ဖောက်တွေးတဲ့ ဥပဒေ ဖလော့ဆဖီနှင့် တရားမျှတမှု

ချောအိနွယ်

ဝေဖန်ပိုင်းခြင်းစဉ်းစားခြင်း (critical thinking)၊ ဖောက်ထွက်တွေးခြင်း (lateral thinking)၊ တီထွင်ဥာဏ် (creative thinking) စသည်တို့သည် လူတိုင်းလေ့ကျင့်ယူနိုင်သော အလေ့အထစနစ်လေးများသာ ဖြစ်ကြသည်။


ယနေ့နိုင်ငံတကာတက္ကသိုလ်များတွင် ဤအကြောင်းအရာသည် အငြင်းပွားဖွယ်ဖြစ်သည်။ အချို့က လူတယောက် သူမတူအောင် တွေးတတ်မြင်တတ်ခြင်းသည် မွေးရာပါ (nature) ဟုဆိုသည်။ အချို့ကတော့ ကြီးပြင်းရာ ပတ်ဝန်းကျင်ကြောင့် (nurture) ဟုဆိုပါသည်။ ဥပမာ စတီဖင်ဟော့ကင်း စင်္ကြာဝဠာကြီးတခုလုံးအကြောင်းကို ဘီးတပ်ကုလား ထိုင်ပေါ်မှ မထဘဲ ချက်ကျလက်ကျ ဝေဖန်ပိုင်းခြားတတ်ခြင်းသည် genius တဦးမို့သာဟု ငြင်းနိုင်သည်။ တဖက်တွင်လည်း မိမိတို့ ကြီးပြင်းရာပတ်ဝန်းကျင်၏ လွှမ်းမိုးမှုမှ ထွက်ပေါ်လာသော ကမ္ဘာ့အတွေးအခေါ်ပညာရှင်များစွာ ရှိသည်။

မည်သို့ဆိုစေ ထိုအရည်အချင်းများသည် လူတိုင်းလေ့ကျင့်ယူနိုင်သော စနစ်များသာ ဖြစ်ပါသည်။ ထို့ကြောင့် နိုင်ငံတကာ တက္ကသိုလ်များတွင် ကျောင်းသားများ အတွေးအခေါ် မြင့်မားလာစေရန်၊ တနည်းအားဖြင့် ဖောက်ထွက်တွေးခေါ် နိုင်စေရန် ရည်ရွယ်ပြီး Rational Thinking ကဲ့သို့သော ဘာသာရပ်မျိုးကို ကျောင်းသားအားလုံး သင်ယူနိုင်ရန် စီစဉ်ပေးပါသည်။ အထူးသဖြင့် ဥပဒေ၊ အတွေးအခေါ်၊ နိုင်ငံရေး၊ စီးပွားရေး ဘာသာရပ်များ ကို လေ့လာသူများအတွက် ထိုအတွေးအမြင် သဘောတရားများကို နားလည်ထားပါက လေ့လာဆဲကာလနှင့် မိမိလေ့လာသမျှကို လူ့အဖွဲ့အစည်းအတွက် ပြန်လည်အသုံးချရာတွင် ပိုမိုထိရောက်မည် ဖြစ်သည်။

ဥပဒေကို မှန်မှန်ကန်ကန် တွေးတတ်မြင်တတ်မှသာလျှင် တရားမျှတသောလူ့အဖွဲ့အစည်းကို တည်ဆောက်နိုင်မည်။ ဥပဒေဆိုင်ရာအတွေးအခေါ် (Jurisprudence) သည် တရားမျှတမှု၏ အသက်သွေးကြောဟု ပြောလျှင် ရနိုင်ပါသည်။ ရောမတို့မှ စတင်ကျင့်သုံးခဲ့သည်ဟုဆိုနိုင်သော်လည်း တကယ်တမ်း ခေတ်သစ် Jurisprudence ကို ၁၈ရာစု ဦးပိုင်းလောက်ကမှ စနစ်တကျစတင်ခဲ့ခြင်းဖြစ်သည်။

ဖောက်ထွက်တွေးခြင်းမှာ အစပိုင်းတွင် ရိုးရှင်းပါသည်။ ဖလော့ဆဖာများက စတင် မေးခွန်းထုတ်ပါသည်။ ဥပဒေ ဆိုတာဘာလဲ… ဥပဒေမှာ ဘာတွေရှိနေသင့်သလဲ… ဘာတွေရှိမနေသင့်ဖူးလဲ… ပြသနာတွေကရော… ဘာကြောင့်လဲ… အစရှိသဖြင့်… ဖလော့ဆဖာများ၏ 'ဘာ' နှင့်အစချီသော စပ်စပ်စုစု မေးခွန်းပေါင်းမြောက်မြားစွာကို ဆိုင်ရာဆိုင်ရာ အပိုင်းများခွဲလိုက်သောအခါ ဥပဒေသီအိုရီများ (Schools of thought) ထွက်ပေါ်လာပါသည်။ အကြမ်းအားဖြင့် သီအိုရီ လေးမျိုးရှိသည်ဟု ပြောနိုင်သည်။ (၁) Natural Law၊ (၂) Legal Positivism၊ (၃) Legal Realism၊ (၄) Critical Legal Studies တို့ ဖြစ်သည်။

