၁၉၈၂ မေလ ၁ရက်
နေမ၀င်အင်ပါယာ၏ ထိုးစစ်ကြီးစတင်ချေပြီ Operation Black Buck စစ်ဆင်ရေး အားအဆင့် ၅ဆင့်ခွဲထား ကာ အဆင့် ၁ သည်မေလ ၁ရက်နေ့တွင်စတင်ခဲ့သည်။ အဆန်းရှင်းကျွန်းလေတပ် စခန်းမှ Vulcan ဗုံးကြဲလေယာဉ် ၈ စီးသည် Phantom တိုက်လေယာဉ်မျာအစောင့်လိုက်ကာ Stanley ရှိ အာဂျင်တီးနား တို့၏ လေတပ်အခြေစိုက်စခန်းအား သမရိုးကျဗုံးများ ဖြင့်စတင်ကြဲချတိုက်ခိုက်ခဲ့သည်။လေယာဉ်များသည် ၈၀၀၀ နောတီကယ်မိုင် အထိပျံသန်းရသဖြင့် Victor လေကြောင်း ဆီဖြည့်လေယာဉ် ၄စီးသည် လက်ဆင့်ကမ်းစနစ် ဖြင့် ဆီဖြည့်ပေးခဲ့ရသည်။ ကနဦးလေကြောင်းတိုက်ခိုက်မှုကြောင့် လေယာဉ်ပြေးလမ်း အနည်း ငယ်သာပျက်စီးခဲ့ပြီး ထိခိုက်သွားသော ရေဒါစနစ်အားလည်း အာဂျင်တီးနားတို့ချက်ချင်းပြုပြင်နိုင်ခဲ့သည်။
ဖောက်ကလန်တွင်လေယာဉ်ကွင်း ၃ကွင်း အနက်အဆိုပါစတန်လေ လေယာဉ်ကွင်းသည် အရှည်ဆုံးနှင့်အကောင်းဆုံးပြေးလမ်း၇ှိသောကွင်းဖြစ်သည်။ သို့သော် အဆိုပါလေယာဉ် ကွင်းတွင် အသံထက်မြန်တိုက်လေယာဉ် များဆင်းသက်နိုင်ခြင်းမရှိသည့် အတွက် အာဂျင်တိုင်းတို့အနေဖြင့် လေကြောင်းစစ်ဆင်ရေး များအားကုန်းမကြီးပေါ်ရှိ လေတပ်စခန်းများမှသာပြုလုပ်နိုင်ခဲ့သည်။
အာဂျင်တိုင်းတို့အနေဖြင့် ၄င်းတို့၏ လက်တုံ့ပြန်စစ်ဆင်ရေးအား မေလ ၁ရက်နေ့တွင်ချက်ချင်း ပြန်လည်ဆောင်ရွက်ခဲ့သည်။ အာဂျင်တိုင်းတို့သည် A-4 Skyhawks,IAI Dagger,Canbarras နှင့် Mirage III တိုက်လေယာဉ်စုစုပေါင်း ၃၆ စီးပါဝင်သောတိုက်ခိုက်ရေးလေတပ်ဖွဲ့အားဖောက်ကလန်သို့စေလွှတ်ခဲ့သည်။ Daggers (Mirage 5)တိုက်လေယာဉ်များသည် ဗြိတိသျှတို့၏ ကော်ဗက် စစ်ရေယာဉ်တစ်စီးအား စတင်တွေ့ရှိကာ ပစ်ခတ်တိုက်ခိုက်ခဲ့သည် သဘောင်္မှာ ဆိုးရွားစွာပျက်စီးခဲ့ပြီး အာဂျင်တီးနားတိုက်လေယာဉ်များ သည် ဘေးကင်းစွာ အခြေစိုက်စခန်းဆီသို့ပြန်လာနိုင်ခဲ့သည်။ အဆိုပါအောင်မြင်မှုကြောင့် အာဂျင်တိုင်း လေသူရဲများ စိတ်ဓာတ်မှာ မြင့်တက်လာခဲ့သည်။ သို့သော်အခြားလေယာဉ်များ မှာမူ ဗြိတိန် လေယာဉ်တင်သဘောင်္ HMS Invinsible မှ BAE Sea Harrier တိုက်လေယာဉ်များ၏ ကြားဖြတ်တိုက်ခိုက် ခြင်းခံခဲ့ရရာ Dagger တစ်စီးနှင့် Camberra တစ်စီးပစ်ချခံခဲ့၇ကာလေသူရဲများအသက်ဆုံးရှုံးခဲ့သည်။
နေ့လည်ပိုင်းတွင် ဗြိတိသျှ အမှတ် ၈၀၁ အုပ်မှ Seaharrier FRS MK 1 ၄စီးနှင့် အာဂျင်တိုင်း Mirage III ၂စီး ထိတွေ့မှု ထပ်မံဖြစ်ပွားခဲ့ရာ Mirage III တစ်စီးမှာ AIM 9 Siderwinder ဒုံးကျည်ဖြင့် ပစ်ချခြင်းခံခဲ့ရကာ အခြားတစ်စီးမှာလွတ်မြောက်ခဲ့သော်လည်း စတန်လေယာဉ်းရှိ အာဂျင်တီးနားလေကြောင်းရန်ကာကွယ်ရေး မှမှားယွင်းပစ်ခတ်မှုကြောင့်ပျက်ကျခဲ့ရသည်။
ထိုအခြေအနေများကြောင့် အာဂျင်တီးနားတို့သည် တိုက်ခိုက်ရေးအတွက် A 4နှင့် Dagger များ ညစစ်ဆင်ရေးများအတွက် Camberra များနှင့် Mirage 3 များအား ရန်သု့ ဆီးဟာရီယာများအားမျှားခေါ် ချေမှုန်းရန် အတွက်စီမံချက်ပြင်ဆင်ချမှတ်ခဲ့သည်။ ထို့ပြင်အရပ်ဖက်သုံး လေယာဉ်များအား ၂၄ လုံးလုံး ရေပြင်တွင် ပျံဝဲစေကာ ဗြိတိန်ရေဒါများအား လှည့်စားထားခဲ့သည်။ အဆိုပါအရပ်ဖက်လေယာဉ်များ အနက် လီယာဂျက်တစ်စီးပစ်ချခံခဲ့ရကာ အာဂျင်တိုင်းလေတပ် ဒုတိယဗိုလ်မှူးကြီး ဒယ်လာကော်လီနာကျဆုံးခဲ့သည်။ စတန်လေအား လေကြောင်း တိုက်ခိုက်မှုများအဆက်မပြတ်ပြုလုပ်ခဲ့ပြီး ညဖက်များတွင် သဘောင်္များမှ အဆက်မပြတ် ပစ်ခတ်တိုက်ခိုက်ခဲ့သည်။ စတန်လေကျွန်း တွင်အာဂျင်တိုင်းတို့အနေဖြင့်ပေါင်းစပ် လေကြောင်းရန်ကာကွယ်ရေး စနစ်အား စုဖွဲ့ထားကာ အဆိုပါစနစ်တွင် Roland နှင့် Tiger Cat ဒုံးပျံစနစ်များ အော်လီကွန် ၃၅ မမ နှစ်လက်တွဲလေယာဉ်အမြောက် စနစ်များတပ်ဆင်ထားသည်။ စစ်ပွဲစတင်ချိန်မှပြီးဆုံး ချိန်အထိ အာဂျင်တိုင်း C-130 လေယာဉ် ၅စီးသည် ထောက်ပို့ပစ္စည်းများ နှင့် လက်နက်ခဲယမ်းများ အားကုန်းမကြီးမှ စတန်လေသို့ တောက်လျှောက်ပေးပို့ပေးခဲ့သည်။ အဆိုပါလေယာဉ်များအနက် တစ်စီးသည် ဇွန် ၁ရက်နေ့တွင် ဆီးဟာရီယာများ၏ပစ်ချခြင်းခံခဲ့ရသည်။
