စစ်နဲ့ ရေးသော သမိုင်းကြောင်း (သို့) ခွေးရူးဆွဲသလို ဖြစ်နေသော နိုင်ငံ (သို့) ဆီးရီးယား......

Photo Copied from Internet
 

Voice of James Mint
၂၀၁၁ မတ်ခ်ျလက စလိုက်တဲ့ ဆီးရီးယားစစ်ပွဲ ခုထိချကောင်းတုန်း တစ်ဘက်က အယ်အာဆတ်ရဲ့ အမာခံ စစ်သား ၈သောင်းအပါအဝင် စုစုပေါင်း အင်အား တစ်သိန်းခွဲနဲ့ ၂သိန်းကြား၊ နောက်တစ်ဘက်က ဖရီးအာမီဆိုတာနဲ့ တပ်ပေါင်းစုက အင်အား တစ်သိန်း၊
အယ်အာဆတ်စစ်တပ်ဘက်က ဟစ်စပိုလာနဲ့ အီရန်ပျောက်ကြားတွေ တစ်သောင်းခွဲနီးပါး ကူသလို ဖရီးဖိုက်တာ(နိုင်ငံတကာ) ၁၅၀၀ လောက်ဝင်ပါနေသလို ရုရှား၊အီရန်က စစ်အကြံပေးနဲ့ လက်နှက်ထောက်ပံ့တယ်။

ဖရီးအာမီဘက်က မူဂျာဟစ်ဒင် ၄သောင်းကျော်ဝင်တိုက်နေသလိုကမ္ဘာအနှံ့က ဖရီးဖိုက်တာ ၁၅၀၀လောက်ဝင်ပါသလို ဒီမိုကရက်တစ် ယူနီယန်ပါတီရဲ့ အရန်အင်အားနဲ့ ပါတီဝင် တစ်သောင်းနီးပါးက လက်နှက်ကိုင်ဝင်တိုက်နေသလိုအဲပါတီ အမာခံတွေ ထောက်ခံမှုနဲ့ ကမ္ဘာအနှံ့က လှူတန်းမှု မဟာမိတ်တွေရဲ့ လက်နှက် အထောက်ပံ့ အနည်းငယ်ရနေတယ်။

ပွဲစနေ ခုထိ အစိုးရစစ်သား ၃သောင်းနီးပါး၊ ဝန်ထမ်း၁ထောင်နဲ့ ဟစ်စပိုလာ ၂၀၀လောက် အသက်ဆုံးထားသလို၊ တစ်ဘက်က တော်လှန်ရေးစစ်တပ်ဘက်က အမာခံစစ်သား ၄သောင်းကျော် ဆန္ဒပြသူ ၉ရာကျော် သေဆုံးခဲ့တဲ့ အပြင် အရပ်သား တစ်သိန်း၃သောင်းကျော်လဲ အဆစ်ပါသွားပါပြီ။ နှစ်ဘက်ဝင်တိုက်နေတဲ့ နိုင်ငံတကာ ဖရီးဖိုက်တာပေါင်း ၁၀၀၀ ဝန်းကျင်ဟာလဲ သူတို့ လေ့ကျင့်ရေးကွင်းတွေကနေ အိမ်မပြန်ပဲ ကောင်းကင်ဘုံတက်သွားခဲ့ပါပြီ။ တူရကီ၊ လက်ဘနွန်၊ အီရန်၊ အီရတ် စစ်သား ဆယ်ဂဏန်းကျော်လဲ ကျဆုံးသလို တော်လှန်ရေးနဲ့ မူဂျာဟစ်ဒင် တစ်သောင်းကျော်လဲ အဖမ်းခံခဲ့ရပါတယ်။ လူ၃သန်းကျော်လောက် အိုးမဲ့အိမ်မဲ့ဖြစ်ကြပါတယ်။

