Image may be NSFW.
Clik here to view.
Clik here to view.
(၁)
လူရယ်လို့ဖြစ်လာရင် ကိုယ့်သက်ဆိုင်ရာ ဘ၀တွေအတွက် ရည်ရွယ်ချက်တွေ ရှိမယ်၊ ယုံကြည်ချက်တယ် ရှိမယ် ထို့အတူ မျှော်လင့်ချက်တွေ ရှိနေမှာပါ။
ဒါကြောင့်လည်း ရည်ရွက်ချက်တွေ၊ ယုံကြည်ချက်တွေ၊ မျှော်လင့်ချက်တွေ ဖြစ်မြောက်ပြည့်စုံနိုင်အောင် ကြိုးစားရုန်းကန်နေကြရတာမဟုတ်ပါလား။ ဘ၀က ကိုယ်ဖန်တီးသလို ဖြစ်လာတတ်ပေမယ့် တစ်ခါတလေ ဘ၀ဖန်တီးပေးသလို လိုက်ပြီးလျှောက်ရတဲ့အခါလည်း ရှိတယ်။ ဘယ်လိုအခြေအနေပဲ ဖြစ်ပါစေ အကောင်းဆုံး မျှော်လင့်ချက်နဲ့ အကောင်းဆုံးဖြစ်နိုင်ဖို့ ကိုယ်စွမ်း၊ ဥာဏ်စွမ်းရှိသမျှ ဆောင်ရွက်လုပ်ကိုင်ကြရတာပေါ့။
ကျွန်တော့်မှာလည်း မျှော်လင့်ချက်ရှိတယ်။ ရည်ရွယ်ချက်ရှိတယ်။ အဲဒါကတော့ အသက်ငါးဆယ်ရွယ် ရောက်ခဲ့ရင် ကိုယ်စိတ်ကူးသလို ဖြစ်အောင်ဆောင်ရွက်လိုတဲ့အချက်ပါပဲ။ အသက်ငါးဆယ်ရောက်ရင် ကျွန်တော် ဆောင်ရွက်စရာတွေ ရှိပါတယ်။ အသက်ငါးဆယ်မှာ ပြန်စတင်ရမယ့် ဘ၀တစ်ခု ဆိုပါတော့။
(၂)
"လူ့ဘ၀ထဲ ဘာလုပ်ဖို့ ရောက်လာသလဲ၊ ဘာအတွက် ရောက်လာသလဲ "လို့ ကိုယ့်ကိုယ်ကို ခဏခဏ ပြန်မေးကြည့်ဖူးတယ်။ အဲဒီအခါ ဘ၀ဆိုတာဘာလဲ၊ ဘ၀ထဲ ဘာကြောင့်ရောက်လာသလဲ တွေးကြည့်ဖူးတယ်။ တွေးရင်းနဲ့လည်း ချာလည်လည်ခဲ့တာ မနည်းလှတော့ဘူးပေါ့။
ဘ၀ဆိုတာရောဘာလဲ။ မွေးဖွားခြင်းကနေ သေဆုံးခြင်းအထိ ဘ၀တစ်ခု။ သေပြီဆိုရင်ဖြင့် ဘ၀တစ်ခု ပြည့်စုံပြီလို့ ဆိုရမယ်ပေါ့။ ဒီတော့ မသေသေးရင် ဘ၀တစ်ခုမပြီးမြောက်သေးဘူး။ အသက်ရှင်သန်ခြင်းမှာရော ဘယ်လိုနည်းနဲ့ အသက်ရှင်နေထိုင်မှာပါလဲ။
