မောင်ဖိုးချိုနှင့် ဆရာကြီးများ

မောင်ဖိုးချို အသစ်
-------------------
"မောင်ဖိုးချိုနှင့် ဆရာကြီးများ"

"ဘယ်အချိန်တဲ့လဲဟဲ့ ၊ လူလွန်မသားတွေပဲ အိပ်ယာထဲရှိတော့တယ်ဟေ့နော်"
ကြီးဒေါ်လုပ်သူအသံကြောင့် မျက်လုံးများကိုပွတ်ကာ မောင်ဖိုးချိုအိပ်ယာမှ လူးလဲထ၏။

ညက နိုင်ငံခြားမှ ဦးလေးဖြစ်သူ၏ သြ၀ါဒနာယူနေရသဖြင့် အိပ်ယာဝင်နောက်ကျခဲ့ရသည်။ မနက်တော်တော်နှင့်မထနိုင်။

ဦးလေးက မိမိကို ချစ်လွန်းသဖြင့် ငွေနှင့်ဝယ်၍မရသောအချိန်များ အကုန်ခံပြီးပြောခြင်းကို မိမိက နှစ်ခါမျှယောင်ကာ သမ်းမိသဖြင့် စိတ်မကောင်းချေ။ ဘာကိုကြိုးစားခိုင်းမှန်းတော့ မသိ။ နိုင်ငံခြားမရောက်မီ လွန်ခဲ့သောနှစ်နှစ်က ဦးလေးနှင့်သူ အတူတူလက်ဘက်ရည်ဆိုင်ထိုင်ခဲ့ရချိန်များကို သတိရနေမိလေ၏။ ထိုစဉ်က ဦးလေးတွင်လည်း အချိန်များအလွန်ပေါခဲ့သည်။ တခါပြောစရာမရှိလျှင် ညကဘောပွဲအကြောင်းပြောကာ အပျင်းဖြေကြရ၏။ အသက်ကမကွာ ၊ အလုပ်မရှိသည်က အတူတူဖြစ်ပြီး မတူသည်မှာ ဦးလေးတွင် မိန်းမရှိခြင်းဖြစ်လေသည်။ ထို့ကြောင့်လည်း ဦးလေးမိန်းမ အမေရိကန်မဲပေါက်သောအခါ ဦးလေးလည်း အမေရိကားရောက်သွားခြင်းဖြစ်သည်။ သွားခါနီး ငွေကူပါဦး ဆိုသဖြင့် မိမိလက်စွပ်ကလေးရောင်းလိုက်ရခြင်းကိုလည်း သတိရမိပြန်၏။ ထို့ကြေင့် ယခု ငွေနှင့်တူသော သူ၏အချိန်များကို မိမိအတွက်သုံးပြီး ဦးလေးက တပြန်ကျေးဇူးပြုခြင်း ဖြစ်ရပေမည်။
ဦးလေးသည် သူ့လိုပင် မြန်မာလူမျိုးဖြစ်ပြီး သူ့လိုပင် မိဘမုန့်ဖိုးနှင့် လက်ဘက်ရည်ဆိုင်ထိုင်ခဲ့သူဖြစ်၏။ သူ့ထက်သာသည်က မိဘမုန့်ဖိုးနှင့် မယားကိုပါကျွေးခြင်းဖြစ်သည်။ ထို့ကြောင့် မယားကလည်း သူ့အထည်ဆိုင်ဝင်ငွေမှ ဦးလေးဘောပွဲလောင်းရန် ၊ ဘီယာဆိုင်ထိုင်ရန် မုန့်ဘိုးပြန်ပေးသေး၏။ တခါတခါ မုန့်ဘိုးအရများလျှင် မာဆတ်အထိ ရောက်အောင်သွားနိုင်ကြသေးသည်။ ထိုစဉ်က ဦးလေးသည် မြန်မာကို ဗမာဟုခေါ်လျှင် စိတ်ဆိုးတတ်ကြောင်း သွားတိုက်နေရင်းက မောင်ဖိုးချိုအမှတ်ရနေမိသည်။

