တပ်မတော်ဘက် စ ကစားလိုက်တဲ့ လွှတ်တော်ဇာတ်ခုံ အခင်းအကျင်း

ရန်ကုန်၊ ဇန်န၀ါရီ ၃၀

ဒုတိယကြိမ်မြောက်ပုံမှန်လွှတ်တော်အစည်းအဝေးအတွက် တပ်မတော်က အဆင်သင့်ဖြစ်နေပါပြီ။ လွှတ်တော်မှာ နေရာယူ ကြမယ့် တပ်မတော်သားလွှတ်တော်ကိုယ်စားလှယ် ၃၈၆ ဦးစာရင်းက ဇန်န၀ါရီလအတွင်းမှာ နိုင်ငံပိုင်သတင်းစာတွေမှာ ထုတ်ပြန်ခဲ့ပါတယ်။ တစ်ချို့ကတော့ အသစ်စက်စက်၊ တချို့ကတော့ ပထမအကြိမ်ပုံမှန်လွှတ်တော်အစည်းအဝေးမှာ တာဝန်ထမ်းဆောင်ခဲ့ကြသူတွေ ပါဝင်ပါတယ်။

လွှတ်တော်ဇာတ်ခုံမှာ တပ်မတော်က အခြေခံဥပဒေအရ လေးပုံတစ်ပုံခွဲတမ်းက ရပြီးသားဖြစ်ပေမယ့်၊ ၂၀၁၅ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ပါတီက နေရာအများစု အနိုင်ရသွားလေတော့ တပ်မတော်သားလွှတ်တော် ကိုယ်စားလှယ်အစုအဖွဲ့က လာမယ့် ဒုတိယကြိမ်မြောက် လွှတ်တော်ပုံမှန်အစည်းအဝေးတွေမှာ အားအကောင်းဆုံး အတိုက်အခံအုပ်စု ဖြစ်ဖွယ်ရှိတယ်။

အရင် အတိုက်အခံ အနည်းစု၊ အခုအချိန်မှာ အာဏာရပါတီတဖြစ်လဲ ထွန်းတောက်လာတဲ့ အမျိုးသားဒီမိုကရေစီ အဖွဲ့ချုပ်ပါတီကို မူဝါဒတွေစီးချင်းထိုးနိုင်ဖို့အတွက် တပ်မတော်က သူ့မှာရှိတဲ့ အတော်ဆုံး၊ အထက်မြက်ဆုံး အရာရှိကြီးတွေ၊ အရာရှိတွေ လွှတ်တော်ဇာတ်ခုံကို စေလွှတ်မှာတော့ ကျိန်းသေပဲ။

၂၀၁၁ခုနှစ်က ၂၀၁၆ခုနှစ်အထိ ကာလက တပ်မတော်သားလွှတ်တော်ကိုယ်စားလှယ်တွေအတွက် နိုင်ငံရေး စမ်းသပ်ကွင်း၊ အာဏာရပါတီနဲ့ အတိုက်အခံပါတီတို့အတွက် မျှခြေတစ်ခုထက် ဘာမှမပိုခဲ့ဘူး။

လွှတ်တော်ကိုနှုတ်မဆက်တဲ့ တပ်မတော်သားလွှတ်တော်ကိုယ်စားလှယ်တွေ
----------------------------------------------------------------------------------

