ကေအန်ယူ ဥက္ကဌ ဖထီးစောမူတူးစေးဖိုး နှင့် တွေ့ ဆုံခြင်း

ကေအန်ယူ ဥက္ကဌ ဖထီးစောမူတူးစေးဖိုး နှင့် တွေ့ ဆုံခြင်း
===============================
တွေ့ ဆုံမေးမြန်းသူ - နေရီ ( ရဲမိုး )
The Myanmar Review Journal
အတွဲ ၂ ၊ အမှတ် ၂၁

===========================

မေး။ တပ်မတော်က အာဏာသိမ်းပြီးတဲ့ နောက်
၁၉၈၉ ၊၉၀ ၀န်းကျင်တွေမှာ တိုင်းရင်းသားလက်နက်ကိုင်အဖွဲ့ တွေ
တော်တော်များများ အပစ်အခတ်ရပ် ငြိမ်းချမ်းရေးယူသွားကြတယ် ။
ဖထီးတို့  KNU အဖွဲ့ တစ်ခုလောက်ပဲ ကြီးကြီးမားမား ကျန်ခဲ့တယ် ။
အဲဒီတုန်းက KNU အဖွဲ့ ကြီးအနေနဲ့  ဘယ်လို စဉ်းစားတွေးခေါ်ခဲ့တာလဲ ...
ဘာကြောင့်အစိုးရ နဲ့ အပစ်အခတ်ရပ်ပြီး ငြိမ်းချမ်းရေး မယူခဲ့တာလဲ ?

ဖြေ။ အင်း .... ပြောရရင် အခြေအနေပေါ့လေ ။ အဲဒီတုန်းက အခြေအနေတွေက အခုလိုမဟုတ်ဘူး ။ အခြေအနေတွေ မတူကြဘူး ။
မတူတော့ အပစ်ရပ်တဲ့ အဆင့်အထိ ဖြစ်မလာတော့ဘူး ။
ဒီကြားထဲမှာလဲ ကျွန်တော်တို့  နှစ်ဘက်လုံးက
အကြိမ်ကြိမ်ဆွေးနွေးကြ ကြိုးစားကြတာပဲ ။
၁၉၉၆ လောက်က ဗိုလ်ချုပ်ခင်ညွှန့် လာတယ် ။ အပစ်ရပ်ကိစ္စပြောတယ် ။
ဗိုလ်ချုပ်ကျော်ဝင်းတို့  ဗိုလ်ချုပ် ကျော်သိန်းတို့ လဲ ပါတယ် ။
ဒါနဲ့  ဆွေးနွေးကြတယ် အပစ်ရပ်ဖို့  ။
အဲဒီမှာ ဘာဖြစ်လဲဆိုတော့ အပစ်ရပ်ပြီး ဘာဆက်လုပ်မလဲ ဆိုပြီး ဖြစ်တယ် ။
ဗိုလ်ချုပ်ခင်ညွှန့် တို့ က လက်နက်ကိုင်လမ်းစဉ်ကို စွန့် ပါ ။
ဥပဒေဘောင်ထဲဝင်ပါလို့  ပြန်ပြောတယ် ။
အဲဒီမှာ ကျွန်တော်တို့ ဘက်က ဟာ... ဒါအဖြေမဟုတ်ဘူး ။
ဒါဆို ကျွန်တော်တို့  ဘာလို့ ဆက်စကားပြောနေတော့မလဲ ဆိုပြီး ပွဲက ရပ်သွားတယ် ။

ဆွေးနွေးတာတွေက ခဏခဏ ပဲ ။ ၂၀၀၄ တုန်းကဆို ဗိုလ်ချုပ်မြ ကိုယ်တိုင်လာတယ် ။
အဆင်ပြေတယ် ။ အပစ်ရပ်ဖို့  ဆက်ဆွေးနွေးကြတယ် ။
အောက်ပိုင်းမှာ အားလုံးအိုကေတယ် ။ အကြမ်းဖျဉ်း သဘောတူညီမှုရတယ် ။
ဒါနဲ့  သူတို့ အပေါ်ကို ဆက်တင်ပြတယ် ။အဲဒီမှာ အဆင်မပြေတော့ဘူး ။
သူတို့ အပေါ်ပိုင်းက သဘောမတူဘူး ။ သူတို့ လာပြန်ပြောတယ် ။
ဖထီး ကျွန်တော်တို့ စိတ်မကောင်းဘူးတဲ့  ။ အထက်ကို တင်ပြတာ အဆင်မပြေဘူးတဲ့ ။
ဒါနဲ့  ကျွန်တော်တို့ ဆက်ကြိုးစားကြတယ် ။
၂၀၀၄ အောက်တိုဘာမှာ ကျွန်တော်တို့  ရန်ကုန်လာကြတယ် ။
ကျွန်တော် ပထမဆုံးပါလာတဲ့  အခေါက် ။
အရင်အခေါက်တွေက ဖထီးဒေးဗစ်ထောတို့  ၊ စောထူးထူးလေးတို့ ပဲ လာကြတာ ။
ကျွန်တော်က အခုတစ်ခေါက်မှ ပထမဆုံးပါလာတာ ....

