ကျွန်တော် စစ်တက္ကသိုလ်ကို ၁၈.၅.၈၁ ရက်နေ့မှ ၅.၄.၈၅ ရက်နေ့ထိ တက်ခဲ့သည်။ စီနီယာအပတ်စဥ်(၄) ခု၊ Final Year အပတ်စဉ် (၂) ခု (၂၂ နှင့် ၂၃)၊ Senior One (အပတ်စဉ် ၂၄)၊ Second Year အပတ်စဉ်(၂၅) တို့ဖြစ်ပြီး ဂျူနီယာအပတ်စဉ် (၃) ခု (၂၇၊၂၈၊၂၉) တို့နှင့် ဆုံခဲ့ရ သည်။ စီနီယာ ဗိုလ်လောင်းကို သော်၎င်း၊ ဂျူနီယာဗိုလ်လောင်းကိုသော်၎င်း လက်သီးချင်းယှဉ်ထိုးလို့မရ (လက်ဝှေ့ကြိုးဝိုင်းပေါ်မှလွဲ၍)။ လက်နဲ့ရွယ်လို့မရပါ။
စီနီယာတွေက ဂျူနီယာအပတ်စဉ်ကို အပစ်ပေးလျင်ပင် ကိုယ်လက်ကြံ့ခိုင်သန်မာမှုအတွက် လက်ထောက်မှောက်၊ လေထီးခုန်၊ ဖားခုန်၊ ထို့ထက်ပို၍ပြင်းထန်လျင် ဂျွမ်းထိုး၊ သည့်ထက်ပို၍ ဆိ်ုးဆိုးရွားရွား အပစ်ပေးရလောက် အောင် စစ်စည်းကမ်းဖောက်ဖျက်ပါက Extra Drill ၊ Special Extra Drill အပြစ်တွေရှိသည်။ သည့်ထက်ပိုလို့ဆိုးလာလျင်
တော့ အရာရှိတပ်ခွဲမှူး၊ လုပ်သက်ရင့်နည်းပြ Senior Instructor ၊ နည်းပြမှူးချုပ် Chief Instructor ရုံးခန်းတွေ တက်ပြီး Line Quarter အချုပ်ချခံရသည်။
တော့ အရာရှိတပ်ခွဲမှူး၊ လုပ်သက်ရင့်နည်းပြ Senior Instructor ၊ နည်းပြမှူးချုပ် Chief Instructor ရုံးခန်းတွေ တက်ပြီး Line Quarter အချုပ်ချခံရသည်။
ဗိုလ်လောင်းအချင်းချင်း၊ ထက်အောက်နိုင့်ထက်စီးနင်း အနိုင်ကျင့်ဗိုလ်ကျ၍ လက်သီးနှင့်ထိုးခြင်း ၊ခြေဖြင့်ကန်ခြင်း၊ ဒူးနှင့် အရှိုက်ကိုတိုက်ခြင်းများ လုံးဝ မလုပ်ရပါ။ လုပ်လည်း မလုပ်ပါ။ (လုံးဝမလုပ်ပါ)။ အဲဒီလိုလုပ်လျင်လည်း စစ်တက္ကသိုလ်ဗိုလ်လောင်းအဖြစ် ကျွန်တော်လျှောက်ထားခဲ့မှာမဟုတ်ပါ။ ဘယ်သူမှမလျှောက်ပါ။ သို့သော်လည်း
လက်သီးထိုး၊ ခြေကန်၊ ဒူးတိုက်လေ့ကျင့်ခန်းတွေကို ကျွန်တော်တို့ ကိုယ်လက်ကြံ့ခိုင်ရေးချိန်မှာ လေ့ကျင့်ခဲ့ရသည်။
ထိုစဉ်က ဗိုလ်ကြီးထင်ကျော်နှင့် ဆရာကြီးသန်းရွှေတို့ သင်ပေးခြင်းဖြစ်သည်။ Combat PT ဟုခေါ်သည်။ နိုင်ငံတကာ စစ်ကျောင်းကြီးများက အရာရှိနည်းပြကြီးများ နိုင်ငံတကာဧည့်သည်များ လာရောက်လေ့လာချိန်တွေမှာ ဗိုလ်လောင်းတပ်ရင်း တစ်ရင်းလုံး သရုပ်ပြရသည်။ ဧည့်သည်ကြီးတွေ သဘောကျစွာအားပေး ချီးကျူးကြသည်။
