ဒီကိုရောက်လာခဲ့တာ ၁ လကျော်ကျော်လောက် ရှိလာပြီဆိုတော့ ဟိုနားဒီနား သွားတတ်လာတတ် .. ပတ်ဝန်းကျင်နဲ့လည်း နည်းနည်းပါးပါးထိစပ် ရင်းနှီးမှု ရှိလာပါပြီ ။
အရင်တခါတုန်းက ရေးခဲ့သလိုပဲ ကျနော်တို့ဒီမြို့ကို ရောက်ရောက်ချင်း စတင် ခင်မင်ရင်းနှီးခွင့် ရလိုက်သူ တွေဟာ ကရင်မိသားစုတွေပါ။ ကျနော်တို့ ရောက်လာတဲ့ညမှာ အပြေးရောက်လာပြီး အထုပ်အပိုးတွေ ကူညီသယ်ပို့ပေးတဲ့ အစ်ကိုကြီးက KNU တပ်မဟာ (၅) က စစ်သားဟောင်းကြီး တဦးဖြစ်တဲ့အကြောင်း နောက်ရက်တွေမှာ သူကိုယ်တိုင် ဖွင့်ပြောလို့ သိလိုက်ရပါတယ်။
သူ့ဇာတိဟာ ရွှေကျင်၊ ကျောက်ကြီးဘက် တောရွာလေးပါ။ သူ့ပုံက အသားဖြူဖြူ၊ ဝဖိုင့်ဖိုင့် ၊ ထောင်ထောင် မောင်းမောင်းနဲ့ စကားပြော တဲ့အခါ ကရင်ပီပီ တည့်တိုး ပြောတတ်သူ။ ကျနော်တို့ရောက်ပြီး နောက်နေ့မှာ သူ့အိမ်က ဆန်(၁၁)ကီလိုအိတ်၊ အသားထုပ်၊ ပဲစည်သွတ်ဘူး … စတဲ့ စားစရာတွေ သယ်လာပြီး ပေးပါတယ်။
အဲဒီရက်က သူအလုပ်ခွင့်ယူထားချိန်ဖြစ်လို့ စကားအေးအေး ပြောဖြစ်တဲ့အခါ သူတို့ရင်ထဲက ခံစားချက်လေး တွေ ပေါ်ထွက်လာတယ်။ သူတို့အနေနဲ့ ဒီရောက်လာတာကို သေတပန်သက်တဆုံး ဘဝအနာဂတ်လို့ သဘောမထားနိုင်ကြဘဲ … ဒီမှာ အလုပ်လုပ်ရင်း ရနိုင်သမျှ ငွေကြေးအရင်းအနှီးလေး စုဆောင်းပြီး … တချိန်ချိန်မှာ ဌာနေကို ပြန်ဖို့သာ အားသန်နေကြတာပါ။ ဒီမှာ အခြေတကျ အိမ်ဝယ်နေဖို့လည်း စိတ်ကူးထားပုံ မပေါ်ပါ။ “ငါ ငယ်ငယ်က ကျောင်းတက်နေတာ …. ၆ တန်းနှစ်ရောက်တော့ လယ်ထဲမှာ မိဘကိုကူလုပ်နေတုန်း သူများ ငါ့ကို ဖမ်းတယ်လေ …. အဲဒါနဲ့ တော်လှန်ရေးထဲမှာ ၁၈ နှစ်ကြာခဲ့တယ် … စစ်တိုက်လို့လည်း ဝပြီ… ငါ့မိသားစုနဲ့ ငါ့ရွာက ဘိုးဘွားပိုင်မြေမှာ …. ခြံစိုက်စားတော့မယ်” တဲ့။ သူ့မိဘ ဘိုးဘွားပိုင်တဲ့ တညင်းခြံ၊ ကျွဲကောခြံတွေ ရွာမှာရှိနေတုန်းလို့ သိရပါတယ်။