"တို့ငယ်ငယ်က ယောက်ျားများမဆိုနဲ့ ၊ ငတို့ မိန်းမရွယ်တွေတောင် လင်းကြက်မတွန်ခင် ကိုင်းထဲရောက်နေပြီ ၊ နေပြူပလားဟေ့ဆိုရင် မောလို့ ထမင်းထုပ်ဖြေစားနေပြီ။ ဒီခေတ်လူငယ်ယောက်ျားကလေးတဲ့ အိပ်ယာထတဲ့အချိန်ကြည့်ကြစမ်းပါ အရပ်ကတို့"
"ညက ကြီးမေ့ မောင်ရဲ့ဆုံးမစကားတွေနာယူနေရလို့ပါဗျာ ၊ အမြဲနောက်ကျနေတာဖြင့်မဟုတ်ပဲနဲ့ ၊ ကြီးမေတို့ငယ်ငယ်က စောစောထတာပဲပြောတယ် ၊ အိပ်တာကျဘယ်အချိန်အိပ်လဲ ပြောကြည့်ပါဦး"
"အိပ်ထာ ဘယ်အချိန်အိပ်ရမလဲ ၊ မှောင်ရင် အိပ်ထာပေါ့"
"မှောင်ရင်ဆိုတာ ည၇နာရီဆို အိပ်ပြီလေ ၊ အဲဒီတော့ ထနိုင်တာပေါ့ ၊ ကျွန်တော်တို့က ည၇နာရီ ထမင်းတောင်မစားရသေးဘူး ၊ ခေတ်မှ မတူတာကို"
"ခေတ်မတူလည်း လူချင်းအတူတူပဲ ၊ အပိုတွေ ဆင်ခြေမပေးနဲ့ ၊ ပျင်းရင်ပျင်းတယ်ပေါ့ ၊ ဒါတွေကြောင့် မတိုးတက်ထာ မအောင်မြင်ထာ ၊ ယောက်ျားလေးဖြစ်ပြီး နှမ်းတစ်တင်းဆီတစ်ခွက် လုပ်စာနဲ့ရအောင်မရှာနှိုင်ဘူး"

ချက်ချင်း ခြံထဲဆင်းကာ နှမ်းစိုက်မှတော်တော့မည်။ တမြန်နေ့ညစာစားပွဲတွင် ဆုံဖြစ်သော ငယ်သူငယ်ချင်းဟောင်းကို သတိရ၏။
"အလုပ်မကောင်းရင် ငါ့ဆီလာခဲ့ ၊ လခ ကောင်းကောင်းပေးမယ် ၊ ငါ့ ကိုယ်ရေးလက်ထောက်လုပ် ၊ အလုပ်တော့ကြိုးစားရမယ်နော် ၊ ဒီခေတ်မှာ အလုပ်ကောင်းကောင်းရဖို့လွယ်မှတ်လို့" .. သူဌေးသူငယ်ချင်းက စေတနာနှင့် ပြောခဲ့သေး၏။

မောင်ဖိုးချို အားငယ်မိသည်။ မိမိပတ်ဝန်းကျင်တွင် ဆရာကြီးများ ပြည့်နှက်နေ၏။ တပည့်ဆို၍ ဖိုးချိုတစ်ဦးတည်းသာရှိတော့သည်။ အားလုံးက ဆရာများသာတည်း။ ဆရာတွင်မှ ရိုးရိုးဆရာမဟုတ် ၊ ဆရာကြီးများဖြစ်ကြလေ၏။

ဖုန်းကိုဖွင့်သော် ဖေ့ဘုတ်တွင် ဆရာ့ဆရာကြီးများက သြ၀ါဒပေးနေကြ၏။ ဆဲဆိုကြိမ်းမောင်းကြ၏။ လမ်းညွှန်နည်းပေးကြ၏။ လိုအပ်သည်များကို မှာကြားနေကြလေ၏။ သူတို့ထက် တော်သူတတ်သူများ မြန်မာပြည်တွင် ရှိနိုင်အံ့တော့မည်မထင်ပေ။ ဤမျှ တော်လှတတ်လှသူများနှင့် မိတ်ဆွေဖြစ်ခွင့်ရခြင်းအား ဂုဏ်မယူတတ်လျှင် လောကတွင်ဂုဏ်ယူစရာလည်း ရှိတော့မည်မဟုတ်ပေ။ နွားခြေရာခွက်ပြောသော ဦးလေးအား ဖေ့ဘုတ်တွင်ခေါ်ကာ ပြဦးမှတော်ပေမည်။

