Image may be NSFW.
Clik here to view.
(၁)
ကျွန်တော်တို့မှာ ညီအစ်ကိုမောင်နှမသုံးယောက်ရှိတယ်။ ကျွန်တော်အထက်က အစ်မ၊ ကျွန်တော့် အောက်က ညီ၊ ကျွန်တော်က အလတ်ပေါ့။
ကျွန်တော့်ညီနဲ့ ကျွန်တော်က ၃ နှစ်ကျော်ကွာတယ်။ ဒါပေမယ့် သူ လေးငါးနှစ်ဖြစ်လာတဲ့အချိန်မှာ ကျွန်တော်နဲ့ရွယ်တူဖြစ်သွားတယ်။ ကျွန်တော်က ညှက်နေတာလေ။ ဒီတော့ အဖေအမေက အ၀တ်အစား ဆင်ရင် အတူတူဆင်တယ်။ ညီအစ်ကိုနှစ်ယောက် ၀တ်လိုက်ရင် ဆင်တူကများတယ်။ ဒီတော့ မသိတဲ့လူတွေက အမွှာလား အမြဲမေးကြတယ်။
ကျွန်တော်တို့ညီအစ်ကိုမောင်နှမ သုံးယောက်က ခပ်ငယ်ငယ် သိပ်တည့်လှတယ်မရှိဘူး။ ကျွန်တော်နဲ့ ကျွန်တော့်အစ်မကတော့ ရန်ဖြစ်တာ နည်းတယ်။ အဲ ကျွန်တော့်ညီကတော့ ရန်ပတ်ဖြစ်နေတာပဲ။ ကျွန်တော်နဲ့ ဖြစ်လိုက် အစ်မဖြစ်သူနဲ့ ရန်ဖြစ်လိုက်။
တစ်အိမ်ထဲက တစ်ဝမ်းတည်းမွေးတဲ့ မောင်နှမသုံးယောက်ဟာ ငယ်စဉ်က ရန်ဖြစ်ခဲ့ကြတာပါပဲ။
(၂)
ကျွန်တော်ကျောင်းသားဘ၀က ရန်ဖြစ်တယ်ဆိုတာ ခပ်ရှားရှားရယ်။ အဲ ဘောလုံးကန်တဲ့အခါမျိုးတွေ ဆိုရင်တော့ တစ်ခါတစ်လေရန်ဖြစ်တတ်တယ်။ နောက်ပိုင်းကြတော့ ရန်ဖြစ်ရတာ ရှက်လာသလို၊ အေးအေး ဆေးဆေးနေတဲ့အချိန်များလာတော့ ဘယ်သူ့နဲ့မှ ရန်မဖြစ်တော့ဘူး။
လုပ်ငန်းခွင်ဝင်တော့လည်း မတစ်ထောင်သားတွေနဲ့ တွေ့ကြုံဆက်ဆံရပါတယ်။ အယူအဆအတွေး အခေါ်မတူတာတွေ၊ ခံယူချက်မတူတာတွေ၊ နယ်မြေဒေသကွာခြားမှုအရ အပြောအဆို စရိုက်မတူတွေနဲ့ တွေ့ ကြုံရပါတယ်။ သို့သော်လည်း တစ်ယောက်နဲ့တစ်ယောက် စနောက်ပြီး အစလွန်လို့ စိတ်ဆိုးတာက လွဲလို့ ကြီးကြီးမားမား ရန်ဖြစ်တယ်ဆိုတာမရှိခဲ့ဖူးပါဘူး။
အော် ကျွန်တော့် မိန်းမနဲ့လား။ ပြောရင် ယုံမှာ မဟုတ်ဘူး။ ခုထိ ရန်မဖြစ်ဘူး။ စကားမပြောတာပဲ ရှိတယ်။ စိတ်ဆိုးရင် သူနဲ့ ကျွန်တော်က စကားမပြောတော့ဘူး။ ဒါပေမယ့် ကိုယ်လုပ်စရာရှိတာတွေကို အေးအေးဆေးဆေးလုပ်ကိုင်နေကြမြဲပဲ။ ထမင်းစားလည်း မျက်နှာချင်းဆိုင်ပဲ၊ အိပ်တော့လည်း တစ်အိပ်ယာထဲ အတူတူအိပ်တာပဲ။ ခွဲမအိပ်ဘူး။ ဒီလိုပုံစံနဲ့ တစ်ပတ်လောက် စကားမပြောပဲနေကြတာ။ ပြီးတော့လည်း ပြေလည်သွားတာပါပဲခင်ဗျ။
ဒါတွေကတော့ ကျွန်တော့် ငယ်စဉ်ကတည်းက လက်ရှိအချိန်အထိ အတွေ့အကြုံလေးတွေပေါ့ဗျာ။
အဲ နောက်တစ်ခုပြောစရာရှိတာက Facebook သုံးတဲ့အခါလည်းဒီလိုပဲ။ အယူအဆသဘောထားခြင်း မတူတာတွေအများကြီးပဲ။ ကျွန်တော်ကလည်း သူများကို ပြောစရာရှိရင်ပြောလိုက်တာပဲ။ စိန်ခေါ်ရန်စတဲ့ စကားလုံးမျိုးတစ်ခါမှမသုံးဘူး။
ကျွန်တော်ရေးတဲ့ စာတွေကို ဝေဖန်သူတွေလည်းရှိတာပဲ။ ဒါကိုကျွန်တော်က ဘယ့်နယ်မှမနေပါဘူး။ ဘာလို့လဲ ဆိုရင် ကျွန်တော်ကိုက အဝေဖန်ခံချင်တာကိုး။
(၃)
တစ်ခွက်တည်းနဲ့ ဘယ်ဟင်းမှ မကောင်းနိုင်ဘူး။ တစ်ခွက်တည်းနဲ့လဲ ဆွမ်းတစ်ပွဲဖြစ်တာ မဟုတ်ဘူး၊ ပွဲထဲမှရှိသမျှ ဘယ်ဟင်းမဆို သူ့ဟာနဲ့သူ အရေးပါတာချည်းပဲ။
(အမရပူရ တူမောင်းဆရာတော်)