ဖြစ်ချင်တော့ ...အဲဒီနေ့ က ထောက်လှမ်းရေးအဖွဲ့ ထိန်းသိမ်း ခံရတဲ့ နေ့  ....
ပဲခူးရောက်တော့ ခဏနားကြချိန် ဒေးဗစ်ထောက ချက်ချင်းသိတယ် ။
တစ်ခုခုတော့ မှားနေပြီတဲ့  ။
ပဲခူးမှာ လာကြိုတဲ့  ထောက်လှမ်းရေးတွေက မျက်နှာသိပ်မကောင်းကြဘူး ။
ဗိုလ်မှူးကြီး စန်းပွင့်ဟာ အင်မတန် ပြုံးပြုံးရွှင်ရွှင် နေတတ်တဲ့ သူ ။
အခုကျတော့ သူပါ တစ်မျိုးဖြစ်နေတယ် ။
ကျွန်တော်တို့ လဲ စိတ်တော်တော်ပူကုန်တယ် ။ဘာဖြစ်မှန်းမှ မသိတာ ။

ရန်ကုန်ရောက်တော့ အရင်လိုပဲ ထောက်လှမ်းရေး ( ၆ ) က ရိပ်သာမှာ ထားတယ် ။
ထောက်လှမ်းရေးတွေက ကျန်တာတွေ အကုန်အဆင်ပြေတယ် ပုံမှန်ပဲ ။
အမူအယာတွေပဲ နည်းနည်းပြောင်းနေတာ ။ သတင်းလေးတွေလဲ နည်းနည်းကြားနေရပြီ ။
ဒါနဲ့  ညနေ ဗိုလ်ချုပ်ကျော်သိန်းတို့  လာတွေ့ တော့
ကျွန်တော်တို့  ဗြောင်ပဲ ဖွင့်မေးလိုက်တယ် ။
သူတို့ က တစ်ယောက်မျက်နှာ တစ်ယောက်ကြည့်ပြီး
ကျွန်တော်တို့ မပြောလဲ အခြေအနေတွေကို ခင်ဗျားတို့ သိပြီး ဖြစ်မှာပါတဲ့  ။
ဘာမှ စိတ်မပူပါနဲ့  ။ ကျွန်တော်တို့  အဆင်ပြေအောင် အားလုံးဆောင်ရွက်ပေးပါမယ်တဲ့  ။

နောက်တစ်ရက်ကျတော့ သူတို့  ကျွန်တော်တို့ ကို ပြန်ပို့ ပေးတယ် ။
ထောက်လှမ်းရေးက ဗိုလ်မှူးတင်စောနိူင် ....
သူကပဲ တစ်လမ်းလုံး လိုက်လာပြီး ပြန်ပို့ ပေးတာ ။
ဖထီးဒေးဗစ်ထောက ပြန်ရောက်မှ ထုတ်ပြောတယ် ။
ကျွန်တော်တို့ ပြန်မရောက်တော့ဘူး ထင်တာတဲ့  ။
ပြောရရင် ငြိမ်းချမ်းရေးအတွက် ကျွန်တော်တို့  နှစ်ဘက်လုံးက ကြိုးစားခဲ့တာပဲ ။
အခြေအနေ အချိန်အခါကြောင့် အဲဒီတုန်းက အဆင်မပြေဖြစ်ခဲ့တာပါ။

=====================================

မေး ။ အခု NCA ကို KNU နဲ့ အဖွဲ့ တစ်ချို့ က လက်မှတ်ရေးထိုးထားတယ် ။
တစ်ချို့ လဲ မထိုးဘူး ။ လက်မှတ်မထိုးကြတဲ့  အဖွဲ့ တွေ အနေနဲ့ 
လက်မှတ်မထိုးရတဲ့  အကြောင်းအရင်းဟာ လက်ရှိ အစိုးရအဖွဲ့ ကြောင့်လား ? ။ ဒါမှမဟုတ် NCA မှာပါတဲ့  အခြေခံ မူဘောင်တွေ အချက်အလက်တွေကြောင့်လား ?

