“ တစ်တောင်ပေါ် တစ်တောင်ဆင့်
တောင်အမြင့် ပတ်ခြံရံ။ ”
ကျွန်တော်တို့ဘ၀တွေမှာ တောင်တန်းတွေအများကြီးပဲ။
လူမှုအခက်အခဲ၊ စားဝတ်နေရေးအခက်အခဲ၊ ကျန်းမာရေးအခက်အခဲ၊ ပညာရေးအခက်အခဲ။
အခက်ခဲတောင်တန်းကြီးတွေက ပတ်လည်မှ ၀န်းရံလို့။ မိုးထက်မြင့်တဲ့ တောင်တွေက များလှပါတကား။
လောကုတ္တရာဆိုတဲ့ လမ်းဘက်ကို လျှောက်လမ်းဖို့ကြည့်တော့ တဏှာ၊ မာန၊ ဒိဋ္ဌိတွေက ထူလွန်းတယ်။ မြင့်လွန်းနေတယ်။ သတိ၊ ၀ီရိယ၊ ပညာ ချိနဲ့လွန်းနေတော့ ဒီတောင်တွေကို မောင်ကျော်နိုင်ပါ့မလား။
“ တစ်တောင်ဆုံးပြန်တော့
တစ်လုံး ကျန်ပြန်သေးသမို့
ဖန်ဖန်လေ အားအင်နှိုးလို့ရယ်
ကြိုးလျှောက်ရပြန်”
လောကီအခက်အခဲ၊ ဘ၀အခက်အခဲတွေကို ကျွန်တော်တို့ မလျှော့သောစိတ်တွေနဲ့ ကျော်ဖြတ်နေကြတယ်။ အောင်မြင်မှုတစ်ခုပဲရရ၊ ရှုံးနိမ့်မှုတစ်ခုပဲကြုံကြုံ၊ ဘယ်သို့သော် တောင်တန်းတွေ ထပ်ဆုံဆုံ အားအင်သစ်တွေနဲ့ ကျော်မြတ်ရမယ် မဟုတ်လား။
လူတစ်ယောက်ရဲ့လောဘအတွက် ဘယ်တော့မှ ကမ္ဘာကြီးက လုံလောက်မှာမဟုတ်ဘူးတဲ့။
မိဘအတွက်၊ ညီအစ်ကိုမောင်နှမအတွက်၊ ဆွေမျိုးအတွက်၊ ဇနီးမယားအတွက်၊ သားသမီးအတွက် မြေးမြစ်အတွက်….ငါ့အတွက်….တစ်တောင်ဆုံးပြန်သော်လည်း အသောမတတ်နိုင်တဲ့ တောင်တန်းတွေက တစ်တောင်ပြီး တစ်တောင်။
သို့ပါသော်လည်း မောရမှန်းမသိ၊ နားရမှန်းမသိ၊ ရပ်ရမှန်းမသိ၊ ဇောဆိုတဲ့ စိတ်တွေနဲ့ အားအင်တွေဖြည့် လောင်စာတွေဖြည့်လို့ တစ်လှမ်းချင်းတစ်လှမ်း လှမ်းခဲ့ကြပြန်ပါပြီ။
တရားဓမ္မဘက်မှာဆိုလျှင်ဖြင့် ကျွန်တော်တို့ ကိလေသာတောင်တန်းတွေကို သတိ၊ ၀ီရိယ၊ ပညာတွေနဲ့ တစ်တောင်ပြီးတစ်တောင် ကြိုးစားကျော်ဖြတ်နေကြပြီလား။
“ ခါတလေ တကယ်ပန်းတာကြောင့်
တော်ပါပြီ ဆက်မလှမ်းချင်ဟု
ရပ်တန်းက ရပ်မယ်ကြံ
အမှန်တော့ ဖြစ်နိုင်မလား ”
အောင်မြင်မှုပန်းတိုင်ဆီသို့ လျှောက်လှမ်းရာမှာ တစ်ခါတစ်လေ ခြေကုန်လက်ပန်းကျပြီး နားချင်လာပြီ။ စိတ်ပျက်လာပြီ။ သို့သော်လျှောက်ခဲ့တဲ့ခရီးကိုတော့ ဆုံးအောင်လျှောက်ရမယ်ပေါ့။
ဓမ္မကိုရှာဖွေအားထုတ်ရာမှ ထူပြောလှတဲ့ ကိလေသာတွေကို ငါကျော်ဖြတ်နိုင်ပါတော့မလား။ ဒီဘ၀တော့ တရားမရနိုင်တော့ပါဘူးဆိုတဲ့အတွေးတွေနဲ့ စိတ်ကိုချပြစ်လိုက်ကျတော့မှာလား။
“ စခဲ့မိတာပေါ့
တစ်နေ့မှာ ဆုံးရာရောက်ပါလိမ့်
အားလျော့ကာ ဆုတ်ချင်စမ်းပါနဲ့ ”
ဘယ်အလုပ် လုပ်လုပ်(ကောင်းမွန်သောအလုပ်)ကို စခဲ့မိရင်တော့ အားလျော့ကာ မဆုတ်လိုက်ပါနဲ့။
“ စိတ်နွမ်းအသာဖြေဦး
မာလာငွေ ကန်ရေအေးရယ်နှင့်
ငှက်တေးအာရုံဆင်လို့
မူတစ်သွင် အားအင်သစ်လိုက်ပါ့
ချစ်ဖွယ်လူသား ”
လောကကြီးမှာ စိတ်ပျက်စရာတွေကြီးပဲမဟုတ်ပါဘူး။ ဘ၀ရဲ့ အနှစ်သာရ၊ ဘ၀ရဲ့ ပျော်ရွှင်မှုဆိုတာ ရှိနေပါတယ်။ တွေ့ကြုံရပါတယ်။ ဒီလို ပျော်ရွှင်မှုတွေ၊ ပျော်ရွှင်စရာတွေမှာ နားနားနေနေနေရင်း ရှေ့ဆက်ရမယ့် ခရီးအတွက် အားအင်သစ်တွေ မွေးလိုက်ကြပါဦး။
ကျွန်တော်တို့ရဲ့ ခရီးဆုံးနိဗ္ဗာန်ကိုရောက်ဖို့၊ ဓမ္မရဲ့ အေးငြိမ်းမှုတွေ၊ အနှစ်သာရတွေကို ကိုယ်တွေ့ ကျင့်ကြံအားထုတ်လို့ ရှေ့ဆက်လျှောက်လှမ်းကြပါစို့။
( ဆရာမ ငွေတာရီ၏ “ ထိပ်ဆုံးသို့” ကဗျာအား ဖတ်ရင်း တွေးမိတာလေးများဖြစ်ပါသည်)။
မောင်ပိုင်
၂၉-၆-၂၀၁၃။