လူရယ်လို့ဖြစ်လာရင် အပေါင်းအဖော်နဲ့ နေရမှာအမှန်ပါပဲ။ အဲဒီလို အပေါင်းအဖော်တွေနဲ့ ဆက်ဆံရတဲ့အခါ ကိုယ်နဲ့ သဘောထားခြင်းမတူတာတွေ အများကြီးပါ။ သဘောထားမတိုက်ဆိုင်လို့ လမ်းခွဲရ စတမ်းဆိုလျှင်လည်း တစ်ယောက်တည်းနေဖို့ပဲ ကျန်ပါတော့တယ်။
ကမ္ဘာကြီးပေါ်က နိုင်ငံတွေကိုကြည့်လိုက်ရင်လည်း အသားအရောင်တွေ၊ ဘာသာတရားတွေ၊ ခံယူချက်တွေကြောင့် ကွဲပြားနေတာတွေအများကြီးပါ။ တစ်ဝမ်းထဲမွေးတဲ့ ကျွန်တော်တို့ မောင်နှမတွေတောင် ရန်ဖြစ်တတ်သေးတာ ဆိုတော့မဆန်းလှပါဘူး။
သို့သော် ဒီလိုပဲ ဆက်ရန်ဖြစ်နေကြမယ်ဆိုရင် ကျွန်တော်တို့ မိသားစုလေးဟာ သာယာချမ်းမြေ့ဖို့ မကောင်းသလို ကမ္ဘာကြီးပေါ်က တစ်နိုင်ငံနဲ့ တစ်နိုင်ငံ ရန်စမီးတွေနဲ့ လောင်မြိုက်နေကြရင် ကမ္ဘာကြီးကတော့ အစိတ်စိတ်အမွှာမွှာကွဲသွားမှာ အမှန်ပါပဲ။
မှတ်တမ်းတင်သလောက်ထဲမှာ ပထမကမ္ဘာစစ်၊ ဒုတိယကမ္ဘာစစ်ဖြစ်လိုက်ကြတာ။ ဒီအရင် ရှေ့ကလည်း တစ်ယောက်နဲ့တစ်ယောက် ခံယူချက်ခြင်းမတူလို့ ဘယ်လောက်ထိဖြစ်ခဲ့ကြတယ်ဆိုတာ ကျွန်တော်တော့ မသိခဲ့လို့ပါ။ ဖြစ်ခဲ့ကြမှာပါပဲ။
လက်ရှိ နိုင်ငံတကာအခြေအနေမှာလည်း တစ်နိုင်ငံနဲ့တစ်နိုင်ငံက ခပ်ယဲ့ယဲ့ရယ်။ မှားတာနဲ့ သူထက်ငါ ဦးအောင် ဆောင်ရွက်နိုင်ဖို့ ပြင်ဆင်နေကြတာပါ။ နိုင်ငံတစ်နိုင်ငံထဲမှာပဲကြည့် အစိုးရနဲ့ အတိုက်အခံပါတီ၊ ပြီးတော့ပြည်သူ အကွဲကွဲ အပြဲပြဲနဲ့ နိုင်ငံတကာရေးရာတွေကလည်း တည်ငြိမ်မှုမရှိကြပါဘူး။
ကျွန်တော်စဉ်းစားမိတယ် တကယ်လို့များ လပေါ်မှာပဲဖြစ်ဖြစ်၊ အင်္ဂါဂြိုလ်ပေါ်မှာပဲဖြစ်ဖြစ် ကျွန်တော်တို့ ကမ္ဘာကြီးပေါ်ကလူတွေလို သက်ရှိတွေများရှိနေကြရင် လနဲ့ ဒီကမ္ဘာ၊ ဒီကမ္ဘာနဲ့ အင်္ဂါဂြိုလ်၊ အင်္ဂါဂြိုလ်နဲ့လ ပတ်လည်ရိုက်ပြီး တိုက်ပွဲတွေများ ဖြစ်နေကြမလား မသိဘူးနော်။
(၄)
မြန်မာ့သမိုင်းစဉ်ကိုကြည့်ရင်လည်း ဖြစ်လိုက်ကြတဲ့ စစ်ပွဲတွေအများကြီးပဲ။
ကွဲလိုက်ကြတဲ့ ကွဲပြဲမှုတွေကလည်း အဆုံးမသတ်နိုင်အောင်ပါ။ စည်းလုံးညီညွတ်မှုမရှိပဲ ရန်ဖြစ်နေကြ လို့ကျွန်တော်တို့ နိုင်ငံကြီးက သူ့ကျွန်လက်အောက်လည်း ကျရောက်ခဲ့ပြီးပါပြီ။
ဒီလို သူ့ကျွန်လက်အောက်ကနေ လွတ်မြောက်ဖို့ ကြိုးစားကြရမှာလည်း တိုင်းရင်းသားစည်းလုံး ညီညွတ်ရေးကို မနည်းတည်ဆောက်ယူခဲ့ကြရတာပါ။
မြေပြန့်နဲ့ တောင်ပေါ်၊ ကချင်၊ ကရင်၊ ရှမ်း၊ ဗမာ တစ်စိတ်ရှိနဲ့ ဖြစ်ခဲ့ကြရတာကနေ ပင်လုံရဲ့ စိတ်တွေကြောင့် ပြန်လည်ပေါင်းစည်းခဲ့ကြရတာပါ။ ဒီလိုမှ မပေါင်းစည်းပဲ သူတစ်လူ ငါတစ်မင်းနဲ့ အယူအဆ သဘောထား လွဲမှားတွေနဲ့ နေခဲ့ကြရင် မြန်မာနိုင်ငံဆိုတဲ့ မြေပုံကြီးက အင်္ဂါမစုံတဲ့ လူတစ်ယောက်လို ဖြစ်နေမှာ အမှန်ပါပဲ။
ဦးဘဂျမ်းရဲ့ ကာကွန်းလေးတစ်ခု ဖတ်ခဲ့ရဘူးပါတယ်။
လူနှစ်ယောက်စကားပြောနေတာပါ။ တစ်ယောက် မင်းနဲ့ငါ နှစ်ယောက်ရှိတယ်။ ဒီတော့ ငါက တစ်ဖက် မင်းကတစ်ဖက်၊ မင်းနဲ့ငါက တစ်ဖက်ဆိုပြီး အုပ်စုသုံးစု ခွဲရအောင်တဲ့။