ဖေဖော်ဝါရီ ၁၈မှာ ပြည်ထောင်စုရွေးကောက်ပွဲကော်မရှင် ထုတ်ပြန်လိုက်တဲ့ တပ်မတော်သားလွှတ်တော်ကိုယ်စားလှယ်တွေရဲ့ စာရင်းတွေကိုကြည့်ရင် အမျိုးသားလွှတ်တော်မှာ ပထမအကြိမ်ပုံမှန် လွှတ်တော်သက်တမ်းမှာ တာဝန်ထမ်းဆောင်ခဲ့တဲ့ အရာရှိ ၄၄ ဦးပြန်ပါလာတယ်။ ဒီထဲမှာ ၁၁ ဦးက ၂၀၁၁ခုနှစ် လွှတ်တော် စတင်ကတည်းက တာဝန်ထမ်းဆောင်ခဲ့တဲ့သူတွေဖြစ်တယ်။ ပြည်သူ့လွှတ်တော်ထဲမှာဆိုရင် ဗိုလ်မှူးကြီးနဲ့ အထက် တပ်မတော်သားလွှတ်တော်ကိုယ်စားလှယ် ၁၅ ဦးမှာ ၈ ဦးက ၂၀၁၂ခုနှစ်ကတည်းက လွှတ်တော်ဇာတ်ခုံမှာ တာဝန်ထမ်းဆောင်ခဲ့သူတွေဖြစ်တယ်။ ဗိုလ်မှူးချုပ်တင့်စိုးတစ်ဦးသာ ၂၀၁၄ခုနှစ် မေလ ပိုင်းမှာ ပြည်သူ့လွှတ်တော်ကို ရောက်လာတာဖြစ်တယ်။

အတော်ဆုံးတွေ လွှတ်လိုက်တယ်
------------------------------------

ကနေ့လွှတ်တော်ဇာတ်ခုံမှာ ကပြအသုံးတော်ခံမယ့် တပ်မတော်သားလွှတ်တော် ကိုယ်စားလှယ်တွေမှာ အဆင့်မြင့်အရာရှိကြီးတွေ ဒါဇင်နဲ့ချီ ပါဝင်လာတယ်။ အမျိုးသားလွှတ်တော်နဲ့ ပြည်သူ့လွှတ်တော်နှစ်ရပ်မှာ ဗိုလ်ချုပ်သုံးဦးတောင် ပါဝင်လာတယ်။ ဒီသုံးဦးမှာ ဗိုလ်ချုပ်သန်းစိုး( DSA -23 ) တွဲဖက် စစ်ရေးချုပ် က new comer( ပြည်သူ့လွှတ်တော် ) ။ ကျန်တဲ့ ဗိုလ်ချုပ်တောက်ထွန်း (တေဇ -၁၀)က တပ်အင်အားဖြည့်တင်းရေး ညွန်ကြားရေးမှူးချုပ်၊ ဗိုလ်ချုပ် သန်းထွဋ်သိန်း (DSA -27 ) က ဒုတိယတပ်မတော်စစ်ဘက်ရေးရာလုံခြုံရေးအရာရှိချုပ်တို့ ဖြစ်တယ်။ ဗိုလ်ချုပ်တောက်ထွန်းနဲ့ ဗိုလ်ချုပ် သန်းထွဋ်နိုင်တို့က ပြည်သူ့လွှတ်တော်မှာ ဦးဆောင်မှာဖြစ်ပါတယ်။ ဗိုလ်ချုပ်တောက်ထွန်းက ၂၀၁၂ခုနှစ် ဧပြီလ ၂၂ ကနေ စတင်ပြီး တပ်မတော်သားလွှတ်တော်ကိုယ်စားလှယ်အဖြစ် တာဝန်ထမ်းဆောင်ခဲ့တယ်။ အမျိုးသားကာကွယ်ရေးတက္ကသိုလ်ကျောင်းဆင်း အရာရှိကြီးလည်းဖြစ်တယ်။