ပုရွတ်ဆိတ်ကလေးလည်း ဘ၀တစ်ခု၊ ဆင်ကြီးဆိုတာလည်း ဘ၀တစ်ခု၊ မဟာလူသားဆိုတဲ့ လူသားတစ်ယောက်ကလည်း ဘ၀တစ်ခုစီပါပဲ။ ကိုယ်စီမံရာ ကံကလိုက်ပြီး သတ္တ၀ါဘ၀အစုံစုံမှာ တစ်မျိုးတစ်ဖုံစီ ပတ်လည်ရိုက် ကျင်လည်ကြရတယ်။ ဒီလိုကျင်လည်ရတဲ့ ဘ၀မှာ တိရစ္ဆာန်ဆိုတဲ့ အသိဥာဏ်နိမ့်ပါးတဲ့ အခြေအနေမျိုးမှာဆိုရင်တော့ ဘ၀ထဲ ဘာအတွက်ရောက်လဲသလဲဆိုတာတော့ ပျမ်းမျှအားဖြင့် အိပ်၊ စား၊ ကာမ အတွက်ပဲ ဖြစ်နိုင်ပါလိမ့်မယ်။
အသိဥာဏ်ထက်မြက်ပါတယ်ဆိုတဲ့ ကျွန်တော်တို့ မဟာလူသားများကရော ရခဲလှတဲ့ ဒီလူ့ဘ၀ထဲ ဘာလုပ်ဖို့ ရောက်လာကြပါသလဲ။ ဘာအတွက် ရောက်လာကြပါသလဲ။
ဗုဒ္ဓဘာသာဝင်တစ်ဦးဖြစ်သလို သံသရာ၊ နောက်ဘ၀ဆိုတာကို ယုံကြည်တယ်။ ဒီတော့ ဒီသံသရာကနေ ကျွတ်လွတ်ကြောင်း မရှာဖွေ၊ မကျင့်ကြံသေးသမျှ နောင်ဘ၀၊ နောက်ဘ၀တွေဆိုတာ အထပ်ထပ်အခါခါ ဖြစ်နေဦးမှာ အမှန်ပါပဲလေ။ ဒီလိုဘ၀တွေကို ကျင်လည်ရာမှာ ဘ၀တိုင်း စိတ်ရော၊ ကိုယ်ပါ ပြည့်စုံချမ်းသာချင်တယ်။ ဒါက လောကီအတွက် ဆိုပါတော့။ နောက်ဆုံးရည်မှန်းချက်ကတော့ သံသရာက လွတ်ကြောင်းပေါ့။
ရခဲလှတဲ့ လူ့ဘ၀ကြီးမှာ ကြုံရခဲတဲ့ သာသနာနဲ့လည်း ကြုံပြီ၊ လမ်းညွှန်ပြပေးနိုင်တဲ့ ဆရာသမားကောင်းတွေ ကလည်းရှိနေပြီ၊ ကျင့်ကြံနိုင်တဲ့ အနေအထားလည်းရှိနေပြီ၊ ကာလဒေသအားဖြင့်လည်း မဆိတ်သုဉ်းသေး ဒီတော့ ဒီလူ့ဘ၀ကြီးမှာ တကယ့်အနှစ်သာရအစစ်ရဖို့ ဘာလုပ်ရမလဲ၊ ဘာတွေလုပ်သွားမှာလဲ။
(၃)
"မင်းက တပ်ထဲက ထွက်ပြီး ဘာလုပ်မှာလဲ "
"အပြင်မှာ ကိုယ်စွမ်း၊ ဥာဏ်စွမ်းရှိသမျှ ရှာဖွေချင်တယ်၊ လုပ်ကိုင်ချင်တယ်။ ဘ၀ကို ပုံသေကားချပ်ကြီး မသွားချင်ဘူး၊ ပြီးတော့ ထိုက်သင့်တဲ့အနေအထားတစ်ခုရပြီဆိုရင် ကျွန်တော်က ဘုန်းကြီးဝတ်မှာ "
