ပြန်ယူခဲ့တာ မရှိခဲ့ ဖူးပါဘူး။ အထူးသဖြင့် လက်နက်ကိုင် အဖွဲ့အစည်းတွေထဲကိုပါ။ အဲဒီလောက် အရေးတကြီး သတင်းယူစရာလဲ မရှိ သလို ယူစရာလဲ မလိုပါဘူး။ သတင်း ပေး ယန္တရားနဲ့စနစ်ကို သုံးရုံနဲ့တင် လုံလောက်ပါတယ်။
အဓိက ဖြစ်စဉ်ကတော့ အချင်း ချင်းနေရာနဲ့ အာဏာလုတဲ့ ကိစ္စလို့ ပြောရင် ပိုမှန်မယ်ထင်တယ်။ ABSDF မြောက်ပိုင်းမှာ အုပ်စုကြီးနှစ်စု ရှိပါ တယ်။ ရန်ကုန်၊ မန္တလေးကျောင်းသား အုပ်စုနဲ့ မိုးညှင်းအုပ်စုတို့ဘဲ ဖြစ်ပါ တယ်။ မြို့ပေါ်က ကျောင်းသား အုပ်စု က ပထမပိုင်းမှာ အားကောင်းပြီး အုပ်ချုပ်ရေးပိုင်းကို ကိုင်ထားပါတယ်။ မိုးညှင်းအုပ်စုကတော့ စစ်ရေးနဲ့ တိုက် ခိုက်ရေးပိုင်းကို တာဝန်ယူထားတဲ့ ပုံစံ မျိုး တွေ့ရပါတယ်။ စဖွဲ့စည်းကတည်း ကကို သူ့အုပ်စု ကိုယ့်အုပ်စု၊ သူ့လူ ကိုယ့်လူ ဆိုပြီး အုပ်စုဖွဲ့ပြီး အားပြိုင် နေခဲ့ကြတာပါ။ power sharing လုပ်ထားတဲ့ ပုံစံမျိုး ဖြစ်နေတယ်။
အသတ်ခံရတဲ့ သူတွေက ရန်ကုန်၊ မန္တလေးအုပ်စုက လူတွေ။ ကျွန်တော် ဗန်းမော်ကို ရောက် တော့ သူတို့ရဲ့ အကွဲအပြဲဇာတ်လမ်းက အစပျိုးနေပါပြီ။ သတင်းတွေကတော့ မပြတ်ရပါတယ်။ မကြာခင် ပေါက်ကွဲ တော့မယ်ဆိုတာ ကြိုသိနေတဲ့ အနေ အထားပါ။ ဒီလိုပြောရင် ခံရတဲ့သူတွေ ဘက်က ဘာလို့ မကယ်တာလဲလို့ ပြောကြလိမ့်မယ်ထင်တယ်။ နယ်မြေ ကလည်း အမဲရောင်နယ်မြေ၊ အဖွဲ့ အစည်းကလဲ သူပုန် အဖွဲ့အစည်း ဆိုတော့ ဘာမှ လုပ်လို့မှ မရတာ။
အဲဒီအချိန်မှာ သြဇာရှိပြီး ထိန်းနိုင်တာ က ကေအိုင်အေပါ။ ကျွန်တော့် အထင် ပြောတာပါ။ ဒါပေမဲ့ သူလဲ သူ့မူနဲ့ သူ၊ သူ့ကိစ္စနဲ့ သူရှိမှာဆိုတော့ သူ့အပြစ် လို့လဲ မဆိုသာပါဘူး။ အမှန်ကတော့ စနစ်တကျ ဖွဲ့စည်းထားတာ မဟုတ်တဲ့ အတွက်ရယ်၊ ဒေသပေါင်းစုံကလာပြီး ဝါသနာ စရိုက်မတူကြတာရယ်၊ စည်း မျဉ်းစည်းကမ်း မခိုင်မာတာရယ်၊ ရာထူး နေရာကို အရည်အချင်းထက် အင်အား တောင့်သူ သြဇာကြီးသူတွေက ရယူ သိမ်းပိုက်ထားပြီး ကိုယ့်အင်အား၊ သူ့အင်အား တည်ဆောက်ခဲ့ကြတာ တွေကြောင့်လို့ ထင်ပါတယ်။