ဖေ့ဘုတ်လောကကြီးတွင် လူရာမ၀င်နိုင်ရှာသော မောင်ဖိုးချိုကလေးမှာ ကုပ်ချောင်းချောင်းနှင့် တိတ်တိတ်ပြန်ဆင်းပြေးလာရရှာသည်။ ဖေ့ဘုတ်မှဆင်းပြီး ကားပေါ်တက်ကာ ၀ပ်ရှော့သို့ထွက်လာလေ၏။ ကားပြင်မှဖြစ်တော့မည်။ တကျီကျီနှင့်မြည်နေသည်မှာ တစ်ပတ်ကျော်ပင်ကြာခဲ့ပြီ။ ပူလီကြိုးများကအသံဖြစ်မည်ထင်၏။

"ပွမ် မ် မ် မ် .. ပွမ် မ် မ် မ်"
ဟွန်းရှည်ဆွဲပြီး မီးထိုးကာ လိုင်းကားဘတ်စ်ကြီးတစ်စီး လမ်းပြောင်းပြန် ဘွားခနဲပေါ်လာသည်။ ရှောင်ချိန်မရ ၊ ဘရိတ်ကိုဇွတ်နင်းရသည်။ ကားကြီးကအရှိန်ပြင်းစွာ ၀ီခနဲပွတ်ပြီးဖြတ်သွား၏။ ကားစပယ်ယာက မျက်မှောင်ကြုတ် လက်ညှိုးထိုးပြီး ပွစိပွစိပြောသွားသေးသည်။ မောင်ဖိုးချို သက်ပြင်းကိုချ၏။ ဘေးမှကားက ကျော်တက်ရင်းအော်ပြောသည်။
"ကားကောင်းကောင်းမမောင်းတတ်သေးရင် အိမ်မှာအိပ်နေ သားကြီး"

အိမ်မှာကြီးဒေါ်ကြောင့် အိပ်နေ၍မရကြောင်းပြောရန် အချိန်မမှီလိုက်ပေ။ အညံ့ဆုံးလူမှာ ဖိုးချိုတစ်ယောက်တည်းသာ ဖြစ်တော့သည်။ အားလုံးတော်ကြ၏၊ မှန်ကြ၏။ ခရီးသည်အပြည့်နှင့် လမ်းပြောင်းပြန်ကို အရှိန်မြှင့်မောင်းသော ဘတ်စ်ဒရိုင်ဘာလည်း မှန်၏။ မိမိသာအရှုံးသမားတည်း။

ဝပ်ရှော့ရောက်ပြီ။ မည်သူ့ကိုပြောရမည် မသိ။ အားလုံးက အလုပ်ရှုပ်နေကြသည်။ မောင်ဖိုးချိုကို အဖက်မလုပ်အားကြပေ။
"ညီလေး ညီလေး .. အစ်ကို့ကားလေးပြချင်လို့"
"ဘာဖြစ်တာလဲပြော"
"ဟိုဒင်း ကျွီကျွီမြည်နေတာ"
"ဟေ့ ဒီကားအောက်ပိုင်းစစ်မယ်ဟေ့"
"အာ .. အောက်ပိုင်းမဟုတ်ဘူး ၊ ရှေ့ဘောနပ် ပ် ပ်"
"ကားပြင်တတ်တယ်လား"
"မှုတ်ဘူး မပြင်တတ်ပါဘူး ၊ ဒါပေမယ့် ခုအသံက ဘောနပ်ထဲကလာတာထင်လို့"
"ဒီကား အလိုင်းမင်းပါချိန်မယ်ဟေ့"
"အလိုင်းမင်းချိန်ထားတာ မကြာသေးဘူး ညီလေးရဲ့ .. ဟိုဥစ္စာ ၊ ပူလီကြိုးတွေက မြည်တာထင်လို့"
"ကျွတ် .. ဆရာကြီးဆိုလည်း ကိုယ့်ဘာသာလုပ်လိုက်ပေါ့ ၊ တာမွေဈေးထဲမှာ ပူလီကြိုးဝယ်ပြီး အိမ်မှာလဲလိုက်"
"အာ .. မင်းတို့ ပိုင်ရှင်မရှိဘူးလား"
"မရှိဘူး ၊ ပိုင်ရှင်နိုင်ငံခြားသွားတယ် ၊ အားအားယားယားကိစ္စတွေ မလုပ်ဘူး ၊ ပြောချင်ရင် ဟိုမှာ မန်နေဂျာ"