မေလ ၂ရက်နေ့တွင် ပထမဆုံးရေတပ်ချင်းထိတွေ့မှုအနေဖြင့်အာဂျင်တီးနား တို့၏ ကရူဇာသဘောင်္ ARA General Belgrano နှင့် ဗြိတိန် ညူကလီးယားရေငုပ်သဘောင်္ HMS Conqurer တို့သည် ကျွန်း၏ အနောက်တောင်ဘက် MEZ ဇုန်အတွင်းထိတွေ့မှုဖြစ်ပွားခဲ့ရာ Belgrano သဘောင်္သည် HMS Conquerer မှ ပစ်ခတ်သော ၂၁ လက်မ MK 8 Mod 4 တော်ပီဒို ၃လုံး ထိမှန်ခံရကာနစ်မြုပ်ခဲ့သည်။ အာဂျင်တိုင်း ရေတပ်အတွက်ကြီးမားထိုးနှက်ချက်ဖြစ်ခဲ့ကာ ရေတပ်သား ၃၂၃ ဦးကျဆုံးခဲ့သည် အဆိုပါကျဆုံးမှုသည် စစ်ပွဲတစ်လျှောက်လုံးကျဆုံးသော အာဂျင်တီးနားစစ်သည် စုစုပေါင်း၏ထက်ဝက်ကျော်ဖြစ်သည်။ Belgrano နစ်မြုပ်ပြီးနောက်ပိုင်း အာဂျင်တိုင်းရေတပ်သည် တိုက်ပွဲဝင်ခြင်းမရှိတော့ပဲ လေယာဉ်တင်သဘောင်္ ARA Veinticinco de Mayo ဦးဆောင်သောရေတပ်အုပ်စုသည် တိုက်ပွဲနယ်မြေမှချက်ချင်း ပြန်လည်ဆုတ်ခွာခဲ့ကာ စစ်ပွဲပြီးဆုံးချိန်အထိပါဝင်ခြင်းမရှိတော့ချေ။ ထိုနေ့ ညသန်းခေါင်ယံအချိန်တွင်ပင် မေလ ၁ရက်နေ့တွင် ပစ်ချခံရသော အာဂျင်တိုင်း ကင်ဘာရာဗုံးကြဲလေယာဉ် မှ အဖွဲ့သားများအားရှာဖွေနေသော အာဂျင်တိုင်း အမြောက်တင်ကင်းလှည့်ရေယာဉ် ARA Alferez Sobral အား တော်ဝင်ရေတပ်Lynx ရဟတ် ယာဉ်၂ စီးမှ Sea Skua သဘောင်္ဖျက်ဒုံးများဖြင့်ဝိုင်းဝန်းပစ်ခတ်ရာ ရေတပ်သား ၈ဦးကျဆုံးခဲ့ပြီး သဘောင်္မှာ ဆိုးရွားစွာပျက်စီးခဲ့သည်။
မေလ ၄ရက်နေ့တွင် တော်ဝင်ရေတပ်၏ Type 42 အတန်းစားဖျက်သဘောင်္ HMS Sheffield အားအာဂျင်တီးနား ရေတပ်၏ Super Eterndard တိုက်လေယာဉ်များ ကတွေ့ရှိခဲ့ပြီး Exocet သဘောင်္ဖျက်ဒုံးဖြင့်ပစ်ခတ်ရာ ရေတပ်သား ၂၀ ကျဆုံးခဲ့ပြီးကျန်ရေတပ်သားများသဘောင်္အားစွန့်ခွာခဲ့ရသည်။ Sheffield သည် ၆ရက်လုံးလု့းမီးတောက်လောင် ခဲ့ကာမေလ ၁၀ရက်နေ့တွင်လုံးဝနစ်မြုပ်ခဲ့သည်။
ဆက်ရန်
(ကြယ်နီ)