ဖြေ။ NCA ကိုဆွေးနွေးတဲ့ အချိန်မှာ NCCT က တစ်လျောက်လုံးပါခဲ့တာပဲ ။
သူတို့ လဲ ၀င်ဆွေးနွေးကြတာပဲ ။ သဘောတူခဲ့တဲ့ အထဲ သူတို့ လဲ ပါတာပဲ ။
အပြီးသတ် လက်မှတ်ရေးထိုးချိန်ကျမှ တစ်ချို့ အဖွဲ့ တွေက မထိုးကြတာ ။
ဘာလို့ မထိုးသလဲဆိုတော့ All inclusive အဖွဲ့ အားလုံးပါဝင်ရေးဆိုတဲ့ 
ကိစ္စနဲ့  ပတ်သက်ပြီး သဘောထားကွဲကြတာ ။ NCA ရဲ့ မူဘောင်တွေနဲ့  မဆိုင်ဘူး ။ မူဘောင်တွေက အားလုံးသဘောတူထားပြီးသား ။ လက်မှတ်ထိုးဖို့ အတွက် အစိုးရဘက်က လက်မခံနိူင်တဲ့  အဖွဲ့ တွေရှိတယ် ။အဲဒီ အဖွဲ့ တွေ ပါဝင်ရေး ကိစ္စနဲ့ ပတ်သက်ပြီး သဘောထားကွဲပြီး လက်မှတ်မထိုးကြတာ ။

တစ်ချို့ အဖွဲ့ တွေဟာ နောက်မှပေါ်လာတယ် ။ ဥပမာ AA ရခိုင်တပ်မတော်လိုမျိုးပေါ့ ။ သူက ပထမ ကျွန်တော်တို့  Biliteral တစ်ဖွဲ့ ချင်း ဆွေးနွေး လက်မှတ်ထိုးတုန်းက မရှိသေးဘူး ။နောက်မှ ကချင်ပြည်မှာ ပေါ်လာတာ ။ ကျွန်တော်ထင်တယ် အစိုးရဘက်က တပ်ဘက်ကလဲ ဒီလိုစဉ်းစားတယ်ထင်တယ် ။ ငြိမ်းချမ်းရေးဆွေးနွေးကြတယ် ။ လက်မှတ်ထိုးတယ် ။ အဲဒီအချိန်အတွင်း ဒီဘက်က အဖွဲ့ အသစ်ထပ်ဖွဲ့ တယ် ။ လက်နက်ကိုင်တယ်ပေါ့ ။ ဒီလိုစဉ်းစားတယ် ထင်တယ် ။ ဒါနဲ့  အစိုးရဘက်က သူတို့ ကိုတော့ လောလောဆယ် လက်ခံလို့ မရဘူး ။ သူတို့ နဲ့  Biliteral နှစ်ဖွဲ့ ချင်းထပ်ဆွေးနွေးမယ်ပေါ့ ။ ဒီလိုပြောတယ် ။ အဲဒါကျတော့လဲ ဒီဘက်က အဖွဲ့ တစ်ချို့ က လက်မခံပြန်ဘူး ။ အဲဒီလို ဖြစ်ကြတာ ။

=================================

မေး ။ တစ်နေ့ ကတော့ ဦးခွန်ဥက္ကာက လက်မှတ်မထိုးရသေးတဲ့  အဖွဲ့ တွေ ကို ထပ်ဖိတ်ခေါ်ပေးဖို့ ပြောပါတယ် ။ ဒီစကားနဲ့ ပတ်သက်လို့  ဘယ်လို မြင်ပါသလဲ ?

ဖြေ ။ သူတို့ ကို ထပ်ဖိတ်ခေါ်တာကတော့ တစ်ပိုင်းပေါ့လေ ။ ကျွန်တော်တို့ အခု လက်မှတ်ထိုးထားတဲ့ အဖွဲ့ ရှစ်ဖွဲ့ ရှိတယ် ။ ကျွန်တော်တို့ ကတော့ လက်ရှိ NCA လက်မှတ်ထိုးထားတဲ့  မူဘောင်အတိုင်း ဆက်သွားမှာပဲ ။ စာချုပ်အတိုင်း ဆက်လုပ်သွားမယ် ။ ဘယ်နှစ်ရက်အတွင်း ကော်မတီဖွဲ့ မယ် ။ ဘယ်နှစ်ရက်မှာ နိူင်ငံရေးမူဘောင်တွေ ချမယ် ။ ဘယ်နှစ်ရက်အကြာမှာ Political Dialogue ကို စဆွေးနွေးမယ် စသဖြင့် စာချုပ်မှာ သဘောတူထားတာတွေရှိတယ် ။ ကျွန်တော်တို့ ကတော့ ဒီအတိုင်းဆက်သွားမယ် ။ ကျွန်တော်ထင်တယ် ။ အဖွဲ့ အားလုံးပါဝင်လာဖို့  ဆိုတာကတော့ ဒီကမ္ဘာမှာ မဖြစ်နိူင်ဘူးထင်တယ် ။