ဗိုလ်လောင်းတွေ စိတ်ဓာတ်ပိုင်းနဲ့ ကာယဥာဏပိုင်းတွေ ကြံ့ခိုင်ဖို့ နှစ်အလိုက် လေ့ကျင့်ရေးဌာနနှင့် စာပေဌာနတို့မှ သတ်မှတ်ထားသည့် သင်ရိုးညွှန်းတမ်းများ အတိုင်းလေ့ကျင့်ပေးနေပါသည်။ ရန်သူအဖမ်းခံရလို့ မျက်နှာကိုထိုးတာနဲ့ လျှို့ ဝှက်ချက်တွေ ထုတ်ပြောမှာစိုးလို့ အထိုးခံနိုင်အောင် ကျင့်သားရအောင် ဂျူနီယာတွေကိုထိုးသည်။ (အထိုးလေ့ကျင့်ပေးပါသည်) ဆိုသော စကားများသည် လုံးဝအဓိပ္ပါယ်မရှိ။ မိုးကြိုးပစ်ရာ ထန်းလက်ကာစကားများ
သာဖြစ်သည်။
ကျွန်တော်တို့တုန်းက ပထမနှစ်မှာ နယ်ကျော်ပြေးပွဲရှိသဖြင့် အလွန်ပင်ပန်းသောကြောင့် လူတိုင်းလက်ဝှေ့မထိုးရပါ။ လက်ရည်နှင့်ဇရှိသူကိုသာ စီနီယာလက်ဝှေ့နည်းပြများက ရွေးချယ်လေ့ကျင့်ပေးပြီး ကျောင်းအုပ်ကြီးဒိုင်း လက်ဝှေ့ပြိုင်စေပါသည်။ ဒုတိယနှစ်၊ တတိယနှစ် ရောက်တာနဲ့ ဗိုလ်လောင်းအားလုံး လက်ဝှေ့လေ့ကျင့်ရသည်။ အမောခံနိုင်ဖို့ သက်လုံပြေးရပြီး အထိုးခံနိုင်ဖို့၊ ပြန်ထိုးနိုင်ဖို့ သန်မာမှုတွေ လေ့ကျင့်ရသည်။ ကြိုးဝိုင်းပေါ်မှာ အရှိုက်ကို အထိုးခံနိုင်ဘို့ ဗိုက်သားလေ့ကျင့်ခန်း Belly exercise ကို လေ့ကျင့်ရသည်။ မေးရိုးကို အထိုးခံနိုင်ဖို့ မေးရိုးနှင့်ရင်ပတ်ကို အံကြိတ်၍ ထိထားပြီး စက္ကန့် (၃ဝ)၊ တမိနစ်မှသည် သုံးမိနစ်ခန့်ထိ အကြိမ်များစွာ လေ့ကျင့်ရသည်။
မေးရိုး (Jaw) နှင့်အရှိုက် (Belly) နှစ်နေရာသည် ကြိုးဝိုင်းပေါ်မှာ ရုပ်ပျက်ဆင်းပျက် အလဲထိုးခံ ရှုံးနိမ့်ရခြင်း Knock out ၏ အဓိကအားနည်းချက် နှစ်ချက်ဖြစ်လို့ စနစ်တကျနှင့် ရက်ရှည်သန်မာအောင် လေ့ကျင့်ပေးရခြင်းဖြစ်သည်။ ပြီးမှ ဘယ်ညာဖြောင့် လက်သီး၊ ဝိုက်လက်သီး၊ ပင့်လက်သီး၊ ချိတ်လက်သီး၊ တံတောင်တိုက်ကွက်တွေကို စနစ်တကျ လေ့ကျင့်ပြီးမှ ပြိုင်ပွဲဝင်စေရသည်။ ပြီးတော့ အချင်းချင်း ဝိတ်တန်းအလိုက် လေ့ကျင့် Sparring
ထိုးသတ်စေပြီးမှ လက်ရွေးစင် ရွေးချယ်ပြီး ပြိုင်ပွဲဝင်စေသည်။ ပြိုင်ပွဲမှာတော့ မိမိနှင့်ပြိုင်ဘက်က စီနီယာဖြစ်စေ၊ ဂျူနီယာ ဖြစ်စေ ကျောင်းအုပ်ကြီးနှင့်နည်းပြဆရာ ဗိုလ်ပါပရိတ်သတ်ရှေ့ မှာ စည်းမျဉ်းစည်းကမ်းအတိုင်း အနိုင်ထိုးသတ်ကြပေတော့။