ဖဆပလ နှစ်ခြမ်းကွဲတယ်။ ဖဆပလနဲ့ ကွန်မြူနစ်ကွဲတယ်။ ကွန်မြူနစ်တွေက တစ်ဖွဲ့တည်းကို ထပ်ကွဲပြန်တယ်။ အောင်ဆန်း-အက်တလီစာချုပ်ချုပ်တော့ သဘောမတူဆိုပြီး ဦးစောနဲ့ သခင်ဗစိန်က လက်မှတ်မထိုးဘူး။ တိုင်းပြည်က လူတစ်ချို့ကလည်း လွတ်လပ်ရေးဆိုတာ တောင်းယူရတာမဟုတ်ဘူး၊ တိုက်ယူရတာကွဆိုပြီး ကွဲကြပြန်ပါလေတော့တယ်။
ကွန်မြူနစ်ဝါဒ၊ ဆိုရှယ်လစ်ဝါဒတွေနဲ့ ၀ါဒအမျိုးမျိုးကွဲပြီး ဖြစ်လာလိုက်ကြတာ ခုဒီမိုကရေစီနိုင်ငံတော် သစ်ကြီးချီတက်နေပါတယ် ဆိုတဲ့ အချိန်မှာရော ငြိမ်သွားကြပါပြီလား။
သာသနာရေးမှာလည်း အရင်က ရွှေကျင်ဂိုဏ်း၊ သုဓမ္မာဂိုဏ်းတွေဆိုပြီကွဲသွားလိုက်ကြပါသေးတယ်။ ပြီးတော့ တရားအားထုတ်ပါတယ်ဆိုတဲ့၊ တရားအလုပ်လုပ်ပါတယ်ဆိုတဲ့ ဒကာ၊ ဒကာမများကလည်း မိုးကုတ် နည်း၊ သဲအင်းဂူနည်း၊ ဝေဘူနည်း၊ မဟာစည်နည်းတွေနဲ့ တရားရဖို့ကျင့်ကြံတာခြင်းအတူတူကို ရန်ဖြစ်နေတတ် ကြပါသေးတယ်။ နည်းစနစ်ကွဲတာကိုပဲ သူနည်းအမှန် ငါ့နည်းအမှန်ဆိုပြီး ပြောဆိုကြပါတယ်။
လက်ရှိအချိန်ကာလမှ သမာသမတ်ကြတဲ့၊ ဂုဏ်ရှိန်ဝါကြီးမှလှတဲ့၊ တရားနည်းလည်းကြလှတဲ့ ဆရာတော်ကြီးတွေရဲ့ လမ်းညွှန်မှုတွေကြောင့် ပေါင်းစည်းညီညွတ်သွားကြတာပါ။
နိုင်ငံရေးလောကမှာ ဦးဆောင်ဦးရွက်ပြုသူတွေက တစ်ဦးနဲ့တစ်ဦးခံယူချက်ခြင်းမတူလို့ တစ်ပါတီနဲ့ တစ်ပါတီချနေကြရင် ဖာရာထေးရာတွေနဲ့ မြန်မာပြည်ကြီး ဖြစ်မှာမလွှဲပါဘူး။
သြော် မြန်မာလူမျိုးများက ခွဲရ၊ ကွဲရတာ ၀ါသနာကြီးပုံရပါတယ်။ ပြီးတော့ ကြားဖူးတာလေး တစ်ခုသတိ ရမိပြန်ပါတယ်။
အစ္စလာမ်နှစ်ယောက်စုမိရင် ဗလီတစ်လုံးဆောက်ဖို့ မခက်ခဲဘူး၊ ခရစ်ယာန်နှစ်ယောက်စုမိရင် ချက် ကျောင်းတစ်ကျောင်းဖြစ်ဖို့ မခက်ခဲဘူးတဲ့။ အဲ မြန်မာလူမျိုး နှစ်ယောက်စုမိရင်တော့ ရန်ဖြစ်ဖို့ ၀န်မလေးဘူးတဲ့ ဗျ။ ဟုတ်ကဲ ကိုယ့်ပေါင်ကိုယ်လှန်ထောင်းလို့ သာသာလေးထောင်တာမကောင်းပါဘူး။ နာနာလေးထောင်းရ တာက အကြောအခြင်ပြေမလားလို့ပါ။
(၅)
တစ်ခါက သင်္ဂဇာဆရာတော်ဘုရားကြီး ဟင်္သာတမြို့သို့ တရားဟောကြွရောက်ခဲ့ပါတယ်။ အဲဒီအချိန်က ဟင်္သာတမြို့မှာ ကံ-ဒွါရဂိုဏ်း အယူကွဲနေချိန်ဖြစ်ပါတယ်။
ဆရာတော်ဘုရားကြီးကို ကံဖက်က ဒါယကာများရော၊ ဒွါရဘက်က ဒါယကာများပါ ဆရာတော့ထံ ဆည်းကပ်ခစားကြပါတယ်။ အဲဒီမှာ ကံ-ဒွါရ ကွဲတာတွေကို လျှောက်တင်ကြပါတယ်။
ဆရာတော်က မင်းတို့ ကံ-ဒွါရ နှစ်မျိုးရှုပ်တာက ဘိုးတရုတ် ဖက်ရောင်းသွားသကဲ့သို့ ရှိပေသည်လို့ မိန့် တော်မူပါတယ်။ ဒါယကာတွေရဲ့ လျှောက်တင်မှုကြောင့် ဘိုးတရုတ်ဖက်ရောင်းသွားတဲ့ ဥပမာကို ဟောကြေား တော်မူပါတယ်။
တစ်ခါက ပြည်မြို့မှာ မောင်တရုတ်နဲ့ ဇနီးဖြစ်သူ မိတုတ်ဆိုတာရှိပါတယ်။ ဇနီးဖြစ်သူမိတုတ်က ရန်ကုန်မှာ ဖက်ဈေးကောင်းတာကြောင့် မောင်တရုတ်ကို ဖက်ရောင်းဖို့ လွတ်ပါတယ်။ မောင်တရုတ်က ရန်ကုန်မြို့ဆိုတာ တစ်ခါမျှ မရောက်ဖူးလို့ ဘယ်လိုသွားရမလဲလို့ ပြောပါတယ်။
မိတုတ်က ပုတ်ကြီး ပုတ်သေးနှစ်လုံးကို ပြီးအောင်ရက်ပြီး ဖက်များကို အဆင်သင့်ထည့်ထားဖို့ပြော တယ်။ ဒါနဲ့ မောင်တရုတ်က ဇနီးဖြစ်သူခိုင်းတဲ့အတိုင်း လုပ်ပြီးလို့ ပြီးစီးတော့ ဘယ်လိုသွားရမလဲ လမ်းညွှန်တော့လို့ ပြောလိုက်တယ်။