==================================

မေး ။ NCA ကို လက်မှတ်ရေးထိုးပြီးတဲ့ နောက် NCA မှာ သဘောတူထားတဲ့ အတိုင်း စစ်ရေးဆိုင်ရာ ကော်မတီတစ်ခု ရက်ပေါင်းသုံးဆယ်အတွင်း ၊ နိူင်ငံရေးဆိုင်ရာကော်မတီတစ်ခုကို ရက်ပေါင်း ၆၀ အတွင်း ဖွဲ့ စည်းရေးဆွဲသွားမယ်လို့  သိရပါတယ် ။ စစ်ရေးကော်မတီကတော့ အပစ်အခတ်ရပ်စဲရေးတည်မြဲအောင် ဆက်လက်လုပ်ဆောင်မယ် ။ နိူင်ငံရေးဆိုင်ရာကော်မတီကတော့ နိူင်ငံရေး ဆွေးနွေးပွဲ ( Political Dialogue ) ကို ဆက်သွားမယ် စသဖြင့်ပေါ့လေ ။ စစ်ရေးဆိုင်ရာ ကော်မတီကို နိူင်ငံအဆင့် ၊ ပြည်နယ်အဆင့် ၊ ဒေသဆိုင်ရာအဆင့် ဖွဲ့ စည်းပြီး အပစ်အခတ်ရပ်စဲရေးမကျိုးပေါက်ဖို့  စောင့်ကြည့်လုပ်ဆောင်တဲ့  အချိန်
KNU ရဲ့  တစ်ချို့  တပ်မဟာနယ်မြေတွေမှာ
အပစ်အခတ်ရပ်စဲရေးတည်မြဲဖို့ အတွက် ပြသနာ ရှိနိူင်ပါသလား ?

ဖြေ။ ကျွန်တော်တို့ အနေနဲ့  Front လေးခုခွဲခြားထားတယ် ။ Military Front , Political Front , Economy Front နဲ့  Social Front ဆိုပြီးခွဲထားတာ ။ အဲဒီမှာ Military မှာ တစ်ဘက်ကို ဗိုလ်ချုပ်သုံးယောက်ပါတဲ့  အဖွဲ့ ဖွဲ့ ထားတယ် ။ အောက်ခြေမှာတပ်တွေ တစ်ခုခုဖြစ်လာခဲ့ရင် ချက်ချင်း ဖြေရှင်းလို့ ရအောင် ဖွဲ့ ထားတာ ။ အဲဒီ သုံးယောက်အဖွဲ့ ထဲက ဗိုလ်ချုပ်ခင်ဇော်ဦးတို့ နှစ်ယောက် က အခု အရပ်ဝတ်လဲပြီး အငြိမ်းစားယူသွားတော့ သူတို့ နေရာမှာ ဗိုလ်ချုပ်အသစ်နှစ်ယောက်ထပ်ရောက်လာတယ် ။ အဲဒီတော့ ဗိုလ်ချုပ်သုံးယောက်ရယ် အငြိမ်းစား ဗိုလ်ချုပ် နှစ်ယောက်ရယ် ပေါင်းလိုက်ရင် ငါးယောက် ဖြစ်သွားတယ် ။ တစ်ခါ အခု လက်မှတ်ထိုးတဲ့ အထဲ ကရင်အဖွဲ့ နှစ်ဖွဲ့ တိုးလာတော့ သူတို့ ဆီက တစ်ယောက်စီ ထပ်ထည့်တယ် ။ အဲဒီတော့ နောက်ပိုင်းမှာ တစ်ဘက်ကို ဗိုလ်ချုပ် ၇ယောက်ပါတဲ့  အဖွဲ့ ဖြစ်လာမယ် ။ ၇ + ၇ အဖွဲ့ ပေါ့ ...