ယနေ့ အင်တာနက်စာမျက်နှာတွင် ပျံ့ နှံ့နေသော နီဖောင်းဝတ်များ တဖွဲ့ကိုတဖွဲ့ဂိုဏ်း
စတားတွေဆန်ဆန် လက်စွမ်းပြ အနိုင်ကျင့်ထိုးသတ် ကန်ကျောက် ဒူးနှင့်တိုက်နေသော ဗီဒီယိုမှာ စစ်တက္ကသိုလ် ဗိုလ်လောင်းများ လုံးဝ (လုံးဝ) မဟုတ်ပါ။ မည်သည့် စစ်သင်တန်းကျောင်းမှာဖြစ်စေ ရှေ့တန်းစစ်မြေပြင်တွင် ရန်သူနှင့် ရင်ဆိုင်တိုက်ပွဲဝင်နိုင်ရန် ကိုယ်လက်စိတ်ဓာတ်၊ ကာယ ဥာဏ ကြံ့ခိုင်သန်စွမ်းပြီး အရည်အသွေးပြည့်ဝရန် တပ်မတော်လေ့ကျင့်ရေးအရာရှိချုပ်ရုံးမှ စနစ်တကျ စမ်းသပ်ရေးဆွဲပြဌာန်းထားသော သင်ရိုးညွှန်းတမ်း၊ သင်ရိုး
ဇယားတွေ ရှိပြီးဖြစ်ပါသည်။ ဒါတွေကို သွေဖီပြီး လမ်းသရဲဆန်ဆန် လူမိုက်ဂိုဏ်းဆန်ဆန် လုပ်ပြနေတာကို ရန်သူနှင့် ရင်ဆိုင်တိုက်ပွဲဝင်နိုင်ဖို့ လေ့ကျင့်ပေးနေတာပါဟုဆိုလျင်၊ ဒါတွေကို ခွင့်လွှတ်ထားလျင် ပျက်စီးခြင်း ငါးပါး ဆိုက်ပေလိမ့်မည်။
စည်းကမ်းသည် တပ်မတော်၏ ကျောရိုးဖြစ်သည်။ ဘယ်သူတွေ၊ ဘယ်မှာ၊ ဘာ့ကြောင့်လုပ်သလဲ။ ဖော်ထုတ်
အရေးယူ သင့်ပါသည်။ သို့မဟုတ်ပါက ဘယ်မိဘကမှ သူတို့ချစ်သော သားသမီးတွေကို သည်လိုအနိုင်ကျင့် ရမ်းကားနေသည့် နေရာမျိုးကို စေလွှတ်မှာ မဟုတ်ပါ။
အရေးယူ သင့်ပါသည်။ သို့မဟုတ်ပါက ဘယ်မိဘကမှ သူတို့ချစ်သော သားသမီးတွေကို သည်လိုအနိုင်ကျင့် ရမ်းကားနေသည့် နေရာမျိုးကို စေလွှတ်မှာ မဟုတ်ပါ။
ကျွန်တော်သည် ၂ဝဝဝ ခုနှစ်မှ ၂ဝဝ၄ ခုနှစ်ထိ မော်လမြိုင်မြို့ရှိ အမှတ် (၄၆) စစ်ရေယာဉ်စု အကူရေယာဉ်အုပ်၌ တာဝန်ထမ်းဆောင်ခဲ့စဉ် လစဉ် တပ်မတော် (ရေ) အတွက် တပ်သားသစ်(၂ဝ မှ ၂၅) ဦး ပုံမှန် စုဆောင်းပေး နိုင်ခဲ့ပါသည်။ အချို့ လများတွင် (၂၇) ဦးထိစုဆောင်းပေးနိုင်ခဲ့သည်။ ထိုစဉ်က အရှေ့ တောင်တိုင်းစစ်ဌာနချုပ် လက်အောက်ခံတပ်ရင်းမှူးတစ်ဦးသည် တပ်သားသစ် (၅) ဦးစုဆောင်းရန် တိုင်းမှူးမှ ညွှန်ကြားသော်လည်း (၂) ယောက် (၃) ယောက်ခန့်သာ စုဆောင်းနိုင်သဖြင့် အပတ်စဉ်ပြုလုပ်သည့် တိုင်းအစည်းအဝေး၌ တပ်မှူးများက ကျွန်တော့်ကို လက်တို့၍ ကျုပ်တို့စုဖို့လည်း ချန်ထားပါဦး ဟုသြဘာပေးခဲ့ကြသည်။
ထိုသို့ စုဆောင်းရာ၌ လိုအပ်ပါက ကျွန်တော့်ထံမှ စုဆောင်းရေး အရာရှိစစ်သည်များသည် မြစ်ကြောင်းတလျှောက် ကျေးရွာများရှိ မိဘဆွေမျိုးညီအကို မောင်နှမများထံသို့ လိုက်ပါစည်းရုံးခဲ့သည်။ ထိုသို့ စုဆောင်းရရှိသည့် တပ်သားသစ်တွေကိုယခုကဲ့သို့ ကျောကုန်း၊ ဝမ်းပိုက်လို လက်သီးနှင့်ထိုး၊ ဒူးနဲ့တိုက်ခြေနဲ့ ကန်နေသောနေရာသို့ ကျွန်တော်မပို့ပေးခဲ့ဘူးပါ။
သင်တန်းပတ်စဉ်တူခြင်းကတော့ နိစ္စဓူဝသွားအတူလာအတူ ပြေးအတူ၊စာသင်အတူ၊ တောထဲတောင်ထဲ ခရီးသွားအတူ၊ လေ့ကျင့်အတူ လူငယ်လေးတွေဖြစ်လို့ စိတ်အခန့်မသင့်ဖြစ်ပြီး ရန်ဖြစ်တာရှိပါသည်။ သို့သော် ကြိတ်ဖြစ်ရသည်။ စီနီယာ သို့မဟုတ် အရာရှိသိသွားလို့ကတော့ ပြင်းထန်သည့် ပြစ်ဒဏ်၊ အခန့်မသင့်လျင် ကျောင်းမှ ထုတ်ပစ်ခြင်းခံရသည်အထိ အရေးယူခံရနိုင်သည်။ ကျွန်တော်ကိုယ်တိုင် ပထမနှစ်ဗိုလ်လောင်းဘဝက ရေချိုးခန်းထဲမှာ အပတ်စဉ်တူ သူငယ်ချင်းတယောက်နှင့် စကားများပြီး တိုးတိုးတိတ်တိတ် ကြိမ်းမောင်း ရန်ဖြစ်နေတာကို တဖက်ရေချိုးခန်းက ဖိုင်နယ်ရီးယားကြားသွားသဖြင့် နှစ်ဦးနှစ်ဖက် ဒုတိယနှစ်နှင့် တတိယနှစ် အုပ်ထိန်းသူ ဂါဒီယံများထံ ညအိပ်ချိန်ကြမှ သွားရောက်၍ (၇) ရက်တိုင်တိုင် Special Extra Drill ပြစ်ဒဏ်ခံယူရသဖြင့် နောင်ရန်မဖြစ်ရဲတော့။ ရန်ဖြစ်ဖို့ အကြောင်းဖန်လာလျင်တောင် နှစ်ဥိးနှစ်ဖက် ကြိတ်မှိတ်သီး
ခံကြသည်။
ကျွန်တော် ဒုစစ်ရေယာဉ်မှူးဘဝက ကျွန်တော်၏ စစ်ရေယာဉ်မှူးဖြစ်သူက သူတို့ဗိုလ်လောင်းဘဝက ဗိုလ်လောင်းအချင်းချင်း ရန်ဖြစ်တာကို ပြောပြခဲ့ဘူးသည်။ ကျွန်တော့် စစ်ရေယာဉ်မှူးသည် စစ်တက္ကသိုလ် အပါတ်စဉ် (၁၉) ကဖြစ်ပါသည်။ သူတို့ ဗိုလ်လောင်းဘဝက အပတ်စဉ် (၁၉) ဗိုလ်လောင်းတစ်ဦးကို စီနီယာအပတ်စဉ် (၁၈) မှ ဗိုလ်လောင်းက အပစ်ပေးရာမှ နားလည်မှုလွဲပြီး အချင်းချင်း ရန်ဖြစ်
ကုန်ကြသည်။ တယောက်ချင်းမဟုတ်တော့ပဲ နီးရာဗိုလ်လောင်းတွေပါပါပြီး အုပ်စုလိုက် ရန်ဖြစ်ပြီး ကိုယ်ထိလက်ရောက်တွေ ဖြစ်ကြသည်။ အရာရှိများ ရောက်လာပြီး ဖြန်ဖြေရသည်။ ပြီးတော့ စစ်စည်းကမ်းအရ အရေးယူသည်။ သာမန်အရေးယူခြင်းမဟုတ်ပဲ စီနီယာအပတ်စဉ်မှ ရန်ဖြစ်ရာတွင် ပါဝင်သောဗိုလ်လောင်းများကို