မိတုတ်က ဟောသည်က သည်လိုသွား၊ ပုတ်ကြီးကို ရှေ့ကထား၊ သင်ညာအမှတ်အားဖြင့် ပုတ်ကြီးသွားရာကိုသာ အမြဲမှတ်လိုက်ပေတော့ ဆိုပြီး မောင်တရုတ်ကို ဖက်ရောင်းဖို့လွှတ်လိုက်ပါသတဲ့။
မောင်တရုတ်လည်း ထွက်လာလိုက်တာ ခရီးဝေးရောက်တော့ ပင်ပန်းလို့ပုတ်တွေချပြီးနားပါတယ်။ သူနားတဲ့အချိန်မှာ ခရီးသွားတွေက သူ့ပုတ်တွေက လမ်းပိတ်နေတယ်ဆိုပြီး ရွှေ့ထားလိုက်ကြတယ်။ ဒီတော့ ပုတ်ကြီးနဲ့ ပုတ်ငယ်က အရှေ့နဲ့ အနောက် ပြောင်းပြန်ဖြစ်သွားတယ်။
မောင်တရုတ်က တမှေးနိုးရာကနေထပြီး ပုတ်ကြီးအတိုင်းရှေ့ဆက်သွားပါတော့တယ်။ တဖြည်းဖြည်း ခရီးကြာလာတဲ့အခါ ပြည်မြို့ကိုပြန်ရောက်လာတော့တယ်။ သူ့စိတ်ထဲမှာ ရန်ကုန်က ပြည်မြို့နဲ့ မကွာလှပါလား။ ရွှေတိဂုံစေတီတော်ကြီးကလည်း ပြည်က ရွှေဆံတော်ကြီးအတိုင်းပါပဲလားလို့ ထင်မှတ်နေတယ်တဲ့။
ဒါနဲ့ ရပ်ကွက်ထဲတွေဝင်ပြီး ဖက်ရောင်းသတဲ့။ ရောင်းရင်က သူ့အိမ်နားရောက်လာတော့ ငါ့အိမ်နဲ့ တူပါလားပေါ့။ လှမ်းကြည့်လိုက်တော့ မိတုတ်က အိမ်ရှေ့ထွက်လာတာနဲ့ တိုးပါရော။ မိတုတ်က ငါ့ယောကျာ်း ဖက်ရောင်းသွားတာမြန်လိုက်တာ ဘယ်လိုဖြစ်ပါ့လိမ့်ဆိုပြီး အနားကပ်သွားတာ။
မောင်တရုတ်က မိတုတ်ကိုသေချာကြည့်ပြီး အမိရယ် အမိမှာ ညီအစ်မအရင်း အမွှာများရှိလားလို့ မေးတယ်။ မိတုတ်က ဘာပြောမလဲ နားထောင်ရင်း မရှိပါဘူးလို့ ဖြေသတဲ့။
အို ပြည်မြို့ ကျွန်တော့်မိန်းမနှင့် ပုံရူပအလွန်တူလွန်းလို့ပါ လို့ပြောသတဲ့။
အဲဒီအခါမှာ မယားမိတုတ်က ရုတ်တရက် သျှောင်ကိုဆွဲပြီး ဘယ်နှယ်ကြောင့် ပြည်ကိုပြန်ရောက်နေလဲ ဆိုပြီး ကျောပြင်ကို ဗြောတင်ပြီးထုတော့တာပါပဲ။ ဒီအခါ ဖိုးတရုတ်က-
မိုက်ပါဘိရှင်မရယ် ငါ့ကို ညည်းမလုပ်နဲ့။ ပုတ်ကြီးကိုသာ ဓားနဲ့ ခုတ်ပစ်လိုက်ပါတော့တဲ့။
ဆရာတော်က ဖိုးတရုတ်ဖက်ရောင်းပုံပမာဟောပြီး မင်းတို့ ကံ-ဒွါရရှုပ်နည်းမှာလည်း ပုတ်ကြီးကို ဓားနှင့်ခုတ်ပစ်လိုက်မှ ငြိမ်းတော့မယ်ထင်သည်ဟု ဟောမိန့်ခဲ့ပါတယ်။
(၆)
ပြည်သူ့အရေး၊ ပြည်သူ့အတွက်၊ ဒီမိုကရေစီ၊ လူသားအခွင့်အရေး၊ နိုင်ငံအကျိုးဆိုပြီး တစ်ပါတီနဲ့ တစ်ပါတီ အပြိုင်အော်လိုက်ကြ၊ ပြီးတော့ရန်ဖြစ်လိုက်ကြ။
တိုင်းရင်းသားတွေနဲ့ စည်းလုံးညီညွတ်ရေး၊ စစ်ပွဲတွေရပ်စဲရေး ဆွေးနွေးဝိုင်းတွေလုပ်လိုက်ကြ၊ ပြီးတော့ တဒိန်းဒိန်းတဒိုင်းဒိုင်း ပစ်လိုက်ကြ။
နိုင်ငံတော်ကြီးကို တကယ်ချစ်တာမှန်လျှင်၊ တကယ်တိုးတက်လိုတာမှန်လျှင် မတူတဲ့ နည်းလမ်းဝါဒ တွေ၊ အယူအဆတွေ၊ အတ္တတွေကို ခဏထားပြီး နိုင်ငံအကျိုးအတွက်တူတာတွေကို လက်တွဲ အကောင်အထည်ဖော်လိုက်ကြရင် ပိုကောင်းမယ်ထင်ပါတယ်။
ဒီလိုမှမဟုတ်ရင်တော့ ဆက်ပြီးရန်ဖြစ်နေကြမယ်၊ တစ်ဖွဲ့နဲ့တစ်ဖွဲ့ ပုတ်ခတ်ပြောဆိုနေကြမယ် ဆိုလျှင်ဖြင့် ပုတ်ကြီးကိုသာ ဓားနဲ့ခုတ်ပစ်လိုက်ပါတော့လို့သာ ဆိုရဖွယ်ရှိပါချေတော့တယ်။
မောင်ပိုင်
၉-၉-၂၀၁၃။
— with Yaung Ni Oo and 40 others.Clik here to view.