ရေပြင်ပိုင်နက်မှာ ရုရှားသင်္ဘောတွေ ကင်းထောက်လေယာဉ်တွေ နေရာယူထားသလို၊ သူ့အလွန် ပင်လယ်ပြင်မှာ အမေရိကန် ရေတပ် သင်္ဘော အုပ်စု ရှိနေပါတယ်။ အစ္စရေးကလဲ အစိုးရလက်က လွတ်သွားတဲ့ နယ်မြေတွေရဲ့ စစ်လက်နှက်သိုလှောင်ရာတွေကို လျင်လျင်မြန်မြန်ပဲ ဖျက်စီးပစ်ခဲ့တာကြောင့် ဆီးရီယားရဲ့ လေကြောင်းကာကွယ်ရေးတွေဟာ အစ္စရေးဘက်ကို လှည့်ထားပါတယ်။ တစ်ဘက်မှာ အီရန်ကလဲ ရှေ့တိုးလာမယ့် တူရကီဘက်က အနောက်နိုင်ငံတွေ ခြေလှမ်းကို အစွမ်းကုန်နှောက်ယှက်နေသလိုမဟာမိတ်တွေရဲ့ ကူညီမှုဟာလဲ ငွေကြေးနဲ့ လက်နှက်အနည်းငယ်သာ ဖြစ်ပြီး ဘက်တစ်ဘက်ကို သေသေချာချာ မနင်းရဲကြသေးပါဘူး။ အမေရိကန် မပါပဲ နေတိုးသက်သက် ဝင်ကူဖို့ ပြင်ဆင်ကြပေမယ့် ဆီးရီးယားဟာ လျစ်ဖျား မဟုတ်တဲ့ အတွက် အခက်ခဲ ဖြစ်နေတဲ့အပြင် ဆီးရီယား စစ်တပ်ပိုင်ထားတဲ့ ရုရှားလုပ် လေကာ စနစ်တွေရဲ့ ရန်ကိုလဲ ကြောက်နေရပုံရပါတယ်။

ဘတစ်ပြန်ကျားတစ်ပြန် ဖြစ်နေတဲ့ အယ်အာဆတ်တပ်တွေနဲ့ မူဂျာဟစ်ဒင် တပ်တွေဟာ ၂ဘက်စလုံး လက်နှက်တူတွေ အသုံးပြုကြသလို စိတ်ဝင်စားစရာ အကောင်းဆုံးက တရုတ်လုပ် လက်နှက်တွေ ပါဝင်လာတာပါပဲ။ လေကြောင်း အင်အားကို ပိုင်ဆိုင်ထားတဲ့ အယ်အာဆတ်ရဲ့ မြေပြင်ပစ် လေယာဉ်တွေနဲ့ ရဟတ်ယာဉ်တွေကို တရုတ်လုပ် ဝေဟင်ပစ် ဒုံးတွေနဲ့ ပစ်ချကြပါတယ်။ လေယာဉ်ပစ် အမြှောက်တွေ အပါအဝင် အတွဲလိုက် ဒုံပစ်စင်တွေ၊ အမြှောက်တွေကို သာမာန် အိမ်သုံး ထရက်ကားတွေပေါ်မှာ လွယ်လွယ်ကူကူတပ်ဆင် ပြီး တိုက်ပွဲဝင်ကြသလို။ တစ်ဘက်ကလဲ ရုရှားလုပ် တင့်ကားတွေ၊ စနိုက်ပါတွေ၊ တိုက်ခိုက်ရေး ရဟတ်ယာဉ်တွေနဲ့ တန်ပြန် တိုက်ခိုက်ပါတယ်။ အမြှောက်ပစ်ကူအကြောင်းကို ထိထိရောက်ရောက် မတွေ့ရပေမယ့် စိတ်ဝင်စားစရာ အကောင်းဆုံးကတော့ RPG29၊ RPG7 လို မြေပြင်ပစ် လက်နှက်တွေ၊ အပေါ့စား တင့်ဖျက်တွေနဲ့ တင့်ကားတွေရဲ့ ရင်ဆိုင် တိုက်ပွဲတွေပါပဲ။