အဲဒီတုန်းက အဖမ်းခံထားရတဲ့ ကျောင်းသားတွေ ထွက်ပြေးလာပြီ။ နောက်ကနေ လိုက်ဖမ်းနေတယ် ဆို တာလဲ သတင်းရပါတယ်။ ကျွန်တော် တို့က ဗန်းမော်မှာ ရှိတဲ့ စစ်ဗျူဟာမှူး ကို သတင်းပို့ပြီး လိုအပ်တာ အကူ အညီပေးနိုင်အောင် ခြေလျင်တပ်တွေ ကို အသိပေးခဲ့ပါတယ်။ ဒါပေမဲ့ သူတို့ က ပြည်တွင်းတောလမ်းက မလာဘဲ တရုတ်ပြည်ထဲက ဖြတ်လာပြီး မူဆယ် ဘက်က ဝင်လာကြတာ။ အဲဒီကမှ တစ်ဆင့် ကျွန်တော်တို့တပ်ကို လွှဲပေး ခဲ့ပါတယ်။ အဲဒီမှာ ကျွန်တော်တို့က သူတို့ကို တပ်ရိပ်သာမှာ ထားပြီး စားဝတ်နေရေးနဲ့ လိုအပ်တဲ့ ဆေကုသ မှုကအစ လုပ်ပေးခဲ့ပါတယ်။ ပြီးတော့ သူတို့ကို ဖြစ်စဉ် အခြေအနေတွေ မေးမြန်းစစ်ဆေးပြီး အားလုံးရှင်းသွား တဲ့အခါမှာ မိသားစုတွေဆီကို ပြန်ပို့ ပေးခဲ့ပါတယ်။
အဲဒီတုန်းက သူတို့ရဲ့ ပြောဆိုချက် တွေနဲ့အတူ သူတို့ထဲက တချို့ကို ရန်ကုန်မှာ သတင်းသမားတွေနဲ့ ပေးတွေ့ပြီး သူတို့ပြောချင်တာ ပြောလို့ ရအောင် သတင်းစာရှင်းလင်းပွဲတစ်ခု အစိုးရရဲ့ ခွင့်ပြုချက်အရ ထောက်လှမ်း ရေးက စီစဉ်ပေးခဲ့ပါတယ်။ အဲဒီလို စီစဉ်ပေးတာကို ထောက်လှမ်းရေးက ABSDF အဖွဲ့ ပြိုကွဲအောင် သေးသေး မွှားမွှားကိစ္စလေးကို ပုံကြီးချဲ့ပြီး ဝါဒ ဖြန့်တာဆိုတဲ့ အသံတွေ ထွက်လာပါ သေးတယ်။ ဘယ်လိုဘဲ ဖြစ်ဖြစ်ပါ။ ဒီဖြစ်စဉ် ဖြစ်ရပ်မှာ သူတို့ ပြန်ဝင်လာတဲ့ အချိန် စစ်ကြော မေးမြန်းတာရယ်၊ သတင်းစာရှင်းလင်းပွဲ စီစဉ်ပေးတာ ရယ်၊ စားဝတ်နေရေးနဲ့ ဆေးဝါးကုသ ပေးတာရယ်၊ မိသားစုဆီပြန်ပို့ပေးတာ ရယ်ကလွဲလို့ တပ်မတော်ထောက်လှမ်း ရေးရဲ့ ပယောဂ မပါသလို ABSDF အဖွဲ့ထဲကိုလဲ ထောက်လှမ်းရေးတွေ ထည့်သွင်း တာဝန်ပေးခဲ့ခြင်း မရှိဘူး ဆိုတာကတော့ သေချာပါတယ်။
(ဆက်လက်ဖော်ပြပါမည်)
ဝင်းနိုင်သောင်း