အဲဒီလို ကျွန်တော်ပြောတော့ အထက်အရာရှိက ပြုံးတယ်။ ဘုန်းကြီးဝတ်မှာဆိုတဲ့ စကားက ရယ်စရာလည်း ဖြစ်ချင်ဖြစ်နေမှာကိုး။ တကယ်လည်း ၀တ်ချင်ခဲ့မိသလို၊ ၀တ်ဖို့လည်း ကျွန်တော် ရည်မှန်းထားခဲ့ပါ တယ်။ အဲဒါကတော့ အသက် ငါးဆယ်အရွယ်ရောက်ရင်ပေါ့။ ငါးဆယ်အရွယ်အထိ မသေသေးလို့ နေရသေးရင်ပေါ့။
ခုဝတ်ပါလားလို့တော့ ပြောကောင်းပြောနိုင်ပါတယ်။ ခု မ၀တ်ချင်သေးတာ မဟုတ်ပါဘူး။ ခင်ပွန်းဆိုတဲ့ နေရာ၊ မိဘဆိုတဲ့ နေရာကို ပိုင်ဆိုင်ထားနှင့်ရပြီ။ ခင်ပွန်းတာဝန်၊ မိဘတာဝန်ကို အကောင်းဆုံးထမ်းဆောင်ချင် သေးတယ်။ ပြောရရင်တော့ ငါးဆယ်အရွယ် မရောက်မီကာလမှာ ဇနီးနဲ့ သမီးအတွက် ပြီးပြည့်စုံတဲ့ ဘ၀အခြေအနေ မဟုတ်တောင် ထိုက်သင့်တဲ့အခြေအနေမျိုးရောက်အောင် ရှာဖွေပေးခဲ့ချင်သေးတယ်။
ဒီလိုရှာဖွေတဲ့ကာလမှာလည်း ဒါနကုသိုလ်၊ သီလကုသိုလ်၊ ဘာဝနာကုသိုလ်ဆိုတဲ့ ကောင်းမှုကုသိုလ်တွေကို တတ်နိုင်သမျှ ဖြည့်စွမ်းသွားရမယ်။ ငါးဆယ်အရွယ် မရောက်ခင် သေဆုံးခဲ့ရင် ထပ်ပြီး လည်ရမယ့် သံသရာခရီးမှာ လောကီချမ်းသာမှုလေးပြည့်စုံအောင်ပေါ့။
အသက်ငါးဆယ်မှ ၀တ်တော့ ဘာတွေလုပ်နိုင်ဦးမှာလဲ။ ဘယ်လာက်အထိ ကျင့်ကြံနိုင်ဦးမှာလဲ။
(၄)
ကုသိုလ်စိတ်၊ အကုသိုလ်စိတ်တွေဆိုတာ အာရုံပေါ်တည်မှီပြီး ဖြစ်လေ့ရှိပါတယ်။ တချို့ကတော့ ကိုယ့်စိတ် သာလျှင် ပဓာနလို့ ဆိုတယ်။ သို့ပေမယ့် အနိဋ္ဌာရုံတစ်ခုအပေါ်မှာ၊ တပ်မက်စရာအာရုံတစ်မှာ ကုသိုလ်စိတ်ဝင်ဖို့က တော့ခက်ခဲမယ်ထင်ပါတယ်။
တပ်မက်စရာ၊ တွယ်တာစရာ အာရုံတွေထဲမှာ နှစ်ပေါင်းများစွာ ကျင်လည်ခဲ့ပြီ။ ဒီတော့ ဒီအာရုံတွေကို စွန့်ပြီး၊ ကောင်းမွန်ရာစိတ်အာရုံတွေကို ပြောင်းလဲနိုင်ဖို့ အဲဒီအသက်ငါးဆယ်မှ စတင်မလို့ပါပဲ။ ငါးဆယ်အရွယ်ဆိုတာ လူ့သက်တမ်းအားဖြင့် မငယ်လှတော့ဘူးလို့လဲ ပြောလို့ရသလို အရွယ်ကောင်းအနေဖြင့်လဲ ရှိသေးတယ်လို့ ဆိုနိုင်မယ်ထင်ပါတယ်။