တပည့်ကြီးဖိုးချိုလည်း မန်နေဂျာဆိုသူထံ မျက်နှာချိုလေးနှင့်ပြေးတွေ့ရ၏။
"ကျွန်တော့်ကားလေး .. ဘောနပ်ထဲက .. ကျွီကျွီမြည် .. ပူလီကြိုး .. "
"ကားထားခဲ့ ၊ သန်ဘက်ခါ ပြန်လာ"
"အင် .. ပူလီကြိုးလေး လဲယုံတင်ကိုဗျာ"
"ပူလီလဲရုံတင်ဆို ဟိုရှေ့နားက လမ်းဘေးဆိုင်သွားလိုက် ၊ ဒီမှာလုပ်ချင်ရင် ကားထားခဲ့ ၊ သန်ဘက်ခါဆိုတာ တခြားပြစ်ချက်မရှိရင်ပြောတာ ၊ ပြစ်ချက်ရှိရင် ရချင်မှရမယ် ၊ ကားပြင်တယ်ဆိုတာ အသံတစ်ခုထွက်ရင် အားလုံးလိုက်စစ်ရတယ် ၊ ဟေ့ ထမင်းစားနားကြမယ်"
"ဟုတ်ကဲ့ပါ ဟုတ်ကဲ့ပါ ၊ ဒီမှာ .. ကားသော့"
"စားပွဲပေါ်တင်ခဲ့လိုက်"

တပည့်ကြီးဖိုးချိုတစ်ယောက် ဘတ်စ်ကားမှတ်တိုင်သို့ လမ်းလျှောက်ရပြီ။ ဆရာကြီးများပတ်လည်ဝိုင်းနေသော မိမိဘ၀ကို စိတ်နာ၏။ ဆရာဝန်များသာကောင်းကြသည်။ တခါမျှ မတွေ့ဘူး မသိဘူးလည်း ဆရာ ခေါ်ရ၏။ ပိုက်ဆံလည်းရသေး ၊ ဆရာလည်း အခေါ်ခံရသေး ၊ အလွန်နိပ်သောအလုပ်ဖြစ်သတည်း။

"ဟာ ငါ့တပည့် ဘယ်တုန်း"
ပခုံးပုတ်ခံရသဖြင့် မောင်ဖိုးချိုလှည့်ကြည့်၏။ ရုတ်တရက်တွင် မမှတ်မိချေ။ သေချာစဉ်းစားပါမှ ဆယ်တန်းတက်စဉ်က ဂိုက်ပြဘူးသော မိမိထက်တစ်နှစ်ကြီးသည့် ကိုဖြိုး ကို ပြန်မှတ်မိတော့သည်။
"ဟာ အစ်ကို .. အဲ ဆရာ .. မတွေ့တာကြာလှပြီ ၊ နေကောင်းရဲ့လား"
"အေး ကောင်းတယ် ၊ မင်းရော ဘယ်လဲ ၊ မတွေ့တာကြာပြီ ၊ အချိန်အားရင် ဘီယာလိုက်တိုက်စမ်းကွာ"
"ဟိုဒင်း .. ကျွန်တော် မအားသေးလို့ အစ်ကို .. အဲ ဆရာ"
"အေးအေး ၊ ဆေးလိပ်ပါလား တစ်လိပ်လောက်"
"ကျွန်တော်ဖြတ်ထားတယ် ၊ အဲ ကားလာပြီ ၊ ကျွန်တော် လစ်လိုက်ဦးမယ်နော် ဆရာ ၊ နောက်မှတွေ့မယ်"
"အေးအေး ငါ့တပည့် ကျန်းမာချမ်းသာပါစေ ၊ လိမ်လိမ်မာမာနေနော်"
ဆရာကိုဖြိုးက ဆုတွေပေးရင်း ကျန်ရစ်သည်။ မျက်လုံးများက ရစ်ဝိုင်းဝိုင်းနှင့် နေကောင်းရုံမက လူပါကောင်းနေပုံရ၏။