ဒီအဖွဲ့ က တပ်ပိုင်းဆိုင်ရာ စစ်ပိုင်းဆိုင်ရာ ကိစ္စတွေ ဖြစ်လာခဲ့ရင် ဖြေရှင်းဖို့  နောက်မဖြစ်အောင် ဆောင်ရွက်ဖို့  ဒါမျိုးတွေလုပ်မယ် ။ သူက အပေါ်မှာ လက်မှတ်ထိုးလိုက်ပေမယ့်  အောက်ခြေမှာကျတော့ ဟိုအကြောင်း ဒီအကြောင်းလေးတွေကြောင့် Skimishs လေးတွေ ရှိနိူင်တာကိုး ။ ဒါပေမယ့်  တကယ့်  ရည်ရွယ်ချက်နဲ့  စခန်းတွေကို တက်တိုက်တာမျိုးကတော့ ဘယ်ဘက်မှာမှ မရှိဘူး ။ ကျွန်တော်တို့ ဘက်လဲ မရှိဘူး ။ တပ်မတော်ဘက်မှာလဲ မရှိဘူး ။ သို့ သော် ပုံမှန်တပ်လှုပ်ရှားမှုတွေကတော့ နှစ်လတစ်ခါ သုံးလတစ်ခါရှိတတ်တယ် ။ တပ်ချင်းချိန်းတာတို့ ရိက္ခာပို့ တာတို့  စသဖြင့်ပေါ့ ။ အဲဒိမှာ တစ်ချို့ က သံသယ၀င်တယ် ။ ဟာ ... စစ်တပ်က စစ်ဆင်ရေးလုပ်ဖို့ ပြင်ဆင်နေတာလား ? ငါတို့ ကို လာတိုက်တော့မှာလား စသဖြင့်ပေါ့ .... ။ ဒါတွေကို ခုနက ပြောတဲ့  ၇ + ၇ အဖွဲ့ က ဖြေရှင်းသွားမယ် ။ ကျွန်တော်တို့ အခု တပ်ချုပ်ကို တောင်းဆိုထားတာ ဆွေးနွေးထားတာရှိတယ် ။တစ်ချို့ တပ်တွေက ရွာလယ်ခေါင်မှာ စခန်းချတယ် ။ တစ်ချို့ က ဘုန်းကြီးကျောင်းထဲ စခန်းချတယ် ။ ဒါလေးတွေကို ရုပ်ပေးဖို့  ညွှန်ကြားပေးပါလို့ တင်ပြတယ် ။ ဒါဆို ပြည်သူုကလဲ ကျေနပ်သွားမယ် အဆင်ပြေသွားမယ်ပေါ့ ။ ပြောရရင်တော့ ပြည်သူတွေက သူတို့ ခံစားခဲ့ရတဲ့  အပေါ်မှာ ဘယ်လက်နက်ကိုင်ကိုမှ တွေ့ ချင်မှာ မဟုတ်တော့ဘူး ။ ကျွန်တော်တို့ ကို လဲ မတွေ့ ချင်တော့ဘူး ။

================================

မေး ။ အခု ၂၀၁၅ ရွေးကောက်ပွဲ ကရင်ပြည်နယ်မှာ ကရင်တိုင်းရင်းသားပါတီတွေထက် အမျိုးသားဒီမိုကရေစီအဖွဲ့ ချုပ်ကပဲ နေရာအတော်များများမှာ နိူင်သွားတယ် ။ ဒါနဲ့ ပတ်သက်လို့  အဖိုးအနေနဲ့  ဘယ်လိုမြင်ပါသလဲ ? ဘယ်လိုများ မှတ်ချက်ပေးချင်ပါသလဲ ?

ဖြေ ။ ဒါကတော့ ကျွန်တော်တို့ အနေနဲ့ လဲ ဒါကို သဘောပေါက်ဖို့ လိုမယ် ။ဖွဲ့ လိုက်တဲ့ ပါတီတွေကလဲ ငါတို့ ကရင်အမျိုးသားအချင်းချင်း ငါတို့ ကို ထောက်ခံမှာပဲဆိုတဲ့  ယုံကြည်ချက်နဲ့ လုပ်ခဲ့ကြတယ် ။တွေ့ လာတဲ့ ဟာက ကရင်သည်ပင်လျှင် သူ့ အမျိုးသားပါတီကို မထောက်ခံဘူးဆိုတဲ့  သဘောဖြစ်နေတယ် ။ ဒါဟာ ဒီပါတီတွေအနေနဲ့  တစ်ချိန်က ဘာမှမလုပ်ခဲ့ကြတဲ့ အတွက် မယုံကြည်ကြတော့တာလဲ ဖြစ်နိူင်တယ် ။ ဒီပါတီတွေဟာ ကရင်တစ်ခုလုံးကို ကိုယ်စားမပြုဘဲ ဒေသတစ်ခု လူပုဂ္ဂိုလ်တစ်ဦးကို ကိုယ်စားပြုထားသလို ဖြစ်နေတဲ့  ကိစ္စတွေကြောင့်လဲ ဖြစ်နိူင်တယ် ။