ကျန်းမာနေမယ်၊ အသက်ဆက်လက်ရှင်သန်နေဦးမယ်ဆိုရင် အသက်ငါးဆယ်အရွယ်မှာ ရဟန်းဝတ်ခြင်းဖြင့် ကိုယ့်ဘ၀အတွက်၊ လူဖြစ်လာရတဲ့ဘ၀အတွက် အဓိပ္ပါယ်ကောင်း ရရှိမယ်၊ ရှာဖွေနိုင်မယ်လို့ ယုံကြည်လို့ပါ။ ဒါကျွန်တော်ယုံကြည်ရာပါ။
ဇနီးရယ်၊ သမီးရယ်နဲ့ လောကီအာရုံတွေဆိုတာ ဒီဘ၀တင်မကပါဘူး ဘ၀တိုင်းမှာ ခံစားခဲ့ကြရတာပါ။ နောက်ထပ်လည်း ဘယ်မျှထိခံစားနေကြဦးမလဲဆိုတာ မသိနိုင်ပါဘူး။ ဒီတော့ ဖြစ်ဖြစ်မြောက်မြောက် လူရယ်လို့ ခြေကောင်း၊ လက်ကောင်း၊ စိတ်ကောင်း၊ ဒေသကောင်း၊ သာသနာကောင်းနဲ့ ကြုံရခိုက်မှာတော့ အမြတ်အစွန်းဖြစ်ဖြစ်ကျန်အောင် ကြိုးစားသွားရမှာပါ။
မတ်တတ်စာ၊ တုံးလုံးစာ တဲ့။ တုံးလုံးစာအသာထားလို့ မတ်တတ်စာအတွက် မနည်းရုန်းကန်နေကြ ရတာပါ။ ဒီလိုရုန်းကန်နေကြရတော့လဲ တုံးလုံးအတွက် မပြင်နိုင်၊ သေဆုံးအခြင်းအတွက် မပြင်နိုင်ဖြစ်ပြီး အသက်ငင်ကမှ မျက်ရည်ကြီးငယ်ကျရမဲ့ အဖြစ်မျိုးကို တွေးမိတိုင်းကြောက်လှပါတယ်။
ဒါကြောင့်လဲ မတ်တတ်ကနေ တုံးလုံးမလဲခင်စပ်ကြားလို့ တွေးထင်ထားတဲ့ ဒီငါးဆယ်အရွယ်မှာ ဘ၀ပြန်စဖို့၊ လောကီရဲ့ဟိုဘက်ဘ၀ပြန်စဖို့ ဆုံးဖြတ်ရခြင်းပါ။
ငါးဆယ်မှာ ဇနီးနဲ့ သမီးကိုစွန့်မယ်၊ လောကီအလုပ်တွေကို စွန့်မယ်၊ ရှုပ်ထွေးပွေလီနေတဲ့ အမြင်အာရုံ၊ အကြားအာရုံတို့ကိုစွန့်မယ်။ ဒါဟာ ကျွန်တော့်ရဲ့ ငါးဆယ်အရွယ်အတွက် မျှော်လင့်ချက်၊ အနာဂတ်၊ ယုံကြည်ချက် တွေပါပဲ။
ဒါတွေကို ပြည့်စုံဖို့ ယုံကြည်ချက်တွေပြည့်စုံဖို့ ကျွန်တော် စိတ်ရော၊ ကိုယ်ပါ ခွန်စိုက်အားစိုက် ကြိုးစားသွားရမှာတော့အမှန်တကယ်ပါပဲဗျာ။
ငါးဆယ်အထိ ရှင်နေမယ်၊ မသေသေးဘူးဆိုရင်ပေါ့။
----------------
မေတ္တာဖြင့်
မောင်ပိုင်(လေးမျက်နှာ)
၅-၁၀-၂၀၁၅