“တန်ပြန်ရေငုပ်သင်္ဘောစစ်ဆင်ရေး” ... အပိုင်း(၃)

 

“တန်ပြန်ရေငုပ်သင်္ဘောစစ်ဆင်ရေး” ... အပိုင်း(၃)
-----------------------------------------------------
ဒုတိယကမ္ဘာစစ်အစပျိုးကာလ နှင့် ရေဒါစနစ်

ဒုတိယကမ္ဘာစစ် ကာလအတွင်းတွင် ရေငုပ်သင်္ဘောတပ်ဖွဲ့များ၏ ခြိမ်းခြောက်မှုမှာ တစ်ဖန်ပြန်လည် အသက်ဝင်လာခဲ့သည်။ နိုင်ငံ၏ အထွေထွေ လိုအပ်ချက်များအတွက် ရေကြောင်းထောက်ပံ့မှုအပေါ် မှီတည်နေရသော ကျွန်းနိုင်ငံများဖြစ်သည့် ဗြိတိသျှနှင့် ဂျပန်နိုင်ငံတို့သည် ရေငုပ်သင်္ဘော များ၏ ခြိမ်းခြောက်မှုကို အထူးအာရုံစိုက်ခဲ့ရသည်။ သို့သော်လည်း Anti-Submarine Warfare အတွက် ကြိုတင်ပြင်ဆင်မှုများ အားနည်းခဲ့သလို တီးထွင်ဆန်းသစ်မှုများလည်း အရာမထင် ဖြစ်ခဲ့ကြသည်။ စစ်ကြီးမစတင်မီအချိန်ကပင် ဂျာမန်ရေတပ်၏ U-boat အေ၇အတွက်မှာ တစ်ဟုန်ထိုး တိုးတက်လာခဲ့ပြီး Submarine အများဆုံးပိုင်ဆိုင်သော ရေတပ်အဖြစ် ရပ်တည်နေပြီ ဖြစ်သည်။
စစ်၏အစောပိုင်းကာလများတွင် စစ်ရေယာဉ်များအနေဖြင့် Sonar ဖြင့်ထောက်လှမ်းပြီး Depth Charge များ ပစ်ချတိုက်ခိုက်ရန်မှလွဲကာ မည်သည့်နည်းလမ်းမျှ မရှိခဲ့ကြပေ။ Sonar များကလည်း ထင်သလောက် အရာမရောက်ခဲ့သည့်အပြင် ဂျာမန် U-boat များက စစ်နည်းဗျုဟာမြောက် ညအချိန်ကိုရွေးချယ် ကာ ရေမျက်နှာပြင်သို့တက်၍ တော်ပီဒိုဖြင့်တိုက်ခိုက်ခဲ့ကြသဖြင့် ၄င်းတို့ကိုထောက်လှမ်းရန် အလွန်ပင် ခက်ခဲခဲ့သည်။ US Navy နှင့် Royal Navy က Indicator Loops များကို တိုးတက်အောင်လုပ်ခဲ့ပြီး ပင်လယ်ဆိပ်ကမ်းများတွင် တပ်ဆင်ခဲ့သော်လည်း ကန့်သတ်ချက်များသောစနစ်ဖြစ်၍ Sonar လောက် အရာမရောက်ခဲ့ပေ။