(၁) Natural Law

Natural Law ၏ဖခင်မှာ အရစ္စတိုတယ် ဖြစ်သည်။ အရစ္စတိုတယ်၏ အတွေးအခေါ်တို့သည် ကိုယ်ကျင့်သိက္ခာ (moral virtue) မှ အစပြုသည်။ တရားမျှတမှုသည် ကိုယ်ကျင့်သိက္ခာတန်ဖိုးတို့အပေါ် အခြေခံသည်။ တဖန် ထိုတန်ဖိုးတို့သည် အလယ်တည့်တည့်တွင် ရပ်တည်နေရာ (မဇျိမပဋိပဋာ) မှလာခြင်းဖြစ်ပြီး အလွန်အကျွံဖြစ်သော အစွန်းနှစ်ဖက်မှ မဟုတ်ဟု ဆိုသည်။ Natural Law ၏ ရည်ရွယ်ရင်းမှာ မတရားသောဥပဒေအား ဥပဒေဟု မသတ်မှတ် (an unjust law is no law at all)။ လာတင်စကား lex iniusta non est lex မှမွေးစားခြင်းဖြစ်သည်။ ဆိုလိုသည်မှာ သဘာဝတရားတွင် လိုက်နာရမည့် ဥပဒေများ အလိုအလျောက်တည်ရှိနေသည်။ မတရားမှုသည် သဘာဝကိုဆန့်ကျင်သောကြောင့် ဥပဒေမဟုတ်ဟု ဆိုပါသည်။

Thomas Hobbes ကမူ Leviathan ကျမ်းထဲတွင် လူသားကို မိမိကိုယ်ကို ပျက်စီးကြောင်း အကျင့်များအား မပြုလုပ်စေရန် (သို့မဟုတ်) ပျက်စီးစေသောအရာများကို တွန်းလှန်နိုင်စေရန် သဘာဝတရားက ကျိုးကြောင်းခိုင်လုံသောဆင်ခြင်စိတ်ဖြင့် လိုက်နာရမည့် ကျင့်ထုံးများ ပြဌန်းလျက်ရှိသည်ဟုဆိုလေသည်။ ဥပမာ ထာဝရဘုရား၊ လူ့အခွင့်အရေး စသည်တို့မှာ Natural Law ဖြစ်သည်။ Natural Law ၏ အကျိုးဆက်မှာ ကျိုးကြောင်းခိုင်လုံသောအတွေးအခေါ်ဖြင့် ဥပဒေပြုအာဏာကို ကန့်သတ်ရန်ဖြစ်လာပါသည်။

(၂) Legal Positivist

Hart မှာ ခေတ်သစ် ပင်တိုင် Legal Positivist ဖြစ်သည်။ Hart က ဥပဒေဆိုသည်မှာ လူ့အဖွဲ့အစည်းတခုရဲ့ လိုအပ်ချက်တွေကို ဖြည့်ဆည်းပေးတဲ့ ထိုလူ့အဖွဲ့အစည်းက လက်ခံမည့် ဆီလျော်သော ကျင့်ထုံးများကို ပေါင်းစည်း ထားသည့် စနစ်ကြီးတခုဖြစ်သည်ဟု ဆိုပါသည်။ Hart ရဲ့ Legal Positivism က ဥပဒေနှင့် ကိုယ်ကျင့်တရားသည် ဆက်စပ်၍မရ။ လူမှုလိုအပ်ချက်များအရ ထိုလူ့အဖွဲ့အစည်းက လက်ခံသော ဥပဒေစနစ်တခု ပေါ်ပေါက်လာသည်။ ထို့ကြောင့် ဥပဒေသည် လူ့အဖွဲ့အစည်း လိုအပ်ချက်များအပေါ် အခြေခံရေးဆွဲသင့်သည်ဟု ဆိုသည်။

