၁၇။ ဖေဖေတပ်ခွဲမှူး(ဗိုလ်မှူး)တာဝန် ထမ်းဆောင်နေစဉ်မှာ ကျနော်က(၅)နှစ်သားပဲ ရှိပါသေးတယ်။ စစ်ဆင်ရေးကပြန်လာတဲ့ ဖေဖေပြောပြလို့ စစ်ပွဲတွေအကြောင်းကို ပုံပြင်တစ်ပုဒ်နားထောင်သလို စတင်ကြားခဲ့ရတယ်။ ယနေ့အထိမှတ်မိသမျှထဲ တစ်ခုသောစစ်ဆင်ရေးကအပြန် ဖေဖေ့ယူနီဖေါင်းစုတ်ပြဲပြီး ဖိနပ်ချွတ်လိုက်ချိန်မှာ ခြေမကပုပ်ပြီး ရောင်ကိုင်းနေပါတယ်။ ညဘက်ရောက်တော့ ကျနော်တို့မိသားစုကို ဖေဖေက အကြောင်းစုံပြောပြပါတယ်။
စစ်တိုက်တိုင်း မိမိချည်းနိုင်နေတယ်ဆိုတာ မရှိပါဘူး။ မိမိကနိုင်လိုက် ရန်သူကနိုင်လိုက်နဲ့ တစ်လှည့်စီတော့ ရှိမှာပါ။ အဲဒီစစ်ဆင်ရေးတစ်ခေါက်မှာ ရန်သူရဲ့ခြုံခိုတိုက်ခိုက်ခံရတာကြောင့် ဖေဖေရဲ့တပ်ခွဲဟာ ကစဥ့်ကလျားဖြစ်ခဲ့ပြီး လူစုကွဲသွားပါတယ်။ ဖေဖေလည်းကျောက်တုံးညှပ်ပြီး လမ်းမလျောက်နိုင်တော့ တပည့်ရဲဘော်က တရွတ်ဆွဲပြီး လျှိုထဲကိုလှိမ့်ဆင်းခဲ့ရပါတယ်။ ဖေဖေရဲ့စစ်ဆင်ရေးသေတ္တာငယ်ကို ရန်သူကရရှိသွားပါတယ်။ အခြားသောစစ်သည်တွေနဲ့ ပြန်တွေ့ခဲ့ပေမယ့် တောထဲမှာ(၃)ရက်လောက် လမ်းပျောက်၊ အစာရေစာပြတ်နေတာကြောင့် အားပြတ်နေကြပါတယ်။ မြတ်စွာဘုရားရှင်ရဲ့ အာဝေဏိကဂုဏ်တော်တွေကို ပွားများနေတာကြောင့် တောကြီးမျက်မည်းထဲမှာ မုဆိုးတစ်ဦးနဲ့ တွေ့ခဲ့ပါတယ်။ မုဆိုးကသူ့မှာပါတဲ့ ထမင်းထုပ်ကို ဖေဖေနဲ့စစ်သည်(၅)ယောက်လောက်အတွက် ပေးပြီး တပ်စခန်းတစ်ခုကို လမ်းပြပေးခဲ့ပါတယ်။ နောက်တစ်ကြိမ်စစ်ဆင်ရေးမှာ ဖေဖေလိုက်မသွားရဘဲ ခေတ္တဌာနချုပ်တပ်ခွဲမှူးတာဝန်နဲ့ တပ်ရင်းဌာနချုပ်မျာ နေခဲ့ရပါတယ်။ ဖေဖေ့တပ်ခွဲကိုတော့ အခြားအရာရှိတစ်ဦးက တပ်ခွဲမှူးအဖြစ်လိုက်ပါသွားပါတယ်။
တစ်ရက်မှာတော့ ဖေဖေအိမ်မှာထမင်းစားနေတုန်း ဆသရရဲဘော်က စာတစ်စောင်လာပေးပါတယ်။ စာကိုဖတ်နေရင်း ဖေဖေဟာမျက်ရည်တွေဝဲလာပြီး ထမင်းတောင်ဆက်မစားတော့ပါဘူး။ ကျနော်တို့မိသားစုလည်း ဖေဖေ့ကိုကြည့်ပြီး အလိုလိုစိတ်မကောင်းဖြစ်သွားကြတယ်။ မိသားစုထမင်းဝိုင်းဟာ ချက်ချင်းပဲတိတ်ဆိတ်သွားပြီး အားလုံးက ဖေဖေ့မျက်နှာကိုပဲကြည့်နေမိတယ်။ ငါ့တပည့်တွေတိုက်ပွဲကျကုန်ပြီ၊ ဘယ်သူဘယ်ဝါတွေပါသွားပြီလို့ တစ်လုံးချင်းစီ ဖေဖေက ပြောပါတယ်။ မှတ်မိသလောက် အရာရှိ၊စစ်သည်(၁၁)ဦး တိုင်းပြည်အတွက် အသက်ပေးသွားခဲ့ကြပါတယ်။ အဲဒီသတင်းကြောင့် ဖေဖေကရက်အတန်ကြာသည်အထိ ထမင်းကောင်းကောင်းမစားနိုင်တာ တွေ့ခဲ့ပါတယ်။