ပခုံးထမ်း ဒုံးပျံတွေနဲ့ ရဟတ်ယာဉ်တွေ ထိပ်တိုက် တိုက်ပွဲတွေ နဲပါးပေမယ့် တင့်နဲ့ ပျောက်ကြား တိုက်ပွဲတွေကတော့ တော်တော်များပါတယ်။ ထူးထူးခြားခြား အနေနဲ့ အယ်အာဆတ် တပ်တွေရဲ့ တင့်ကားတွေဟာ ချေကျင်းညာတုန်းက ရုရှားတပ်တွေရဲ့ တင့်ကားတွေလို တင့်ကားတွေချဉ်း သီးသန့် လှုပ်ရှားကြတာပါပဲ။ နောက်ပိုင်းမှာ မူဂျာဟစ်ဒင်တွေကိုယ်တိုင် တင့်ကားတွေ သံချပ်ကာ လူသယ်ယာဉ်တွေ ပါ သိမ်းစီး ပိုင်ဆိုင်လာပြီး တင့်ကားချင်း တိုက်ပွဲတွေပါ ပါဝင်လာတာပါပဲ။ လမ်းဘေး မိုင်းတွေနဲ့ စနိုက်ပါတွေချင်း တိုက်ပွဲတွေဟာလဲ စိတ်ဝင်စားစရာ ကောင်းလှပြီး ၂ဘက် အသုံးပြုကြတဲ့ တိုက်နည်းတွေ လက်နှက်တွေ စနစ်တွေ အားလုံးဟာ အဖိုးနဲ အိုးကွဲနဲ့ သုံးကြတာဖြစ်ပြီး အိမ်တွင်းဖြစ် ရော့ကတ်တွေ၊ ဗုံးသီးတွေပါ ထုတ်လုပ် တိုက်ပွဲဝင်ကြတာ ဖြစ်ပါတယ်။

အစိုးရတပ်တွေရော တော်လှန်ရေးသမားတွေရောဟာ သူတို့နိုင်ငံ သမိုင်းအတွက် သူတို့ အကြီးကျယ်ဆုံးရေးနေကြတာ ဖြစ်ပြီး ရေးနည်းကတော့ စစ်ဖြစ်ပါတယ်။ ယုံကြည်မှု အပြည့်နဲ့ တစ်နိုင်ငံလုံး ဝင်တိုက်နေကြတာ အပြင် ဘာသာရေး အသိုက်ဝန်းကြောင့် ကမ္ဘာအနှံ့က စိတ်ပါဝင်စားသူတွေရော သယံဇာတ လိုချင်ကြတဲ့ နိုင်ငံကြီးတွေရောပါ ခြေရာလက်ရာ မကင်းပါဝင်နေကြတာဖြစ်ပါတယ်။အကျိုးအမြတ်ရယူသင့်တာကတော့ အစိုးရတပ်က သုံးတဲ့ လက်နှက်တွေဟာ ကိုယ့်တိုင်းပြည်မှာ ဝယ်ယူထားတဲ့ လက်နှက်တွေ ဖြစ်ပြီး မူဂျာဟစ်ဒင်တွေ သုံးတဲ့ လက်နှက်တွေ နည်းစနစ်တွေဟာလဲ အင်မတန် လွယ်ကူ အဆင်ပြေလွန်းတာကြောင့် လေ့လာထားရမယ့် နည်းတွေ ဖြစ်ပါတယ်။

စနစ်တကျ လေ့ကျင့်ထားတဲ့ တပ်တွေ အနည်းငယ်သာ ပါဝင်တာဖြစ်ပြီး အများစုဟာ အရန်နဲ့ ဗော်လန်ထွီရာ ဝင်ပါကြသူတွေပါ သူတို့တွေဟာ အဆင့်မြင့် ရော့ကတ်တွေ အမြှောက်တွေ၊ မဇိုင်းတွေကို သူတို့နည်းနဲ့ သူတို့ ကိုင်တွယ်နိုင်ကြသလို ကင်းထောက်စနစ်တွေကို အလွယ်ဆုံး ဝဘ်ကမ် ကင်မရာတွေ သုံးလို့ တင့်ကားတွေကို မြို့တွင်းတိုက်ပွဲတွေမှာ ရင်ဆိုင်ကြတာပါ။ ကျနော်တို့ဆီက ဆန့်ကျင်ဘက် လက်နှက်ကိုင်တွေဟာလဲ သည်နည်းစနစ်တွေကို သေချာပေါက် သဘောကျမှာမို့ များစွာ လေ့လာသင့်ပါကြောင်း။

ရေးသားသူ ရုရှရောက် ဗိုလ်မှူးကြီး တစ်ဦး