===========================
မေး ။ KNU အဖွဲ့ အနေနဲ့  နိူင်ငံရေးပါတီတစ်ခု သီးခြားထူထောင်ပြီး ရွေးကောက်ပွဲဝင်ဖို့  ၊ ကရင်ပြည်နယ် အစိုးရအဖွဲ့ ထဲမှာ ပါဝင်ပြီး ကရင်ပြည်နယ်ဖွံ့ ဖြိုးတိုးတက်ရေး လုပ်ဆောင်ဖို့ အတွက် စဉ်းစားထားတာများ ရှိပါသလား ?

ဖြေ။ ကျွန်တော်တို့ ကေအန်ယူအဖွဲ့ အနေနဲ့ ကတော့ ပါတီထောင်ဖို့  မရှိဘူး ။ ကျွန်တော်တို့ စဉ်းစားတာက ပြည်ထောင်စု မပြိုကွဲရေး ၊တိုင်းရင်းသား စည်းလုံးညီညွှတ်မှု မပြိုကွဲရေး ၊ အချုပ်အခြာအာဏာတည်တံ့ ခိုင်မြဲရေးဆိုတဲ့ အချက်တွေ တကယ် ဖြစ်လာဖို့  ၊ စစ်မှန်သော စနစ် အင်္ဂလိပ်လိုဆို ဖက်ဒရယ်ပေါ့ အဲဒီစနစ်ကို ကွန်စတီကျူးရှင်းတစ်ခုကို ဖော်ဆောင်သွားဖို့ ဆိုတဲ့  အချက်ကိုပဲ အဓိကထားတယ် ။ ပြည်ထောင်စု စနစ်ကြီးတစ်ခု ပေါ်ပေါက်လာရေးက အဓိကပဲ ။
ပါတီထောင်ပြီး အာဏာရရေးကို လုပ်ဖို့ အစီအစဉ်မရှိဘူး ။

======================

မေး ။ တကယ်လို့  နောက်ပိုင်းမှာ ကရင်ပြည်သူလူထုက တခဲနက် တောင်းဆိုလာမယ်ဆိုရင်ရော ?

ဖြေ။ အခုလက်ရှိတော့ စဉ်းစားဖို့ အစီအစဉ်မရှိဘူး ။
ကျွန်တော်ခုနကပြောသလိုပဲ စနစ်တစ်ခု
ပြည်ထောင်စု စနစ်ကြီးတစ်ခု ပေါ်ပေါက်လာရေးကိုပဲ ကျွန်တော်တို့  လုပ်မယ် ။

===========================

မေး ။ Political Dialogue ကို ဆွေးနွေးကြချိန်ဟာ အချိန်ကာလ အတိုင်းအတာတစ်ခုအထိ ကြာမြင့်မယ်လို့  ယူဆရပါတယ် ။ ဒီကြားကာလအတွင်း KNU အဖွဲ့ ကြီးအနေနဲ့  ကရင်ပြည်နယ် ဖွံ့ ဖြိုးရေးအတွက် ဘာတွေများ လုပ်ဆောင်သွားဖို့  အစီအစဉ်ရှိပါသလဲ ? ။ အဖိုးအနေနဲ့  နေပြည်တော်ကို သွားတုန်းက ရေအားလျှပ်စစ်စက်ရုံ တွေ ဘာတွေသွားကြည့်တာကို ကျွန်တော်တို့  တွေ့ ရတယ်လေ ။