ရေးဆွဲလိုက်သော ဥပဒေသည် သဘာဝတရားပေါ် အခြေမခံပါ။ ဥပဒေပြုအာဏာက ပြဌန်းလိုက်သည့် စံစနစ်များ (positive norms) ကို လိုက်နာရမည်ဖြစ်သည်။ ထို ပြဌန်းချက်များသည် လူထုကလက်ခံသော စံအတိုင်းအတာ များနှင့်အညီ ရေးဆွဲရာ ထိုလူ့အဖွဲ့အစည်းအတွက် တရားမျှတမည်ဖြစ်သည်။ ၄င်းတို့နှင့် လုံးဝမပတ်သက်သော ပြင်ပလူ့အဖွဲ့ အစည်းတစ်ခု ရှုထောင့်မှကြည့်လျှင် တရားမျှတမှုရှိချင်မှရှိမည်။ ကမ္ဘာလုံးဆိုင်ရာ တရားမျှတမှု၊ လူသားဝါဒ စသည်တို့ဖြင့် မဆုံးဖြတ်နိုင်။ ဥပမာ ယခု အင်္ဂလန်နှင့် Common Wealth Nations, အင်္ဂလိပ်ကိုလိုနီ ဖြစ်ခဲ့ဖူးသော နိုင်ငံများတွင် ကျင့်သုံးနေသော Common Law (case law) ဥပဒေပြုစနစ်။ Natural Law ကို ကောင်းကောင်းကြီး ဆန့်ကျင်ပါသည်။


Classic Criticisms of Legal Positivism ဆိုသော ဝေဖန်မှုလည်း ရှိပြန်သည်။ Hart ကို ပြန်လည်ငြင်းချက်ထုတ်သူက Ronald Dworkin ဖြစ်သည်။ ၄င်း၏ Law's Empire စာအုပ်တွင် ဥပဒေသည် ကိုယ်ကျင့်တရားပေါ်များစွာ အခြေခံသည်။ လက်တွေ့တွင် ကျိုးကြောင်းဆီလျော်သော တရားမျှတမှု ဆိုတာဘာလဲ ဆိုသည့် မှန်ကန်တဲ့ ကိုယ်ကျင့်တရားတွေကို ရှာမတွေ့မချင်း အဲ့ဒီလူ့အဖွဲ့အစည်းရဲ့ ဥပဒေပြဌာန်းချက်တွေဟာ ဘာတွေ ဖြစ်သင့်တယ်၊ လက်ရှိ ဥပဒေပြု စနစ်ကြီးတခုလုံးက ဘာတွေဖြစ်နေတယ်၊ ဒီစနစ်က မှန်ကန်ရဲ့လားဆိုတာ ဘယ်သူမှ စဉ်းစားလို့ရမှာ မဟုတ်ပါဟု ရေးခဲ့သည်။

နောက်တယောက်ကတော့ Lon L. Fuller ဖြစ်သည်။  Fuller က ဥပဒေရဲ့ တကယ့်အတွင်းပိုင်းအနှစ်သာရက ကိုယ်ကျင့် တရားတွေဟု ဆိုပြန်ပါသည်။ အကြောင်းကတော့ ဥပဒေ၏ လုပ်ဆောင်ချက်က နှစ်ခု ရှိသည်။ (က) လူ့အဖွဲ့အစည်းတစ်ခု ရုန်းရင်းဆန်ခတ်ဖြစ်မနေဘဲ တည်ငြိမ်နေစေရေး။ ထိုသို့ တည်ငြိမ်လာစေရန် လူတဦးစီ၏ ကိုယ်ပိုင်အုပ်ချုပ်ခွင့် (human autonomy) ကို အစိုးရနှင့် လူထုအကြားဖြစ်စေ၊ လူအချင်းချင်းဖြစ်စေ အပြန်အလှန် တန်ဖိုးထား လေးစားရမည်။ (ခ) ထိုတန်ဖိုးများ၊ အပြုအမူများကို ဥပဒေကျင့်ထုံးများဖြင့် ထိန်းညှိပေးရန်ဖြစ်သည်။


(၃) Legal Realism (Movement)

Legal Realism လှုပ်ရှားမှု သဘောတရားမှာ ဥပဒေကို လူတွေ ကဖန်တီးခြင်းဖြစ်သောကြောင့် အားနည်းချက်၊ မပြည့်စုံမှုများကတော့ အစဉ်အမြဲရှိနေမည်။ တခါတရံ တရားစီရင်ပိုင်ခွင့်အာဏာသည် တရားသူကြီး၏ လက်ဝယ်တွင် ရှိသောကြောင့် တရားမျှတမှုသည် တဖက်စောင်းနင်းကျချင်ကျတတ်သည် ဟုဆိုပါသည်။