သို့သော် စစ်အတွင်းရေဒါစနစ်များ တိုးတက်လာခြင်းက ရေငုပ်သင်္ဘောများ၏ တိုက်ပွဲဒီရေကို ပြောင်းလဲလာစေခဲ့သည်။ရေဒါများကြောင့် အဝေးမှထောက်လှမ်း သိရှိလာပြီး ကြိုတင်ချေမှူန်း တိုက်ခိုက်နိုင်ခြင်းကြောင့် ဂျာမန် U-boat များ ပစ်မှတ်အနီးသို့ချဉ်းကပ်ပြီး တော်ပီဒိုများဖြင့်တိုက်ခိုက်ရန် အထူးခက်ခဲလာခဲ့သည်။ မဟာမိတ်တပ်များအနေဖြင့် ဝေဟင်မှထောက်လှမ်းသော Airborne Radar များ စတင်အသုံးပြုလာပြီး လိူင်းအလျား ၁.၇ မီတာရှိကာ ထောက်လှမ်းနိုင်စွမ်း အကန့်အသတ်ရှိခဲ့သည်။ ဂျာမန်တို့ကလည်း ၄င်းတို့၏ U-boat များတွင် Metox ဟု အမည်ပေးထားသော တန်ပြန်ရေဒါထောက်လှမ်းရေးစနစ်များ တပ်ဆင်ခဲ့သည်။ သို့သော်မဟာမိတ်များက ရေဒါစနစ်များဖြင့် အစားထိုးလိုက်သောအခါ ထို Metox လည်း အသုံးမ၀င်တော့ချေ။ ဂျာမန်တို့က Naxox ဟုအမည်ပေးထားသော စနစ်ကို တပ်မံတီထွင်ခဲ့သော်လည်း Range အလွန်နည်းသဖြင့် U-boat များအနေဖြင့် ရှောင်တိမ်းရန် အချိန်နည်းပါးခဲ့သည်။ ၁၉၄၃-၁၉၄၅ ခုနှစ် ကာလများအတွင်း မဟာမိတ်တပ်ဖွဲ့များ၏ U-boat များအား တိုက်ခိုက်ဖျက်ဆီးနိုင်မှုအများစုမှာ Airborne Radar အကူအညီကြောင့်ဖြစ်သည်။ စစ်အတွင်း ထိုကဲ့သို့ ဝေဟင်မှ ထောက်လှမ်းစစ်ဆင်သော နည်းဗျုဟာကို Convoy များကို ကာကွယ်ရန်၊ Wolf Packs ဟု နာမည်ပေးခေါ်ဝေါ်ကြသော U-Boat အုပ်စုများကို ရှာဖွေတိုက်ခိုက်ရန်နှင့် အရေးကြီးစစ်ရေယာဉ်များကို လိုက်ပါစောင့်ရှောက်ရန် အသုံးပြုခဲ့သည်။

 

တိုးတက်ပြောင်းလဲလာသော ASW နည်းနာနှင့် ရေယာဉ်ပုံစံအယူအဆများ

ဒုတိယကမ္ဘာစစ်အတွင်းတွင် မဟာမိတ်ရေတပ်များ၏ ASW စစ်နည်းဗျူဟာနှင့် နည်းစနစ်များ အလျင်အမြန်တိုးတက်လာခဲ့ပြီး လက်နက်အသစ်များစွာကိုလည်း တီထွင်နိုင်ခဲ့သည်။ ရေယာဉ်များအနေဖြင့် အုပ်စုဖွဲ့သွားလာခြင်းဖြင့် တိုက်ခိုက်ခံရမှုကို လျော့နည်းလာစေခဲ့သည်။ ထို Convoy အစုများကို စစ်ရေယာဉ်များက လိုက်ပါစောင့်ရှောက်ခြင်းဖြင့် နိုင်ငံ၏ စီးပွားရေးသွေးကြောကို မပြတ်တောက်စေရန် ကြိုးပမ်းနိုင်ခဲ့သည်။ Convoys များကို လိုက်ပါစောင့်ရှောက်ရန် ဖျက်သင်္ဘောထက် ပိုမိုတွက်ချေကိုက်သောဖရီးဂိတ်များနှင့် ရေယာဉ်ငယ်များကို အများအပြား တည်ဆောက်ခဲ့သည်။ ကော်ဗတ်ရေယာဉ်များကို Merchant Shipyard များတွင် တည်ဆောက်နိုင်အောင် ရိုးရှင်းစွာပြင်ဆင်ခဲ့ပြီး အရေအတွက်ကို ဦးစားပေးခဲ့ကြောင်း တွေ့ရသည်။ စစ်ရေယာဉ်များတွင် လေယာဉ်ငယ်များတင်ဆောင်နိုင်ရန် ကြိုးပမ်းခဲ့ပြီး Merchant Aircraft Carrier များပေါ်ထွက်လာကာ နောက်တွင် Escort Carrier များအဖြစ်သို့ Platform တစ်ခုအဖြစ် တိုးတက်လာခဲ့သည်။

ထိုသို့ ပြောင်းလဲတိုးတက်လာသော ကုန်တင်စစ်ရေယာဉ်များကြောင့် ဂျာမန် U-boat များအနေဖြင့် ပစ်မှတ်ကိုဖျက်ဆီးရန် ပိုမိုခက်ခဲလာပြီး ရေငုပ်သင်္ဘောရှိ Battery နှင့် Air Supply များ ကုန်ခမ်းလာသဖြင့် ရေမျက်နှာပြင်သို့ တတ်လာရချိန်များလာပြီး ပိုမိုတိုက်ခိုက် ခံရလာစေသည်။ ရေငုပ်သင်္ဘောများကို သီးသန့်လိုက်လံရှာဖွေသော စစ်ရေယာဉ်စု (Hunter Killer Groups) များပေါ်ထွက်လာပြီး နောင်တွင် ၄င်းတို့သည် Escort Carrier များကို ဗဟိုပြုလှုပ်ရှားလာသည်။တစ်ဖက်တွင်လည်း ဖျက်ဆီးခံရသော ရေယာဉ်အရေအတွက် တန်ချိန်ထက် ပိုမိုကျော်လွန်အောင် တည်ဆောက်ခဲ့ခြင်းဖြင့် U-boat များ၏ Primary Role ကို အဟန့်အတား ဖြစ်စေသည်။ ထို့ကြောင့်ပင် Tonnage War ဟု မဟာမိတ်တို့ကခေါ်သော ရေယာဉ်တည်ဆောက်မှုနှင့် နစ်မြုပ်ပစ်နိုင်မှုပြိုင်ပွဲတွင် မဟာမိတ်တို့ အသာစီးရခဲ့သည်။