သူက ဝက်ရုံမှာ အလုပ်လုပ်ပါတယ်။ သားသမီးတွေ ဆင့်ကဲဆင့်ကဲ မွေးထားတာမို့ ကလေး ၆ ယောက် ရှိတယ်။ သူ့အမျိုးသမီး အနော(အစ်မ) ကတော့ အိမ်မှာချက်ရင်း ပြုတ်ရင်း ကလေးငယ်တွေ ကျောင်းကြို ကျောင်းပို့နဲ့ နေ့စဉ် အလုပ်ရှုပ်နေရသူပါ။ သူတို့လင်မယား ၂ ဦးလုံးက ဗမာစကား ကောင်းကောင်း ပြောတတ် တော့ ကျနော်တို့လည်း သူတို့အိမ်ကိုပဲ အများဆုံးသွားလည်ရင်း စကားပြောဖြစ်ပါတယ်။ ဒီမှာ ရှိနေသူ အများစုက အသားရုံမှာ အလုပ်လုပ်ကြတယ်။ နေ့စဉ်ရက်ဆက် ဆိုသလို အလုပ်ဆင်းကြရပြီး တပတ်မှာ တနင်္ဂနွေတရက်သာ အနားရကြတာပါ။ ရက်သတ္တ ၅ ပတ်လောက်မှ တကြိမ် စနေနေ့ပါ အနားရပါတယ်။
အလုပ်ထဲမှာ ဘယ်လောက်ပင်ပန်းသလဲ ဆိုတာတော့ သူတို့ လက်ဖဝါးတွေကို ကြည့်လိုက်ရုံနဲ့ အကဲခတ်လို့ ရနိုင်ပါတယ်။ အအေးခန်းထဲမှာ နာရီပေါင်းများစွာ စက်ရုပ်လိုအလုပ်လုပ်ထားရတဲ့ သူတို့ လက်ချောင်းလေးတွေရဲ့ လှုပ်ရှားမှုဟာ သွက်လက်ပျော့ပျောင်းမှု သိပ်မရှိတော့ပါ။ လက်ဖဝါးတွေမှာလည်း အကြောထုံးလို့ ခွဲစိတ်ထားရတဲ့ ဒဏ်ရာ ဒဏ်ချက်တွေနဲ့ ..။ အသားရုံမှာ အလုပ်လုပ်ရတာ ပင်ပန်းကြမ်းတမ်းပေမဲ့ တခြားနေရာတွေမှာ လုပ်ရ တာထက် ဝင်ငွေကောင်းတာကတကြောင်း၊ ကိုယ့်ပညာရေးအခြေအနေနဲ့ အလွယ်တကူ လက်လှမ်းတမီ ရှိတာက တကြောင်းမို့လား မသိ … ။ လုပ်တဲ့လူ များပါတယ်။
ကျနော် ဒီမြို့ကို ရောက်လာတာက ကမ့်ထဲမှာကတည်းက ညီအစ်ကိုရင်းပမာ ခင်မင်ရင်းနှီးနေတဲ့ ရခိုင်လူမျိုး သူငယ်ချင်းရဲ့ အိမ်လိပ်စာကို ပေးထားလိုက်လို့။ ဒါပေမဲ့ ဒီကို တကယ်ရောက်လာတဲ့အခါ သူငယ်ချင်းနေအိမ်နဲ့ မိနစ် ၂၀ လောက် ကားမောင်းမှ ရောက်နိုင်တဲ့ အကွာအဝေးမှာ နေရာချထားပေးတာဆိုတော့။ သူအလုပ်နားတဲ့ ရက်ရောက်မှ အိမ်ကိုလာနိုင်ပါတယ်။ သူလည်း ဝက်ရုံမှာ အလုပ်လုပ်တာ ၅ နှစ်နီးပါးရှိပါပြီ။ နောက် သူငယ်ချင်း တဦးကတော့ ချီကာဂိုပြောင်းသွားတာမို့ လူချင်းတွေ့ဖို့ခက်ခဲနေပြီး အခါအားလျော်စွာ ဖုန်းနဲ့စကားပြောရတာပဲ ရှိပါတယ်။