ဖြေ ။ ကျွန်တော်တို့  အခု NCA အတိုင်းတစ်ဆင့်ပြီးတစ်ဆင့် သွားရင် Political Dialogue ကိုရောက်သွားမယ် ။အဲဒီမှာ အများကြီး ကျွန်တော်တို့  ညှိရမယ် ။ ပြောရမယ် အချိန်ကတော့ ဘယ်လောက်ကြာမလဲ မသိနိူင်ဘူး ။ အဲဒီကြားကာလမှာ ကျွန်တော်တို့ ဘာလုပ်နိူင်မလဲ စဉ်းစားရမှာပေါ့ ။ ဖက်ဒရယ်တည်ဆောက်ပြီးမှ ဖွံ့ ဖြိုးရေးတွေ လုပ်ရင်တော့ အချိန်သိပ်ကြာသွားမယ် ။ ကျွန်တော်တို့ ညှိနိူင်းပြီး ဖွံ့ ဖြိုးတိုးတက်အောင် လုပ်ရမယ် ။ကျွန်တော်တို့  အစိုးရ နဲ့ Biliteral လက်မှတ်ထိုးပြီးချိန်မှာ ကရင်ပြည်နယ်ထဲမှာ ကျွန်တော်တို့ အုပ်ချုပ်နေတဲ့ နယ်မြေရှိတယ် အစိုးရ အုပ်ချုပ်နေတဲ့ နယ်မြေရှိတယ် ။ အပစ်ရပ်စဲရေးလုပ်ပြီးချိန်မှာ ကရင်ပြည်နယ် အစိုးရကနေ ကျွန်တော်တို့ နယ်မြေတွေထဲဝင်ပြီး ပညာရေးကျန်းမာရေး လုပ်ငန်းတွေလုပ်တာရှိတယ် ။
ဒါကို တစ်ချို့ ကလဲ ငါတို့ နယ်မြေထဲဝင်ပြီး အာဏာလာတည်ဆောက်တယ်ပေါ့ ဒီလို အထင်လွဲတာလေးတွေ ရှိတယ် ။

တစ်ချို့ ကျောင်းတွေ ဆေးခန်းတွေက ကျွန်တော်တို့ ဖွင့်ထားတာ ။ ဆရာဆရာမ တွေက စေတနာ့ဝန်ထမ်းတွေ ၊ လခလဲ မရဘူး ။ စားဖို့ အတွက် စပါး ၂၅တင်း လောက်ရတာပဲ ရှိတယ် ။ အဲဒီကျောင်းတွေကို အစိုးရက ကျောင်းအုပ်တို့ ဆရာတို့  ထပ်လွှတ်တာတွေ ရှိတယ် ။ ကျန်းမာရေးဝန်ထမ်းတွေ လွှတ်တာရှိတယ် ။ သူတို့ အနေနဲ့ ကတော့ တရားဝင်ကျောင်းမဟုတ်ဘူး ဆေးခန်းမဟုတ်ဘူး ဒါကြောင့် တရားဝင်ဖြစ်အောင်လုပ်ပေးတယ်ပေါ့ ။ အဲဒီမှာ ဒီဘက်က တစ်ချို့ စဉ်းစားတာက ငါတို့ က ဒါကို တစ်သက်လုံး စေတနာ့ဝန်ထမ်းလုပ်လာတယ် ။ အခုအပစ်ရပ် လက်မှတ်ထိုးတာကို အခွင့်ကောင်းယူပြီး ဒီကောင်တွေလာဗိုလ်ကျတယ်ပေါ့ ။ ဒီလို စဉ်းစားတာတွေရှိတယ် ။ ဒီလိုနားလည်မှု လွဲကြတာတွေရှိတယ် ။ အဲဒါကို ကျွန်တော်တို့ ညှိပေးရတာတွေ ရှိတယ် ။အတူ နှစ်ဘက်ညှိပြီး ပေါင်းပြီး ပညာရေးကျန်းမာရေး စိုက်ပျိုးရေးဒါတွေကို ပူးပေါင်းပြီး လုပ်ရမှာတွေ ရှိတယ် ။

သူတို့  ကူညီတာတွေလဲ အများကြီးရှိပါတယ် ။ နိူင်ငံတကာအကူအညီတွေ ပရဟိတတွေ ဖောင်ဒေးရှင်းတွေ လာကူတာလဲ ရှိတယ် ။ ဝေဠုကျော်တို့ နိပွန်ဖောင်ဒေးရှင်းတို့ ကလဲ အများကြီးကူပါတယ် ။ဒါလဲ အစိုးရက ခွင့်ပြုပေးလို့ ပေါ့လေ ။ ဒါကြောင့် ကျွန်တော်တို့ ဒီကြားကာလအတွင်းမှာ အစိုးရနဲ့ ပူးပေါင်းပြီး လုပ်ရမယ့် ဖွံ့ ဖြိုးရေးလုပ်ငန်းတွေ အများကြီးပါ ။ ညှိနိူင်းပြီး လုပ်ရမှာပေါ့ ။

===========================

မေး။ KNU အဖွဲ့ အနေနဲ့  အခု အပစ်အခတ်ရပ်စဲလိုက်တဲ့ အနေအထား NCA ကို လက်မှတ်ထိုးပြီးတဲ့ အနေအထားမှာ KNU တပ်ဖွဲ့ ဝင်တွေ မိသားစုဝင်တွေရဲ့ စားဝတ်နေရေးအတွက် အဖိုးတို့  ဘယ်လိုဆောင်ရွက်ဖို့  စဉ်းစားထားပါသလဲ ?