လေယာဉ်များနှင့် ဆက်စပ်လက်နက်ပစ္စည်းကိရိယာများ တိုးတက်လာခြင်း

Atlantic Ocean တစ်ခုလုံးကို လက်လမ်းမှီစေရန် တာဝေးသွားနိုင်သော Long Range Bomber များ တီထွင်ထုတ်လုပ်နိုင်ခဲ့ပြီး ဂျာမန်ရေငုပ်သင်္ဘောစခန်းများကို ဗုံးကြဲဖျက်ဆီးနိုင်ခဲ့သည်။ ထို့ပြင် ရေငုပ်သင်္ဘော၏ ရေဒီယိုဆက်သွယ်မှုများမှတစ်ဆင့် ခြေရာခံသော High Frequency Direction Finder များ၊ ရေမျက်နှာပြင်ပေါ်ရှိ ရေငုပ်သင်္ဘောများကိုထောက်လှမ်းနိုင်သော သင်္ဘောတင် Radar များ၊ Airborne Radar များ၊ လေယာဉ်များပေါ်တွင် ရေငုပ်သင်္ဘော၏ Periscope မြင်ကွင်းကိုနှောက်ယှက်ရန်နှင့် ရှာဖွေရန် အသုံးပြုသည့် Leigh Light မီးဆလိုက်များ၊ သံလိုက်စက်ကွင်းမူမမှန်မှုကို ထောက်လှမ်းနိုင်သော Magnetic Anomaly Detector များ၊ Diesel Exhaust Sniffer များ၊ Sunobuoys များ တဆင့်ပြီးတဆင့် မြန်ဆန်စွာတိုးတက်လာပြီး ASW အခန်းကဏ္ဍတွင် အဓိကအားထား အသုံးပြုခဲ့ကြသည်။

 

ထို့အတူ Depth Charge များမှာ ယမ်းပေါင်ချိန် ၆၀၀ ခန့်အထိ ထည့်သွင်းနိုင်လာပြီး နောင်ပိုင်းတွင် TNT ယမ်းထက် 50% ပိုအားပြင်းသော Torpex Explosive များ သုံးလာကြသည်။ ရေယာဉ်၏ ဝဲ/ယာဘေးဘက်ကို ပစ်လွှတ်နိုင်သည့်အပြင် အရှေ့/အနောက်ပါပစ်နိုင်သော Depth Charge Motor များ ပေါ်ထွက်လာခဲ့သည်။ထို့ပြင် Mk-24 Mine ဟု သိကြသော လေယာဉ်မှကြဲချနိုင်သည့် Homing Torpedo များနှင့် ဂျာမန်တို့၏ Acoustic Homing Torpedo များကို တန်ပြန်နိုင်သည့် Acoustic Decoy ကဲ့သို့သော Countermeasures များ တီထွင်ထုတ်လုပ်နိုင်ခဲ့ကြသည်။ မဟာမိတ်များအနေဖြင့် ထောက်လှမ်းရေနည်းနာများ အသုံးပြု၍ ဂျာမန် U-boat ပေါ်မှ သိမ်းဆည်းရမိသော စကားဝှက်ဖေါ်စက်ဖြင့် ဂျာမန်တို့၏ ဆက်သွယ်ရေးစကားဝှက်များကို ဖော်နိုင်ခဲ့ပြီး ကြားဖြတ်နားထောင်မှုများ ပြုလုပ်နိုင်ခဲ့သည်။ ထိုအကြောင်းကို ဗြိတိသျှတို့က စစ်ကြီးပြီးသည်အထိ လျှို့ဝှက်ထားခဲ့ပြီး အနီအောက်ရောင်ခြည်သုံး ကင်မရာတစ်မျိုးဖြင့် ထောက်လှမ်းသည်ဟုသာ သတင်းလွှင့်ခဲ့သည်။ဂျာမန်တို့ကလည်း ထိုသတင်းကိုယုံကာ U-boat များကို အထူးသုတ်ဆေးများ သုတ်ခဲ့ကြသေးသည်။

စိုးသီဟအောင်