ဦးသန်းရွှေရဲ့ အစီအမံ
------------------------

၂၀၁၂ကြားဖြတ်ရွေးကောက်ပွဲမတိုင်ခင်မှာ လွှတ်တော်ဇာတ်ခုံမှာ တပ်မတော်သားအစုအဖွဲ့တွေရဲ့ အခင်းအကျင်းက အရာရှိငယ်တွေအများစုဖြစ်ခဲ့တယ်။ ဒီလိုဖြစ်ခဲ့ရတာကလည်း ဗိုလ်ချုပ်မှူးကြီး (ငြိမ်း)သန်းရွှေ ရဲ့
အစီအမံပဲဖြစ်တယ်။ အရာရှိငယ်တွေက တက်သစ်စမို့၊ ဘာအရောင်၊ ဘာအပြစ်မှ မရှိဘူး။ အရာရှိကြီးတွေကတော့ အနည်းနဲ့အများ အမည်းစက်တွေရှိတယ်ဆိုပြီး၊ တမင်သက်သက်ကို အရာရှိငယ်တွေကို ထည့်သွင်းနေရာချပေးခဲ့တာ ဖြစ်တယ်။ ဒါပေမယ့်၊ ၂၀၁၂ကြားဖြတ်ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ပါတီရဲ့ အောင်နိုင်မှုအရ တပ်မတော် ဘက်က လွှတ်တော်ဇာတ်ခုံမှာ နေရာအခင်းအကျင်း၊ အထားအသိုတွေ ပြောင်းလဲလာခဲ့တယ်။ တပ်မတော်ဘက်က ၂၀၁၂ကြားဖြတ်ရွေးကောက်ပွဲပြီးတော့ တပ်မတော်သားလွှတ်တော်ကိုယ်စားလှယ် ၅၉ ဦးနေရာမှ ဗိုလ်မှူးချုပ် ရှစ်ဦး ပါဝင်တဲ့ အရာရှိကြီးတွေနဲ့ အစားထိုးမှုတွေလုပ်လာခဲ့တယ်။ ဒါက တပ်ဘက်က လွှတ်တော်ဇာတ်ခုံမှာ စတင်ပြောင်းလဲ လာတဲ့ အထားအသိုတစ်ခု။

လာမယ့် ဒုတိယအကြိမ်ပုံမှန် လွှတ်တော်အစည်းအဝေးအတွက် တပ်မတော်ဘက်က ခြေလှမ်းတစ်လှမ်း စရွေ့လိုက်ပြီလို့ပြောနိုင်ပါတယ်။ ဗိုလ်ချုပ်သုံးဦး၊ ဗိုလ်မှူးချုပ် ၁၂ ဦး၊ ဗိုလ်မှူးကြီး ၁၁ ဦးအသီးသီးတို့က အမျိုးသားလွှတ်တော်၊ ပြည်သူ့လွှတ်တော်မှာ တို့မှာ တပ်မတော်သားလွှတ်တော်ကိုယ်စားလှယ်တွေကို ဦးဆောင်သွားကြမှာပါ။ ဒီအရာရှိကြီးတွေ ၂၆ ဦးမှာ အသစ်တွေဆိုလို့ ဗိုလ်ချုပ်သန်းစိုး ( DSA -23 ) ၊ ဗိုလ်မှူးချုပ် (OTC-6 )၊ ဗိုလ်မှူးချုပ်ကျော်ဆွေဦး ( DSA-21 )၊ ဗိုလ်မှူးချုပ် စိုးမြင့် ( OTC-6)၊ ဗိုလ်မှူးချုပ်ဝင်းဆွေ (DSA-24 )၊ ဗိုလ်မှူးချုပ်သန်းလွင် ( DSA-21) ၊ ဗိုလ်မှူးကြီး ထွန်းအုန်းသန်း ( OTC-13 )၊ ဗိုလ်မှူးကြီး ထွန်းမြတ်ရွှေ (DSA -31 )၊ ဗိုလ်မှူးကြီး မင်းသန်း (DSA- 33 ) တို့ပဲဖြစ်ပါတယ်။

နေပြည်တော်ကွင်းမှာ ခြေစွမ်းသာနိုင်ပါ့မလား
-------------------------------------------------