(၁)
ကျွန်တော်တို့မှာ ညီအစ်ကိုမောင်နှမသုံးယောက်ရှိတယ်။ ကျွန်တော်အထက်က အစ်မ၊ ကျွန်တော့် အောက်က ညီ၊ ကျွန်တော်က အလတ်ပေါ့။
ကျွန်တော့်ညီနဲ့ ကျွန်တော်က ၃ နှစ်ကျော်ကွာတယ်။ ဒါပေမယ့် သူ လေးငါးနှစ်ဖြစ်လာတဲ့အချိန်မှာ ကျွန်တော်နဲ့ရွယ်တူဖြစ်သွားတယ်။ ကျွန်တော်က ညှက်နေတာလေ။ ဒီတော့ အဖေအမေက အ၀တ်အစား ဆင်ရင် အတူတူဆင်တယ်။ ညီအစ်ကိုနှစ်ယောက် ၀တ်လိုက်ရင် ဆင်တူကများတယ်။ ဒီတော့ မသိတဲ့လူတွေက အမွှာလား အမြဲမေးကြတယ်။
ကျွန်တော်တို့ညီအစ်ကိုမောင်နှမ သုံးယောက်က ခပ်ငယ်ငယ် သိပ်တည့်လှတယ်မရှိဘူး။ ကျွန်တော်နဲ့ ကျွန်တော့်အစ်မကတော့ ရန်ဖြစ်တာ နည်းတယ်။ အဲ ကျွန်တော့်ညီကတော့ ရန်ပတ်ဖြစ်နေတာပဲ။ ကျွန်တော်နဲ့ ဖြစ်လိုက် အစ်မဖြစ်သူနဲ့ ရန်ဖြစ်လိုက်။
တစ်အိမ်ထဲက တစ်ဝမ်းတည်းမွေးတဲ့ မောင်နှမသုံးယောက်ဟာ ငယ်စဉ်က ရန်ဖြစ်ခဲ့ကြတာပါပဲ။
(၂)
ကျွန်တော်ကျောင်းသားဘ၀က ရန်ဖြစ်တယ်ဆိုတာ ခပ်ရှားရှားရယ်။ အဲ ဘောလုံးကန်တဲ့အခါမျိုးတွေ ဆိုရင်တော့ တစ်ခါတစ်လေရန်ဖြစ်တတ်တယ်။ နောက်ပိုင်းကြတော့ ရန်ဖြစ်ရတာ ရှက်လာသလို၊ အေးအေး ဆေးဆေးနေတဲ့အချိန်များလာတော့ ဘယ်သူ့နဲ့မှ ရန်မဖြစ်တော့ဘူး။
လုပ်ငန်းခွင်ဝင်တော့လည်း မတစ်ထောင်သားတွေနဲ့ တွေ့ကြုံဆက်ဆံရပါတယ်။ အယူအဆအတွေး အခေါ်မတူတာတွေ၊ ခံယူချက်မတူတာတွေ၊ နယ်မြေဒေသကွာခြားမှုအရ အပြောအဆို စရိုက်မတူတွေနဲ့ တွေ့ ကြုံရပါတယ်။ သို့သော်လည်း တစ်ယောက်နဲ့တစ်ယောက် စနောက်ပြီး အစလွန်လို့ စိတ်ဆိုးတာက လွဲလို့ ကြီးကြီးမားမား ရန်ဖြစ်တယ်ဆိုတာမရှိခဲ့ဖူးပါဘူး။
အော် ကျွန်တော့် မိန်းမနဲ့လား။ ပြောရင် ယုံမှာ မဟုတ်ဘူး။ ခုထိ ရန်မဖြစ်ဘူး။ စကားမပြောတာပဲ ရှိတယ်။ စိတ်ဆိုးရင် သူနဲ့ ကျွန်တော်က စကားမပြောတော့ဘူး။ ဒါပေမယ့် ကိုယ်လုပ်စရာရှိတာတွေကို အေးအေးဆေးဆေးလုပ်ကိုင်နေကြမြဲပဲ။ ထမင်းစားလည်း မျက်နှာချင်းဆိုင်ပဲ၊ အိပ်တော့လည်း တစ်အိပ်ယာထဲ အတူတူအိပ်တာပဲ။ ခွဲမအိပ်ဘူး။ ဒီလိုပုံစံနဲ့ တစ်ပတ်လောက် စကားမပြောပဲနေကြတာ။ ပြီးတော့လည်း ပြေလည်သွားတာပါပဲခင်ဗျ။
ဒါတွေကတော့ ကျွန်တော့် ငယ်စဉ်ကတည်းက လက်ရှိအချိန်အထိ အတွေ့အကြုံလေးတွေပေါ့ဗျာ။
အဲ နောက်တစ်ခုပြောစရာရှိတာက Facebook သုံးတဲ့အခါလည်းဒီလိုပဲ။ အယူအဆသဘောထားခြင်း မတူတာတွေအများကြီးပဲ။ ကျွန်တော်ကလည်း သူများကို ပြောစရာရှိရင်ပြောလိုက်တာပဲ။ စိန်ခေါ်ရန်စတဲ့ စကားလုံးမျိုးတစ်ခါမှမသုံးဘူး။
ကျွန်တော်ရေးတဲ့ စာတွေကို ဝေဖန်သူတွေလည်းရှိတာပဲ။ ဒါကိုကျွန်တော်က ဘယ့်နယ်မှမနေပါဘူး။ ဘာလို့လဲ ဆိုရင် ကျွန်တော်ကိုက အဝေဖန်ခံချင်တာကိုး။
(၃)
တစ်ခွက်တည်းနဲ့ ဘယ်ဟင်းမှ မကောင်းနိုင်ဘူး။ တစ်ခွက်တည်းနဲ့လဲ ဆွမ်းတစ်ပွဲဖြစ်တာ မဟုတ်ဘူး၊ ပွဲထဲမှရှိသမျှ ဘယ်ဟင်းမဆို သူ့ဟာနဲ့သူ အရေးပါတာချည်းပဲ။
(အမရပူရ တူမောင်းဆရာတော်)
