အချိန်တွေလည်း ပြောင်းလဲသွားပြီ။ လွန်ခဲ့တဲ့ ကလေးဘ၀ သို့မဟုတ် ကိုယ်နေပျော်တယ်လို့ ထင်ခဲ့ရတဲ့ ကာလ တစ်ခုကို ပြန်မရနိုင် တော့ဘူး။ မသိလိုက် မသိဖာသာ ပြောင်းလဲ သွားခဲ့တာ တော့ မဟုတ်ဘူး။ ဘ၀မှာ နုပျိုလတ်ဆတ်ချိန် ရှိသလို အိုမင်းရင့်ရော်တဲ့ အချိန်လည်း ရှိနေမှာပါ။ ကျွန်တော်တို့ လိုက်မှီခဲ့တဲ့ ၈၈ မတိုင်ခင် မြန်မာ့ဆိုရှယ်လစ် လမ်းစဉ်ပါတီခေတ်၊ ကာလကြာရှည်အောင် ဒဏ်ရာခါးခါးတွေ ပေးခဲ့တဲ့ စစ်အုပ်ချုပ်ရေးခေတ် .. ဒါတွေဟာ ပြည်ဖုံး ကားချသွားပြီ။ ဘိုးဘေး ဘီဘင် တွေရဲ. လက်ထက်က အကြောင်းအရာတွေလည်း ဒီအချိန်မှာ အသစ် မဖြစ်နိုင်တော့ဘူး။ သူတို့ ထားခဲ့တဲ့ တက်ကြွစရာ ဇာတ်လမ်းတွေ အတုယူစရာ စိတ်ဓါတ်တွေပဲ ကျွန်တော်တို့ တတွေရဲ. စိတ်နှလုံးမှာ ကိန်းဝပ်ကျန်ရစ် နေခဲ့တော့တယ်။
ဒီဘက်ခေတ် လူမှု.ကွန်ယက်ဆိုတဲ့ ခေတ်ကြီးမှာ လူတိုင်းလူတိုင်းဟာ ပုံစံအသစ် လူနေမှု. နည်းအသစ်တွေနဲ့ ရပ်တည်လာခဲ့တယ်။ ပြည်ပကို ပုံစံအမျိုးမျိုးနဲ့ သွားရောက်နေထိုင်သူတွေ အလုပ်လုပ်ကိုင် နေသူတွေနဲ့ နေ့စဉ် စက္ကန့်မလပ် ချိတ်ဆက် ဆက်သွယ် ပြောဆိုနိုင် လာတယ်။ သတင်း ဖြန့်ဝေတဲ့ နေရာမှာ ပြင်ဆင်တည်းဖြတ်ပြီး စနစ်တကျ ဖော်ပြ ပုံကနေ "ချက်ချင်း" သဘော အဖြစ် ပြောင်းလဲ လာတယ်။ ထွက်ပေါ်လာတဲ့ မီဒီယာ ပုံစံကနေ လူအမျိုးမျိုး စိတ်အခံ အမျိုးမျိုးနဲ့ ခံစား နားလည်ကြရင်း ဒုတိယ ဘ၀ဆိုတာ ဖြစ်တည် ပေါ်ထွက်လာတယ်။ အစစ်အမှန် Real ဘ၀က ကျွန်တော်တို့ နေ့တဓူဝ ဖြတ်သန်းနေကြတဲ့ ဘ၀ပါ။ ဒုတိယ ဘ၀ဆိုတာ အင်တာနက် ပေါ်မှာ သတင်းတွေ ရယူ၊ မိတ်ဆွေတွေနဲ့ စီးမျောနေရင်း ပုံရိပ်ယောင် လို့ခေါ်တဲ့ Virtual ဘ၀တစ်ခုကို တည်ဆောက် မိရက်သား ဖြစ်သွားခဲ့တယ်။
ခေတ်ကို အမှီလိုက်နေတဲ့ လူငယ်တွေလည်း အင်တာနက် ပင်လယ်ကြီးထဲ ဒိုက်ဗင်ထိုးဆင်းရင်း လူနေမှု.ဘ၀ ပုံစံ ပြောင်းလဲ သွားကြပြီ။ သတင်းတွေ များမှများဗျာ။ သတင်းစုံတဲ့ အပြင် နာမည်ကြီး လူတွေရဲ. ကိုယ်တစ်ချက် အလှုပ် လက်တစ်ဖက် အရွေ.ကိုတောင် ခံစားမှု. အဓိပါယ် ဖော်ယူပြီး ကောလဟာလ တွေ အတင်းအဖျင်းတွေ ဖတ်သူတွေရဲ. မျက်စိရှေ. ရောက်လာကြတယ်။
လက်ရှိ အင်တာနက်ပေါ်က Virtual ဘ၀မှာ နေသူတွေဟာ အသက်အရွယ် အမျိုးမျိုးနဲ့ပါ။ တက္ကသိုလ်ကျောင်းသားက တက္ကသိုလ် ပညာကို သင်ယူနေရင်း၊ စီးပွါးရှာသူတွေကလည်း အလုပ်အကိုင် လုပ်ကိုင်နေရင်း၊ အငြိမ်းစားဘ၀ကလည်း အေးအေးဆေးဆေး ဘ၀ကို ဖြတ်သန်း အနားယူနေရင်း အွန်လိုင်းပေါ်တက် ဖြစ်တယ်။