တရားသူကြီးတို့သည် ဥပဒေပညာကို ဥပဒေကျောင်းများတွင် အတိအကျ အပြိုင်အဆိုင် လေ့လာခဲ့ လေ့ကျင့်ခံခဲ့ ရမည်။ ဥပဒေသမားတို့ လိုက်နာအပ်သော ခံစားချက်ကို ဦးစားမပေး တရားမျှတမှုကို ဦးစားပေးမည့် အကျင့်များကို ကျင့်ခဲ့မည်။ ထိုသို့ကျင့်မည်ဖြစ်ကြောင်း သစ္စာဆိုခဲ့မည်။ တရားစီရင်ခွင့်အာဏာကို တဖန်ပြန်လည် ကန့်သတ်ထားသည့် ဥပဒေများ အတိအကျရှိမည်။ ကန့်သတ်ချက်ကို မလိုက်နာပါက တရားဥပဒေအမှုထမ်း ဆောင်ခွင့်ရမည်မဟုတ်။ ထို့ပြင် တယောက်ထဲ စီရင်ရခြင်းမဟုတ်။ တရားသူကြီးအများနှင့်တကွ ဥပဒေသမားများအပါအ၀င် လူတွေကပါ ကြားနာစီရင်ခြင်း ဖြစ်သည်။ ရာဇ၀တ်မှုများတွင် ဂျူရီလူကြီးများပါရှိပေလိမ့်ဦးမည်။

မည်သို့ပင်ဆိုစေ တရားသူကြီးသည်လည်း လူအများထဲမှ တဦးသာဖြစ်သည်။ အလွန်ပြင်းထန်သော အမှုမျိုးကို ကိုင်တွယ်ရမည်ဆိုလျှင် တရားမျှတမှုကို မလွန်ဆန်နိုင်တောင်မှ ခံစားချက်ကို နည်းနည်းလေး ဦးစားပေး ဆုံးဖြတ်လိုက်မည် ကို မည်သူသိနိုင်မည်နည်း။

ထို့ကြောင့် Americal Legal Realism ရှေ့ဆောင် Justice Oliver Wendell Holmes (Jr.) (served for Supreme Court of USA 1902-1932) က ဥပဒေသည် လောဂျစ်ကို အခြေခံခြင်းထက် အတွေ့အကြုံပေါ်များစွာအခြေခံသည် (The life of the law has not been logic; it has been experience)။ ဆိုလိုသည်က ဥပဒေသဘောတရားများ မပြည့်စုံမှုများကို တရားရုံးနှင့် ဥပဒေသမားများက လက်တွေ့လေ့ကျင့်ရင်း အတွေ့အကြုံမှသင်ယူရင်း သဘောပေါက် လာမည်။ ၄င်းတို့ လေ့လာနေသော ဥပဒေကျမ်း၊စာအုပ်များ လွှတ်တော်မှအတည်ပြုလိုက်သော ဥပဒေများကို လေ့လာရုံဖြင့် သဘောမပေါက်နိုင်။ နိုင်ငံရေး၊ စီးပွားရေး၊ လူမှုရေးနှင့် လူ့သမိုင်းကို ထဲထဲဝင်ဝင် သိကျွမ်းမှသာလျှင် အလုပ်ဖြစ်မည်။

(၄) Critical Legal Studies (CLS Movement)

CLS လှုပ်ရှားမှု ကတော့ Jurisprudence body တခုလုံးကို တော်လှန်ချင်သည်။ ဥပဒေနှင့် လောဂျစ်တွင် ပါဝင်သည့် ကျိုးကြောင်းဆက်စပ်ပြီးငြင်းဆိုခြင်းများ၊ သီအိုရီများ၊ ခြုံငုံထုတ်ယူခြင်းများ၊ စံစနစ်များကို အသိအမှတ်မပြုလို။ ၄င်းတို့ကို အိုင်ဒီယာများအဆင့်သာ သဘောထားလိုသည်။ CLS ၏အဓိကအကြောင်းကတော့ ဥပဒေမှာ တရားသေမဟုတ် (indeterminate) Social Context အတွင်းကလှုပ်ရှားရခြင်း ဖြစ်သည်ဟုဆိုပါသည်။ Holmes ရဲ့ ဘက်မလိုက်တရားသူကြီးမရှိနိုင်ကြောင်း ဥပမာကိုအခြေခံပြန်ပါသည်။ အမေရိကန် လှုပ်ရှားမှုတခု ဖြစ်သော်လည်း ဥရောပဖလော့ဆဖာများဖြစ်ကြသော မာ့စ်၊ အိန်ဂျယ်၊ နှင့် ၀ဘ်ဘာတို့ရဲ့ ဆိုရှယ်လစ်အတွေးအခေါ်ကို မွေးစားခြင်းသာ ဖြစ်သည်။