အမျိုးသားဒီမိုကရေစီအဖွဲ့ချုပ်ပါတီကလည်း အတွေ့အကြုံရှိတဲ့ ပထမအကြိမ်မြောက်လွှတ်တော်သက်တမ်းက ကိုယ်စားလှယ်တွေအတော်များများကို ပြည်နယ်၊ တိုင်းဒေသကြီးလွှတ်တော်တွေမှာ ၀င်ရောက်ယှဉ်ပြိုင်စေခဲ့တယ်။ ဒါက ပြည်နယ်နဲ့ တိုင်းဒေသကြီးလွှတ်တော်တွေမှာ လွှတ်တော်ဥက္ကဋ္ဌတွေ ဒါမှမဟုတ် ၀န်ကြီးချုပ်အဖြစ် လျာထားကစားချင်လို့ လည်းဖြစ်နိုင်ပါတယ်။ ဒါပေမယ့်၊ ဒီလို အတွေ့အကြုံရှိ၊ အရည်အချင်းမြင့်မားတဲ့ ဒီချုပ်လွှတ်တော်ကိုယ်စားလှယ်တွေ ကို ဖြန့်ခွဲ ခင်းကျင်းလိုက်တဲ့အတွက် နေပြည်တော်မှာ ဒေါင်ဒေါင်မြည် လွှတ်တော်ကိုယ်စားလှယ်တွေ အရေအတွက်က အတိုင်းအတာတစ်ခုအထိ လစ်ဟာသွားစေပါတယ်။

ကြည်း၊ ရေ၊ လေ
--------------------

လွှတ်တော်နှစ်ရပ်စလုံးကို ဦးဆောင်နိုင်ဖွယ်ရှိတဲ့ အရာရှိကြီးတွေ အားလုံးက ၁၉၆၀အစောပိုင်းမှာ မွေးဖွားလာကြတဲ့ သူတွေဖြစ်ပြီး၊ ၁၉၈၀လယ်ပိုင်းမှာ အရာရှိတွေဖြစ်လာတာပါ။ အများစုက တပ်မတော်(ကြည်း) ကဖြစ်ပါတယ်။ တနသာင်္ရီတိုင်းဒေသကြီးလွှတ်တော်မှာတောင် တပ်မတော်(ရေ)က တပ်မတော်သားလွှတ်တော်ကိုယ်စားလှယ်တစ်ဦးတစ်ယောက်မှ မပါဝင်ပေမယ့်၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရခိုင်ပြည်နယ်၊ ပဲခူးတိုင်းဒေသကြီး၊ မွန်ပြည်နယ် အသီးသီးရဲ့ လွှတ်တော်တွေမှာတော့ တပ်မတော် (ရေ)ကလာတဲ့ တပ်မတော်သားလွှတ်တော်ကိုယ်စားလှယ်တွေ ပါဝင်ပြန်တယ်။ ပြည်သူ့လွှတ်တော်မှာ ပါဝင်လာတဲ့ ဗိုလ်မှူးချုပ်သန်းလွင်နဲ့ အမျိုးသားလွှတ်တော်မှာ ပါဝင်လာတဲ့ ဗိုလ်မှူးချုပ်ကျော်ဆွေတို့ကတော့ တပ်မတော် (လေ)ကပါ။ တိုင်းဒေသကြီးလွှတ်တော်တွေမှာတော့ မကွေး၊ ဧရာဝတီ၊ ရန်ကုန်တို့မှာ တပ်မတော်(လေ)က အရာရှိတွေ ပါဝင်လာတာကို တွေ့ရပါတယ်။ တပ်မတော်(လေ) ဆိုလို့ ရန်ကုန်တိုင်းဒေသကြီးလွှတ်တော်မှာ တပ်မတော်သားလွှတ်တော် ကိုယ်စားလှယ်အဖြစ် ခန့်အပ်ခြင်းခံရတဲ့ ဗိုလ်ချုပ်မှူးကြီး(ငြိမ်း)သန်းရွှေရဲ့ သမက်တော်စပ်သူ ဗိုလ်မှူးချုပ် သိန်းနိုင်ကလည်းတပ်မတော်(လေ)ကပါပဲ။ နိုင်ငံရေးလေ့လာသုံးသပ်သူတစ်ဦးကတော့ ရန်ကုန်တိုင်းဒေသကြီး ၀န်ကြီးချုပ်ဖြစ်နိုင်ဖွယ်ရှိတယ်လို့တောင် မှတ်ချက်ပြုပါတယ်။ ရန်ကုန်ကလွှဲလို့ ကျန်တဲ့ ပြည်နယ်နဲ့ တိုင်းဒေသကြီး ၁၃ခုရဲ့ လွှတ်တော်အသီးသီးမှာ ဗိုလ်မှူးကြီးတစ်ဦးစီက တပ်မတော်သားလွှတ်တော်ကိုယ်စားလှယ်တွေကို ဦးဆောင်သွားဖွယ်ရှိပါတယ်။