သတင်းတွေ တစ်ခုပြီးတစ်ခု စီးဆင်းသွားတယ်။ လူတွေရဲ. စိတ်ဝင်စားမှု.ကလည်း တစ်ခုပြီးတစ်ခု ပြောင်းလဲသွားခဲ့တယ်။ ပွင့်လင်း မြင်သာတဲ့ အင်တာနက် လှိုင်းစီးခြင်းရဲ. အကျိုးကြောင့် မတရားခြင်း၊ တရားခြင်း အကြောင်းအရာတွေ လူရှေ.ကို အလွယ် တကူ ရောက်လာ ခဲ့တယ်။ Celebrity လို့ ဘိုလိုပြောတဲ့ ကျော်ကြားသူတွေရဲ. ကျော်ကြားမှု. သက်တမ်းကလည်း တိုတောင်း လွန်းတယ်။ ခံစားမှု. အာရုံ တစ်ခုပြီးတစ်ခု အပြောင်းအလဲ ဖြစ်ပေါ်နေတဲ့ ကာလမှာ ကျော်ကြား ထင်ရှားမှု. သက်တမ်း မြန်မြန် ကုန်ဆုံးသွားခဲ့တာ ထူးဆန်းမှု. တစ်ခု မဟုတ်ပါဘူး။ ဘာဆိုဘာမှ ထူးဆန်းမှု. မရှိတဲ့ သဘောကို အင်တာနက်ပေါ်မှာ မြင်နေရပြီ။
လူ့သဘာဝအလျှောက် တစ်ခုခုကို မျှော်လင့်ချက်ထားတယ်။ တစ်ခုခုကြောင့် နေ့တဓူဝ အလုပ်တွေ လုပ်နေရတယ်။ တစ်ခုခုကြောင့် ကြိုးစားမှု. တစ်ခုစီနဲ့ အသက်ရှင်နေရတယ်။ အမေရိကန် မှာပဲ လူဖြစ်နေပါစေ၊ ပြင်သစ်မှာပဲ အသက်ရှင်နေပါစေ၊ မြန်မာပြည် ထဲက ဇနပုဒ် တစ်နေရာမှာပဲ ရှင်သန်နေပါစေ။ ကျွန်တော်တို့ ကိုယ်တွင်းက ဖြစ်တည်နေတဲ့ ဆန္ဒ၊ ရမ္မက်၊ ရလိုမှု. ရှင်သန်မှု. နဲ့ ခန္ဒာကိုယ်ကြီး ရပ်တည်နေဆဲ ပါပဲ။
ထူးခြားမှု.တွေလို့ ထင်ရတဲ့ သတင်းတွေ အတင်းတွေ အဖြစ်အပျက်တွေ ပဋိပက္ခတွေ၊ အထိကရုဏ်းတွေ ကြားထဲမှာ မထူးခြားမှု.တွေ ဖြစ်နေတယ် ဆိုတာ တဖြည်းဖြည်း နားလည် ယူနိုင်တယ်။ အင်တာနက် လှိုင်းစီးနေတဲ့ ဘ၀မှာ အစစ်အမှန် သဘောတရားကို လိုက်ရှာလို့ မတွေ.နိုင်ဘူး။ အစစ်အမှန်ဆိုတဲ့ တိတိကျကျ အရာတစ်ခုကို ပြောရမယ်ဆိုရင် ကိုယ်ကိုယ်တိုင်ပဲ အစာစားတယ်၊ အလုပ်လုပ်တယ်၊ အသက်ရှူတယ်၊ စိတ်ပျော်ရွှင်တယ်၊ ကျေနပ်တယ်၊ ၀မ်းနည်းတယ်၊ ၀မ်းသာတယ်.. အင်တာနက် အကူအညီ မပါပဲ ဖြစ်နေတဲ့ သဘောတရား ပေါ့ဗျာ။ မပြောင်းလဲတဲ့ ရေစီးကြောင်း အစစ်အမှန်ဆိုတာ ကိုယ်ကိုယ်တိုင်ပါပဲ။
လူမှု.ဘ၀ အကျဉ်းထောင်ထဲမှာ ကိုယ့်ဟာကိုယ် ဇွတ်ပိတ်ပြီး ခပ်နက်နက် တိုးဝင်ချင်တယ်ဆိုရင်တော့ ပေါ်လာသမျှ သတင်းတွေ အတင်းအဖျင်းတွေ နောက်ကိုလိုက်၊ ထင်မြင်ချက် ယူဆချက်တွေကို စိတ်အားထက်သန်မှု. အပြည့်နဲ့ ဖော်ပြ၊ လာသမျှ သတင်းကို သုံးသပ်ပြနဲ့၊ အချိန်ကာလသာ ပြောင်းလဲ သွားလိမ့်မယ်။ မပြောင်းလဲတဲ့ ပြောင်းလဲခြင်းတွေရဲ. နောက်ကို လိုက်နေရင်း စိတ်မော လူမော ဖြစ်နေတဲ့ အသိမိတ်ဆွေတွေလည်း အများသားပဲဗျာ။ လောကုတ္တရာ စကားနဲ့ ပြောရရင် ဒီအတိုင်း ဖြစ်နေဖို့က အကြောင်းဖန် လာတယ်ပဲ ဆိုရမှာ။ တိတိကျကျ ပြောရရင် နောင်ထပ် နှစ်တွေမှာ လူတွေရဲ. တန်ဖိုး၊ ကိုယ်ကျင့်တရား သိသိသာသာ ကျဆင်းလာ မှာ အမှန်ပါပဲ။
SOE HTET
04:03PM, SAT
20th, July, 2013
Hmawbi Tsp, Ygn
Myanmar.