ပိုးစုန်းကြူးတောင်မလင်းရဲတဲ့
ဟောဒီ ပုလင်းမဲမဲထဲ
အမှန်တရားဟာ
ချောင်ကျကျစားပွဲမှာ
ဦးထုပ်ငိုက်ငိုက်ဆောင်းလို့...
ယမ်းခိုးတွေ-ဘိန်းနံ့တွေနံနေတဲ့
အမှောင်ရိပ်ထဲ
အတုံးရုံးလဲနေတာ ဘယ်သူပါလိမ့်
ခင်ဗျားညီလေးဖြစ်နိုင်သလို
ကျွန်တော့်ညီလေးလဲဖြစ်နိုင်တာပဲ
ဘီယာနံ့ ယမကာနံ့တွေနဲ့
မှိန်ပြာပြာမလင်းတလင်းထဲ
မလုံ့တလုံ
ဈေးကွက်ရှာ မျက်ဝန်းပိုင်ရှင်ဟာ
ဘယ်သူပါလိမ့်
ခင်ဗျားညီမလေးလည်းဖြစ်နိုင်သလို
ကျွန်တော့်ညီမလေးလည်းဖြစ်နိုင်တာပဲ
ဘယ်လိုမိသားစုလဲဟေ့
အခွင့်ထူးခံမှုတွေနဲ့စိတ်ဝမ်းကွဲနေတဲ့ မိသားစုမျိုးလား
ဖိနှိပိမှုတွေကြောင့်ကိုယ်ရောစိတ်ပါ ဒဏ်ရာရနေတဲ့ မိသားစုမျိုးလား ...
ဘာ ...
နွေလမ်းမို့ ရေခမ်းတာဟုတ်လား?
ဒီနွေဘယ်လောက်ပူလို့လဲ
နွားခြေရာခွက် ခြောက်ရုံနဲ့
ပင်လယ်ကြီးက လိုက်ခမ်းရမှာလား
ယီးတီးယောင်တောင်လိုက်ခမ်းရမှာလား
စစ်အေးခေတ်ကုန်ရုံနဲ့
မတရားမှုကို လူရာသွင်းရတော့မှာလား
ဒီပုလင်းမဲကြီးကိုဘယ်သူမှ ရိုက်မခွဲတော့ဘူးလား ...
ဒီပုလင်းအမဲကြီးထဲတို့တတွေဟာ
စကားပုံတွေ ထွင်ခဲ့ရ
စကားပုံတွေအတိုင်း
ဆေးသမားလို ဖျားနာခဲ့ရ
ရှေ့နေလို မှားယွင်းခဲ့ရ
ပုလင်းမဲကြီးအလိုကျ
မွေးသမျှ သမင်တွေကျားစာကျွေးခဲ့ရ
ကျင့်ဝတ်တွေကို-ချနင်းခဲ့ရ
စကားပုံတွေ မကုန်သေးဘူးလား
ပုလင်းမဲကြီး မကွဲသေးဘူးလား
ကမ္ဘာကြီးက မီးလောင်နေပြီ
ငါတို့ဟာ
ပုလင်းမဲကြီး စကားပုံတွေအတိုင်း
သားကိုတောင် ချနင်းရတော့မှာလား
"လူ" ဆို
လူပီသကြောင်းပြဖို့
မိခင်စိတ်ရှိကြောင်းပြဖို့
အနာဂါတ် ရင်သွေးရဲ့အဲ့ကနဲငိုသံကြားရုံ
နှလုံးခြောက်ခြားပြေးလွှားချီတက်
နို့ချိုကျွေးတတ်တဲ့မိခင်စိတ်မျိုး
အို...နောက်ဆုံး
ပုဆိန်ရိုးလို့ စွပ်စွဲစွပ်စွဲ
ရင်ဆိုင်ရဲတဲ့ မိခင်စိတ်မျိုးနဲ့
အနာဂါတ်ရင်သွေးကို မကယ်တင်နိုင်ဘူးလား
ဘေးဘီကြည့်တော့
သဘာ၀၀န်းကျင်ကို ကယ်မယ်ဆိုတဲ့လက်တွေကများ
စာရိတ္တ၀န်းကျင်ကိုကယ်မယ်ဆိုတဲ့ လက်တွေကရှား
ဒီပုလင်းမဲကြီးထဲ
ယောက်ျားတန်မဲ့ မငိုမိအောင်
မေးကြောကြီးတွေ ထောင်ထားရ
နိုင့်ထက်စီးနင်းခွာရာတွေကြောင့်
ယောင်ကိုင်းနေတဲ့ပခုံးပေါ်မှ
ထမ်းပိုးထပ်တင်နေကြတာ...
ရွှေဖိနပ်ဆုဆိုတာ
တိုက်စစ်မှုးတွေ အတွက်ပါကွာ
ကိုယ်ကျင်းတရားက
ဘယ်လောက်ပဲ သတိထားရေးဖွဲ့ဖွဲ့
ငါ့ဝမ်းပူဆာသမား
စာစီအမှားကြောင်
ကဗျာတစ်ပုဒ်လုံး ရေတိမ်နစ်ကြရ...
ဒီပုလင်းမဲကြီး
ငါဖြင့် မုန်းလှပြီ...
ဟေ့ ...
ပုဆိန်ရိုးပဲခေါ်ခေါ်
အဲဒီပုဆိန်ကြီးနဲ့
ပုလင်းမဲကြီးကို ရိုက်ခွဲလိုက်မယ်
အမှန်တရားဟာ
ချောင်ကျကျစားပွဲမှာ
ဦးထုပ်ငိုက်ငိုက်ဆောင်းတဲ့ဘ၀ကလွတ်ဖို့
ခင်ဗျားတို့ ကျွန်တော်တို့ညီမလေးတွေ
မလုံ့တလုံ
ဈေးကွက်ရှာ မနေရဖို့
ခွမ်းကနဲ
ပုလင်းမဲကြီးကို ရိုက်ခွဲဖို့
ခင်ဗျားကိုယ်တိုင်ကိုလည်း
ပုဆိန်ရိုးအဖွဲ့ဝင်အဖြစ်ဖိတ်ခေါ်ပါရစေ။
- မင်းကိုနိုင်