ခြုံငုံပြောရလျှင် ထိုကဏ္ဍလေးမျိုးသည် ဥပဒေဆိုတာဘာလဲ ဆိုသည့် မေးခွန်းကိုဖြေသည့် အမြင်ရှုထောင့်အမျိုးမျိုးကို ယေဘုယျဆန်ဆန် တင်ပြခြင်းသာ ဖြစ်သည်။ ဥပဒေရဲ့လုပ်ငန်းများ၊ အခြေခံသဘောတရားများ၊ လိုက်နာသင့် မလိုက်နာသင့် အချိန်အခါ (ဥပမာ Civil Disobedience)၊ တရားဥပဒေအထက်တွင် မည်သူမျှမရှိစေရ (rule of law: no one is above the law)၊ တရားမျှတမှုဆိုတာ ဘယ်လိုဆုံးဖြတ် လိုက်သလဲ စသည့် Normative Jurisprudence များသည်လည်း လေ့လာသင့်သော အရာများ ဖြစ်သည်။

ထိုအရာများထဲတွင် ရိုးစင်းသောအတွေးအခေါ်များပါသလို ရှုပ်ထွေးပွေလီသော တွေးခေါ်နည်း စနစ်တို့ဖြင့် ထုတ်ယူ ထားသည့် အကြောင်းအချက်များစွာပါရှိပါသည်။ ဖော်ပြခဲ့သော ဥပဒေဖလော့ဆဖာများသည် Critical Thinking, Lateral Thinking, Creative Thinking Skills တို့ကို Nature ဖြစ်စေ Nurture ဖြစ်စေ ပိုင်ဆိုင်ချင်မှ ပိုင်ဆိုင်ပေမည်။


သို့သော် သူတို့အားလုံး သမရိုးကျမတွေး၊ ဖောက်ထွက် တွေးခေါ်သည်။ ရှုထောင့်အမျိုးမျိုးကို စနစ်တကျ လေ့လာသည်။ လေ့ကျင့်သည်။ အသုံးချသည်။ သူတို့ကိုယ်တိုင်နှင့် သူတို့ မျိုးဆက်သစ်များက သူတို့ ယုံကြည်ချက်ကို လက်တွေ့ အသုံးချနိုင်ရန် ဆက်လက်လည်း ရှာဖွေဆဲ ငြင်းခုံဆဲ ဖြစ်ပါသည်။


ကမ္ဘာ့ တည်ဆဲဥပဒေများ

တည်ဆဲ ကမ္ဘာ့ ဥပဒေပြုစနစ်များ (Legal Systems) တွင် အဓိကအားဖြင့်
၁။ ရောမ ဥပဒေပြုစနစ် (Civil Law System)
၂။ အင်္ဂလိပ် ဥပဒေပြုစနစ် (Common Law System)
၃။ ဘာသာရေးဥပဒေများ (ဥပမာ - Islamic Law)
၎။ မိရိုးဖလာဥပဒေများ (Customary Laws)
၅။ ဥပဒေစနစ် နှစ်မျိုးကို ပေါင်းစပ်ထားခြင်း (Bijudicial) (ဥပမာ - ရောမ စနစ်နှင့် အင်္ဂလိပ် စနစ် (သို့) မိရိုးဖလာနှင့် ဘာသာရေး ဥပဒေများ) ဟုရှိကြသည်။

သဘာဝအားဖြင့် နိုင်ငံတနိုင်ငံ၏ ဖြတ်သန်းမှု၊ သမိုင်း၊ ယဉ်ကျေးမှုနှင့် လူထုလူတန်းစားပေါ်မူတည်ပြီး အထက်ပါ ဥပဒေစနစ်များကို သင့်လျော်သလို ကျင့်သုံးလေ့ရှိကြပါသည်။

ဆိုရသော် ဗြိတိသျှနယ်ချဲ့လက်အောက်ခံ ဖြစ်ခဲ့ဖူးသော နိုင်ငံများ၊ ဗြိတိန်ဘုရင်(မ) အုပ်ချုပ်မှုအောက်မှ အချို့ နိုင်ငံများ Commonwealth Countries (သို့) ဗြိတိန်နှင့် ဥပဒေပိုင်းဆိုင်ရာ သဘောတူညီမှုတစုံတရာ စာချုပ်စာတမ်း ရေးထိုးထားသော နိုင်ငံများက အင်္ဂလိပ် ဥပဒေပြုစနစ် Common Law ကိုကျင့်သုံးကြသည်။ ဥပမာ သြစတြေးလျ၊ မြောက်အမေရိကမှ ပြည်နယ်အများစု၊ ဟောင်ကောင်၊ မြန်မာနိုင်ငံ။