လူရယ်လို့ဖြစ်လာရင် အပေါင်းအဖော်နဲ့ နေရမှာအမှန်ပါပဲ။ အဲဒီလို အပေါင်းအဖော်တွေနဲ့ ဆက်ဆံရတဲ့အခါ ကိုယ်နဲ့ သဘောထားခြင်းမတူတာတွေ အများကြီးပါ။ သဘောထားမတိုက်ဆိုင်လို့ လမ်းခွဲရ စတမ်းဆိုလျှင်လည်း တစ်ယောက်တည်းနေဖို့ပဲ ကျန်ပါတော့တယ်။
ကမ္ဘာကြီးပေါ်က နိုင်ငံတွေကိုကြည့်လိုက်ရင်လည်း အသားအရောင်တွေ၊ ဘာသာတရားတွေ၊ ခံယူချက်တွေကြောင့် ကွဲပြားနေတာတွေအများကြီးပါ။ တစ်ဝမ်းထဲမွေးတဲ့ ကျွန်တော်တို့ မောင်နှမတွေတောင် ရန်ဖြစ်တတ်သေးတာ ဆိုတော့မဆန်းလှပါဘူး။
သို့သော် ဒီလိုပဲ ဆက်ရန်ဖြစ်နေကြမယ်ဆိုရင် ကျွန်တော်တို့ မိသားစုလေးဟာ သာယာချမ်းမြေ့ဖို့ မကောင်းသလို ကမ္ဘာကြီးပေါ်က တစ်နိုင်ငံနဲ့ တစ်နိုင်ငံ ရန်စမီးတွေနဲ့ လောင်မြိုက်နေကြရင် ကမ္ဘာကြီးကတော့ အစိတ်စိတ်အမွှာမွှာကွဲသွားမှာ အမှန်ပါပဲ။
မှတ်တမ်းတင်သလောက်ထဲမှာ ပထမကမ္ဘာစစ်၊ ဒုတိယကမ္ဘာစစ်ဖြစ်လိုက်ကြတာ။ ဒီအရင် ရှေ့ကလည်း တစ်ယောက်နဲ့တစ်ယောက် ခံယူချက်ခြင်းမတူလို့ ဘယ်လောက်ထိဖြစ်ခဲ့ကြတယ်ဆိုတာ ကျွန်တော်တော့ မသိခဲ့လို့ပါ။ ဖြစ်ခဲ့ကြမှာပါပဲ။
လက်ရှိ နိုင်ငံတကာအခြေအနေမှာလည်း တစ်နိုင်ငံနဲ့တစ်နိုင်ငံက ခပ်ယဲ့ယဲ့ရယ်။ မှားတာနဲ့ သူထက်ငါ ဦးအောင် ဆောင်ရွက်နိုင်ဖို့ ပြင်ဆင်နေကြတာပါ။ နိုင်ငံတစ်နိုင်ငံထဲမှာပဲကြည့် အစိုးရနဲ့ အတိုက်အခံပါတီ၊ ပြီးတော့ပြည်သူ အကွဲကွဲ အပြဲပြဲနဲ့ နိုင်ငံတကာရေးရာတွေကလည်း တည်ငြိမ်မှုမရှိကြပါဘူး။
ကျွန်တော်စဉ်းစားမိတယ် တကယ်လို့များ လပေါ်မှာပဲဖြစ်ဖြစ်၊ အင်္ဂါဂြိုလ်ပေါ်မှာပဲဖြစ်ဖြစ် ကျွန်တော်တို့ ကမ္ဘာကြီးပေါ်ကလူတွေလို သက်ရှိတွေများရှိနေကြရင် လနဲ့ ဒီကမ္ဘာ၊ ဒီကမ္ဘာနဲ့ အင်္ဂါဂြိုလ်၊ အင်္ဂါဂြိုလ်နဲ့လ ပတ်လည်ရိုက်ပြီး တိုက်ပွဲတွေများ ဖြစ်နေကြမလား မသိဘူးနော်။
(၄)
မြန်မာ့သမိုင်းစဉ်ကိုကြည့်ရင်လည်း ဖြစ်လိုက်ကြတဲ့ စစ်ပွဲတွေအများကြီးပဲ။
ကွဲလိုက်ကြတဲ့ ကွဲပြဲမှုတွေကလည်း အဆုံးမသတ်နိုင်အောင်ပါ။ စည်းလုံးညီညွတ်မှုမရှိပဲ ရန်ဖြစ်နေကြ လို့ကျွန်တော်တို့ နိုင်ငံကြီးက သူ့ကျွန်လက်အောက်လည်း ကျရောက်ခဲ့ပြီးပါပြီ။
ဒီလို သူ့ကျွန်လက်အောက်ကနေ လွတ်မြောက်ဖို့ ကြိုးစားကြရမှာလည်း တိုင်းရင်းသားစည်းလုံး ညီညွတ်ရေးကို မနည်းတည်ဆောက်ယူခဲ့ကြရတာပါ။
မြေပြန့်နဲ့ တောင်ပေါ်၊ ကချင်၊ ကရင်၊ ရှမ်း၊ ဗမာ တစ်စိတ်ရှိနဲ့ ဖြစ်ခဲ့ကြရတာကနေ ပင်လုံရဲ့ စိတ်တွေကြောင့် ပြန်လည်ပေါင်းစည်းခဲ့ကြရတာပါ။ ဒီလိုမှ မပေါင်းစည်းပဲ သူတစ်လူ ငါတစ်မင်းနဲ့ အယူအဆ သဘောထား လွဲမှားတွေနဲ့ နေခဲ့ကြရင် မြန်မာနိုင်ငံဆိုတဲ့ မြေပုံကြီးက အင်္ဂါမစုံတဲ့ လူတစ်ယောက်လို ဖြစ်နေမှာ အမှန်ပါပဲ။
ဦးဘဂျမ်းရဲ့ ကာကွန်းလေးတစ်ခု ဖတ်ခဲ့ရဘူးပါတယ်။
လူနှစ်ယောက်စကားပြောနေတာပါ။ တစ်ယောက် မင်းနဲ့ငါ နှစ်ယောက်ရှိတယ်။ ဒီတော့ ငါက တစ်ဖက် မင်းကတစ်ဖက်၊ မင်းနဲ့ငါက တစ်ဖက်ဆိုပြီး အုပ်စုသုံးစု ခွဲရအောင်တဲ့။