ကျနော်တို့ ရောက်လာပြီး ၂ ရက် ၃ ရက်လောက်အကြာမှာ သူငယ်ချင်းတို့မိသားစု ကျနော်တို့နေတဲ့ အခန်းကို ရောက်လာတယ် ..။ ၅ နှစ်လောက် ခွဲခွာနေခဲ့ရတဲ့ ကာလအတွင်း ပြောစရာ စကားတွေ မကုန်နိုင်အောင် ဖောင်ဖွဲ့နေပါတယ်။ စကားပြောနေရင်း တချက်တချက် သူ့မျက်နှာ ရှုံ့မဲ့ ညည်းတွားသံ ပေါ်ထွက်လာပြီး ခါးကို လက်ဖနောင့်နဲ့ ထောက်ထောက်နေတာ တွေ့ရလို့ “ဘာဖြစ်တာလဲ” မေးမိခါမှ … အလုပ်ဒဏ်ပိနေတဲ့ အဖြစ်ကို သိရတော့တယ်။ မိသားစု အသုံးစရိတ် လိုအပ်ချက်အရ စက်ရုံတခုထဲမှာပဲ လုပ်ခပိုပြီးရတဲ့ နေရာ တခုကို ပြောင်းရွှေ့လုပ်တာ … သိပ်မကြာသေးကြောင်းနဲ့ လုပ်ရတဲ့ အလုပ်နဲ့ အထာမကျသေးတာမို့ ကိုယ်လက် ကိုက်ခဲ နာကျင်နေတာလို့ သိရပါတယ်။ အဲဒီအလုပ်မှာ ကွာလဖိုင်းမဖြစ်ရင် အရင်နေရာ ပြန်ပို့ခံရ မှာစိုးလို့ ကျိတ်မှိတ်သည်းခံပြီး လုပ်နေတာဖြစ်ပါတယ်။ သူ့လက်တွေ ဖားခုံညှင်းကျောကုန်းလို ယောင်ကိုင်းနေပြီး … ခါးမှာလည်း ကိုယ်ကျပ် ခါးပတ် ဝတ်လျက်နဲ့ …။
သူလုပ်ရတာက ချိတ်နဲ့ ဇောက်ထိုးဆွဲ တွဲလောင်းချိတ်လျက်သား ရောက်လာတဲ့ ဝက်အသေကောင်ရဲ့ ရင်ဒူးရိုးကို စက်လွှနဲ့ ဖြတ်တောက်ဖွင့်ပစ်လိုက်ရတာပါ။ “စက်လွှလည်ပတ်ဖို့ လက်၂ ဖက်အားစိုက် ညှစ်ထားရတဲ့ အပြင် ခွဲရမယ့် နေရာ တိတိကျကျဖြစ်အောင်လည်း ထိန်းရသေးတာ…. လွှရာနည်းနည်း စောင်းသွားတာပဲဖြစ်ဖြစ် …. ရင်ဒူးရိုး အကုန်မပြတ်တာပဲ ဖြစ်ဖြစ် … အထက်နားကို နည်းနည်းလွန်သွားပြီး အူပေါက်တာပဲဖြစ်ဖြစ် စူပါဗိုက်ဇာက လာဆူပြန်ရော … အဲဒီတော့ အလုပ်လုပ်ရတာ ပင်ပန်းတဲ့အပြင် စိတ်ကလည်း လွတ်လပ်မှု မရှိ … ဖိစီးမှုတွေ တော်တော်များတယ်ဗျာ …” တဲ့။
ဝက်အသေကောင်တွေက အဆက်မပြတ်ရောက်လာနေပြီး ၁ မိနစ်ကို ၂၅ ကောင်နှုန်းလောက်ဖြတ်တယ် တဲ့။ သူနဲ့အတူ အခြားတယောက်လည်း ရှိနေတော့ ၁ မိနစ်အတွက် လူတယောက်ကို ဝက် ၁၂ ကောင် ဝန်းကျင် လုပ်ပေးနေရတဲ့သဘော။ တနေ့ အလုပ်ချိန် ၁၀ နာရီအတွင်း လူတယောက်ကို ဝက်ကောင်ရေ ခြောက်ထောင်ကျော် … ၂ ယောက်ပေါင်းဆိုတော့ တစ်သောင်းသုံးထောင်လောက် နေ့စဉ် သတ်ဖြတ်နေတဲ့ စက်ရုံ တရုံ လို့သိရပါတယ်။