"မှတ်တိုင်ပါရင် ကြိုပြောနော် ၊ ပြီးမှ ကျော်သွားပြီတွေ ဆင်းမယ်တွေ လာမလုပ်နဲ့ ၊ ကျန်းမာရေးလည်း မရပ်ဘူး"
"ပါတယ် ဆရာရေ့"
မောင်ဖိုးချို မဆိုင်းမတွအော်သည်။ ယနေ့အတွက် မိမိ၏ဆရာတစ်ပါး ထပ်တိုးပြီတည်း။

"ဖြည်းဖြည်းဆရာ ၊ အေးဆေးရပ်မယ် ၊ ပင်နီတစ်ယောက်ပါတယ်"
စပယ်ယာကဆို၏။ မောင်ဖိုးချိုဘေးတွင် ပင်နီအင်္ကျီ ပင်နီလွယ်အိတ်နှင့် အမျိုးသားတစ်ဦးကို တွေ့ရလေသည်။
"ပင်နီဆိုတော့ ဆရာကြီးလား ၊ ဆရာကြီးဆိုလည်း ဂါပြီးလှော်ပေးလိုက်ပါကွာ"
ဒရိုင်ဘာလှမ်းပြောတာ ကြားကြရသည်။
ပင်နီပုဂိုလ်လည်း မျက်မှောင်ကုတ်ကာ မကျေမလည်နှင့်ဆင်းရ၏။ သူ့ကိုဘာပြောမှန်းနားလည်ပုံမပေါ်။ မောင်ဖိုးချိုလည်း နားမလည်ချေ။ စပယ်ယာနှင့် ဒရိုင်ဘာက အချင်းချင်း တဟီးဟီးလုပ်ရင်း မောင်းထွက်သွား၏။ ဗန်းစကားများကား တရံတခါ အလွန်ဟန်ကျလှသည်။ ပင်နီဆရာလည်း နားမလည်သောအခါ ဘာမျှမတတ်နိုင်ချေ။

လမ်းထိပ် လက်ဘက်ရည်ဆိုင်သို့ဝင်၏။
"ကိုဖိုးချို တစ်ခွက်ဟေ့"
စားပွဲထိုးကလေးသည် လူတကာကို ဆရာ၊ ဆရာကြီး နှင့် ခေါ်တတ်သော်လည်း မောင်ဖိုးချိုအားမူ ဆရာ မခေါ်ချေ။ ကိုဖိုးချို သာဆို၏။ လောကကြီးတွင် မောင်ဖိုးချိုအား ဆရာခေါ်သူ တစ်ယောက်မရှိ။ ယုတ်စွအဆုံး ရပ်ကွက်ထဲမှ အရူးပေါ အေးဇံ ကပင် တခြားသူများကို ဆရာခေါ်ပြီး မောင်ဖိုးချိုအား ကိုလေးချိုဟု ခေါ်သည်။ မောင်ဖိုးချိုတစ်ယောက် မိမိဘ၀ကို စိတ်နာစပြုလာလေတော့သည်။ ဤမျှ ဆရာကြီးပေါသောခေတ်တွင် မိမိအား တပည့်ကြီးသီးသန့်ဖြစ်စေရန် ဖန်ထားသောကြမ္မာအား စိတ်နာရန်မသင့်ပါလော။ ဗလာကျင်းသော လက်မောင်းပေါ်တွင် "ယူနီဗာဆယ် တပည့်ကြီးဖိုးချို"ဟု တက်တူးသွားထိုးရန် ဆုံးဖြတ်လေ၏။

