Image may be NSFW.
Clik here to view.
ကျွန်တော်ဆရာမောင်သာချိုရဲ့ (သမီးလေးဖတ်ဖို့)ဆိုတဲ့ စာအုပ်လေးကို အရမ်းကြိုက်လို့ ခဏခဏ ပြန်ဖတ်ဖြစ်ပါတယ်။ (သမီးလေးဖတ်ဖို့)ဆိုပေမယ့် လူတိုင်းဖတ်သင့်တဲ့ စာအုပ်လေးပါ။
အတွေးလေးတွေအရမ်းကောင်းသလို တစ်ခါတစ်ခါ မဖြစ်လောက်လေးကအစ ဖြစ်သွားနိုင်တာလေးတွေကို ရေးပြထားပါတယ်။
အဲဒီအထဲက ကျောက်စီဓားဖြင့်အထိုးခံတော်မူခြင်းဆိုတဲ့ အကြောင်းလေးဖတ်မိရင်း အတွေးတွေ ၀င်လာမိလို့ပါ။
ဆရာမောင်သာချိုက ငသိုင်းချောင်းမြို့ရဲ့ အိမ်တစ်အိမ်မှာ တည်းခိုဖြစ်တယ်ဆိုပါတော့။ အိမ်ရဲ့ ဧည့်ခန်းမှာထိုင်နေတုန်း အိမ်က ခွေးကြီးက ဆရာချိုကို ကိုက်တော့မယ့် ဟန်နဲ့ မာန်ကတဖီဖီလုပ်နေတယ်။ ဒါနဲ့ ဟိုခုန်ရွှေ့၊ ဒီခုန်ရွှေ့လုပ်တော့လည်း တောက်လျှောက်လိုက်နေတယ်။ ဒီတော့ ဆရာချိုက ခင်ဗျားခွေးကြီးကို လုပ်ပါဦးဗျာ တော်ကြာကိုက်လိမ့်မယ်ဆိုတော့ အိမ်ရှင်က “ ဟာ ဘာမှမပူပါနဲ့ ကာကွယ်ဆေးထိုးထားပါတယ် ”တဲ့။
နောက်လမ်းတစ်ခုမှာ ကားအကောင်းစားတစ်စီးက နောက်ဆုတ်ရင်း လူတစ်ယောက်ကိုအရှိန်နဲ့ ၀င်တိုက်မိတယ်။ ကားပေါ်ကလူ ပြာပြာသလဲ ဆင်းလာပြီး ဘာလုပ်သလဲဆိုရင် သူ့ကားကို ဘာဖြစ်သွားသလဲဆိုပြီး သေချာကြည့်နေတယ်တဲ့။
ဆရာချိုက “ ကာကွယ်ဆေးထိုးထားတဲ့ခွေးမလို့ အကိုက်ခံလိုက်ရင်ကောင်းမလား၊ ကားအကောင်းစားကြီးမို့ အတိုက်ခံလိုက်ရကောင်းမလား ” ဆိုပြီးရေးပြထားပါတယ်။
ဟုတ်တယ် လူတွေက မာန်လေးတွေကိုယ်စီရှိကြတယ်။
ဘာအတွက်နဲ့မှ မာန်မတက်နဲ့တဲ့။ ဒါပေမယ့် ရှိတဲ့သူက ရှိတဲ့မာန်၊ မရှိသူက မရှိတဲ့ မာန်လေးတွေ ဆုပ်ကိုင်ထားရင်း ငါ..ငါ..ဆိုတာကို ဆွဲနေကြလေရဲ့။
ပြီးတော့ “ သူများအမေသေတော့ အနိစ္စ၊ ဒုက္ခ၊ အနတ္တတဲ့ ကိုယ့်အမေသေတဲ့ ငိုကြီးချက်မ” လုပ်တတ်ကြတယ်။
ငါ ဆိုတာ တစ်ချိန်မှာ ဘာ ဖြစ်မလဲဆိုတာကို မတွေးတော့ဘူး။ ခပ်ပေါ့ပေါ့ပဲ။
ဘာတဲ့ရှိသေးတယ် “ သူ့က ကျွန်တော့ကို လက်သီးကြီးနဲ့ ထိုးတာ။ ကျွန်တော်က သူ့ကို ဓားသေးသေးလေးနဲ့ ထိုးတာ” ပါလို့ ကိုယ်ဘက် ကိုယ်လွတ်အောင်ပြောတတ်ကြသေးတယ်မဟုတ်လား။
မာန်၊ မာနဆိုတာ ဘယ်တော့မှ မကောင်းတဲ့အရာတစ်ခုပါ။ မာနဆိုတာ ကိုယ့်ကိုပြန်သတ်တဲ့ တရားပါ။
အင်း ကျွန်တော်ကလည်း လောကီသားပေမို့ ကျောက်စီဓားနဲ့လည်းအထိုးမခံနိုင်ပါဘူး။ သူ့ဓားဆို ကိုယ်တုတ်လောက်တော့ ဆွဲကိုင်မိမယ်ထင်ပါရဲ့လေ…။
မောင်ပိုင်
၂၀-၆-၂၀၁၃။
— with William Tuntunko and 3 others.၂၀-၆-၂၀၁၃။