အလားတူစွာ ရောမအင်ပိုင်ယာနှင့် ပတ်သက်ခဲ့သောနိုင်ငံများ၊ နယ်ချဲ့လက်အောက်ခံမဖြစ်ဖူးသော အချို့နိုင်ငံများက ရောမ ဥပဒေပြုစနစ် Civil Law ကို ကျင့်သုံးကြပါသည်။ ဥပမာ - ဥရောပနိုင်ငံများ၊ ထိုင်းနိုင်ငံ။

အရှေ့အလယ်ပိုင်းဒေသကဲ့သို့ ဘာသာရေးကြီးစိုးသော နိုင်ငံများတွင် ဘာသာရေးဥပဒေကိုပြဌန်းသည်။ ရိုးရာကို အင်မတန်ထိန်းသိမ်းသော အာဖရိကနိုင်ငံအချို့နှင့် တရုတ်ပြည်အချို့နေရာများတွင် ရှေးရိုးစွဲ မိရိုးဖလာ ဥပဒေကိုဆက်လက်ကျင့်သုံးလျက် ရှိကြပါသည်။


အင်္ဂလိပ် ဥပဒေပြုစနစ် အခြေခံမိတ်ဆက်

ဤစနစ်သည် အထက်တရားရုံးများနှင့် ရှေ့ကဆုံးဖြတ်ခဲ့သော အမှုများကို အခြေခံကာ ဥပဒေပြုခြင်း ဖြစ်သလို၊ ရှိရင်းစွဲ တရားဖြတ်ထုံးများနှင့် ဥပဒေ အတွေးအခေါ်တို့ကို ဝေဖန်ပိုင်းခြား သုံးသပ်ခြင်းလည်း ပါဝင်ပါသည်။
အမှုတခုကို ခွဲခြမ်းစိတ်ဖြာရလျှင်
၁။ အမှုနှင့်ဆိုင်သော အချက်အလက်မှန်များ (Facts)
၂။ အချက်အလက်ပေါ် မူတည်၍ ထွက်ပေါ်လာသော အဓိက စိန်ခေါ်မှု မေးခွန်းများ၊ ပြသနာများ (Issues)
၃။ တရားမျှတမှုအတွက် တည်ဆောက်ထားသော ဥပဒေ ထုံးတမ်းများ (Legal Principles)
၎။ တရားစီရင်မှု (Holding) ဟုရှိပါသည်။
ဤစနစ်တွင် ရှေ့ကဆုံးဖြတ်ချက်ကို နောက်ကလိုက်နာရခြင်းအကြောင်းမှာ အမှုနှင့်ဆိုင်သော အချက်အလက်များ ကြောင့်ဖြစ်သည်။

Donoghue v Stevenson ဆိုသော အမှုတွင် တရားလို Ms Donoghue က တရားခံ Mr Stevenson ရောင်းသော ဂျင်ဂျာဘီယာထဲတွင် ပက်ကျိသေ တစ်ကောင် ပါလာခြင်းကို သောက်နေရင်း တွေ့လိုက်ရသည်။ တွေ့သည်နှင့် တပြိုင်နက်ထဲ အော့အန်မူးဝေပြီး ဆေးရုံရောက်၊ နှလုံးရောဂါတွေ ဘာတွေ ရကုန်သည်။

Tort of Negligence မတော်တဆ ဖြစ်သော တရားမမှုများဆိုတဲ့ ဥပဒေ ပေါ်ပေါက်လာအောင် ထိုအမှုက အစပြုသည်။ ဒိပြင်မတိုင်မီက ထိုအမှုထက်ကြီးသော (ဥပမာ - ကင်းမြီးကောက် အရှင်တကောင်လုံး အချိုရည်ထဲ ပါချင်ပါမည်) အမှုများကို ဘယ်တရားရုံးကမှ ဂရုစိုက် လက်မခံခဲ့ပါ။

ထိုအမှုတွင် စားသုံးသူဖက်မှ ဆုံးဖြတ်ပေးခဲ့သည်။ Legal Principle တွေ ထွက်လာခဲ့သည်။ ဥပမာ - Neighbour Principle - မိမိရဲ့အပြုအမူ၊ အပြောအဆို၊ အလုပ်ကြောင့် မိမိတာဝန်ရှိတဲ့ ပတ်ဝန်းကျင်၊ မိမိနဲ့ ပတ်သက်တဲ့သူတွေကို မတော်တဆ ထိခိုက်ခဲ့ရင် ဥပဒေ တာဝန်ရှိတယ်ဆိုတဲ့ Principle။ နောက်ပြီး မိမိက တာဝန်ရှိတယ်ဆိုတဲ့ လူတွေက ဘယ်သူတွေလဲဆိုတာမျိုးအတွက် Test တွေထွက်လာတယ်။ ဥပမာ - ဆရာဝန်က လူနာကို ဆေးထိုး မမှားရမည့်တာဝန် - မှားရင် တရားစွဲနိုင်သည်။ ဈေးရောင်းသူက ၀ယ်သူကို နစ်နာစေလောက်အောင် မထိခိုက်ရမည့် တာဝန်မျိုး။