ကျောင်းဆင်းရန် ရက်အနည်းငယ်အလိုမှာ တပ်ထုတ်ပွဲ စစ်ရေးပြအခမ်းအနားဖြင့် အရေးယူခဲ့သည်။
တပ်ထုတ်ပွဲ နံနက်ခင်းမှာ ဦးဆောင်ရန်ဖြစ်ခဲ့သည့် စီနီယာဗိုလ်လောင်းများကို အောင်ဆန်းခန်းမရှေ့ တွင် ဗိုလ်လောင်းယူနီဖောင်းအပြည့်ဖြင့် တန်းစီခိုင်းထားသည်။ စစ်တက္ကသိုလ် ကျောင်းအုပ်ကြီးကိုယ်တိုင် တက်ရောက်၍ လေ့ကျင့်ရေးဌာနအရာရှိများက ဗိုလ်လောင်းတဦးချင်းရှေ့ မှာ မျက်နှာခြင်းဆိုင် နေရာယူသည်။ ဆရာဆရာမများ
အရာရှိစစ်သည် ဗိုလ်လောင်း တပ်ရင်းအားလုံး တက်ရောက်ကြည့်ရှုရသည်။ တပ်ထုတ်ချိန်မှာ စစ်တက္ကသိုလ် စစ်တီးဝိုင်းတပ်ဖွဲ့က ဝမ်းနည်းဖွယ် တီးလုံးကို ဖြည်းဖြည်းချင်း စတင်တီးမှုတ်ပေးသည်။ အရာရှိများက ပြစ်ဒဏ်ကျ ဗိုလ်လောင်းတဦးချင်းစီ၏ ဗိုလ်လောင်းအဆောင်အယောင် ဦးထုပ်၊ ပခုံးဒေါက်တံဆိပ်၊ အင်္ကျီ၊ စစ်ခါးပတ်၊ စစ်ဖိနပ်၊ ခြေအိပ်၊ ဖိနပ်၊ စစ်ဘောင်းဘီရှည်ကစ တခုချင်း တဖြည်းဖြည်းချင်း ချွတ်ချပစ်သည်။ ကြည့်ရှုနေသည့် ဆရာဆရာမများအပြင် ဗိုလ်လောင်းအားလုံး မျက်ရည်လည်ကြသည်။ ထုတ်ခံရသည့် ဗိုလ်လောင်းများနှင့် ရန်ဖြစ်ခဲ့သည့် အပတ်စဉ် (၁၉) မှ ဗိုလ်လောင်းများပင် ဝမ်းနည်းငိုကျွေးခဲ့ကြသည်ဟု ဆိုပါသည်။ ပြီးမှ သူတို့ကို တန်းဖြုတ်ပြီး စစ်တက္ကသိုလ် ဗိုလ်လောင်းအဖြစ်မှ၎င်း၊ တပ်မတော်မှ၎င်း အပြီးတိုင် ထုတ်ပယ်ပစ်ခဲ့ပါသည်။
ယခုထွက်ပေါ်လာသည့် ဗွီဒီယိုဖိုင်မှာ စစ်တက္ကသိုလ် ဗိုလ်လောင်းများ မဟုတ်သော်လည်း တပ်နှင့် အကျွမ်းမဝင်သူတို့က စစ်တက္ကသိုလ်ကိုသာ ဦးတည်ဝေဖန်ထိုးနှက်လာကြတာကို တွေ့ရသည်။ ထို့ကြောင့် စစ်တက္ကသိုလ်အတွက်၎င်း၊ တပ်မတော်အတွက်၎င်း စိတ်မကောင်းစရာ ဖြစ်ရပါသည်။
ဤဗွီဒီယိုဖိုင်ကို မည်သူတင်ပါသနည်း။ ဘာရည်ရွယ်ချက်နှင့်လည်း။ ဘယ်တပ်ဖွဲ့မှာ ဘယ်အချိန်က ဘာ့ကြောင့်ဖြစ်ခဲ့ပါသလည်း။ ဘယ်သူတွေမှာ တာဝန်ရှိသလဲ ဆိုတာကအစ စုံစမ်းဖော်ထုတ်၍ စစ်တက္ကသိုလ်နှင့် တပ်မတော်၏ ဂုဏ်သိက္ခာကျဆင်းအောင် လုပ်ဆောင်နေသူများကို စစ်စည်းကမ်းအရ အရေးယူသင့်ပါသည်။ မီးလောင်ရာလေပင့် သံကောင်းဟစ်နေကြသူများလည်း ရပ်တန်းက ရပ်စေချင်ပါသည်။ ။
အောင်လျှမ်းဝေ
ဗိုလ်မှူး ကြိုင်လျှမ်း
တပ်မတော် (ရေ) (အငြိမ်းစား)