ဖြေ ။ဒါတွေကတော့ ကျွန်တော်တို့ လဲ အများကြီးစဉ်းစားရမှာပေါ့ ။
ဥပမာ တပ်မဟာ ၄ မြိတ်-ထားဝယ်ခရိုင်လိုမျိုးမှာ နိူင်ငံခြားရင်းနှီးမြုပ်နှံမှုလို လုပ်ငန်းမျိုး ဖြစ်ဖြစ် ဒါမှမဟုတ်လဲ စက်မှုဇုန်လိုမျိုးပေါ့ ဒါတွေထောင်မလားပေါ့ ။ ဒါတွေထောင်နေတုန်း ဗီယက်နမ်တို့  ယိုးဒယားစက်မှုဇုန်တို့ ကျွန်တော်တို့ ကရင်လက်နက်ကိုင်အဖွဲ့ တွေ မိသားစုဝင်တွေကို training လွှတ် လေ့ကျင့် ၊ အဲဒီအချိန်ကစပြီး လစာစပေး ၊ ပြီးရင် ဒီကိုပြန်လာ ဒီကစက်မှုဇုန်တွေမှာ ခုနက ကျွန်တော်တို့ မိသားစုတွေ ဒုက္ခသည်စခန်းက ဒုက္ခသည်တွေကို အလုပ်အကိုင်နေရာပေးမလားပေါ့ ။ ဒါမျိုးတွေ စဉ်းစားရမှာပေါ့ လုပ်ရမှာတော့ အများကြီးပါ ။

======================

မေး ။ အပစ်အခတ် စရပ်လိုက်တဲ့  အချိန် နဲ့  အခုလက်ရှိအချိန်ကြား ကရင်ပြည်နယ်မှာ ဘာတွေပြောင်းလဲသွားလဲ ။

ဖြေ ။  ပြောင်းတာပေါ့ ။ အနည်းဆုံးတော့ ပြည်သူတွေ စိတ်လုံခြုံမှုရှိသွားပြီ ။ အရင်တုန်းက ဘယ်သူမှ ညဆို အပြင်မထွက်ရဲဘူး ။ နေ့ တောင် သိပ်မလုံခြုံဘူး ။ ကိုယ့် စိုက်ခင်းက အသီးအနှံလေး ကော့ကရိတ်တို့ ကြာအင်းဆိပ်ကြီးတို့  သွားရောင်းဖို့ ကိုတောင် အဆင်မပြေဘူး ။ အခု နေ့ တောင် သိပ်မသွားဘူး ။ ပူလို့ တဲ့  ။ညပိုင်းမှ အေးအေးဆေးဆေး ဆိုင်ကယ်နဲ့  ထွေလာနောက်တွဲလေးနဲ့  ပစ္စည်းလေးတွေတင်ပြီး သွားနေကြတာ ။ပြောင်းတာတွေကတော့ အများကြီးပြောင်းပါတယ် ။ တပ်တွေလဲ အေးအေးဆေးဆေး ပြုံးပြုံးရွှင်ရွှင် ဖြစ်ကုန်တယ် ။ အရင်လို မဟုတ်တော့ဘူး ။ ပြည်သူတွေလဲ ထိုနည်းလည်းကောင်းပဲ ။

================================

မေး ။ အခု အဖိုးအသက် ဘယ်လောက်ရှိပြီလဲ ။

ဖြေ ။ ကျွန်တော် ၈၃ နှစ်ရှိပြီ ။
အသက်၁၉ နှစ်ကျော်ကျော်မှာ ကေအန်ယူအဖွဲ့ ထဲစရောက်ခဲ့တယ် ။

===================================

မေး ။ အခုဆောင်ရွက်နေတဲ့  လုပ်ငန်းစဉ်တွေ အားလုံးအောင်မြင်သွားပြီ ။ အားလုံးငြိမ်းချမ်းသွားပြီဆို ဘာဆက်လုပ်မလဲ ဖထီး ?

ဖြေ ။ ကျွန်တော် ရွာပြန်မယ် ။

======================