၁၈။ ခမရ(၁၀၄)မှာ တပ်စုမှူးတာဝန်ထမ်းဆောင်ရင်း ရန်သူပစ်လိုက်တဲ့ လက်နက်ကြီးကျည် အနီးကပ်ကျရောက်ပေါက်ကွဲမှုကြောင့် ဦးခေါင်းနဲ့နောက်ကျောအနှံ့ စပင်နာစတွေဝင်သွားတာကြောင့် သတိလစ်သွားတဲ့ ဖေဖေ့ကို ရဟတ်ယာဉ်နဲ့ ဘားအံဆေးရုံကို တင်ခဲ့ကြတယ်။ ဘားအံဆေးရုံရောက်တဲ့အချိန်မှာ ရက်သတ္တပတ်ကြာမေ့မြောနေတဲ့ ဖေဖေ့ကိုခွဲစိတ်ရာမှာ ဒဏ်ရာမှာပြည်တည်ပြီး လောက်တွယ်နေပြီ ဖြစ်ပါတယ်။ ဘားအံဆေးရုံကမှ မော်လမြိုင်ဆေးရုံကို ပို့ဆောင်ခဲ့ပြီးနောက်မှ သတိပြန်လည်လာခဲ့ပါတယ်။ သခင်သန်းထွန်းဦးစီးတဲ့ ဗကပဗဟိုကို ၀ိုင်းပတ်ပိတ်ဆို့တဲ့ စစ်ဆင်ရေးမှာပါဝင်ခဲ့တယ်။ ကျွဲပွဲနဲ့ညောင်ခြေထောက်ကြားက ဘုရားနှစ်ဆူရွာမှာ စခန်းချနေတုန်း သခင်သန်းထွန်းအလောင်းကို မြေမြုပ်ရာမှာပါဝင်တဲ့ ရဲဘော်မြ(ခေါ်)မြကြီးကို လက်ရဖမ်းမိခဲ့ပါတယ်။ အဲဒီနောက် သခင်သန်းထွန်းအလောင်းကို မြရာပင်ကြောတစ်လျောက်ရှာဖွေပြီး ရဲဘော်မြကြောင့် တူးဖေါ်ပြီး နေရာမှာတင် မီးသင်္ဂြိုလ်ကာ အရိုးပြာအိုးကို အထက်ဌာနသို့ လွှဲပြောင်းပေးအပ်ခဲ့ရတယ်။ ဖေဖေရဲ့သူငယ်ချင်း ဗိုလ်ကြီးဟန်သိန်းလည်း ပဲခူးရိုးမ၊ ရဲနွယ်ချောင်းတိုက်ပွဲမှာ ကျဆုံးခဲ့ရတယ်။ ဒါတွေက ဖေဖေပြောပြလို့ ကျနော်မှတ်သားမိတာပါ။
၁၉။ စစ်ဆင်ရေးတစ်ခေါက်ပြန်လာတိုင်း ဖေဖေ့အတွေ့အကြုံတွေကို နားထောင်ရတာ ကျနော့်အတွက် မရိုးနိုင်ပါဘူး။ တစ်ကြိမ်နဲ့တစ်ကြိမ်ကလည်း ရန်သူအမျိုးအစားမတူသလို အဖြစ်အပျက်တွေကလည်း မတူပါဘူး။ တိုက်ပွဲတွေအကြောင်း ပြောပြီးတိုင်း ဖေဖေအမြဲတမ်းမှာတာက ရန်သူကို အထင်လည်းမကြီး၊ အထင်လည်း မသေးမိပါစေနဲ့။ ဖေဖေ့ရဲ့တိုက်ပွဲအတွေ့အကြုံတွေကို နားထောင်ရင်း၊ ဆွန်ဇုမှသည် နပိုလီယံ၊ ရွန်းမဲလ်အထိ စာအုပ်တွေဖတ်ပြီး ကျနော် စစ်တက္ကသိုလ်ရောက်ခဲ့ရပါတယ်။ အဲဒီအချိန်မှာ ဖေဖေဟာ ဒုတိယတပ်မမှူးဖြစ်နေပါပြီ။
၂၀။ တပ်မတော်သားတစ်ယောက်အဖို့ ပေးအပ်တဲ့တာဝန်တွေကို ကျေပွန်ရတဲ့အပြင် သူ့ရဲ့ဇနီးဟာလည်း နိုင်ငံနဲ့တပ်မတော်အတွက် တစ်ထောင့်တစ်နေရာက တာဝန်ထမ်းဆောင်ရပါတယ်။ ပါရမီဖြည့်ဘက်တို့ရဲ့ လုပ်ငန်းဆောင်တာတွေက တပ်တွင်းစည်းလုံးရေး၊ သာယာလှပရေး၊ မိသားစုသက်သာချောင်ချိရေးလုပ်ငန်းတွေပဲ ဖြစ်ပါတယ်။ ဒါကြောင့်လည်း တပ်မတော်သားတစ်ယောက်ဖြစ်ဖို့၊ တပ်မတော်သားမိသားစုဝင်ဖြစ်ဖို့ဆိုတာ အင်မတန်ခက်ခဲပါတယ်။ တပ်မတော်သားမိသားစုဝင်တွေဟာ ခက်ခဲကြမ်းတမ်းတဲ့ ဘ၀မျိုးစုံကို စစ်သည်နဲ့အတူ ရင်ဆိုင်ဖြတ်သန်းရဲရပါမယ်။ အကယ်၍ စစ်သည်ဟာ တိုက်ပွဲကျ၊ သေဆုံးသွားခဲ့ရင် ရင်ကွဲမတတ်ခံစားရင်း ဘ၀ကိုခက်ခက်ခဲခဲ ဖြတ်သန်းရပါအုံးမယ်။ စစ်သည်ဒုက္ခိတဖြစ်ခဲ့ရင်လည်း ကံတရားကိုသာ ယိုးမယ်ဖွဲ့ရင်း စစ်မှုထမ်းဟောင်းတာဝန်တွေကို ထပ်ပြီးထမ်းဆောင်နေရပါအုံးမယ်။
-----------------------------------
(အပိုင်း-၆ ဆက်ပါအုံးမည်)