ဒီလိုနဲ့ နောက်ပိုင်း သတ်မှတ်ထားသော Principle များ၊ Test များ ဘောင်အတွင်းကနေ အချက်အလက်ပေါ် အခြေခံပြီး ဆုံးဖြတ်ခဲ့တဲ့၊ သတ်မှတ်ထားတဲ့ စံနှုန်းအတိုင်း နောက်ပိုင်း မတော်တဆ တရားမမှုတိုင်းကို ဆုံးဖြတ်ရပေသည်။

နောက် Baigent v Ramdom House အမှုတွင် ဘုရားသခင်ကို လူဆိုးလုပ်ပစ်လိုက်တဲ့ Dan Brown ရေးသော စိတ်ကူးယဉ်ဝတ္ထု Da Vinci Code က တခြား သရုပ်မှန်ဝတ္ထုဖြစ်တဲ့ Holy Blood, Holy Girl မှ ကူးချခြင်း ဖြစ်သည်ဆိုသော မူပိုင်ခွင့်အမှု Intellectual Property (Copyright) Law။

Issue တွေကတော့
၁) ဒုတိယ၀တ္ထု ဒါဗင်ချီက ပထမ ၀တ္ထုနှင့် စာလျှင် ဘယ်လောက် ရာနှုန်းထိ မူရင်းလို့ ပြောနိုင်သလဲ
၂) Holy Blood, Holy Girl ရဲ့ဘယ်လောက် အဓိကကျတဲ့ အပိုင်းကနေ ဒါဗင်ချီက ဘယ်လောက်ထိ ယူထားသလဲ
၃) ယူထားတဲ့ အပိုင်းတွေရဲ့ အရည်အသွေးတွေ - ဇာတ်လမ်းတခုလုံးမှာ ဘယ်လောက် တာသွားသလဲ
၃) ယူထားတဲ့ အပိုင်းတွေက ဘယ်နှစ်မျက်နှာလောက်ရှိလဲ

ဤအဓိကကျသော မေးခွန်းများကို ချိန်ဆပြီး တရားသူကြီးတွေက ဒါဗင်ချီက ခိုးချတာ မဟုတ်လို့ နောက်ဆုံးမှာ ဆုံးဖြတ်ခဲ့တာ ဖြစ်ပါသည်။

ထို့ကြောင့် ယေဘုယျအားဖြင့် အမှုနှစ်ခု အချက်အလက်တူလျှင် ဆုံးဖြတ်ချက် တူသင့်ပေသည်။ Judicial precedent ဟု သုံးပါသည်။ သို့ပေမဲ့ အချက်အလက်က ဆန့်ကျင်နေလျှင် ဆုံးဖြတ်ချက်လည်း မတူသင့်ပါ။ Distinguishing the case ဟုဆိုနိုင်ပါသည်။

Common Law တွင် ထိုသို့ ဆုံးဖြတ်ရခြင်း၏ အဓိက ရည်ရွယ်ချက်မှာ တရားမျှတမှုကြီးစိုးရေး (Rule of Law) ကို ဦးတည်စေဖို့ ဖြစ်သည်။ မဂ်နာကာတာ စာတမ်း (Magna Carta) ရဲ့ Due Process Model က လူတိုင်းဟာ အခြေခံ တရားမျှတမှုနဲ့ လွတ်လပ်မှုကို ဥပဒေမစီရင်မီထိ ပိုင်ဆိုင်ခွင့် ရှိတယ်လို့ ဆိုခဲ့သည်။ ဥပဒေ အထက်တွင် မည်သူမျှမရှိ။

တဆက်ထဲမှာပဲ ဥပဒေကို လူတိုင်းခန့်မှန်းနိုင်ရမည်။ ဒါလုပ်ရင် ဒီဥပဒေနဲ့ဆိုင်တယ်ဆိုတာကို သိစေချင်သည်။ ထို့ပြင် လူ့အဖွဲ့အစည်း၏ လိုအပ်ချက်များ၊ အသုံးမတည့်သော ဥပဒေများကို ဖြည့်စွက် ပြင်ဆင်ချင်သည်။ ထို့ကြောင့် တူသောအမှုကို တူသည့်အတိုင်း ဆုံးဖြတ်ရခြင်းဖြစ်သည်။