လွန်ခဲ့တဲ့ ၂ ရက်လောက်တုန်းက သူငယ်ချင်းအလုပ်လုပ်တဲ့ စက်ရုံဆီကို သူနဲ့အတူ အဖော်လိုက်သွား ဖြစ်ခဲ့ပါတယ်။ သူက ကျန်းမာရေးမကောင်းလို့ အသည်းစစ်ဆေးမှုခံယူနေရပြီး … ဆေးရုံရက်ချိန်း မကြာခဏ ယူနေရတဲ့ ကြားထဲကပဲ အလုပ်ဆင်းနေသူပါ။ အဲဒါ အလုပ်ခွင်မှာ လုပ်နေရင်း ရုတ်တရက်အမောဖောက် လာလို့ ဆေးခန်းကို သတင်းပို့ ဆရာဝန်နဲ့တွေ့ဖို့ ရက်ချိန်းယူ … အိမ်မှာ အနားယူနေတုန်း … အလုပ်ထဲက မပြီးပြတ်သေးတဲ့ အုပ်ချုပ်မှုကိစ္စ ဆောင်ရွက်ဖို့သွားရင်း … ကျနော့်ကို အဖော်ခေါ်သွားတာပါ။ ကျနော်တို့ နေတဲ့မြို့ကနေ ၁ နာရီလောက် ကားစီးရတယ်…။ ဟိုင်းဝေးလမ်းပေါ်မှာ သွားရတာဖြစ်ပြီး စနိုးကျတဲ့အချိန်ဆို ယာဉ်မတော်တဆ တိမ်းမှောက်မှု တိုက်ခိုက်မှုတွေ မကြာခဏ ကြုံရသတဲ့။
ဟိုရောက်လို့ ကားပါကင်မှာ ကားထိုးရပ်ပြီး စက်ရုံဘက်ကို လျှောက်လာတယ်ဆိုရင်ပဲ … အထဲက ဆူဆူညံညံ ဝက်အော်သံတွေ ကြားနေရပါပြီ … ကျနော့်အတွက် ပထမဆုံး အတွေ့အကြုံဆိုပေမဲ့ … သူ့အတွက်က ဒီလိုဝန်းကျင်နဲ့ ယဉ်ပါးနေခဲ့တာ ၅ နှစ်နီးပါး ရှိနေပြီဆိုတော့ …. သူက ကျနော့်ဘက် လှည့်ပြီး တချက်ပြုံးပြပါတယ် …. ပြီးတော့ ပါးစပ်က ပြောလိုက်သေးတယ် … “ငရဲလောက ရောက်နေသလိုပဲ…” တဲ့။
ဆက်လျှောက်လာရင်း သူတို့လုပ်ငန်းခွင်ရှိရာ တံခါးပေါက်က ဝင်လိုက်ပြီး စားသောက်ခန်းထဲမှာ ကျနော့်ကို ခဏထားခဲ့ကာ သူလုပ်စရာရှိတာတွေ သွားလုပ်နေချိန် သူမိတ်ဆက်ပေးခဲ့တဲီ့းကိုယ့်နိုင်ငံသား ညီနောင်ဖွား တွေနဲ့ စကားပြောဖြစ်ခဲ့တယ် ။ သူတို့လက်ထဲမှာ ဓားသွေးတဲ့ သံမဏိချောင်းတွေကို ကော်ပတ်နဲ့ အလိုက်သင့် တိုက်ချွတ်ရင်း လုပ်ငန်းခွင်ဝင်ဖို့ အသင့်ပြင်ဆင်နေကြတာကို တွေ့ရပါတယ်။ နိုင်ငံတကာက လူမျိုးပေါင်းစုံ အသားအရောင်ပေါင်းစုံ စုပေါင်းအလုပ်ဝင်နေတဲ့ စက်ရုံကြီးတခုပါ။