ထိပ်တန်းဦးစားပေးများ
------------------------

လာမယ့် ဒုတိယပုံမှန်လွှတ်တော်အစည်းအဝေးတွေမှာ တပ်မတော်သားလွှတ်တော်ကိုယ်စားလှယ် အစုအဖွဲ့တွေက သာမန်ဥပဒေပြုရေးတွေထက် ခက်ခဲတဲ့ဥပဒေရပ်ကိစ္စတွေ၊ ဖွဲ့စည်းပုံအခြေခံဥပဒေဆိုင်ရာ တွေမှာ အဓိက အာရုံစိုက်ကြမှာပါ။ တပ်မတော်သားလွှတ်တော်ကိုယ်စားလှယ်တွေက ဖွဲစည်းပုံအခြေခံဥပဒေပြင်ဆင်ရေးကလွှဲလို့ အခြား ကိစ္စရပ်တွေမှာ ဗီတိုအာဏာကို အသုံးပြုဖွယ်မမြင်ပါဘူး။ ပြည်ထဲရေး၊ ကာကွယ်ရေး စတဲ့ လုံခြုံရေးဆိုင်ရာကိစ္စရပ်တွေမှာ ပဲ တက်တက်ကြွကြွ ပါဝင်ဖို့များပါတယ်။ ပြီးခဲ့တဲ့ ငါးနှစ်အတွင်းမှာလည်း ဥပဒေပြုရေးနဲ့ပတ်သက်လို့ တပ်မတော်ဘက်က ဥပဒေကြမ်းအနည်းငယ်ကိုသာ အဆိုတင်ခဲ့တာပဲရှိပါတယ်။

ဒါပေမယ့်၊ တပ်မတော်ဘက်က ပြည်ထောင်စုလွှတ်တော်တွေမှာ ခင်းကျင်းလာတဲ့ နေရာချပုံကို ကြည့်ရင် ယခင်က ပထမအကြိမ်ပုံမှန်လွှတ်တော်အစည်းအဝေးတွေထက် အဆုံးအဖြတ်၊ အတွန်းအတိုက်က ပြင်းထန်ပြီး အားပါလာနိုင်တယ်။ ဒီအခင်းအကျင်းကို အမျိုးသားဒီမိုကရေစီအဖွဲ့ချုပ်ပါတီအနေနဲ့ လုံးဝလျှော့တွက်လို့ မရဘူး။

တပ်မတော်သားလွှတ်တော်ကိုယ်စားလှယ်များရဲ့ ပညာအရည်အချင်း
-------------------------------------------------------------------------