ဥပဒေအတွေးအခေါ် Legal philosophy နှင့် တရားမျှတမှု

Common Law စနစ်၏ ဥပဒေ အတွေးအခေါ်မှာ Legal Positivism ကို ပေါ် အခြေခံထား တည်ဆောက်ထားသော်လည်း၊ အရင်းရှင် စီးပွားရေး စနစ်အောက်တွင် ကျင့်သုံး နေရခြင်းအားဖြင့် သာမန် လူလတ်တန်းစားနှင့် လက်လုပ်လက်စားတို့ကို အပိုဆောင်း မျက်နှာသာပေးမည် မဟုတ်။

ထိုစနစ်ကပေးတဲ့ တရားမျှတမှု ဆိုသည်မှာ လူတိုင်းကို အနည်းဆုံးသော လူ့အခွင့်အရေးနှင့် ကာကွယ်မှု Minimum Protection & Rights ကိုသာပေးသည်ဟု မြင်မိပါသည်။ လူ့အဖွဲ့အစည်းတစ်ရပ်လုံးကို ၀ုန်းခနဲ ထိုးတက်သွားအောင် အမြင့်မားဆုံး အခွင့်အရေးတွေကို ပေးသော စနစ်မဟုတ်သော်လည်း လက်ရှိ အနေအထားမှာ အနည်းဆုံးသော မှန်ကန်မှု (တရားမျှတမှု) ကိုပင် တရားရုံးများ၊ လွှတ်တော်များတွင် လူတိုင်း ခံစားခွင့်ရှိအောင် ကြိုးစားလုပ်ယူ နေရပေသေးသည်။
လူတိုင်း ခံစားခွင့်ရစေလိုသည့် အကြောင်းများမှာ -

၁) တရားမျှတမှုသည် လူတိုင်း၏အထက်တွင် အစိုးရအပါအ၀င် အားလုံးကို အုပ်ချုပ်လျှက် ရှိသောကြောင့် တရားဥပဒေကို အစိုးရက မဖန်တီးပါ။ ပြည်သူက ဖန်တီးရပါသည်။ ပြည်သူ့မဲဆန္ဒဖြင့် ပေါ်ပေါက်လာသော ဥပဒေတို့သည်သာ တရားသည်။

၂) ထို့ပြင် တရားဥပဒေသည် အပြစ်ပေးရန်မဟုတ်။ လူ့လောက သာယာစည်ပင်အောင် ဖန်တီးပေးသော လက်နက်တစ်ခုသာ ဖြစ်သည်။

၃) တရားမျှတမှုကို လိုချင်လျှင် တရားဥပဒေကို မြတ်နိုးရပါသည်။ တဖက်တွင်လည်း မတရားသော ဥပဒေကို တော်လှန်လိုစိတ်ရှိပြီး တော်လှန်ရဲရပါသည်။ မှန်ကန်သည့် တော်လှန်ရေးတရပ် ပေါ်ပေါက်ရန် အတွက်လည်း လေ့လာရပါသည်။ လေ့လာသမျှကို အားထုတ်အသုံးပြုရပါသည်။

၎) လူတို့၏ လက်တွေ့ဘ၀မှာလည်း ရှုပ်ထွေးသည့် သဘာဝကြောင့် ဥပဒေပညာရပ်သည် ရှုပ်ထွေး နက်နဲလှသည်။ သို့သော် ထိုပညာရပ်ဆိုင်ရာ ရှုပ်ရှုပ်ထွေးထွေးတွေ လေ့လာဖို့ထက် ရိုးစင်းသော အခြေခံ တရားများသည်သာ လူတိုင်းနှင့် ပိုဆိုင်ပါသည်။ သာမန် လူတိုင်း နားလည်မည့် အားလုံးနှင့်ဆိုင်သည့် အခြေခံဥပဒေများကို အစိုးရမှ ပြည်သူအား တင်ပြအကြံဥာဏ်ယူရမည့် တာဝန်ရှိသည်။

၅) လူ့အဖွဲ့အစည်းတစ်ခုတွင် လူတိုင်းသည် မိမိတို့နှင့်ဆိုင်ရာ ကဏ္ဍအလိုက် တိုးတက်မှု တစုံတရာ ရှိအောင် ကြိုးစား အားထုတ်ရမည့် တာဝန်ရှိသည်။ တရားဥပဒေသည် အဖွဲ့အစည်း တရပ်အတွက် အခြေခံ အုတ်မြစ်ဖြစ်သောကြောင့် တရားမျှတမှုကို ရှာဖွေရန်မှာ လူတိုင်း၏ တာဝန်သာလျှင် ဖြစ်ပါသည်။

(ဆက်လက် ဆွေးနွေးပါဦးမည်)

ချောအိနွယ်