ဖဆပလ နှစ်ခြမ်းကွဲတယ်။ ဖဆပလနဲ့ ကွန်မြူနစ်ကွဲတယ်။ ကွန်မြူနစ်တွေက တစ်ဖွဲ့တည်းကို ထပ်ကွဲပြန်တယ်။ အောင်ဆန်း-အက်တလီစာချုပ်ချုပ်တော့ သဘောမတူဆိုပြီး ဦးစောနဲ့ သခင်ဗစိန်က လက်မှတ်မထိုးဘူး။ တိုင်းပြည်က လူတစ်ချို့ကလည်း လွတ်လပ်ရေးဆိုတာ တောင်းယူရတာမဟုတ်ဘူး၊ တိုက်ယူရတာကွဆိုပြီး ကွဲကြပြန်ပါလေတော့တယ်။
ကွန်မြူနစ်ဝါဒ၊ ဆိုရှယ်လစ်ဝါဒတွေနဲ့ ၀ါဒအမျိုးမျိုးကွဲပြီး ဖြစ်လာလိုက်ကြတာ ခုဒီမိုကရေစီနိုင်ငံတော် သစ်ကြီးချီတက်နေပါတယ် ဆိုတဲ့ အချိန်မှာရော ငြိမ်သွားကြပါပြီလား။
သာသနာရေးမှာလည်း အရင်က ရွှေကျင်ဂိုဏ်း၊ သုဓမ္မာဂိုဏ်းတွေဆိုပြီကွဲသွားလိုက်ကြပါသေးတယ်။ ပြီးတော့ တရားအားထုတ်ပါတယ်ဆိုတဲ့၊ တရားအလုပ်လုပ်ပါတယ်ဆိုတဲ့ ဒကာ၊ ဒကာမများကလည်း မိုးကုတ် နည်း၊ သဲအင်းဂူနည်း၊ ဝေဘူနည်း၊ မဟာစည်နည်းတွေနဲ့ တရားရဖို့ကျင့်ကြံတာခြင်းအတူတူကို ရန်ဖြစ်နေတတ် ကြပါသေးတယ်။ နည်းစနစ်ကွဲတာကိုပဲ သူနည်းအမှန် ငါ့နည်းအမှန်ဆိုပြီး ပြောဆိုကြပါတယ်။
လက်ရှိအချိန်ကာလမှ သမာသမတ်ကြတဲ့၊ ဂုဏ်ရှိန်ဝါကြီးမှလှတဲ့၊ တရားနည်းလည်းကြလှတဲ့ ဆရာတော်ကြီးတွေရဲ့ လမ်းညွှန်မှုတွေကြောင့် ပေါင်းစည်းညီညွတ်သွားကြတာပါ။
နိုင်ငံရေးလောကမှာ ဦးဆောင်ဦးရွက်ပြုသူတွေက တစ်ဦးနဲ့တစ်ဦးခံယူချက်ခြင်းမတူလို့ တစ်ပါတီနဲ့ တစ်ပါတီချနေကြရင် ဖာရာထေးရာတွေနဲ့ မြန်မာပြည်ကြီး ဖြစ်မှာမလွှဲပါဘူး။
သြော် မြန်မာလူမျိုးများက ခွဲရ၊ ကွဲရတာ ၀ါသနာကြီးပုံရပါတယ်။ ပြီးတော့ ကြားဖူးတာလေး တစ်ခုသတိ ရမိပြန်ပါတယ်။
အစ္စလာမ်နှစ်ယောက်စုမိရင် ဗလီတစ်လုံးဆောက်ဖို့ မခက်ခဲဘူး၊ ခရစ်ယာန်နှစ်ယောက်စုမိရင် ချက် ကျောင်းတစ်ကျောင်းဖြစ်ဖို့ မခက်ခဲဘူးတဲ့။ အဲ မြန်မာလူမျိုး နှစ်ယောက်စုမိရင်တော့ ရန်ဖြစ်ဖို့ ၀န်မလေးဘူးတဲ့ ဗျ။ ဟုတ်ကဲ ကိုယ့်ပေါင်ကိုယ်လှန်ထောင်းလို့ သာသာလေးထောင်တာမကောင်းပါဘူး။ နာနာလေးထောင်းရ တာက အကြောအခြင်ပြေမလားလို့ပါ။
(၅)
တစ်ခါက သင်္ဂဇာဆရာတော်ဘုရားကြီး ဟင်္သာတမြို့သို့ တရားဟောကြွရောက်ခဲ့ပါတယ်။ အဲဒီအချိန်က ဟင်္သာတမြို့မှာ ကံ-ဒွါရဂိုဏ်း အယူကွဲနေချိန်ဖြစ်ပါတယ်။
ဆရာတော်ဘုရားကြီးကို ကံဖက်က ဒါယကာများရော၊ ဒွါရဘက်က ဒါယကာများပါ ဆရာတော့ထံ ဆည်းကပ်ခစားကြပါတယ်။ အဲဒီမှာ ကံ-ဒွါရ ကွဲတာတွေကို လျှောက်တင်ကြပါတယ်။
ဆရာတော်က မင်းတို့ ကံ-ဒွါရ နှစ်မျိုးရှုပ်တာက ဘိုးတရုတ် ဖက်ရောင်းသွားသကဲ့သို့ ရှိပေသည်လို့ မိန့် တော်မူပါတယ်။ ဒါယကာတွေရဲ့ လျှောက်တင်မှုကြောင့် ဘိုးတရုတ်ဖက်ရောင်းသွားတဲ့ ဥပမာကို ဟောကြေား တော်မူပါတယ်။
တစ်ခါက ပြည်မြို့မှာ မောင်တရုတ်နဲ့ ဇနီးဖြစ်သူ မိတုတ်ဆိုတာရှိပါတယ်။ ဇနီးဖြစ်သူမိတုတ်က ရန်ကုန်မှာ ဖက်ဈေးကောင်းတာကြောင့် မောင်တရုတ်ကို ဖက်ရောင်းဖို့ လွတ်ပါတယ်။ မောင်တရုတ်က ရန်ကုန်မြို့ဆိုတာ တစ်ခါမျှ မရောက်ဖူးလို့ ဘယ်လိုသွားရမလဲလို့ ပြောပါတယ်။
မိတုတ်က ပုတ်ကြီး ပုတ်သေးနှစ်လုံးကို ပြီးအောင်ရက်ပြီး ဖက်များကို အဆင်သင့်ထည့်ထားဖို့ပြော တယ်။ ဒါနဲ့ မောင်တရုတ်က ဇနီးဖြစ်သူခိုင်းတဲ့အတိုင်း လုပ်ပြီးလို့ ပြီးစီးတော့ ဘယ်လိုသွားရမလဲ လမ်းညွှန်တော့လို့ ပြောလိုက်တယ်။