လွှတ်တော်ဇာတ်ခုံမှာ ခင်းကျင်းကပြသမယ့် အရာရှိတိုင်းက အနည်းဆုံးတော့ ဘွဲ့ရပညာတတ်တွေချည်းပါပဲ။ အများစုက အင်ဂျင်ယာဘာသာရပ်၊ science တွေနယ်ပယ်တွေမှာ မဟာဘွဲ့ ၊ တစ်ချို့တလေဆို ပါရဂူအထိ ရှိနေတဲ့သူတွေဖြစ်ပါတယ်။ အရပ်ဘက်က လွှတ်တော်ကိုယ်စားလှယ်တွေထဲမှာ ၂၄၀ကျော်လောက်က ခေသူမဟုတ် ( အတန်းပညာသိပ်မမြင့် ၊ ဘွဲရသူများ မဟုတ်) သူတွေလို့သိရတယ်။ ဒီအညွန်းကိန်းကလည်း ရင်လေးစရာပါပဲ။ ဒါ့အပြင်၊
အရပ်ဘက်နိုင်ငံရေးသမားတွေဘက် တက်လာမယ့် လွှတ်တော် ဒုတိယဥက္ကဋ္ဌတစ်ဦးဆိုရင် တက္ကသိုလ်ဝင်တန်း(ခ) ပါပဲ။
ပြည်ထောင်စုလွှတ်တော် တစ်နည်း အမျိုးသားလွှတ်တော်၊ ပြည်သူ့လွှတ်တော်မှာ ဦးစားမယ့် ဗိုလ်မှူးကြီးနဲ့ အထက်အရာရှိကြီးအားလုံးနီးပါးက အမျိုးသားလုံခြုံရေး၊ နိုင်ငံတကာဆက်ဆံရေး၊ ပြည်သူ့ရေးရာစီမံခန့်ခွဲမှု၊ စီးပွားရေးဘာသာရပ်တွေကို နောကျောအောင် သင်ကြားလေ့လာရတဲ့ အမျိုးသားကာကွယ်ရေးတက္ကသိုလ်ကျောင်း ဆင်းတွေဖြစ်ပါတယ်။

တပ်မတော်က တင်မယ့် ၀န်ကြီးသုံးဦး
-----------------------------------------

ဇန်န၀ါရီလကုန်ပိုင်းမှာ ဒေါ်အောင်ဆန်းစုကြည်နဲ့ တပ်မတော်ကာကွယ်ရေးဦးစီးချုပ်တို့ တွေ့ဆုံခဲ့ပါတယ်။ ဒီတွေ့ဆုံပွဲမှာ တပ်ချုပ်၊ ဒုတပ်ချုပ်တို့အပြင် ဒုတိယဗိုလ်ချုပ်ကြီး ကျော်ဆွေ ( စစ်ဦးစီးအရာရှိချုပ်-ကြည်း )၊ ဒုတိယဗိုလ်ချုပ်ကြီးမြထွန်ဦး (စစ်ဘက်ရေးရာလုံခြုံရေးအရာရှိချုပ် )၊ ဒုတိယဗိုလ်ချုပ်ကြီး ရဲအောင် ( စစ်ဥပဒေချုပ်) တို့တက်ရောက်ခဲ့တယ်။ ဒီ ဒုတိယဗိုလ်ချုပ်ကြီး သုံးဦးက တပ်မတော်က ခန့်အပ်မယ့် ကာကွယ်ရေး၊ ပြည်ထဲရေး၊ နယ်စပ်ရေးရာဝန်ကြီးအဖြစ် တစ်ပြေးနေပါတယ်။