သူတို့မျက်နှာတွေ ကြည့်ရတာ ခံစားချက်ပေါင်းစုံ ရောယှက်ပေါ်လွင်နေသလိုပဲ ..။ တချို့က မိတ်ဆွေများနဲ့ စားရင်းသောက်ရင်း ပျော်ပျော်ရွှင်ရွှင် … တချို့က သံမဏီချောင်းကိုပဲ အာရုံစိုက်သွေးနေတာလား … တစုံတခုကို စိတ်ခံပြင်းနေတာလား မဝေခွဲတတ်တော့ … ဘယ်သူ့ကိုမှ စကားမပြော လှည့်မကြည့်ဘဲ ကော်ပတ်ကို တွင်တွင်တိုက်နေတယ်။ တချို့ကတော့ တနေရာဆီ မျှော်ငေးလို့ …. တွေတွေကြီး စဉ်းစားခန်း ဝင်နေတဲ့ပုံ ..။ အချိန်တန်တော့လည်း ကိုယ်စီကိုယ်စီ ထမင်းဘူးလေးတွေ လွယ်လို့ လုပ်ငန်းခွင် ဝင်သွားကြ။
တနာရီလောက် ကြာတော့ ကျနော့်သူငယ်ချင်း ပြန်ရောက်လာတယ် …. စက်ရုံထဲက မထွက်ခင်မှာ သူအလုပ်ဝင်ရတဲ့ နေရာတဝိုက်ကို ကန့်လန့်ကာလေး အသာလှစ်ပြလို့ ကြည့်လိုက်ရသေးတယ် ….. ဦးခေါင်း မပြတ်တပြတ် တကောင်နဲ့ တကောင် ၃ ပေနီးပါး အကွာ ဇောက်ထိုးချိတ်ထားတဲ့ … ဝက်သေကောင်တွေကို လူ ၂ ယောက်က ဒိုင်ခံ ခေါင်းဖြတ်ပေးနေရတဲ့ နေရာပါ …. အဲဒီနေရာက ကျော်သွားရင် … ရင်ဒူးကို စက်လွှနဲ့ ခွဲရမယ့် နေရာရောက်ပြီပေါ့ …..။
သူ့ကားရပ်ထားတဲ့ နေရာဆီကို ပြန်လျှောက်လာရင်း ကျနော်ထိုင်းမှာ ရှိနေစဉ်က ဖုန်းထဲကနေ သူပြောခဲ့တဲ့ စကားသံလေးကို ပြန်ကြားယောင်နေမိတယ် ……။
“ဒီကိုရောက်လာပြီဆိုတော့ နှိုင်းယှဉ်ချက်အရ လူနေမှုအဆင့်အတန်း အတော်လေးမြင့်သွားပြီလို့ ပြောနိုင် တယ်ပေါ့ဗျာ … ဒါပေမဲ့ အဲဒါနဲ့ အတူ စိတ်ဖိစီးမှုလည်း ပိုခံစားလာရတယ်ဗျာ … အဲဒီမှာတုန်းက ဝါးကြမ်းခင်းပေါ် ခေါင်းပစ်ချလိုက်တာနဲ့ အိပ်ပျော်သွားတယ် … ဒီမှာ ဆိုဖာပေါ် အဲလိုအိပ်မပျော်နိုင်ဘူး ဖြစ်နေတယ် …. တလ တလ ကိုယ့်ဝင်ငွေနဲ့ အိမ်အသုံးစရိတ် .. လစဉ်ပေးရမယ့် Bill တွေ…. မျှတအောင် ဘယ်လိုစီမံရမလဲ … အမြဲတွေးနေရတယ် … ဒီလိုပြောလိုက်လို့ … ကျနော့်ကို .. အဲဒီနေရာ ပြန်လာနေမလား မေးရင်တော့လည်း …. “နိုး” လို့ ဖြေရမှာပဲ …. ဘာဖြစ်လို့လဲ ဆိုတော့ အဲဒီသောကဖိစီးနေတဲ့ ဘဝလေးကိုပဲ ခုံမင်နေမိလို့..” တဲ့။
ကျနော် ရောက်ခါစ ထိတွေ့ကြုံဆုံရတဲ့ အိပ်မက်ဘဝ နိဒါန်းကို မိတ်ဆွေများထံ မျှဝေပေးလိုက်တာပါ ….
ရွှင်လန်းချမ်းမြေ့နိုင်ကြပါစေ ….
နေမင်းသူ
၂၁-၁၂-၂၀၁၃