မိတုတ်က ဟောသည်က သည်လိုသွား၊ ပုတ်ကြီးကို ရှေ့ကထား၊ သင်ညာအမှတ်အားဖြင့် ပုတ်ကြီးသွားရာကိုသာ အမြဲမှတ်လိုက်ပေတော့ ဆိုပြီး မောင်တရုတ်ကို ဖက်ရောင်းဖို့လွှတ်လိုက်ပါသတဲ့။
မောင်တရုတ်လည်း ထွက်လာလိုက်တာ ခရီးဝေးရောက်တော့ ပင်ပန်းလို့ပုတ်တွေချပြီးနားပါတယ်။ သူနားတဲ့အချိန်မှာ ခရီးသွားတွေက သူ့ပုတ်တွေက လမ်းပိတ်နေတယ်ဆိုပြီး ရွှေ့ထားလိုက်ကြတယ်။ ဒီတော့ ပုတ်ကြီးနဲ့ ပုတ်ငယ်က အရှေ့နဲ့ အနောက် ပြောင်းပြန်ဖြစ်သွားတယ်။
မောင်တရုတ်က တမှေးနိုးရာကနေထပြီး ပုတ်ကြီးအတိုင်းရှေ့ဆက်သွားပါတော့တယ်။ တဖြည်းဖြည်း ခရီးကြာလာတဲ့အခါ ပြည်မြို့ကိုပြန်ရောက်လာတော့တယ်။ သူ့စိတ်ထဲမှာ ရန်ကုန်က ပြည်မြို့နဲ့ မကွာလှပါလား။ ရွှေတိဂုံစေတီတော်ကြီးကလည်း ပြည်က ရွှေဆံတော်ကြီးအတိုင်းပါပဲလားလို့ ထင်မှတ်နေတယ်တဲ့။
ဒါနဲ့ ရပ်ကွက်ထဲတွေဝင်ပြီး ဖက်ရောင်းသတဲ့။ ရောင်းရင်က သူ့အိမ်နားရောက်လာတော့ ငါ့အိမ်နဲ့ တူပါလားပေါ့။ လှမ်းကြည့်လိုက်တော့ မိတုတ်က အိမ်ရှေ့ထွက်လာတာနဲ့ တိုးပါရော။ မိတုတ်က ငါ့ယောကျာ်း ဖက်ရောင်းသွားတာမြန်လိုက်တာ ဘယ်လိုဖြစ်ပါ့လိမ့်ဆိုပြီး အနားကပ်သွားတာ။
မောင်တရုတ်က မိတုတ်ကိုသေချာကြည့်ပြီး အမိရယ် အမိမှာ ညီအစ်မအရင်း အမွှာများရှိလားလို့ မေးတယ်။ မိတုတ်က ဘာပြောမလဲ နားထောင်ရင်း မရှိပါဘူးလို့ ဖြေသတဲ့။
အို ပြည်မြို့ ကျွန်တော့်မိန်းမနှင့် ပုံရူပအလွန်တူလွန်းလို့ပါ လို့ပြောသတဲ့။
အဲဒီအခါမှာ မယားမိတုတ်က ရုတ်တရက် သျှောင်ကိုဆွဲပြီး ဘယ်နှယ်ကြောင့် ပြည်ကိုပြန်ရောက်နေလဲ ဆိုပြီး ကျောပြင်ကို ဗြောတင်ပြီးထုတော့တာပါပဲ။ ဒီအခါ ဖိုးတရုတ်က-
မိုက်ပါဘိရှင်မရယ် ငါ့ကို ညည်းမလုပ်နဲ့။ ပုတ်ကြီးကိုသာ ဓားနဲ့ ခုတ်ပစ်လိုက်ပါတော့တဲ့။
ဆရာတော်က ဖိုးတရုတ်ဖက်ရောင်းပုံပမာဟောပြီး မင်းတို့ ကံ-ဒွါရရှုပ်နည်းမှာလည်း ပုတ်ကြီးကို ဓားနှင့်ခုတ်ပစ်လိုက်မှ ငြိမ်းတော့မယ်ထင်သည်ဟု ဟောမိန့်ခဲ့ပါတယ်။
(၆)
ပြည်သူ့အရေး၊ ပြည်သူ့အတွက်၊ ဒီမိုကရေစီ၊ လူသားအခွင့်အရေး၊ နိုင်ငံအကျိုးဆိုပြီး တစ်ပါတီနဲ့ တစ်ပါတီ အပြိုင်အော်လိုက်ကြ၊ ပြီးတော့ရန်ဖြစ်လိုက်ကြ။
တိုင်းရင်းသားတွေနဲ့ စည်းလုံးညီညွတ်ရေး၊ စစ်ပွဲတွေရပ်စဲရေး ဆွေးနွေးဝိုင်းတွေလုပ်လိုက်ကြ၊ ပြီးတော့ တဒိန်းဒိန်းတဒိုင်းဒိုင်း ပစ်လိုက်ကြ။
နိုင်ငံတော်ကြီးကို တကယ်ချစ်တာမှန်လျှင်၊ တကယ်တိုးတက်လိုတာမှန်လျှင် မတူတဲ့ နည်းလမ်းဝါဒ တွေ၊ အယူအဆတွေ၊ အတ္တတွေကို ခဏထားပြီး နိုင်ငံအကျိုးအတွက်တူတာတွေကို လက်တွဲ အကောင်အထည်ဖော်လိုက်ကြရင် ပိုကောင်းမယ်ထင်ပါတယ်။
ဒီလိုမှမဟုတ်ရင်တော့ ဆက်ပြီးရန်ဖြစ်နေကြမယ်၊ တစ်ဖွဲ့နဲ့တစ်ဖွဲ့ ပုတ်ခတ်ပြောဆိုနေကြမယ် ဆိုလျှင်ဖြင့် ပုတ်ကြီးကိုသာ ဓားနဲ့ခုတ်ပစ်လိုက်ပါတော့လို့သာ ဆိုရဖွယ်ရှိပါချေတော့တယ်။
မောင်ပိုင်
၉-၉-၂၀၁၃။