ဒီလပိုင်းမှာ လူဝင်ကြီးကြပ်ရေးဝန်ကြီးဌာနကို ပြည်ထဲရေးလက်အောက်ခံ ဦးစီးဌာနအဖြစ် သွတ်သွင်းဖို့က ကြိုးစားလာတာကို တွေ့ရပါတယ်။ ဒီလုပ်ရပ်က ၀န်ကြီးဌာနကို လျှော့ချဖို့ အထောက်အကူဖြစ်တာကမှန်ပါတယ်။ ဒါ့အပြင်၊ ယခင်ကလည်း လူဝင်ကြီးကြပ်ရေးဝန်ကြီးဌာနဆိုတာကလည်း ပြည်ထဲရေးလက်အောက်ခံ ဦးစီးဌာနဖြစ်ခဲ့တာပါ။ လူဝင်မှု ကြီးကြပ်ရေးဝန်ကြီးဌာနရဲ့ အဓိကအားသာချက်က တစ်နိုင်ငံလုံးမှာရှိတဲ့လူတွေရဲ့အချက်အလက်က သူဆီမှာရှိတဲ့အပြင်၊ နိုင်ငံသားဖြစ်မှု အထောက်အထားတွေကလည်း သူဆီမှာပဲရှိပါတယ်။ အချက်အလက်ကို လက်ဝယ်ထားနိုင်သူက ဘယ်လို မဟာဗျူဟာတိုက်ပွဲမှာမဆို အားသာနိုင်တယ်ဆိုတဲ့ အချက်နဲ့ စဉ်းစားကြည့်မယ်ဆိုရင် ဒီလို့စီစဉ်မှုက တစ်ဘက်ကကြည့်ရင် တပ်မတော်က အမျိုးသားလုံခြုံရေးရှုထောင့်ကနေကြည့်ပြီး ပြည်ထဲရေးဘက် ဆွဲသွင်းတာလားလို့ လည်း ကောက်ချက်ဆွဲနိုင်သလို၊ နိုင်ငံရေးရှုထောင့်ကကြည့်ရင်တော့ ဒါက တပ်မတော်ဘက်က ပါဝါချဲ့လိုက်တာလို့ လည်းတစ်မျိုးတစ်ဘာသာ ကောက်ယူနိုင်ပြန်တယ်။

တပ်မတော်က တင်မယ့် သမ္မတလောင်း
--------------------------------------------
တပ်မတော်ဘက်က တင်မယ့် သမ္မတလောင်းတွေထဲမှာ ကြည်း၊ရေ၊ လေ ညှိနှိုင်းကွပ်ကဲရေးမှူး၊ တပ်မတော် ကာကွယ်ရေးဦးစီးချုပ် (လေ) ဗိုလ်ချုပ်ကြီး ခင်အောင်မြင့်လို့ကြားရပါတယ်။ တပ်မတော်ဘက်က ဒုတိယသမ္မအဖြစ် တပ်မတော်(ကြည်း)ဘက် သီဟသူရတင်အောင်မြင့်ဦး၊ တပ်မတော်(ရေ) ဦးဥာဏ်ထွန်း၊ ခု တပ်မတော်(လေ)က ဗိုလ်ချုပ်ကြီးခင်အောင်မြင့်ကို အလှည့်ကျပေးနိုင်မလားဆိုတဲ့အချက်၊ ဗိုလ်ချုပ်ကြီးခင်အောင်မြင့်က အရာရှိငယ်ဘ၀မှာ အမေရိကန်ပြည်ထောင်စုမှာ စစ်ပညာသင်ကြားလေ့လာခဲ့တာရယ်၊ မြန်မာ့တပ်မတော်က အနောက်နိုင်ငံကြီး တပ်မတော် တွေနဲ့ ချဉ်းကပ်ဆက်ဆံလာတဲ့ ပေါ်လစီအရွေ့အပြောင်းတွေကြောင့်၊ ဒါ့အပြင် ပြည်ထဲရေး၊ ကာကွယ်ရေး၊ နယ်စပ်ရေးရာ ၀န်ကြီးတွေနေရာမှာဒုတိယဗိုလ်ချုပ်ကြီး အဆင့်အရာရှိကြီးတွေကို လျာထားတယ်ဆိုတဲ့အချက်တွေကို စုပေါင်းသုံးသပ်ရင် ဒီခန့်မှန်းချက်က ဖြစ်နိုင်ခြေရှိနိုင်ပါတယ်။

ရည်ညွန်း။ ။

၁ Renaud Egreteau , Myanmar military chief revamps his parliamentary team

၂။ Maung Aung Myoe, A quick to Myanmar’s Military MPs

၃။ သောင်းဝေဦး၊ ကျွန်တော်သိသော ဗိုလ်ချုပ်မှူးကြီး သန်းရွှေ

၎။ Discussion with Senior Analysis

ရိုသေစွာဖြင့်