"ကိုလေးချို .. လက်ဘက်ရည်လား မုန့်ဖိုးလား လေဒီကြိုက်တာပြော .. အဲလေ ကိုရင် ကြိုက်တာပြော"
"အင် .. အေးဇံ"
အသက်ရှည်ဦးမည့် အေးဇံ တည်း။ ယခုပင် သူ့အကြောင်းတွေးသည် ၊ ယခု ရှေ့ရောက်လာပြီး လက်ဘက်ရည်ဖိုးတောင်းနေပြီ။ အေးဇံမှာ အရူးယဉ် အရူးပါးဖြစ်၏။ ရူးသည်ထက် ပေါခြင်း ဘက်သို့ ပိုရောက်ဟန်ရှိသည်။ စကားထိုင်ပြော၍ရသည်။ အချို့ကလည်း အေးဇံကို ယောက်ျားမစစ်သယောင် ပြောကြသေးသည်။

"လစ်စမ်း အေးဇံရာ ၊ ဒီမှာညစ်နေတာ ၊ မင်းဝဲလိုက်တော့"
"ကိုလေးချိုက ချေလှချည်လား ၊ ဘာတွေ ခွီနေတာလဲ ၊ ပြောကြည့်လိုက်လေ ပေါ့သွားအောင်"
"အင်"
သကောင့်သားကား နှယ်နှယ်မဟုတ်ချေ ၊ ခက်ပြီ။ အေးဇံ ကိုတော့ဖြင့် အညံ့မခံနိုင် ၊ ရအောင် ပြန်ဝုန်းရမည်တည်း။

"ငါ့ဘာသာ ဘာပဲ ခွီခွီကွာ ၊ အာရုံလာမစားနဲ့ ၊ ဝေးဝေးသွားနားစမ်းကွာ ၊ ကိုင်းကြီးကြီးသွားရှာနား"
"ဟား .. ကွီးချိုက ဂေါ်ဒိုင်တွေလွှတ်ချင်တာလား ၊ ကွီးချိုအလုံးတွေက ဒိတ်အောက်ကုန်ပြီ ၊ ပြောပြောကစောပါတော့ ကွီးရယ် ၊ ဇံဇံက အခြူဇယားမဟုတ်တာ သိသားနဲ့ ၊ ကွီးကို အလုံးသစ်လေးတွေ ပေးမှာပေါ့။ လုံးဝ အငုံးလေးတွေ သင်ပေးမှာနော် ၊ အပ်တူဒိတ်တွေ သင်ပေးမှာ။ ဇံက အမ်းတတ်ပါတယ် ကွီးရယ် ၊ တခြားလူတွေကို အပီခုတ်လို့ရမယ့် အဇမ်းရွားတဲ့ အလုံးတွေပေးမယ် .. ဂယ် ဂယ်"

"ဟင်း င်း င်း .. အင်း င်း . ပါ . ဆရာ ဇံ . ရယ်"
မောင်ဖိုးချို သက်ပြင်းကိုချရင်း အင်္ကျီအိတ်ထောင်ကိုနှိုက်၏။ ငါးရာတန်တစ်ရွက်နှင့် နှစ်ရာတန်အနွမ်းကလေးတစ်ရွက် ပါလာလေသည်။
"အခါမလည်သေးတဲ့ ခြင်္သေ့ပေါက်စလောက်နဲ့ တက်မလာနဲ့နော် ၊ တောက်ချလိုက်မှာ သလား"

မောင်ဖိုးချိုလည်း နှစ်ရာတန်အနွမ်းကလေးအား အိတ်ကပ်ထဲသို့ ပြန်ထည့်ရလေတော့သတည်း။

ယက္ခ ရဲကြီး။
21-23.7.2016.
https://www.facebook.com/yekkha.yejee
https://www.facebook.com/yekkha.yegyii.fanpage
http://yekkhayejee.blogspot.com/